မင်္ဂလာပါ ဘလောဂ်ဂါ

တစ်ကမ္ဘာလုံးဆိုင်ရာ ဘလောဂ်ဂါတွေရဲ့ ကိုယ်စား
ကိုယ်တို့မြေရဲ့ ဘလောဂ်ဂါများကို
လေးစားစွာ နှုတ်ခွန်းဆက်လိုက်ပါရဲ့။
ယနေ့ကမ္ဘာမှာ
မရေရာမသေချာတာတွေဖယ်ထား
မှုန်မွှားမွှားေ၀၀ါးဝါးတွေမရှိ
ပကတိအတိုင်း ထိတွေ့ရသလို
တိုးလျှိုပေါက်ကို တွေ့မြင်ပတ်သက်ခွင့်ရခဲ့။
ပညာခေတ်ရဲ့ အိုင်တီနယ်ပယ်
ကျယ်ဝန်းသလောက်  နက်ရှိုင်း
လှိုင်းတွေ အဆင့်ဆင့်ပွား
ကမ္ဘာမခြား တစ်သားတည်းဖြစ်။
ဒီကာလ ပညာရှာ
မသိနိုင်တာ ဘာမှမရှိ
သိချင်တက်ချင်စိတ်သာ အရင်းခံထား
ဘာများသိချင်ပါသလဲ။
ဘလောဂ်တွေဖွင့် အသင့်တင်ပေးထားရဲ့
လိုချင်တာလား၊ သိချင်တာလား
လျှို့ဝှက်ခေတ်များ လွန်မြောက်
ဝေပေးတဲ့ခေတ်ရောက်နေပြီ
တစ်ယောက်သိအကုန်မျှ
တစ်ယောက်ရအကုန်ယူ
သာလည်းအတူ နာလည်းအတူ
ဝါသနာတူ စေတနာတူ
ဝေဒနာပါတူတဲ့ ဘလောဂ်ဂါတွေကိုယ်စား
ကိုယ်တို့မြေရဲ့ တာဝန်ကျေ ဘလောဂ်ဂါများကို
လေးစားစွာနှုတ်ခွန်းဆက်
ကမ္ဘာကြီးအတွက် ရှင်သန်စေ။

Happy New Year!

ဆောင်းဦးအ၀င်
အေးမြခြင်းရဲ့အစ
နှင်းမှုန်လေးတွေကျနေချိန်
ရင်ထဲက အပူမီးကို
မတားဆီးနိုင်ခဲ့ပါဘူး…
ဘ၀အမောတွေနဲ့
ပြည့်သိပ်နေတဲ့ငါ့ဘ၀
ဒီဆောင်းရာသီချိန်မှာ
ဘယ်လောက်ပင် အသည်းခိုက်အောင်
အေးနေပစေ
ရင်မှာ ဖြစ်တည် အပူမီးကို
ဘယ်သူ ကူငြိမ်းပေးမှာပ……

ဂျိမ်းလှကျော်၏ အတ္ထုပ္ပတ္တိ (၁၈၆၆ - ၁၉၂၀)

ဂျိမ်းလှကျော်သည် "ဂျိမ်း"ဟူသော ခရစ်ယာန်တို့၏ မျိုးရိုးစဉ်လာအမည်ကို
ခံယူထားစေကာမူ ဗုဒ္ဓဘာသာ မိဘများဖြစ်သော ဦးစွပ်၊ ဒေါ်ဆိုင်းတို့၏
သားဖြစ်သည်။ အမည်ရင်း မောင်လှကျော်ဖြစ်၏။ ဇာတိမှာ ရွှေကျင်မြို့ဖြစ်လေသည်။
ငယ်စဉ်တွင် အမိအဖများ ဆုံးသဖြင့် အဒေါ်ဖြစ်သူ ဒေါ်မျှင်က မွေးစားခဲ့သည်။
မွေးစားမိဘများဖြစ်သော ဦးညိုနှင့် ဒေါ်မျှင်တို့သည်လည်း မူလက
ဗုဒ္ဓဘာသာများဖြစ်၏။ နောက် ခရစ်ယာန်ဘာသာသို့ ကူးပြောင်းခဲ့ရာ
ဦးလှကျော်သည် "ဂျိမ်းလှကျော်"ဖြစ်ခဲ့၏။ (နောင်တွင်ကား ဗုဒ္ဓဘာသာသို့
ပြန်လည်ကူးပြောင်းသည်။) ရွှေကျင်အင်္ဂလိပ်မြန်မာ အစိုးရကျောင်း၊
ရန်ကုန်မြို့ ဆရာမှတ်ကျောင်း၊ ရန်ကုန်ဟိုက်စကူးကျောင်းတို့တွင်
ပညာသင်သည်။ ယခုခေတ် ဥပစာကောလိပ် ပညာအဆင့်ကို သင်ယူအောင်မြင်သည်။
အင်္ဂလိပ်စစ်တပ်တွင် စကားပြန်လုပ်သည်။ နောက် စာတော်ပြန်ဌာန၌ အမှုထမ်းသည်။
မြို့အုပ်စာမေးပွဲ၊ ရှေ့နေစာမေးပွဲများလည်း ဖြေဆိုအောင်မြင်သည်။
မြို့အုပ်၊ ငွေတိုက်ဝန်ထောက်၊ နယ်ပိုင်ဝန်ထောက် အလုပ်များလည်း
လုပ်ခဲ့သည်။ ရှေ့နေအဖြစ်လည်း ထင်ရှားသည်။ ဂီတအနုပညာ၌လည်း ၀ါသနာပါသည်။
ဆေးပညာ၌လည်း ၀ါသနာပါသည်။
"မောင်ရင်မောင် မမယ်မ" ၀တ္ထုအပြင် ၀တ္ထုတိုများ၊ ဆောင်းပါးများ၊
ဥပဒေကျမ်းများကိုလည်း ရေးခဲ့သည်။ ၀တ္ထုတစ်ပိုင်းတစတို့မှာ ရေးသားခဲ့ပြီး
ပုံမနှိပ်မီ ပျက်စီးသွားသော ၀တ္ထုများဖြစ်သည်ဟု သိရပေသည်။

BarCamp Yangon 2011 ကျင်းပရေးအတွက်

၂၀၁၁ ခုနှစ်တွင် ပြုလုပ်မည့် BarCamp Yangon အတွက် 12 ရက်နေ့ တွင် BAK
Centre တွင် ရှင်းလင်းပြောကြားသွားပါသည်။
ရန်ကုန်ပွဲကို ဖေဖော်ဝါရီ ၁၉ - ၂၀ တွင် Myanmar Info-Tech အဆောက်အဦတွင်
နံနက် ၉ နာရီမှ ညနေ ၆ နာရီထိ ကျင်းပသွားမည် ဖြစ်ကြောင်း သတင်းရရှိပါသည်။

ချစ်ခြင်းရနံ့တွေနှင့်အတူ

ဒီဇင်ဘာ ဆောင်းဦးအ၀င်
မြူတွေဆိုင်းစ ကာလမှာ
ပွင့်ကာစ ဆောင်တော်ကူးတွေရဲ့
ပန်းချီကားချပ်နှင့်အတူ
မြက်ပင်ရှည်ရှည်တွေ
လေယူရာယိမ်း ဖွေးလှုပ်နေတာ
ငေးကြည့်ရင်း ကျွန်မ ပျော်မိတယ်...
မမြင်နိုင်တဲ့ တစ်နေရာဆီက
သခင့်ရဲ့သတင်းကို ဆောင်ယူလာခဲ့
လေပြည်တွေဟာ
ကျွန်မကို နှုတ်ဆက်ပြီး
ကျောခိုင်းသွားကြတယ်လေ...
ကျွန်မရင်ထဲက
လှုပ်ရှားပျော်မွေ့ရင်း
ငှက်ကလေးတွေရဲ့ တေးဆိုသံဟာလည်း
နားထဲမှာ ချိုမြနေတယ်...
အရုဏ်ဦးကနေ
ကြယ်ကလေးတွေ မြင်ရသည်အထိ
သဘာဝရဲ့ အလှတရားတွေကို
ကျွန်မ ခံစားနေမိတယ်....
ကျွန်မ သိခွင့်မရှိတဲ့ တစ်ချိန်ချိန်မှာ
ကျွန်မအတွက်
တောက်ပတဲ့နေ့ရက်တွေ
ရောက်လာတော့မယ်ဆိုတာ
ကျွန်မ သိနေခဲ့ပါတယ်...
သည်အခါမှာ
ကျွန်မတစ်ယောက်ထဲပဲ
ကျေနပ်စွာ ပြုံးနေလိုက်တယ်...
သည်အချိန်မှာ
နှင်းငွေ့တွေဟာ
ချစ်ခြင်းရနံ့တွေနှင့်
သင်းပျံ့စွာ
လှလို့ နေပါတော့တယ် သခင်ရယ်...

မြောက်ပြန်လေနှင့်အတူ

တစ်ခါ ဆောင်းရာသီကို ရောက်လာပြန်ပေါ့
မိုးအကုန် ဆောင်းအကူး
ဆောင်းလေမြူးတဲ့ချိန်ခါ
တစ်နှစ်မှာ တစ်ခါသာ ပွင့်တဲ့
"ဆောင်တော်ကူး" ချိန်ခါမို့
မျှော်ခဲ့မိတာတော့အမှန်
ဖျင်ကြမ်းလေးနှင့် အနွေးထည်ဝတ်လို့
ဆောင်းအကူးကို ငါ ကြိုဆို
နှင်းလေးတွေ ဝေနေရင်
ရင်ထဲမှာ ပြုံးပျော်ရွှင်
မြောက်ပြန်လေတိုက်ပြန်တော့
ဆောင်တော်ကူးတွေ ပွင့်ပါပေါ့....

The Teaching Knowledge Test (TKT)

The Teaching Knowledge Test (TKT)

၂ဝ၁၁ ဇန်နဝါရီလတွင် ဖွင့်လှစ်မည့် Teaching Knowledge Test (TKT) သင်တန်းကို တက်ရောက်လိုသူများ နိုဝင်ဘာလ၂၉ နှင့် ၃ဝ ရက်နေ့ တွင် British Council ၌ ဝင်ခွင့် Interview ဖြေဆိုနိုင်ပါသည်။

ဖြေဆိုလိုသူများ အနေဖြင့် လျှောက်လွှာများကို ဤနေရာ၌ download ရယူပြီး နိုဝင်ဘာလ ၃ဝ ရက်နေ့ နောက်ဆုံးထား၍ ဗြိတိသျှကောင်စီ မြေညီထပ်ရှိ Information Desk တွင် တနင်္လာနေ့မှ စနေနေ့ မနက် ၈း၃ဝ မှ ၆းဝဝ အတွင်း လာရောက်လျှောက်ထားနိုင်ပါသည်။

ပန်းလေးတစ်ပွင့်ပြောသော စကား

ပန်းတစ်ပွင့်က ပြောပါတယ်....
အဖြူရောင် ပန်းတွေဟာ များသောအားဖြင့် မွှေးကြတယ်။ ပန်းတွေဟာ အရောင်အသွေး
စုံလေလေ ရနံ့ကင်းမဲ့လေ ဖြစ်တယ်။ လူ့ဘ၀ဟာလည်း ဒီလိုပါပဲ..
ရိုးရိုးရှင်းရှင်းနဲ့ ရိုးသားလေလေ သူ့ရဲ့ စိတ်ဟာ ဖြူစင်လေဖြစ်တယ်။

ပန်းတစ်ပွင့်က ပြောပါတယ်....
ညမွှေးပန်းဟာ ညမှမွှေးတာ မဟုတ်ပါဘူး။ နေ့လည်း မွှေးပါတယ်။ ဒါပေမဲ့
လူအနည်းငယ်ကသာ နေ့အခါမှာ ရှုရှိုက်မိကြတယ်။ ဘာဖြစ်လို့လဲဆိုတော့ နေ့အခါမှာ
လူတွေရဲ့ စိတ်ဟာ ပျံ့လွှင့်နေလို့ပါ။ တကယ်လို့ လူတွေရဲ့ စိတ်ဟာ
နေ့အခါမှာလည်း တည်ငြိမ်နေမယ်ဆိုရင် ညမွှေးပန်းဟာ အရမ်းပူပြင်းတဲ့
နေ့ခင်းမှာတောင် မွှေးပါတယ်။

ပန်းတစ်ပွင့်က ပြောပါတယ်....
မနက်စောစောမှာ ကြာပန်းဝယ်ရင် ပွင့်နေတဲ့အပွင့်ကို ၀ယ်ပါ။ နံနက်ခင်းဟာ
ကြာပန်းပွင့်တဲ့ အကောင်းဆုံး အချိန်ဖြစ်တယ်။ တကယ်လို့ နံနက်ခင်းမှာ
မပွင့်တဲ့ ကြာပန်းက နေ့လယ်၊ ညနေခင်းရောက်တဲ့အထိ မပွင့်နိုင်တော့ပါဘူး။
လူတွေလည်း အဲဒီလိုပါပဲ.. ငယ်ရွယ်စဉ်မှာ ရည်မှန်းချက် မထားတဲ့လူက
လူလတ်ပိုင်း၊ လူကြီးပိုင်းရောက်တဲ့အထိ အောင်မြင်မှုဆိုတာ ရှိတော့မှာ
မဟုတ်ဘူး။

ပန်းတစ်ပွင့်က ပြောပါတယ်....
ရှားပါးပြီး တန်ဖိုးကြီးတဲ့ ပန်းဟာ ညှိုးနွမ်းလွယ်တယ်။ လူတွေလည်း
နုပျိုငယ်ရွယ်တဲ့ အချိန်ဟာ အဖိုးတန် ပန်းလေးတစ်ပွင့်လိုပါပဲ။
ကောင်းကောင်း မပြုစု မပျိုးထောင်ရင် ပျက်စီးလွယ်တယ်။

ပန်းတစ်ပွင့်က ပြောပါတယ်....
နှင်းဆီပန်းတိုင်းမှာ ဆူးပါတယ်။ နှင်းဆီပန်းကို ကြိုက်နှစ်သက်ရင်
သူ့ဆူးကို မချိုးပါနဲ့။ ဆူးမစူးမိအောင် ဘယ်လို ကိုင်တွယ်ရမယ်ဆိုတာကိုပဲ
သင်ယူပါ။ လူတွေတိုင်းမှာလည်း မာနကိုယ်စီရှိကြတယ်။ သည်းမခံနိုင်တဲ့
စကားတွေနဲ့ သူတစ်ပါးကို ထိခိုက်အောင် မပြောမိပါစေနဲ့။

တန်ဆောင်မုန်းလပြည့်နေ့

တန်ဆောင်မုန်းလသည် မြန်မာလများမှာ ရှစ်လမြောက်ဖြစ်ပြီး အောက်တိုဘာလနှင့်
နိုဝင်ဘာလတွင် ကျရောက်ပါတယ်။
ဒီလမှာ ကထိန်အလှူပွဲတော်၊ မသိုးသင်္ကန်းရက်လှူပွဲ၊ ပံ့သကူပစ်ပွဲ၊
ကြာသင်္ကန်းကပ်လှူပွဲ၊ တန်ဆောင်တိုင်မီးထွန်းပွဲတော်၊
ရှင်မာလဲပွဲတော်တို့ကို ကျင်းပတဲ့ တန်ဆောင်မုန်းလဆိုလည်း မမှားပါဘူးရှင်။
ကထိန်လို့ဆိုတဲ့နေရာမှာ သင်္ကန်းဖြတ်ခြင်း၊ ချုပ်ခြင်း၊ ဆိုးခြင်း၊
ခင်းခြင်း စတဲ့ ကထိန်မှုနှင့် စပ်ဆိုင်တဲ့အရာအားလုံးကို ခြုံငုံပြီး
သုံးစွဲတဲ့ ဝေါဟာရတစ်မျိုးဖြစ်ပါတယ်။ ကထိန်သင်္ကန်းအလှူဟာ တစ်နှစ်မှာ တစ်လ၊
တစ်လမှာ တစ်ကြိမ်သာ အချိန်အခါနှင့် ပြုရသော ကာလဒါနဖြစ်ပါတယ်။
ကထိန်ပွဲတော်ကို ပုဂ္ဂလိက ကထိန်ပွဲ၊ ဘုံကထိန်ပွဲနှင့် ပစ္စည်းရှင်တစ်ဦးက
မတည်ဦးစီးပြီး လူအများစုက ၀ိုင်းဝန်းကူညီလှူဒါန်းသော
ကထိန်လို့ခေါ်ဆိုပြီး ကျင်းပလေ့ရှိကြပါတယ်။ မြန်မာများရဲ့ ချစ်စရာ ဓလေ့
အလှူဒါနပြုတဲ့ပွဲလို့ ပြောလို့ရတာပေါ့။ ဒီလို လှူဒါန်းခြင်းဟာ
မြို့ရွာနယ်ပယ်ဒေသအသီးသီးမှာ ပြုလုပ်လေ့ရှိကြပါတယ်။ တန်ဆောင်တိုင်ဆိုရင်
တောင်ကြီးမှာ မီးပုံပျံပွဲတော်လို့ ခေါ်တဲ့ အများပြည်သူငေးရလောက်အောင်
မီးပုံပျံပွဲတော်ကို ခြိမ့်ခြိမ့်သဲ ကျင်းပကြပါတယ်။ ကျွန်မတော့ တစ်ခါမှ
မရောက်ဖူးသေးဘူး။ တန်ဆောင်တိုင်ရောက်တိုင်း အရမ်းသွားချင်စိတ်တော့
ဖြစ်မိပါတယ်။ ဟော ကျောက်ဆည်မြို့ကျတော့ ဆင်ကပွဲတွေ ပြုလုပ်ကြပြန်ပါတယ်။
ကျွန်မတို့ မြန်မာတွေဟာ ဘယ်လောက် ကျက်သရေမင်္ဂလာရှိတဲ့
အလှူဒါနမျိုးတွေပြုလုပ်သလဲဆိုတာသာ ကြည့်ပါတော့။ အင်း ဒါနဲ့
သင်္ကန်းအကြောင်းဆက်ပါဦးမယ်။ သင်္ကန်းအပ်နှင်းမှု၊ ချုပ်ဆိုးမှုများ
ညတွင်းချင်းပြီးစေပြီး အရုဏ်မတက်မီ လှူဒါန်းနိုင်သော သင်္ကန်းကို
မသိုးသင်္ကန်းလို့ ခေါ်ပါတယ်။ ပံ့သကူပစ်ပွဲမှာ သင်္ကန်း စသည့်
သံဃာ့အသုံးအဆောင်ပစ္စည်းများကို တိတ်တဆိတ်
စွန့်ပစ်လှူဒါန်းခြင်းဖြစ်ပါတယ်။ ပိတ်သားတွေပေါ်မှာ ရွှေရောင်စက္ကူ၊
ရွှေဝါရောင် ဖဲကြာပွင့်ကြီးများ ထိုးထားတဲ့သင်္ကန်းများကိုလည်း
ကြာသင်္ကန်းလို့ ခေါ်ပြန်ပါတယ်။ ရှေးအခါကတော့ ဘုရားရှင်ကို ကပ်လှူပြီး
ယခုအခါ စေတီပုထိုးများနှင့် ဘုရားရုပ်တုများမှာ ရစ်ပတ်လှူဒါန်းကြပါတယ်။
နောက်ပြီး တန်ဆောင်တိုင်မီးထွန်းပွဲတော်သည် နက္ခတ်ပွဲသဘင် မီးထွန်းပွဲသာ
ဖြစ်ပါတယ်။ ရှင်မာလဲပွဲဆိုတာကလည်း ရှင်မာလဲမထေရ်က
တန်ဆောင်မုန်းလပြည့်နေ့ရောက်တိုင်း ဝေဿန္တရာဇာတ်တော်ကို ဟောကြားတာကို
အကြောင်းပြုပြီး ဖြစ်ပေါ်လာတဲ့ပွဲလို့လည်း ဆိုစမှတ်ပြုကြပါတယ်။ နောက်
ကျွန်မတို့ မသိတဲ့ ပွဲတော်တွေလည်း ရှိပါသေးတယ်။ မသိတာထက် မြို့တွေမှာ
မလုပ်တာလည်း ပါတာပေါ့လေ။ အဲဒါက လှော်ကားပုံပြုပြီး လှော်ကားထက်တွင်
အသီးတစ်ထောင်၊ အပွင့်တစ်ထောင်၊ ထမင်းဆုပ်တစ်ထောင်၊ ဆီမီးတစ်ထောင် တင်ပြီး
လှူဒါန်းကြခြင်းကြောင့် လှော်ကားပွဲတော်၊ ထောင်ပြည့်ပွဲတော်လို့
ခေါ်ကြပါတယ်တဲ့။ အင်း အခုခေတ်မှာတော့ အဲဒီပွဲတွေက ကွယ်ပျောက်လုရှိနေပြီ
ထင်မြင်မိပါတယ်။
တန်ဆောင်မုန်းလပြည့်နေ့မှာ ဆေးပင်အပေါင်းတို့ကို စောင့်တဲ့နတ်တို့သည်
မဲဇလီပင်စောင့်နတ်မင်းအား လာရောက်ခစားကြတယ်လို့ အစွဲပြုကာ မဲဇလီပင်သည်
ဆေးပေါင်းခသည့်အပင်ဟု ယူဆကြပြီး အနာမျိုး ၉၆ ပါးကင်းရန်ဆိုတဲ့
ရည်ရွယ်ချက်နဲ့ပေါ့လေ တန်ဆောင်မုန်းလပြည့်နေ့တွေမှာ မဲဇလီဖူးသုတ်တို့
မဲဇလီဟင်းချိုတို့ စားတဲ့ဓလေ့ ပေါ်ပေါက်ခဲ့တာ ဖြစ်ပါတယ်။ အဲ
နောက်တစ်ရက်ကျတော့ သူခိုးကြီးများနေ့ဆိုပြီး ကျွန်မတို့ ငယ်တုန်းကတော့
သူများအိမ်ရှေ့က ပစ္စည်းတွေ ယူပြီး ကြည့်မရတဲ့အိမ်တွေရှေ့ကို
သွားချကြပါတယ်။ ပျော်ဖို့လည်း ကောင်းတယ်ရှင့်။ အမှန်ပြောရရင် ကျွန်မတို့
မြန်မာတွေဟာ အပျော်ကော အလှူတွေကော ၁၂ လ ရာသီမှာ ၁၂ လလုံးရှိနေတာကို
အံ့သြစွာ တွေ့ရှိရပါတယ်။ အင်း ဒါနဲ့ ဘာလိုလိုနဲ့ ဆောင်းတွင်းထဲကို
ဝင်မှန်းမသိ ၀င်လာနေပြန်ပြီနော်။ ကဲ အားလုံးပဲ တန်ဆောင်မုန်းလမှာ
အလှူဒါနများကို ကျွန်မနဲ့အတူ ဆင်နွှဲကြရအောင်နော်။

သုံးနှစ်ပြည့်အလွမ်း

လင်းပြီး မမှောင်၊ အေးမြမေတ္တာ
နေရောင်ဖျော့ဆင်း၊ ညနေခင်းသို့
မာန်ကင်းချိုသာ၊ ဘွား မျက်နှာသည်
ကြည်သာဘိခြင်း၊ ရင့်ကျက်ခြင်းဖြင့်
အလှမာန၊ ဒေါသမောဟ
တဏှာဆန္ဒ၊ ကင်းစင်ပလျက်
လက်က ပုတီး၊ ပွားစည်းရွတ်ကြား
နှုတ်တရားနှင့်၊ အဘွား မပြတ်
နေပျော်တတ်၏။
ကွမ်းမြုံ့ငုံဝါး၊ ရေနွေးသောက်လျက်
တရားပွေ့ပိုက်၊ အခါးကြိုက်ကာ
ဘွားမျက်နှာသည်၊ ဇရာရိပ်တိုး
အရွယ်မျိုးမို့၊ နိုးကြားမှုကင်း
နုမျစ်ခြင်းတို့၊ ပကင်းရင့်နွမ်း
ပါးရေတွန့်လျက်၊ ပပ်ကြားအက်နှင့်။
နုခြင်း လှခြင်း စိုပြေခြင်းတို့
အလျဉ်းကွယ်ပျောက်၊ ပင်အိုခြောက်ဟု
တွေးထောက်ဆင်ခြင်၊ ဘွားကိုမြင်စဉ်
ယမင်းရင်ထဲ ကြည်နူးရိပ်ထင်
ပြုံးပျော်ရွှင်မြဲ
အိမ်အပြန် ယမင်းအရိပ်
မေတ္တာနဲ့ ကြိုဆိုလက်ကမ်း
ဘွားအိုဘ၀၊ နေညိုစလည်း
အလှဝေစု၊ အနုလက်ကျန်
ရှင်သန်နေမြဲ၊ ဘွားရဲ့အပြုံး
အလျှံဖိတ်ဖိတ်၊ ယမင်း အရိပ်ထင့်
အမြဲ မြင်ယောင်နေဆဲပါတကား။ ။

ဘွားရဲ့ဆုံးမမှုတွေကို အသက်ရှင်နေသရွေ့ကာလပတ်လုံး မြေးလေ အမြဲလိုက်နာသွားမှာပါ။
ပြုပြုသမျှ ကောင်းမှုတွေကို ရောက်ရာဘုံဘ၀မှ သာဓုခေါ်နိုင်ပါစေဘွားဘွားရယ်....

ဗြိတိသျှကောင်စီဆောင်ပုဒ် ပြိုင်ပွဲ

သင့်တွင် ၅ မိနစ်ခန့်အချိန်ရှိပါသလား ? ဗြိတိသျှကောင်စီဆောင်ပုဒ် ပြိုင်ပွဲတွင်ပါဝင်လိုပါက ၅မိနစ်ခန့်သာကြာမည်ဖြစ်ပြီး ပြိုင်ပွဲဝင်များ အထဲမှ အနိုင်ရရှိသူသည် ဆုအဖြစ် ဗြိတိသျှကောင်စီ Teaching Centre မှာအခမဲ့ အတန်း တစ်ခုတက်ခွင့် ရမည်ဖြစ်ပါသည်။

ပြိုင်ပွဲကို နိုဝင်ဘာလ ၂၆ ရက်မတိုင်ခင်ပါဝင်ရမည်ဖြစ်ပြီး အနိုင်ရသူ၏အမည်နှင့် ဓါတ်ပုံကို Myanmar Network ပေါ်တွင် နိုဝင်ဘာလ ၃၀ ရက်နေ့တွင်တင်ပေးထားပါမည်။

Read more: Myanmar Network http://www.myanmar-network.net/#ixzz158MNCCq2

မြန်မာနိုင်ငံကွန်ပျူတာပညာရှင်အသင်း “Internet Resource Management Essentials” ဟောပြောပွဲကျင်းပမည်

သတင်းအချက်အလက် နှင့် ဆက်သွယ်ရေးနည်းပညာဖွံ့ဖြိုးတိုးတက်ရေးအတွက် မြန်မာနိုင်ငံကွန်ပျူတာ ပညာရှင်အသင်းမှ ကြီးမှူး၍ Domain Name Server Security နှင့် Internet Routing ဆိုင်ရာ နည်းပညာအသစ်များကို သိရှိလာစေရန်နှင့် အသုံးပြုတတ်စေရန် ရည်ရွယ်၍ အောက်တိုဘာလ (၂၇) ရက် (ဗုဒ္ဓဟူးနေ့) နံနက် (၉းဝဝ) နာရီမှ (၁၂းဝဝ) နာရီအထိ ရန်ကုန်မြို့၊ လှိုင်မြို့နယ်၊ မြန်မာအင်ဖိုတက်ခ်၊ ပင်မဆောင်ရှိ အခန်း (၂ဝ၅) တွင် Australia နိုင်ငံ Asia Pacific Network Information Center (APNIC) မှ  Mr. Vithanage Champika Wijayatunga နှင့် Mr. Jeffrey Leander Tosco တို့မှ "Internet Resource Management Essentials" ခေါင်းစဉ်ဖြင့် ရှင်းလင်းဟောပြောမည်ဖြစ်သည်။

            အဆိုပါ ဆွေးနွေးဟောပြောပွဲသို့ Network Engineer များ၊ System Administrator များ၊ Internet/ Network နှင့် ပတ်သက်၍ လုပ်ငန်းလုပ်ကိုင်နေသူများ၊ DNS Security နှင့် Internet Routing ဆိုင်ရာ နည်းပညာများကို စိတ်ဝင်စားသူ မည်သူမဆို (အခမဲ့) တက်ရောက်ဆွေးနွေးနိုင်သည်။ အသေးစိတ်သိရှိလိုပါက မြန်မာနိုင်ငံကွန်ပျူတာ ပညာရှင်အသင်းရုံးခန်း၊ အဆောင်(၄)၊ အခန်း(၄)၊ ၊ ဖုန်းနံပါတ်-၆၅၂၂၇၆၊ ၇၃၀၈၈၃၀၀ သို့ဆက်သွယ်စုံစမ်းနိုင်သည်။

စာမေးပွဲဖြေဆိုစွမ်းရည် တိုးတက်ရေးအတွက် အလွယ်နည်းလမ်း

နိုင်ငံတကာ စာမေးပွဲမှ မဟုတ်ပါဘူး။ ဘယ်စာမေးပွဲမဆို နည်းလမ်းသိရင် အောင်မြင်ဖို့ ရာခိုင်နှုန်း ပိုများပါတယ်။ အဲ ကြိုးစားမှုတော့ လိုတာပေါ့။ ကျွန်မ နားလည်ထားတဲ့ နည်းလမ်းကောင်းတွေကို ပြောပြမယ်နော်။ လိုက်နာ ကျင့်ကြံပြီး အောင်မြင်မှုကို လှမ်းတက်နိုင်ပါစေ။



(၁) ဖတ်ပါ။
ဖတ်ပါ ဆိုလိုက်လို့ သိပ်လွယ်လွန်းတယ်လို့တော့ မထင်ပါနဲ့။ သူများ ပြောမှလားဆိုတဲ့ အတွေးကိုလည်း မတွေးလိုက်ပါနဲ့ဦး။ စာများများ ဖတ်ထားခြင်းဖြင့် ဝေါဟာရများ ပိုကြွယ်လာပြီး စာဖတ်လည်း မြန်လာပါတယ်။ တကယ့် စာမေးပွဲမှာ စက္ကန့်တိုင်း အရေးပါပါတယ်။

(၂) ဖြေဆိုပုံ အဆင့်ဆင့်ကို သိထားပါ။
စာမေးပွဲတွင် ဖြေဆိုပုံ အဆင့်ဆင့်ကို အကျွမ်းတ၀င် သိထားပါက အလွန်အဖိုးတန်တဲ့ အချိန်တွေကို အကောင်းဆုံး အသုံးချနိုင်မှာ ဖြစ်ပါတယ်။ အချိန်ကို အလဟဿမဖြစ်စေခြင်းကြောင့် ပိုထွက်လာတဲ့အချိန်ကို ကောင်းစွာ မဖြေနိုင်တဲ့ မေးခွန်းများအတွက် အချိန်ပေးနိုင်ပါတယ်။

(၃) လေ့ကျင့်ပါ။
ပွဲမ၀င်ခင် အပြင်က ကျင်းပဆိုသလို တကယ့်စာမေးပွဲကြီး မဖြေမီ များနိုင်သမျှ များများအစမ်းစာမေးပွဲများ လေ့ကျင့်ဖြေဆိုထားခြင်းဖြင့် ယုံကြည်မှု ပိုမိုတိုးလာပြီး တကယ့်စာမေးပွဲနေ့မှာ စိတ်လှုပ်ရှားမှုကို လျော့နည်းစေပါတယ်။

(၄) ပတ်ဝန်းကျင် အခြေအနေကောင်း ဖန်တီးပါ။
တကယ့်စာမေးပွဲနေ့အတွက် ပြင်ဆင်မှုများကို ပြုလုပ်ပါ။ ပြင်ဆင်မှုဆိုရာမှာ ခဲတံ အပိုယူဆောင်သွားခြင်းသာ မဟုတ်ဘူး။ စာမေးပွဲဖြေဆိုမယ့် မနက်ပိုင်းမှာ အစားအသောက်များစွာ မစားသင့်ပါဘူး။ ဖြေဆိုမယ့် ညမှာလည်း ညနက်တဲ့အထိ စာများကို မကြည့်သင့် မကျက်မှတ်သင့်ပါဘူး။ စာမေးပွဲသွားဖြေရာတွင် အနွေးထည်ယူဆောင်သွားသင့်ပါတယ်။ ပူအိုက်တဲ့ရာသီမှာ အနွေးထည်က ဘာလုပ်ဖို့လဲလို့တော့ မပြောလိုက်ပါနဲ့။ အပိုအဖြစ် ဖျားတာ နာတာကို ကာကွယ်နိုင်ပါတယ်။ နောက်တစ်ချက်က ဖြေမယ့်အခန်းမ၀င်မီ အခြေအနေကောင်းမှာပါဟု ကြိုတွေးပါ။ မျှော်လင့်ပါ။ ထိုသို့ ဖန်တီးခြင်းကြောင့် စာမေးပွဲကို သက်သောင့်သက်သာ ဖြေဆိုနိုင်ပြီး ရလဒ်ကောင်းတွေ ရရှိနိုင်မှာ ဖြစ်ပါတယ်။

(၅) အမှတ်ပေးပုံစံကို နားလည်ထားပါ။
မဖြေမီ အမှတ်ပေးစနစ်ကို လေ့လာထားခြင်းကြောင့် အကျိုးကျေးဇူးရရှိနိုင်ပါတယ်။ အချို့စာမေးပွဲများမှာ အဖြေလွှာ၌ ကွက်လပ်ထားရှိခြင်းကြောင့် ဘာမှမဖြစ်သော်လည်း မှားယွင်းစွာ ဖြေဆိုမှုကြောင့် ရမှတ်မှာ အနုတ်ဖြစ်ရပါတယ်။ ဒါကြောင့် ဖြေဆိုသူအနေနှင့် အဖြေအတွက် မရေမရာ ဖြစ်ရင် သတိထားသင့်ပါတယ်။ ထိုကဲ့သို့ စာမေးပွဲမျိုးတွင် နံကြားထောက် ဖြေဆိုခြင်းမျိုးထက် မဖြေဆိုဘဲ ထားခြင်းက ပိုကောင်းတယ်လို့ ကျွန်မ ယူဆမိပါတယ်။

ကဲ... မှတ်ရတာတွေလည်း များနေပြီ ဆိုတော့ နောက် အရေးကြီးတာ သိထားသင့်တာလေးတစ်ခုပဲ ထပ်ပြောတော့မယ်နော်။

(၆) လွယ်တာ ကိုယ်သိတာ မှတ်မိတာကို အရင်ဖြေပါ။
စာမေးပွဲတွင် ကိုယ်ရသော မေးခွန်းများကို အရင်ဖြေပါ။ မဖြေနိုင်တဲ့မေးခွန်း၊ မရေရာ မသေချာတဲ့ မေးခွန်းတွေကို ကျန်ထားပြီး ရတဲ့မေးခွန်း အကုန်လုံးကို ဆက်တိုက်ဖြေပါ။ ထိုသို့ ဖြေသောကြောင့် အပိုင်ရမှတ်တွေကို ရရှိမှာဖြစ်ပြီး နောက်ပိုင်း ပိုသော အချိန်တွေမှာ ခက်ခဲတဲ့ မသေချာတဲ့ မေးခွန်းတွေကို စဉ်းစားချိန်ရရှိပြီး အောင်မှတ်ကောင်းများနဲ့ အနိုင်ရရှိနိုင်ပါစေလို့ ယမင်း ယုံကြည်နေမိပါတော့တယ်။

စာဖတ်သူအားလုံး အမှတ်ကောင်းကောင်းနဲ့ အောင်မြင်မှုများစွာကို လက်ဝယ်ပိုင်ပိုင် ဆုပ်ကိုင်ပြီး အများအကျိုးရွက်ဆောင်နိုင်တဲ့ သားကောင်းသမီးကောင်းများ၊ မိဘကျေးဇူးဆပ်နိုင်ပြီး သာသနာအကျိုးများ လုပ်ဆောင်နိုင်ကြပါစေလို့ ဆန္ဒပြုလျှက်....

လွမ်းရိပ်

လွမ်းစိတ်နဲ့ အိပ်၍မပျော်
သူခေါ်နေသံ နံရံချပ်များ
ပဲ့တင်ထပ်နေ
လွမ်းချင်းတစ်စ ရေးမရအောင်
ကျသည့်မျက်ရည် ဝေ့၀ဲနေခဲ့
ခွဲခွာနေတာ
ရက်များကြာလည်း
အသည်းရဲ့တစ်နေရာ
သူရှိမြဲကွယ်
လွမ်းလိုက်ရတာ
ပြောမပြတတ်လည်း
ကိုယ့်ရဲ့စိတ်က
လွမ်းနေဦးမယ်
လွမ်းရင်းနဲ့ချစ်
ချစ်ရင်းနဲ့လွမ်း
ကိုယ့်ရဲ့အလွမ်းက
မောင့်ရဲ့အချစ်နဲ့
ကျေပျက်နိုင်မယ်
ပြန်လာမယ့်ရက်
လက်ချိုးရေရင်း
အလွမ်းများနဲ့
စောင့်နေမယ်......

သီတင်းကျွတ်လပြည့်နေ့

Thadingyut Moon Day
Thadingyut is the seventh Myanmar month (in September - October) towards the end of the rainy season.
Lord Gautama Buddha preached The Abhidhamma to Maidawmi Nat (reincarnate of His Mother) in Tavatimsa Abode of celestial beings for three Lenten months and returned to the abode of men on the full-moon day of Thadingyut. The King of Celestials cerated gold, silver, ruby stairways for him. Buddha took the middle ruby one radiating six hues of aura. The nats came along by the right gold stairways and the brahmas by the left silver stairways.
On account of that, Myanmar Buddhists celebrate the full-moon day with multi-coloured illuminations. It is also called Tavatimsa Festival after the Tavatimsa Abode of the nats and the Myinmo Lights Festival after the Mount Myinmo there.
For the Sangha it is the time for what is known as Pawayana, which means inviting, entreating, urging. In parctice since the times of Buddha, it is to beg on another for forgiveness of any action that might have displeased any other among Sangha. There is also the parctice among laity of paying obeisance to parents and elders.



သီတင်းကျွတ်လပြည့်နေ့
သီတင်းကျွတ်လသည် မြန်မာလများတွင် ခုနစ်လမြောက်ဖြစ်ပြီး မိုးရာသီကုန်လုချိန်ဖြစ်ကာ စက်တင်ဘာလနှင့် အောက်တိုဘာလမှာ ကျရောက်ပါတယ်။
ဂေါတမရှင်တော်ဘုရားသည် မယ်တော်မိနတ်သားအား တာဝတိံသာနတ်ပြည်၌ အဘိဓမ္မာတရားတော်ကို ၀ါတွင်းသုံးလပတ် ဟောကြားတော်မူပြီး သီတင်းကျွတ်လပြည့်နေ့၌ လူ့ပြည်သို့ ပြန်လည်ကြွချီတော်မူပါတယ်။ သိကြားမင်းက ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းတို့ကို ဖန်ဆင်းပူဇော်ပါတယ်။ ဗုဒ္ဓရှင်တော်မြတ်သည်ရောင်ခြည်တော်ခြောက်သွယ်ဖြင့် တင့်တယ်စွာ အလယ်ဗဟိုပတ္တမြားစောင်းတန်းမှ သက်ဆင်းကြွမြန်းတော်မူပါတော့တယ်။ နတ်အပေါင်းက လယ်ယာရွှေစောင်းတန်း၊ ဗြဟ္မာကြီးများက လက်ဝဲငွေစောင်းတန်းမှ သက်ဆင်းလိုက်ပါလာကြပါတယ်။
ယင်းပူဇော်ပွဲကြီးကို အစွဲပြုလို့ မြန်မာ့ယဉ်ကျေးမှု ရာသီပွဲတော်အဖြစ် သီတင်းကျွတ်လပြည့်နေ့ညမှာ ဘုရားရှင်ကို ရည်မှန်းပြီး မီးရှူးမီးပန်းများ၊ မီးပုံး၊ ဆီမီးရောင်စုံတို့ဖြင့် ပူဇော်မှုပြုလာခဲ့ခြင်း ဖြစ်ပါတယ်။ ဗုဒ္ဓမြတ်စွာ တာဝတိံသာမှ ဆင်းသက်တော်မူသည်ကို အကြောင်းပြုပြီး တာဝတိံသာပွဲတော်၊ တာဝတိံသာနတ်ပြည်ရှိရာ မြင်းမိုရ်တောင်ထိပ်မှ ဆင်းသက်တော်မူသည်ကို အကြောင်းပြု၍ မီးမြင်းမိုရ်ပွဲဟု ခေါ်ဝေါ်ကြခြင်း ဖြစ်ပါတော့တယ်။
ရဟန်းတော်များဟာ သီတင်းကျွတ်လပြည့်နေ့မှာ ၀ိနည်းဒေသနာတော်အရ ဥပုသ်အစား "ဖိတ်ကြားခြင်း၊ တောင်းပန်တိုက်တွန်းခြင်း'' လို့ အဓိပ္ပာယ်ရသော ပ၀ါရဏာပြုကြရပါတယ်။ ဤပ၀ါရဏာပြုခြင်းသည် ဘုရားရှင်လက်ထက်ကပင် ပေါ်ပေါက်ခဲ့ခြင်းဖြစ်ပါတယ်။ သာဝတ္ထိပြည် ဇေတ၀န်ကျောင်းတော်၌ သီတင်းသုံးဖော် ရဟန်းတစ်စု အချင်းချင်း မခေါ်မပြော နေထိုင်ကြသည်ကို အကြောင်းပြုပြီး ဖြစ်ပေါ်လာခြင်း ဖြစ်ပါတယ်။ ထိုနည်းတူစွာ ဘုရားရှင်အား ဖူးမျှော်ကန်တော့တဲ့ အစဉ်အလာကို အစွဲပြုပြီး မြန်မာဗုဒ္ဓဘာသာဝင်တို့သည် သီတင်းကျွတ်တဲ့အခါ သက်ကြီးဝါကြီးများအား ပူဇော်ကန်တော့တဲ့ ဓလေ့ထုံးစံကောင်းတစ်ရပ် ပေါ်ပေါက်လာခဲ့တာဖြစ်ပါတယ်။

ရွှေတိဂုံဘုရားလည်း မရောက်တာကြာလို့ ဒီနေ့ ရောက်ဖြစ်တော့ အတော်ကို စည်ကားသိုက်မြိုက်စွာ အလှူအတန်းများနဲ့တကွ ဘုရားဖူးပြည်သူများ တိုးမပေါက်အောင် တွေ့ရတဲ့အတွက် အလွန်တရာမှ ၀မ်းသာကြည်နူးမိပါတယ်။

မေတ္တာတရားသည်သာ

In this world
Hate never yet dispelled hate
Only love dispells hate.
This is the law,
Ancient and inexhaustible.
You too shall pass away.
Knowing this, how can you quarrel?

ဒီလောကတွင် အမုန်းတရားဖြင့်
အမုန်းတရားကို မငြိမ်းသတ်နိုင်...
မေတ္တာတရားကသာ အမုန်းတရားကို
ငြိမ်းသတ်နိုင်၏...
ဒီဥပဒေသသည် ယွင်းမှားမသွားနိုင်သော
ရှေးအစဉ်အဆက်တရားဖြစ်၏...
သင်ကိုယ်၌ပင် တစ်နေ့သေရအံ့မည်ကို
သိလျှင် မည်သည့်အတွက်ကြောင့်
ဖက်ပြိုင်ငြင်းခုန်၍ နေမည်နည်း....

ရှင်မဟာသီလ၀ံသ (၁၄၅၃ - ၁၅၁၈) အတ္ထုပ္ပတ္တိ

အင်းဝခေတ် စာဆိုအမော် ရှင်မဟာသီလ၀ံသ ဖြစ်သည်။ ရှင်မဟာသီလ၀ံသသည် ပေလေးပင် ရှင်လေးပါးအ၀င် ရဟန်းစာဆိုဖြစ်သည်။ ရှင်မဟာသီလ၀ံသသည် ခရစ်နှစ် ၁၄၅၃ ခုနှစ် (မြန်မာသက္ကရာဇ် ၈၁၅ ခုနှစ်) ဖွားဖြစ်ပါသည်။ တောင်တွင်းကြီးမြို့ မြောက်ဘက် မြို့လုလင်ရွာသား ဇာတိဖြစ်၏။ အဖ ဦးကြည်၊ အမိ ဒေါ်ဒွေး ဖြစ်သည်။ ငယ်မည်မှာ မောင်ညိုဖြစ်သည်။
    အရွယ်ရောက်သော် တောင်တွင်းကြီးမြို့ နတ်မီးလင်းဆရာထံတွင် ပညာသင်ကြားသည်။  ဆယ့်ငါးနှစ်သားတွင် သာမဏေဘောင်သို့ ရောက်၏။ အသက် နှစ်ဆယ်တွင် ရဟန်းပြုသည်။ အသက် သုံးဆယ့်ရှစ်တွင် `ပါရမီတော်ခန်းပျို့´ကို စတင်ရေးသားသည်။
    အင်းဝဘုရင် ဒုတိယမင်းခေါင်လက်ထက်တွင် အင်းဝသို့ရောက်လာ၏။ မင်း၏ ကိုးကွယ်ခြင်းကို ခံရသည်။ မြန်မာသက္ကရာဇ် ၈၅၈ ခုတွင် `မင်္ဂလာစေတီတော် မော်ကွန်း`ကို ရေးသည်။ `ဆုတောင်းခန်းပျို့`ကို ရေးပြန်ရာ အင်းဝတွင် ထင်ရှားလာ၏။
    ရှင်မဟာသီလ၀ံသသည် ပျို့ခုနစ်ပုဒ်၊ မော်ကွန်း လေးပုဒ်၊ ဆုံးမစာ လင်္ကာ သုံးပုဒ်၊ ဧကပိုဒ်ရတု သုံးပုဒ်၊ အဖြည့်ခံရတု တစ်ပုဒ်၊ ပိုဒ်စုံရတု နှစ်ပုဒ်၊ ကျောက်စာနှစ်ချပ်နှင့် `ပါရာယန` ၀တ္ထု၊ `ရာဇ၀င်ကျော်`အပါအ၀င် စကားပြေကျမ်း ငါးခုကို ရေးသားခဲ့သည်။ ပျို့အရာ၌ ထင်ရှား၏။ သဒ္ဒါတွင် `ရှင်မဟာကစ္စည်း`၊ ကဗျာတွင် ` ရှင်မဟာသီလ၀ံသ` ဟူသော ဆိုရိုးစကားပင် တွင်ခဲ့၏။
    ရှင်မဟာသီလ၀ံသသည် သက်တော် ခြောက်ဆယ့်ငါးနှစ်၊ ရဟန်းဝါ လေးဆယ့်ငါးဝါတွင် ပျံလွန်တော်မူခဲ့လေသည်။

ခေတ်အဆက်ဆက်မှ ယခုတိုင် နာမည်ကြီး စာရေးသူများ ကိုယ်ရေးရာဇ၀င်ကို ဆက်လက်တင်ပြသွားပါမည်။ ယခုတင်ပြသော အကြောင်းအရာများသည် မြန်မာဝတ္ထုအညွှန်းမှ ပြန်လည်ဖော်ပြထားခြင်း ဖြစ်ပါသည်။

မြ၀တီဦးစ (၁၇၆၆ - ၁၈၅၃) အတ္ထုပ္ပတ္တိ

ဦးစသည် အဖ အစုအမှုထမ်းမျိုး ဦးပေါက်ကျော်၊ အမိ မှူးမတ်မျိုး မငြိမ်းသာတို့၏ သားဖြစ်သည်။ စစ်ကိုင်းဇာတိ၊ မြန်မာသက္ကရာဇ် ၁၁၂၈ ခု သီတင်းကျွတ်လပြည့်ကျော် ဆယ်ရက်၊ အင်္ဂါသား ဖြစ်သည်။ အသက်နှစ်ဆယ် ပထမ အိမ်ထောင်ပျက်ပြီးသည့်နောက်တွင် နန်းတွင်းအမှုထမ်း ဆိုင်းဆရာ ဦးတလုတ်၏ ၀ိုင်းတွင် ကြေးဝိုင်းတီးခဲ့သည်။ နောင်တွင် မင်းမှုထမ်းသည်။`ကုန္ဒာဝုဓ` ဇာတ် ရေးသောအဖွဲ့တွင် ပါဝင်သည်။ ထိုအခါမှစ၍ ဦးစအမည် ထင်ရှားသည်။ သီချင်းသံဆန်း ရေးရာ၌ ကျော်ကြားသည်။ အသက်လေးဆယ်တွင် ပြည်လုံးယူ လှေမှူး ရာထူး၊ အိမ်ရှေ့ အတွင်းဝန် ရာထူးတို့ကို ရသည်။ လေးဆယ့်ခုနစ်နှစ် အရွယ်တွင် မဏိပူရ ကသည်းစစ်တွင် ၀င်ရောက်တိုက်ခိုက်သည်။ နေမျိုးသီဟသူရဘွဲ့ကို ရသည်။ ဘကြီးတော် လက်ထက်တွင် ၀န်ကြီး ဖြစ်သည်။ ၁၈၂၄ ခု ပန်းဝါစစ်ပွဲတွင် မဟာသီဟသူရဘွဲ့ဖြင့် စစ်ကဲအဖြစ် ချီတက်တိုက်ခိုက်သည်။ ထို့နောက် မြ၀တီမြို့ကိုစားရသည်။ ထိုအခါမှစ၍ မြ၀တီ ဦးစဟု တွင်သည်။ သာယာဝတီမင်းလက်ထက်တွင် နန်းတွင်းရေး အရှုပ်အထွေးများကြောင့် ဦးစ အဖမ်းခံရသည်။ ထောင်သက် သုံးနှစ်အကြာတွင် ဦးစလွတ်သည်။ ပုဂံမင်းလက်ထက်တွင် ဆက်လက်အမှုထမ်းသည်။ မင်းတုန်းမင်းလက်ထက်တွင်  အသက် ရှစ်ဆယ့်ခြောက်နှစ်တွင် ကွယ်လွန်အနိစ္စရောက်သည်။
    ဦးစသည် နန်းတွင်းဇာတ်တော်ကြီးများအပြင် ပတ်ပျိုး၊ ကြိုး၊ ယိုးဒယား၊ သီချင်းကြီး၊ သီချင်းခံ အများအပြားရေးခဲ့သည်။ စစ်ရေးစစ်ရာများတွင်လည်း ထက်မြက်စွာ ဆောင်ရွက်ခဲ့၏။ အင်္ဂလိပ် မြန်မာ ပထမစစ်နှင့် ယင်းစစ်နောက်ပိုင်း မြန်မာ ဗြိတိသျှ ဆက်ဆံရေးကိစ္စများတွင် အရေးပါသော ပုဂ္ဂိုလ်တစ်ယောက်အဖြစ် ဆောင်ရွက်ခဲ့သည်။ ဦးစသည် မြန်မာမှု၊ အနုပညာ တေးဂီတများကို ထူးချွန်စွာ အားထုတ်ဆောင်ရွက်ခဲ့သလို ယိုးဒယား၊ မွန်၊ ဗရင်ဂျီတေးဂီတများကိုလည်း လေ့လာခဲ့သည်။ ထိုခေတ်မြန်မာနိုင်ငံရောက် အနောက်တိုင်းသားများ၏ လေးစားခြင်းကို ခံရသော ပုဂ္ဂိုလ်ကြီးတစ်ဦးလည်း ဖြစ်ခဲ့လေသည်။

လှိုင်ထိပ်ခေါင်တင် (၁၈၃၃ - ၁၈၇၅) အတ္ထုပ္ပတ္တိ

လှိုင်ထိပ်ခေါင်တင် မင်းသမီးသည် ကုန်းဘောင်ဆယ့်တစ်ဆက်တွင် ရှစ်ဆက်မြောက် ဖြစ်သော ရွှေဘိုမင်းနှင့် မိဖုရား မမြလေးတို့၏ သမီးတော် ဖြစ်သည်။
    ငယ်မည်မှာ မဖွား (မဖွားကြီးဟုလည်း ခေါ်သည်) ဖြစ်သည်။ သို့သော် မယ်တော်၊ ခမည်းတော်တို့ကမူ တင်တင်ဟု ချစ်စနိုးခေါ်သည်။ ခမည်းတော် ရွှေဘိုမင်း ထီးနန်းရသောအခါ သမီးတော် တင်တင်သည် လှိုင်မြို့ကို စားရသည်။ ထိုအခါမှစ၍ လှိုင်မင်းသမီးဟူ၍ လည်းကောင်း၊ လှိုင်ထိပ်ခေါင်တင်ဟူ၍ လည်းကောင်း ထင်ရှားလာသည်။
    ရွှေဘိုမင်းသည် မိဖုရား မမြလေးအပေါ် နိုင်ငံရေးသံသယရှိသဖြင့် မမြလေးကို သတ်ပစ်လိုက်သည်။ ထိုအခါမှစ၍ လှိုင်မင်းသမီးသည် မိတဆိုးဖြစ်ခဲ့သည်။ ထိုအချိန်တွင် မင်းတုန်းမင်း၏ မိဖုရားက လှိုင်မင်းသမီးကို မွေးစားသည်။ မင်းတုန်းမင်း နန်းတက်၍ ညီတော် ကနောင်မင်းသား အိမ်ရှေ့အရာ ယူသောအခါ လှိုင်ထိပ်ခေါင်တင်သည် ကနောင်မင်းသားနှင့် လက်ထပ်ခဲ့သည်။
    ထိုအချိန်မှစ၍ အခြားမင်းသမီးများနှင့် မွေ့လျော်နေသော မောင်တော်၏ စိတ်သဘောကို ဖျောင်းဖျသည့် ဘောလယ်တေးကဗျာများ စတင် ရေးသားလာသည်။ ဘောလယ်ကဗျာအရေးအဖွဲ့ကို လှိုင်မင်းသမီးက အစပြုခဲ့ခြင်း ဖြစ်သည်။ သို့ဖြင့် မင်းတုန်းမင်းလက်ထက်တွင် ထင်ရှားသော စာဆိုဖြစ်လာ၏။
    လှိုင်မင်းသမီးတွင် ကနောင်မင်းသားနှင့်ရသော သားတော်တစ်ပါးရှိသည်။ ထိုသားတော်မှာ သီပေါမင်း အရေးအခင်းတွင် အသတ်ခံခဲ့ရသည်။ အသက် လေးဆယ့်နှစ်နှစ်တွင် လှိုင်မင်းသမီး အနိစ္စရောက်ခဲ့သည်။
    လှိုင်မင်းသမီးသည် ဘောလယ်ကဗျာကို စတင် တီထွင်ရေးသားခဲ့သည်။ ပတ်ပျိုးသီချင်းများကိုလည်း ရေးခဲ့သည်။ `၀ိဇယကာရီ` နန်းတွင်းဇာတ်ကိုလည်း ရေးခဲ့သည်။

ကြင်သူ သိစေ

ရင်မှာ မျိုသိပ် ချစ်တဲ့စိတ်ကို
ပြောကြားချင်ပေမယ့် မ၀ံ့ရဲလို့
ငါးရာ့ငါးဆယ် မေတ္တာသွယ်လို့
ချစ်တယ်ဆိုတာ သူ သိပါစေ
ခုတော့လည်းလေ
မပြည့်စုံသေး ဘ၀ရေးမို့
ပူဆွေးတို့မှာ လွမ်းဗျာပါဒနှင့်
ရင်နာအသည်း ခံစားဆဲမို့
တို့ရဲ့အချစ် မေတ္တာစစ်ကို
သူ သိပါစေ
စိတ်ရည်ရွယ်၍ ကာရံကိုတွေး
ကဗျာရေးရင်း ပူဆွေးရတယ်
ချစ်သောသူရယ်

မြတ်သော ဆရာများနေ့

ဒီကနေ့ဟာဖြင့် အောက်တိုဘာ ၅ ရက်နေ့ ဆရာများနေ့လို့ သတ်မှတ်ထားတဲ့နေ့လေး
တစ်နေ့လည်း ဖြစ်ပါတယ်။ ကျွန်မကတော့ နေ့တိုင်း နေ့တိုင်း ဆရာများနှင့်
မိဘများနေ့ ရှိနေတယ်လို့လည်း ခံယူထားပါတယ်။ ဘာလို့လဲဆိုတော့ မိဘပြီးရင်
ဆရာဆိုတာ ကျွန်မအတွက်တော့ လက်ဦးဆရာပါ။ ခုနောက်ပိုင်း စာတွေ မရေးဖြစ်သလို
ဘာမှလည်းမလုပ်ဖြစ်ပါဘူး။ ဒီပလိုမာလေးတက်မိပါတယ်။ စိတ်ဓာတ်ပါ
ကျဆင်းနေသလိုဖြစ်နေတယ်။ ခုလည်းစာမေးပွဲဖြေနေရင်း ဆရာ ဆရာမတွေရဲ့
ကျေးဇူးကို ပြန်လည်အောင်းမေ့တမ်းတနေမိပါတယ်။ ငယ်ငယ်လေးထဲက သင်ဆရာ ကြားဆရာ
မြင်ဆရာများအပြင် ခုတက်နေတဲ့ ဘွဲ့လွန်ဒီပလိုမာက ဆရာ ဆရာမတွေကလည်း
သားသမီးနဲ့ မိဘသဖွယ် သိချင်တာ တတ်ချင်တာများကို
အိတ်သွန်ဖာမှောက်သင်ကြားပေးတဲ့အပြင် ဆိုးသမျှကိုလည်း
နားလည်ခွင့်လွှတ်ပေးကြတယ်။ ကျွန်မကတော့ ဆရာမင်းကျော်လို၊ ဆရာ
ချစ်ဦးညိုလို စာရေးဆရာ မဟုတ်တဲ့အတွက် စာအုပ်ထုတ်ပြီး
ဆရာတို့ကိုသာလွမ်းဆိုတာကို ရေးချင်ပေမယ့် ရင်ထဲကနေပဲ အမြဲဂရ၀တရားကို
ဆင်ခြင်အောင်းမေ့ပြီး ပြောသမျှ၊ သင်သမျှ ဆုံးမသမျှကို
အမြဲနားထောင်သွားပါမယ်လို့ ပြောရင်း အောက်တိုဘာ ၅ ရက်နေ့ ဆရာများနေ့ကို
ငယ်မှသည် ဒီချိန်ထိ သင်ဆရာ မြင်ဆရာ ကြားဆရာများအားလုံးကို
ဂုဏ်ပြုကန်တော့လိုက်ပါတယ်ရှင်။

ချစ်စရာ့ ရွှေမြန်မာ

ယဉ်ကျေးမှုအစစ်အမှန်ဟာ လူ့အနှစ် အမြုတေရတနာဖြစ်ပါတယ်။ ပထ၀ီအနေအထား၊ လူနေမှု
စနစ်၊ ဓလေ့ထုံးစံ ဆင်ယင်ထုံးဖွဲ့မှု၊ ပန်းချီ၊ ပန်းပု၊ ဘာသာအယူဝါဒ၊
အဆိုအတီးအက၊ စာအရေးအသား၊ အတွေးအခေါ် စသည့်တို့ကိုမှီ၍ ယဉ်ကျေးမှု
သဘောတရားများ ဖြစ်ပေါ်လာပါတယ်။ မြန်မာနိုင်ငံဆိုရင်ပေါ့လေ။
ကိုယ့်နိုင်ငံကိုယ်ယဉ်ကျေးမှုနှင့် ထည်ထည်ဝါ၀ါ ရပ်တည်နေနိုင်တဲ့
နိုင်ငံတစ်နိုင်ငံဖြစ်ပါတယ်။ နှစ်လိုဖွယ်ကောင်းသော
အမျိုးသားယဉ်ကျေးမှုတွေကို ပိုင်ဆိုင်ထားပြီး သာသနာစည်ပင်ပြန့်ပွားနေတဲ့
နိုင်ငံ လည်း ဖြစ်ပါတယ်။ စင်စစ်အမျိုးသားယဉ်ကျေးမှုဆိုတဲ့နေရာမှာ
အမျိုးသားစိတ်၊ အမျိုးသား သဘောတရား ကိန်းဝပ်နေသော ယဉ်ကျေးမှု ဖြစ်ပါတယ်။
ယခုအခါမှာ နိုင်ငံခြား ယဉ်ကျေးမှုများ ပျံ့နှံ့လာမှုကြောင့်
မြန်မာအမျိုးသားယဉ်ကျေးမှုအတွက် အန္တရာယ်ရှိလာတာကို တွေ့ရှိရပါတယ်။ ယမင်း
စဉ်းစားမိတာပေါ့လေ။ အမျိုးသားယဉ်ကျေးမှုသာ တကယ်လို့ နိမ့်ကျသွားခဲ့ရင်
နိုင်ငံနှင့် လူမျိုးလည်း နိမ့်ကျသွားတော့မှာပဲပေါ့။ ဒီလိုတော့
မဖြစ်သင့်တာအမှန်ပါဘဲ။ ဒါကြောင့် ကိုယ့်အမျိုးသားယဉ်ကျေးမှုကို
ခိုင်ခိုင်မာမာ ထိန်းသိမ်းဖို့အတွက် လူတိုင်းမှာ တာဝန်ရှိပါတယ်။
တာဝန်ဆိုတဲ့နေရာမှာလည်း ပြောမှသိမှာထက် ကိုယ့်ရဲ့ အသိစိတ်ဓာတ်နဲ့ ကိုယ်
သိဖို့ အရမ်းလိုအပ်ပါတယ်။ ဒါကြောင့် လူတိုင်းလူတိုင်း ယမင်းနဲ့အတူ
ယဉ်ကျေးမှုကြီးကို ထိန်းသိမ်းကြပါစို့လို့ ပြောချင်ပါတယ်။
ယဉ်ကျေးမှုကြီးကို ထိန်းသိမ်းစောင့်ရှောက်ရမယ့်အရေးကြီးတဲ့ အချက်ကြီး
သုံးခုရှိပါတယ်။ ဒါတွေဟာ ဘာတွေလဲ။ ကြည့်ကြရအောင်နော်။ လိုနေရင်လည်း
အမြင်ကို ပြောလို့ရပါတယ်။ ယမင်း သိသလောက်ကို ပြောရခြင်း ဖြစ်ပါတယ်။
(၁) ရှိပြီးသား အမျိုးသားယဉ်ကျေးမှုများကို ဆက်လက်ထိန်းသိမ်းရေး။
(၂) မတွေ့ရှိသေးသော ရှေးဟောင်းယဉ်ကျေးမှုများကို ရှာဖွေဖော်ထုတ်ရေး။
(၃) အသစ်အသစ်သော အမျိုးသားယဉ်ကျေးမှုများကို တီထွင်ရေးတဲ့။
အဲဒီမှာ ပြောစရာရှိတာက ယဉ်ကျေးမှုကို တီထွင်တဲ့နေရာမှာ အနောက်ယဉ်ကျေးမှုကို
တီထွင်တာကို မဆိုလိုဘူးနော်။ ဒါဟာ တီထွင်တာ မဟုတ်ပါဘူး။ သရုပ်ပျက်ဝါဒကို
ကျင့်သုံးနေကြတာလို့ ယမင်းတော့ မြင်မိပါတယ်။ နောက်ပြီး ခေတ်ကာလအလျောက်
အသစ်တီထွင်ဖန်တီးလာတဲ့ အမျိုးသား ယဉ်ကျေးမှုတွေကို ဖန်တီးဆန်းသစ်လို့
ရပါတယ်။ ဒါပေမဲ့ပေါ့လေ။ တောင်ရှည်ပုဆိုးဝတ်ပြီး ကုတ်အင်္ကျီနဲ့ ဘွတ်ဖိနပ်ကို
တွဲဖက်ဝတ်တာကို ပြောတာ မဟုတ်ပါဘူး။ ယမင်းက ကိုယ့်နိုင်ငံကို
နိုင်ငံခြားသားများ သဘောကျသလို ကိုယ်ကိုယ်တိုင်လည်း မြတ်နိုးမိပါတယ်။
ဒါကြောင့် မြန်မာမှု မြန်မာဟန်ကို မပျောက်ပျက်အောင် ထိန်းသိမ်းထားချင်တာ
ယမင်းရဲ့ရင်ထဲက ဆန္ဒဖြစ်ပါတယ်။ ဒါကြောင့် ယမင်း တည်ဆောက်ထားတဲ့
ဘလောဂ့်အမည်ကိုလည်း ရွှေမြန်မာလို့ အမည်ပေးခဲ့ရခြင်း ဖြစ်ပါတော့တယ်ရှင်။

အလည်တစ်ခေါက် လာရောက်စေချင်...

ခါတစ်လှဲ့ လာခဲ့ပေါ့
ရွှေမြန်မာ
ဝေးမကွာ ပြေးလာလျှင်
တာမထောက်ပါဘူး
connection ကောင်းစဉ်ခါ
ဖွင့်တဲ့ချိန်
ကိုးနက်ရှင် နောက်သမို့
ခဏတော့ ချော့မြူရရှာ
စိတ်ရှည်ကာ သည်းခံစောင့်ပါလို့
တစ်ခေါက်ကယ်
အလည်မရောက်ရင်ဖြင့်
ကြုံခဲ့လျှင် နောက်တစ်ကြိမ်ပေါ့
ကြောက်မက်ဖွယ် ကိုးနက်ရှင်ကို
ကျော်လွှားခါ အရောက်လှမ်းခဲ့ပေါ့.....
ဖိတ်ခေါ်တဲ့ ဒီဘလောဂ့်မှာဖြင့်
ရေးကူကို တွေးပူရတာကြောင့်
ဆွေးပူရရှာ......

MBS seminar ( Etiquette & Technique)

September 13 နှင့် 14 တွင် MBS (Myanmar Bloggers' Society) နှင့် MCPA
(Myanmar Computer Professional Association) တို့ပူးပေါင်းစီစဉ်သော
Social Media : Etiquettes & Technics အမည်ရှိ Blog Day Seminar နှင့်
Workshop ပြုလုပ်မည်ဖြစ်ပါသည်။
တက်ရောက်ကြဖို့ ဖိတ်ခေါ်ပါတယ်။

နိုင်ငံတကာတွင် နှစ်စဉ်ကျင်းပလေ့ရှိသော သြဂုတ်လ ၃၁ ရက်နေ့တွင်
ကျရောက်သည့် ကမ္ဘာ့ဘလော့ဂ်ဒေး အထိမ်းမှတ်အဖြစ် Etiquette & Technique
ခေါင်းစဉ်ဖြင့် ရန်ကုန်မြို့ မြန်မာအင်ဖိုတက်ခ် အဆောက်အဦ တွင် စက်တင်ဘာ
၁၃၊ ၁၄ရက်များတွင် MCPA နှင့် MBS မှ ပူးပေါင်းစီစဉ်သည့် နည်းပညာဆိုင်ရာ
ဟောပြောပွဲ နှင့် နှီးနှောဖလှယ်ပွဲများအား နံနက်၉နာရီမှ ညနေ ၅နာရီအထိ
ကျင်းပပြုလုပ်သွားမည် ဖြစ်ပါသည်။ ထို့ကြောင့် တက်ရောက်နားထောင်လိုသူ
နည်းပညာ ရပ်ဝန်းမှ မိတ်ဆွေများအား သိစေရန် ဖိတ်ကြားအပ်ပါသည်။

Reference : myanmarbloggersociety.asia

Location: Myanmar Info-Tech, Conference Hall
Time: 9:00AM Monday, September 13th

ပြုံးပြုံး ပြုံးပြုံးပြုံးနှင့် မင်း ဘယ်တော့တုန်း

ပြုံးပြုံး ပြုံးပြုံးပြုံးနှင့် မင်း ဘယ်တော့တုန်း
'သုံး'ပျောက်လို့ 'ငါး'ကွယ်
ခြောက်ရွာနှင့်လွှဲ
လူ့ပြည်မှာ စံမမြဲ
'လေး' အောက်ကဆွဲ

သတိ
ပြုံးပြုံး ပြုံးပြုံးပြုံးနှင့် မင်း ဘယ်တော့တုန်း =
လောကီအာရုံကာမဂုဏ်နှင့် ပျော်မွေ့ပြီးနေကျလျှင် မိမိ ဘယ်နေ့
ကွယ်လွန်မည်ဆိုသည်မှာ မသိနိုင်ပေ။
'သုံး'ပျောက်လို့ 'ငါး'ကွယ် = ရတနာ သုံးပါးကိုးကွယ်ရမည်ကို
သတိလက်လွတ်ပြီး အနန္တငါးပါး၏ ဂုဏ်ကျေးဇူးကို မေ့နေသည်က များပေသည်။
ခြောက်ရွာနှင့်လွှဲ = ထို့ကြောင့် နတ်ပြည်ခြောက်ထပ်နှင့် လွဲသူက များပေသည်။
လူ့ပြည်မှာ စံမမြဲ = လူ့ဘဝဆိုသည်မှာ မမြဲပေ။ ရေပွက်ပမာ တစ်သက်လျာတည့်
'လေး' အောက်ကဆွဲ = သတိလက်လွတ်ပြီး အကုသိုလ်ကျူးလွန်မိသဖြင့်
အပါယ်လေးပါးသို့ နစ်မြှုပ်သွားရပေသည်။

သတိ
ဆင်ခြင်ကြကုန်လော့
သင်သည် သေရမည်ကား မလွဲ၊ အချိန်ပိုင်းသာ လိုတော့သည်။ အိုဘေး၊ နာဘေး၊
သေဘေးကား အနောက်မှ အဆက်မပြတ် လိုက်နေပြီး ပြေးလို့ မလွတ်ပါ မအိုမီ မနာမီ
မသေမီမှာ အတ္တစွဲကို ချွတ်ပါ မာနအပွင့်တွေ အမြန်ချွေနိုင်ပါစေ.........
လောဘ ဒေါသ ဆိုတာ ရေသောက်မြစ်တွေ သစ်ပစ်ပါလော့
အနတ္တ ကိုယ်မဟုတ်ဟူသော ဆင်ခြင်တုံတရားကို အမြဲအမြန် ယခုပင် ဆင်ခြင်ပါလော့။

ချိုးဖြူသာသနာပြု အဖေကြီး ဦးအေးဖေ (ဦးအဂ္ဂသာရ) (M.A, B.L.)
သက္ကဝတီချိုးဖြူတောင်၊ တိုက်ကြီးမြို့နယ် သတိပေးစကားလေးတွေကို ပြောပြလိုက်ပါတယ်နော်။

ဗုဒ္ဓမြတ်စွယ်တော်လေးဆူကို ပူဇော်ရှိခိုးသောဂါထာ

တာဝတိံ သေ ဧကာ ဒါဌာ၊ ဧကာ ဘုဇဂပူရကေ၊ ဂန္ဓာရေ ဒန္တပူရမှိ၊ တာပိဝန္ဒာမိ ဓာတုယော။

ဧကာဒါဌာ၊ အထက်လက်ယာ စွယ်တော် ဓာတ်တော်တစ်ဆူသည်၊ တာဝတိံသေ၊ တာဝတိံ သာနတ်ပြည်၌၊ တိဌတိ၊ တည်နေကိန်းဝပ်တော်မူ၏။

ဧကာဒါဌာ၊ အောက်လက်ယာ စွယ်တော်ဓာတ်တစ်ဆူသည်၊ ဘုဇဂပူရကေ၊ နဂါးပြည်၌၊ တိဌတိ၊ တည်နေကိန်းဝပ်တော်မူ၏။

ဧကာဒါဌာ၊ အထက်လက်ဝဲ စွယ်တော်ဓာတ်တစ်ဆူသည်၊ ဂန္ဓာရေ၊ ဂန္ဓရတိုင်း(တရုတ်)၌၊ တိဌတိ၊ တည်နေကိန်းဝပ်တော်မူ၏။

ဧကာဒါဌာ၊ အောက်လက်ဝဲ စွယ်တော်ဓာတ်တစ်ဆူသည်၊ ဒန္တပူရမှိ၊ ကလိင်္ဂတိုင်း ဒန္တပူရပြည်(သီရိလင်္ကာ)၌၊ တိဌတိ၊ တည်နေကိန်းဝပ်တော်မူ၏။

တာပိဓာတုယော၊ ထိုတိုင်းပြည်နိုင်ငံဒေသဌာ နတို့ ၌ တည်နေကိန်းဝပ်တော်မူသော မြတ်စွယ်တော်လေးဆူတို့ ကို၊

အဟံ၊ အကျွန်ုပ်သည်၊ ဝန္ဒာမိ၊

ဦး ခေါင်းညွှတ်ကျိုး လက်စုံမိုး၍ ရှိခိုးပူဇော်ပါ၏၊

ဘလော့ဂ်တွေ ဘယ်လောက် အရေးပါလာမလဲ

အခုတစ်လော blog တွေ၊ wiki တွေ အပြင် ကိုယ်ပိုင်ဒိုမိန်းတွေနဲ့ အုပ်စုတွေ၊ website တွေ တိုးတက်များပြားလာတာကို အချိန်တိုအတွင်းမှာ တွေ့ရှိလာရပါပြီ။ ဒါတွေကို ကြည့်ခြင်းအားဖြင့် လူငယ်လူရွယ်တွေ အချိန်ကို အလဟဿ မကုန်ဆုံးဆောင် အသုံးချတတ်လာကြပြီလို့ မှန်းဆလို့ ရပါတယ်။ ဒါဟာ ဖြစ်လည်း ဖြစ်သင့်ပါတယ်။ တိုးတက်နေတဲ့ ခေတ်အခြေအနေမှာ နည်းပညာတွေ တစ်နေ့ထက် တစ်နေ့ အသစ်အသစ်တွေ ပေါ်ထွက်လာနေချိန်မှာ ကျွန်မတို့တစ်တွေဟာ ခေတ်နောက် ပြတ်ကျန်လို့မရပါဘူး။ မီဒီယာစတိုင်သစ်တွေနဲ့အတူ တတ်နိုင်သရွေ့ ရှေ့ကို အရောက်လှမ်းနိုင်ဖို့ ကြိုးစားကြရမှာပါပဲ။ နောက်ပိုင်း blog တွေ များပြားလာတာနဲ့အမျှ အများရဲ့အမြင်မှာ ကွဲပြားခြားနားစွာ မြင်တတ်ဖို့လည်း လိုအပ်တယ်လို့ ထင်မြင်မိပါတယ်။ blog တွေဟာ လမ်းကြောင်းတစ်ခုတည်းအတွက် ရည်ရွယ်တာ မဟုတ်ပါဘူးဆိုတာပါပဲ။ ကိုယ်ပိုင် ခံစားချက်၊ ကိုယ်ပိုင်တွေ့ရှိချက်၊ ကိုယ်ပိုင်စွမ်းဆောင်ချက်တွေနဲ့အတူ အနုပညာတွေ၊ နည်းပညာ ဗဟုသုတတွေ၊ စီးပွားရေး၊ ပညာရေး အားလုံး အားလုံး လက်လှမ်းမီသလောက် ၀ါသနာအရင်းခံပြီး ဖြန့်ဝေနေကြတာဟာ အလွန်တရာ ၀မ်းသာမိပါတယ်။ ယာဉ်စည်းကမ်းလမ်းစည်းကမ်းရှိသလို၊ လူမှာလည်း လူ့စည်းကမ်းရှိသလို ဘလောဂ့်တွေမှာလည်း ဘလောဂ့်စည်းကမ်းဆိုတာ ရှိပါတယ်။ ဘလောဂ့်ဂါတစ်ယောက်ဟာ ကိုယ်ဖန်တီးတဲ့ အနုပညာအတွက် ကိုယ်ကိုယ်တိုင် တာဝန်ယူရပါတယ်။ မှန်ကန်တဲ့သတင်း၊ မှန်ကန်တဲ့လုပ်ဆောင်ချက်၊ မှန်ကန်တဲ့အကြောင်းအရာ ဒါတွေဟာ တိကျမှန်ကန်မှုရှိမှသာ ကိုယ့်ဘလောဂ့်မှာ တင်ပြကြခြင်း ဖြစ်ပါတယ်။ ငါသာစေ သူ နာစေဆိုတဲ့ စိတ်နဲ့ လုပ်ဆောင်ခြင်းမျိုးက ရေရှည်မှာ တည်မြဲမှု မရှိရုံမျှမက ဘလောဂ့်ဂါ အများကိုလည်း ယုံကြည်မှု ကင်းမဲ့စေတဲ့ လုပ်ဆောင်ချက်ဖြစ်တဲ့အတွက် ဘလောဂ့်ဂါတိုင်း နားလည်လက်ခံသဘောပေါက်ကြပါတယ်။ ကိုယ့်အမြင် သူ့အမြင် ဖလှယ်ခြင်းဟာလည်း ကောင်းတဲ့ လုပ်ဆောင်ချက်နဲ့ အောင်မြင်တိုးတက်မယ့် တက်လှမ်းတွေ ဖြစ်ပါတယ်။ ပြင်ပ ဘလောဂ့်ဂါများ နေရာအနှံ့အပြားမှာ များပြားနေတာကို တွေ့ရှိခြင်းအားဖြင့် ကိုယ့်နိုင်ငံသားတွေလည်း  ဒီလို မီဒီယာအသစ်တွေ အများအပြား တိုးတက်စေချင်တာ အမှန်ပါ။ ဘလောဂ့်ဂါအချင်းချင်း ရိုင်းပင်းကူညီပြီး ပြည်ပ မီဒီယာသမားတွေ ကိုယ့်ဝန်းကျင်းအတွင်း မ၀င်လာနိုင်အောင် အားလုံးကြိုးစားကြစေချင်ပါတယ်။ ပြည်ပနိုင်ငံသား ဘလောဂ့်တွေကို လေ့လာမိသလောက် ဘလောဂ့်ဂါတွေရဲ့ ၃၅ ရာခိုင်နှုန်းကသာ ဘလောဂ့်တင်ခြင်းကို ဂျာနယ်လစ်ဇင်ရဲ့ ပုံစံသစ်တစ်မျိုးအဖြစ် ရှုမြင်ကြပြီး ကျန် ၆၅ ရာခိုင်နှုန်းနီးပါးကတော့ ယင်းသို့ မယူဆပါဘူးလို့ ဆိုပါတယ်။ အဲ နောက်ပြီး မိမိတို့ဟာ တစ်ခါတစ်ရံမှာဖြစ်စေ၊ မကြာခဏဖြစ်စေ မိမိတို့သတင်းမှာ ဖော်ပြမယ့် အချက်အလက်တွေရဲ့ မှန်ကန်မှုနဲ့ပတ်သက်ပြီး စစ်ဆေးအတည်ပြုဖို့အတွက် အချိန်ပိုပေးပြီး လုပ်ကြတယ်လို့ ဆိုသူ အရေအတွက်ကတော့ ၅၆ ရာခိုင်နှုန်းမျှသာ ရှိပါတယ်။ ဒီတော့ ဘလောဂ့်ဆိုတာနဲ့ တစ်ခုထဲသော အကြောင်းအရာကို မမြင်စေချင်ပါဘူး။ ကိုယ့်ရေးသားချက်ကို ကိုယ်တာဝန်ယူရပါမယ်။ ဘလောဂ့်ဂါ တော်တော်များများ အင်း ပြောရရင်တော့ ၇၀ ရာခိုင်နှုန်းလောက်ဟာ သူတို့ရဲ့ သတင်းတွေကို အွန်လိုင်းတင်ရာမှာ သူတို့ရဲ့ အမည်ဝှက်ကိုသာ ဖော်ပြကြပါတယ်။
ဘလောဂ့်ဂါတွေဟာ သတင်းရေးရာမှာ သူတို့ရဲ့ အမည်မှန်ကို မဖော်ပြတဲ့အတွက် တကယ်လို့ သတင်းမှားတွေ ပေးခဲ့ရင်လည်း သူတို့ကို ခြေရာခံနိုင်မှာ မဟုတ်ပါဘူး။ ထိုအဖြစ်တွေကြောင့် တချို့ ဘလောဂ့်ဂါတွေ မှားယွင်းတဲ့ ကောလဟလသတင်းတွေကို ဖြန့်ဝေလာမိတဲ့အခါ ကျန်ဘလောဂ့်ဂါများကိုပါ ထိခိုက်နစ်နာစေမှု ဖြစ်ပွားနိုင်ပါတယ်။ ဒါကြောင့် တစ်ဦးနဲ့တစ်ဦး အထင်မှား အမြင်မှားမှုတွေလည်း ဖြစ်လာနိုင်စရာ ရှိလာပါမယ်။ ဘာပဲပြောပြော နည်းပညာတွေ တိုးတက်ပြန့်ပွားလာတာနဲ့အမျှ လူကြီး လူငယ် လူရွယ်တွေအားလုံး နည်းပညာ ဗဟုသုတအမြင်တွေ နေရာတိုင်းမှာ ရရှိလာနိုင်မယ်ဆိုရင်၊ နားလည်မှုတွေ မှန်ကန်လာနိုင်မယ်ဆိုရင် ဘလောဂ့်တွေ ဘယ်လောက်အရေးပါလာမလဲ။ နိုင်ငံတစ်နိုင်ငံလုံးရဲ့ စီးပွားရေး အစိတ်အပိုင်းတစ်ခုအဖြစ် ဖြစ်မလာနိုင်ဘူးလို့ ပြောလို့ မရတော့ပါဘူး။ ဘလောဂ့်တွေဟာ ကျွန်မတို့နိုင်ငံသားတွေရဲ့ အခြေခံ အဆောက်အအုံကို ဖျက်ဆီးပစ်နေတယ်ဆိုတဲ့ တွေးထင်ချက်ဟာ ယေဘုယျအားဖြင့် ခိုင်လုံမှု မရှိဘဲ အယူအဆသဘောသက်သက်သာ ဖြစ်ပါတယ်။ ဘလောဂ့်တွေကြောင့် ငုံ့လျှိုးနေတဲ့ အနုပညာ၊ ကိုယ်တိုင်ဖန်တီးနိုင်မှု စွမ်းရည်၊ လူတိုင်း အရည်အချင်းရှိပါတယ်ဆိုတဲ့ မိမိကိုယ်ကိုယ်ယုံကြည်မှု၊ ပညာတတ်ဝန်းကျင်တွေ အရာအားလုံး တိုးတက်များပြားလာတာနဲ့အမျှ နိုင်ငံတစ်ဝှမ်းလုံး အောင်မြင်ဖြစ်ထွန်းမယ့် လူငယ်လူရွယ်တွေ မွေးထုတ်လာနိုင်ခဲ့ပြီး တိုးတက်အောင်မြင်သော လုပ်ဆောင်ချက်တွေနဲ့ ကမ္ဘာတစ်ဝှမ်းလုံးကို ရင်ဘောင်တန်းလာနိုင်မယ်လို့ ကျွန်မ မြင်မိပါတော့တယ်။
အခုအချိန်အတွက် မေးရမယ့် မေးခွန်းကတော့ ကျွန်မတို့အနေနဲ့ အများပြည်သူဆိုင်ရာ လူသားအားလုံးအတွက် နည်းပညာတွေ၊ ပညာဗဟုသုတ ဖလှယ်မှုတွေ ကိုယ်စွမ်းရှိသလောက် ဘယ်လို ဖြန့်ဝေသွားမလဲဆိုတာပါပဲ။

ညဘက် အိပ်မပျော်တဲ့သူများအတွက်

အလုပ်လုပ်ကြသူများရဲ့ ၄၀ ရာခိုင်နှုန်းဟာ လုပ်ငန်းခွင်တာဝန်များကြောင့်
ညအချိန်မှာ အိပ်မပျော်တဲ့ ဝေဒနာတွေ ခံစားနေကြရကြောင်း ခုတစ်လော
သတင်းကြားနေရပါတယ်။ ဒီတော့ ကျွန်မ သိတဲ့နည်းလေးကို
ပြန်လည်မျှဝေလိုက်ပါရစေ။ အိပ်မပျော်ခြင်းအတွက် နည်းလေးကတော့ ရေနွေးနဲ့
ရေချိုးပေးခြင်း ဖြစ်ပါတယ်။
ရေနွေးကြောင့် ကျယ်ပွလာတဲ့ အရေပြားပေါ်က သွေးကြောကလေးဆီ သွေးလှည့်ပတ်
ရောက်သွားတဲ့အခါ ဦးနှောက်ကို သွေးအပို့နည်းသွားတတ်ပါတယ်။ ဒီအချိန်မှာ
အိပ်ချင်စိတ် ဖြစ်ပေါ်ပြီး အိပ်ပျော်စေတာလို့ လက်လှမ်းမီသလောက်
မေးကြည့်ထားမိပါတယ်။
ဒါကြောင့် ညဘက်အိပ်ခါနီး ရေချိုးတဲ့အခါ ရေနွေးထဲကို ရနံ့ဆီတစ်မျိုးမျိုး
(ဥပမာ - လာဗင်ဒါဆီ၊ လိုင်လိုင်ဆီ) ကို (၈) စက်ခန့်ထည့်ရောပြီး
ချိုးပေးပါ။
ရနံ့ဆီတွေဟာ အကြောအခြင်တွေ ပြေလျော့ပေးနိုင်တဲ့ သတ္တိထူးတွေရှိတဲ့အတွက်
အကြောပြေပြီး အိပ်ပျော်စေမှာ ဖြစ်ပါတယ်။ သုတေသနဂျာနယ်တစ်ခုမှာ
ရေနွေးချိုးခြင်း (warm bath)နဲ့ပတ်သက်ပြီး သာဓကတစ်ခုကို ဖော်ပြထားတာ
တွေ့ရှိခဲ့တယ်။ အပူချိန် (၁၀၀) ဒီဂရီဖာရင်ဟိုက်ရှိတဲ့ ရေချိုးခြင်းဟာ
ငိုက်မျဉ်းခြင်းကို ဖြစ်စေတဲ့အတွက် အိပ်မပျော်သူများ အတွက် ထူးတဲ့
နည်းတစ်ရပ်အဖြစ် ပြောထားလို့ ကျွန်မ လက်တွေ့စမ်းသပ် ခဲ့ဖူးပါတယ်။
ဘယ်လောက်တောင်လဲဆိုရင် နေ့လည်ဘက် နေပူလို့ ဘုံဘိုင်က ရေ နွေးနေတာကို
လက်နဲ့ သုံးလေးခါဆေးလိုက်မိတော့ အိပ်ငိုက်တာ မျက်လုံးတောင်
မဖွင့်နိုင်အောင် ရုပ်ပျက် ဆင်းပျက် ဖြစ်ခဲ့ဖူးလို့ ညဘက်
အိပ်မပျော်သူများအတွက် နည်းကောင်းတစ်လက်အဖြစ် တင်ပြလိုက်ရခြင်း
ဖြစ်ပါတော့တယ်။

Information Technology Professional Examination Council (ITPEC)

၁။ ITPEC ဆိုတာ ဘာလဲ?
ITPEC = Information Technology Professional Examination Council
မြန်မာနိုင်ငံ အပါအ၀င် အဖွဲ့ဝင် (၇) နိုင်ငံပါဝင်တဲ့ IT Professional
ဆိုင်ရာ Skill များ သတ်မှတ်ပြီး စာမေးပွဲများ စစ်ဆေးပေးတဲ့ အဖွဲ့အစည်းပါ။
ITPEC မှာ မြန်မာနိုင်ငံက MCF (မြန်မာနိုင်ငံ ကွန်ပျူတာအသင်းချုပ်)၊
မလေးရှားက (METEOR)၊ မွန်ဂိုလီးယားက (NITP)၊ ထိုင်းက (NECTEC)၊ ဂျပန်က
(IPA)၊ ဗီယက်နမ်က (VITEC)၊ ဖိလစ်ပိုင်က (PhiINITS) စတဲ့ အဖွဲ့တွေ
ပါဝင်ပါတယ်။

၂။ ITPEC Exam ဆိုတာ ဘာလဲ?
ITPEC က စစ်ဆေးတဲ့ စာမေးပွဲတွေပါ။ Exam Category (၁၄) မျိုး ရှိပါတယ်။
1) An: Systems Analyst Examination
2) PM: Project Manager Examination
3) AE: Application Systems Engineer Examination
4) SW: Software Design & Development Engineer Examination
5) NW: Network Systems Engineer Examination
6) DB: Database Systems Engineer Examination
7) SM: Systems Management Engineer Examination
8) ES: Embedded Systems Development Engineer Examination
9) SV: Information Security Engineer Examination
10) SU: Information Systems Security Administrator Examination
11) SD: Senior Systems Administrator Examination
12) AD: Systems Administrator Examination
13) AU: Systems Auditor Examination
14) FE: Fundamental Information Technology Engineer Examination

မြန်မာနိုင်ငံမှာ ကျင်းပပေးတဲ့ စာမေးပွဲက FE (Fundamental Information
Technology Engineer) ဖြစ်ပါတယ်။ တစ်နှစ်လျှင် နှစ်ကြိမ်
အဖွဲ့ဝင်နိုင်ငံအားလုံးမှာ တစ်ပြိုင်နက် စာမေးပွဲကျင်းပစစ်ဆေးပါတယ်။
နှစ်စဉ် April နှင့် October လတွေမှာ စစ်ဆေးပါတယ်။ FE စာမေးပွဲ
စစ်ဆေးချိန်က စုစုပေါင်း (၅) နာရီဖြစ်ပါတယ်။ နံနက်ပိုင်းမေးခွန်းက (၂)
နာရီ (၃၀) မိနစ်။ ညနေပိုင်း မေးခွန်းက (၂) နာရီ (၃၀) မိနစ်။
မေးခွန်းအားလုံး MUltiple Choice Question တွေပဲ ဖြစ်ပါတယ်။

၃။ စာမေးပွဲဖြေဆို အောင်မြင်ပြီး လက်မှတ်ရရင် ဘယ်လိုအကျိုးရှိမှာလဲ
(၁) မိမိ၏ အိုင်တီဘာသာရပ်ဆိုင်ရာ ကျွမ်းကျင်ပိုင်နိုင်မှုကို
စစ်ဆေးမှတ်ကျောက်တင်ပြီးသား ဖြစ်ခြင်း။
ဂျပန်နိုင်ငံမှာ IPA (Information-technology Promotion Agency)
ဆိုတဲ့အဖွဲ့ရှိပါတယ်။ အဲဒီအဖွဲ့အောက်မှာ JITEC က ITEE
(Information-Technology Engineers Examination) တွေကို စစ်ဆေးနိုင်ဖို့
Standard Skill များ ပြုစုခြင်းမှ အစ ဆောင်ရွက်ပေးပါတယ်။
အဲဒီစာမေးပွဲတွေနဲ့ လက်မှတ်တွေကို အထက်တွင် ဖော်ပြထားသော ITPEC
အဖွဲ့ဝင်နိုင်ငံများအပြင် ကျန်ကမ္ဘာ့နိုင်ငံတော်တော်များများကလည်း
သဘောကျလက်ခံကြပြီး သူတို့နဲ့ ပူးပေါင်းဆောင်ရွက်နေကြပါတယ်။ ဒါကြောင့်
ITPEC-(FE) စာမေးပွဲအောင်ပြီး လက်မှတ်ကိုင်ထားနိုင်ရင် မိမိ၏
အိုင်တီဆိုင်ရာ အခြေခံအဆင့် အရည်အချင်းကို နိုင်ငံတကာ 'စံ'တစ်ခုနဲ့
မှတ်ကျောက်တင်ပြီးသား ဖြစ်ပါမယ်။

(၂) အဖွဲ့ဝင်နိုင်ငံများ၏ Cross Certification ဖြစ်ခြင်း
မြန်မာနိုင်ငံမှာ ဖြေဆိုအောင်မြင်တဲ့ ITPECFE စာမေးပွဲအောင်လက်မှတ်ကို
ကျန်နိုင်ငံများကပါ အသိအမှတ်ပြုတဲ့အတွက် အဲဒီနိုင်ငံတွေမှာ
အိုင်တီအလုပ်တွေ၊ အိုင်တီဆိုင်ရာ ပညာသင်ယူမှုတွေ၊ အိုင်တီဆိုင်ရာ
Scholarship လျှောက်တာတွေစတဲ့ ကိစ္စတွေမှာ များစွာ အထောက်အကူပြုမှာ
ဖြစ်ပါတယ်။

၎။ ITEPC စာမေးပွဲဖြေဆိုရန် အရည်အချင်းကန့်သတ်ချက်ရှိပါသလား
အရည်အချင်း ကန့်သတ်မှုမရှိပါ။ သို့သော်လည်း အနိမ့်ဆုံးအားဖြင့်
တက္ကသိုလ်ဝင်စာမေးပွဲ အောင်မြင်ပြီးသူများ ဖြေဆိုရန် အကြံပြုပါသည်။ ITPEC
ကို IT ဖြင့် အသက်မွေးဝမ်းကျောင်းပြုလိုသူများ၊ ကွန်ပျူတာနှင့်
နည်းပညာတက္ကသိုလ်ကျောင်းသားကျောင်းသူများ၊ နိုင်ငံတကာ
အသိအမှတ်ပြုလက်မှတ်ရလိုသူများ ဖြေဆိုခြင်းဖြင့်
အကျိုးအများဆုံးရရှိနိုင်ပါသည်။

၅။ စာမေးပွဲဖြေဖို့ ဘာတွေလေ့လာထားရမလဲ.....
1) Computer System
2) Information Processing and Security
3) System Development
4) System Operations and Maintenance
5) Internal Design and Programming
6) Network Technology
7) Database Technlogy
8) Current IT Topics (Applications) စသည့် ဘာသာရပ်များကို
ကျွမ်းကျင်ပိုင်နိုင်အောင် လေ့လာထားရပါမည်။ စာမေးပွဲကို English
ဘာသာဖြင့် စစ်ဆေးပါမည်။

၆။ စာမေးပွဲဖြေဆိုရန် မည်သို့ ဆက်သွယ်ဖြေဆိုရမည်နည်း။
မြန်မာနိုင်ငံတွင် ကွန်ပျူတာအသင်းချုပ်ကို ဆက်သွယ်ရပါမည်။ ရန်ကုန်မှ
ဖြေဆိုသူများအတွက် စာစစ်ဌာနကို မြန်မာအင်ဖိုတက်ခ်တွင် စစ်ဆေးမည်ဖြစ်ပြီး
ပြည်နယ်နှင့်တိုင်းများမှ ဖြေဆိုသူများကို သက်ဆိုင်ရာ ပြည်နယ်နှင့်
တိုင်း ကွန်ပျူတာအသင်းများမှ စီစဉ်ဆောင်ရွက်စစ်ဆေးပါမည်။ စာမေးပွဲကြေးမှာ
ပြီးခဲ့သည့် ၂၀၁၀ ခုနှစ် ဧပြီလ (၄) ရက်နေ့ တနင်္ဂနွေနေ့တွင် ဖြေရသော
စာမေးပွဲတုန်းကတော့ ၁၀၀၀၀ိ/- ကျပ်ဟု သိရပါသည်။

၇။ ၀င်ရောက်လေ့လာဖတ်ရှုသင့်သော ၀က်ဘ်ဆိုက်များမှာ -
ITPEC(http://www.itpec.org)Offical Website
PhiNITS(the Philippines) (http://www.philnits.org)
METEOR(Malaysia)(http://www.mitpe.meteor.com.my)
NITP(Mongolia)(http://www.itpark.mn)
MCF(Myanmar)(http://www.mcf.org.mm)
NECTEC (Thailand) (http://www.ite.nectec.or.th)
VITEC(Vietnam)(http://www.vitec.org.vn)

တို့တွင် လေ့လာနိုင်ပါတယ်။ သိရသလောက် ပြန်လည်ရေးသားတင်ပြလိုက်ရခြင်း ဖြစ်ပါတော့တယ်။

မြန်မာဖေ့စ်ဘွတ်ခ်ဆိုဒ် ဖွင့်လှစ်တော့မည်

မြန်မာဖေ့စ်ဘွတ်ခ်ဆိုဒ်ကို 01.09.2010
ဖော်ပြပါ ရက်စွဲအတိုင်းဖွင့်လှစ်မည် ...

MMFB (မြန်မာဖေ့စ်ဘွတ်ဆိုက်) အနေဖြင့် မြန်မာနိုင်ငံသားများ အပန်းဖြေရေးနှင့် အတူ ပြည်ပမှ Social Networking Site တခုဖြစ်သော Facebook Site အား မိမိတို့၏ MMFB ဖြင့် အစားထိုး နိုင်ရေးပဲဖြစ်ပါတယ်။ အစီအစဉ်သစ်တခုအနေဖြင့်  MMFB Entertainment မီဒီယာဆိုက်ကို လာမည့် အောက်တိုဘာလတွင် ဖွင့်လှစ်နိုင်ရန် ရည်ရွယ်ထားပါတယ်။

ယူကေ ပညာရေး ဆွေးနွေးပွဲ - International College Wales Swansea (ICWS) နှင့် Plymouth Devon International College (PDIC)

Time : *10:00 am ~ 11:45 am*

Date : *24 August 2010 (Tuesday)*

Venue : *Taung-Ngu Room, Level 3, Traders Hotel, Yangon*

Speaker : *Mr. Karl Abbey, Plymouth, UK*

*Register NOW @ AT&S Co., Ltd. - Tel (Ygn) : 521125, 652288, 09-5062171*

အင်္ဂလန်သို့ သွားရောက်ပညာသင်ကြားလိုသော မြန်မာနိုင်ငံမှကျောင်းသား/သူများအတွက်
အင်္ဂလန်နိုင်ငံရှိ International College Wales Swansea (ICWS) နှင့် Plymouth
Devon International College (PDIC) တို့မှတဆင့် အင်္ဂလန်နိုင်ငံ၏ Highly
Trusted တက္ကသိုလ်များဖြစ်သည့် Swansea University နှင့် University
of Plymouth တို့သို့ တိုက်ရိုက် တက်ရောက်နိုင်မည့် ယူကေ ပညာရေးဆွေးနွေးပွဲ
တစ်ရပ်အား ကျင်းပပြုလုပ်သွားမည် ဖြစ်ကြောင်း မြန်မာနိုင်ငံဆိုင်ရာ
တရားဝင်အသိအမှတ်ပြု ပညာရေး အတိုင်ပင်ခံ AT&S Co., Ltd. ထံမှ သိရှိရသည်။

အဆိုပါ ပညာရေးဆွေးနွေးပွဲအား (၂၀၁၀) ပြည့်နှစ် ၊ သြဂုတ်လ (၂၄)ရက် ၊
အင်္ဂါနေ့တွင် ရန်ကုန်မြို့ရှိ ကုန်သည်ကြီးများဟိုတယ် ၊ တောင်ငူ ခန်းမ၌ နံနက်
(၁၀) နာရီ မှ (၁၁း၄၅) နာရီ အထိ ကျင်းပပြုလုပ်မည် ဖြစ်ပါသည်။ ဆွေးနွေးပွဲသို့
ICWS နှင့် PDIC တို့မှ တာဝန်ခံအရာရှိတစ်ဦးဖြစ်သူ Mr. Karl Abbey
ကိုယ်တိုင်လာရောက်၍ International College Wales Swansea (ICWS) နှင့်
Plymouth Devon International College (PDIC) တို့တွင်
တက်ရောက်သင်ကြားနိုင်မည့် ဘာသာရပ်
များအကြောင်း ၊ Swansea University နှင့် University of Plymouth တို့သို့
တိုက်ရိုက် ဆက်လက် တက်ရောက်ခွင့်ရမည့် ဘာသာရပ်များ အကြောင်းကို
အသေးစိတ်ရှင်းလင်းဆွေးနွေးပေးမည်ဖြစ်ပါသည်။

ICWS (UK) နှင့် PDIC (UK) တို့တွင် First Year တက်ရောက်ပြီး Swansea
University နှင့် University of Plymouth တို့ရှိ စီးပွားရေးဘာသာရပ်များ၊
အင်ဂျင်နီယာဆိုင်ရာဘာသာရပ်များ၊ ဆေးပညာဆိုင်ရာ ဘာသာရပ်များ၊
အိုင်တီဘာသာရပ်များ၊ ဇီဝဆေးသိပံ္ပဘာသာရပ်၊ ဥပဒေဘာသာရပ် နှင့် နိုင်ငံတကာ
လူမှုဆက်ဆံရေး ဘာသာရပ်များကို ဒီဂရီတန်း နှင့် ဘွဲ့လွန်သင်တန်းများတွင်
ဆက်လက်တက်ရောက် သင်ကြားနိုင်မည်ဖြစ်ကြောင်း AT&S Co., Ltd. ထံမှ
သိရှိရသည်။

Mr. Karl Abbey နှင့် ကျောင်းသားတစ်ဦးချင်း တွေ့ဆုံဆွေးနွေးပြီး
ကျောင်းလျောက်ထားလိုပါက မိမိတို့၏ ပညာအထောက်အထားစာရွက်စာတမ်းများကို
အပြည့်အစုံယူဆောင်လာရမည်ဖြစ်သည်။

ယူကေ ပညာရေးဆွေးနွေးပွဲကို တက်ရောက်လိုသော ကျောင်းသားများ ၊ မိဘများအနေဖြင့်
ဆွေးနွေးပွဲ တက်ရောက်ရန်အတွက် AT&S Co., Ltd. သို့
ကြိုတင်စာရင်းပေးသွင်းရမည်ဖြစ်ပြီး အသေးစိတ် စုံစမ်းသိရှိလိုပါက အဆောင်(၅) ၊
အခန်း(၄) ၊ မြန်မာအင်ဖိုတက်ခ် ၊ လှိုင်တက္ကသိုလ် နယ်မြေ ၊ ရန်ကုန်မြို့။
(ဖုန်း) ၅၂၁၁၂၅ ၊ ၆၅၂၂၈၈ ၊ ၆၅၂၃၂၀ တို့သို့ ဆက်သွယ်မေးမြန်းနိုင်ကြောင်း
သတင်းရရှိပါသည်။

အားလုံးပညာတတ်များ ဖြစ်နိုင်ကြပါစေ......

ဗုဒ္ဓကို ပူဇော်ခြင်း အဆင့်အမျိုးမျိုး

အဆင့် (၁) ဒါနဖြင့် ပူဇော်ခြင်း -

အဆင့် (၂) သီလဖြင့် ပူဇော်ခြင်း -	(ပ) ကိုယ်ချင်းစာတရားဖြင့် ငါးပါးသီလကို ကိုယ်နှုတ်စိတ်တို့ဖြင့် လုံခြုံအောင်ထိန်းသိမ်းခြင်း၊ (ဒု) (၈)ပါး (၉)ပါး သီလ၊......သံဃာတော်များသည် (၂၂၇)ပါး ၀ိနည်းသိက္ခာတော်ကို ထိန်းသိမ်းခြင်း၊
အဆင့် (၃) သမာဓိဖြင့် ပူဇော်ခြင်း -	ထို့ထက် အဆင့်မြင့်လိုသော ပုဂ္ဂိုလ်တို့သည် (ပ) ကိုယ်ကျင့်သီလကို ကိုယ်နှုတ်အပြင် စိတ်ကိုပါ သမထဖြင့် (အခိုက်အတန့်အားဖြင့်) ဖြူစင်သန့်ရှင်းစင်ကြယ်အောင် ထိန်းသိမ်းနိုင်ခြင်း၊ (ဒု) ကိုယ်ကျင့်သီလကို သမာဓိဖြင့် (အချိန်ကြာရှည်စွာ) ခိုင်မြဲအောင် ထိန်းသိမ်းနိုင်ခြင်း၊
အဆင့် (၄) ၀ိပဿနာဘာဝနာဖြင့် ပူဇော်ခြင်း -	(ပ) တစ်သံသရာလုံးမှာ ပါလာသမျှ မိစ္ဆာဒိဋ္ဌိ (မှားယွင်းနေသောအမြင်၊ မှားယွင်းနေသောအယူများ) ကို သမ္မာဒိဋ္ဌိ (မှန်ကန်သောအမြင်) ဖြစ်အောင် ရှုပွားနိုင်ခြင်း၊ (ဒု) သောတပတ္တိမဂ်ဖိုလ် ဆိုက်ရောက်အောင် ကျင့်ကြံနိုင်ခြင်းမှသည် အရဟတ္တမဂ်ဖိုလ်သို့ ဆိုက်ရောက်အောင် ကျင့်ကြံနိုင်ခြင်း၊

ထို့ကြောင့် "ဗုဒ္ဓနှစ် ၂၆၀၀ ပြည့်" အထိမ်းအမှတ်ကို ပူဇော်လိုသူများသည် အထက်ပါအဆင့် (၁)၊ (ပ) (ဒု)မှသည် အဆင့် (၂)၊ (၃)၊ (၄) (ပ) (ဒု) စသည်တို့ဖြင့် မိမိစွမ်းနိုင်သမျှ (တတ်နိုင်သမျှ) ပူဇော်နိုင်ကြပါစေကြောင်း ဆုမွန်ကောင်းပို့သအပ်ပါသည်။

source :sskhinmgaye

ခရီးသွားအန္တရာယ်ကင်းဂါထာတော်

ကတာ မေ ရက္ခာ၊
ကတံ မေ ပရိတ္တံ။
ပဋိက္ကမန္တု ဘူတာနိ၊
သောဟံ နမော ဘဂ၀တော။
နမော သတ္တန္နံ သမ္မာသမ္ဗုဒ္ဓေါနံ။

အဓိပ္ပာယ်က
ငါသည် အစောင့်ချအပ်ပြီ။
ငါသည် ပရိတ်အကာအကွယ်ပြုအပ်ပြီး အန္တရာယ်ပြုမည့် သတ္တ၀ါတွေ နောက်ဆုတ်ကြပါလော့။
ငါသည် ဂေါတမဘုရားရှင်အား ရှစ်ခိုးပါ၏။
ဝီပဿီဘုရား ၊ သိခီဘုရား။
ကကုသန်ဘုရား ၊ ကောဏဂုံဘုရား။
ကုဿပန်ဘုရား ၊ ဂေါတမဘုရား ၊ အရိမေတ္တယျဘုရား။
ဟူသော ( ၇ ) ဆူသော ဘုရားရှင်တို့အား ရှစ်ခိုးပါ၏။

ရွတ်ဆိုရခြင်း၏ အကျိုး

ဤဂါထာတော်သည် ခန္ဓသုတ်တော်မှလာသည် ။ ဤဂါထာတော်ကို အမြဲရွတ်ဖတ်ပူဇော်ပါက မည်သည့်အန္တရယ်မှ မတွေ့နိုင်။ အထူးသဖြင့် ခရီးသွားခါနီးတွင် ရွတ်၍သွားမည့်လမ်းနေရာအရပ်ကို မေတ္တာပို့ပါ။ အမျှဝေပါ။

အန္တရာယ်ကင်းပြီး ကိုယ့်စိတ်တိုင်းကျ ချမ်းသာစွာ သွားရပါမည်။ အဆင်ပြေကြပါစေနော်။

ဘဝမှာနေတတ်စေဖို့

ဘ၀ဆိုတာကတော့ ကောင်းတစ်ချီ ဆိုးတစ်လှည့်ပေါ့။ အမြဲတမ်းကြီး နေ့မဟုတ်သလို အမြဲတမ်းကြီးလည်း ညမဖြစ်ပါဘူး။ လောကထဲမှာ ရှိနေသရွေ့ကတော့ လောကဓမ္မဆိုတဲ့ လောကဓံတရားတွေနဲ့ ကြုံနေရမှာပါ။ အကောင်းလောကဓံ၊ အဆိုးလောကဓံ နှစ်မျိုးရှိတဲ့အထဲက အကောင်းများများ ကြုံရဖို့ကတော့ ဒါန၊ သီလ၊ ဘာဝနာ များများလုပ်ဖို့ပါပဲ။ ဒါနက ပြင်ပပစ္စည်း စိုက်ထုတ်ဖို့ လိုပေမယ့် ကျန်တဲ့နှစ်ခုကတော့ လုပ်ချင်စိတ်လေး ရှိရုံနဲ့ လုပ်လို့ရပါတယ်။ ဘာမှလည်း မကုန်ပါဘူး။ အကျိုးလည်း ပိုကြီးပါတယ်။ အဆိုးတွေနဲ့ ကြုံရတယ်ဆိုတာ ဘယ်သူ့ကြောင့်မှ မဟုတ်ပါဘူး။ ဘယ်သူ့ကိုမှ အပြစ်တင်လို့ မရပါဘူး။ အကုသိုလ်အကျိုး မပေးနိုင်လောက် အောင်ကို ငါ့ရဲ့ ကုသိုလ်တာရိုးက မလုံသေးပါလားလို့ပဲ မှတ်ရပါမယ်။ ပိုလုံအောင်၊ ပိုကောင်းအောင်ပဲ ကြိုးစားရပါမယ်။ ဒီလိုမှ မဟုတ်ဘဲ စိတ်တိုနေမယ်၊ စိတ်ဆင်းရဲနေမယ်ဆိုရင်တော့ အကုသိုလ်အတိုးယူသလို ဖြစ်နေမှာပါပဲ။ ဘ၀ထဲမှာ အလိုက်သင့်နေတတ်ဖို့က အလွန်ပဲ အရေးကြီးပါတယ်။ ဘာသာရေးအသုံးအနှုန်းနဲ့ ပြောရရင် ယောနိသောမနသိကာရ ရှိဖို့ပါ။ ခပ်ပေါ့ပေါ့ပြောရရင် အကောင်းမြင်တတ်ခြင်းပါ။ အဲဒါက ကုသိုလ် ဖြစ်ခြင်းရဲ့ အနီးဆုံး အကြောင်းပါပဲ။ မဂ်၊ ဖိုလ်ကိုတောင် ပေးနိုင်ပါတယ

ဥပမာဆိုရရင် လှိုင်းထန်တဲ့ ရေပြင်ကျယ်ကို လှေငယ်နဲ့ ဖြတ်ကူးတဲ့အခါ လှိုင်းရိုက်တာကို အလိုက်သင့်ခံပြီး လိုရာကို သွားတတ်ဖို့က အလွန်ပဲ အရေးကြီးပါတယ်။ ဒီလိုမှ မဟုတ်ဘဲ ကန့်လန့်ကြီး သွားခံမယ်ဆိုရင်တော့ ကိုယ့်လှေပဲ တစ်စစီဖြစ်ပြီး နစ်မြုပ်ဒုက္ခရောက်ရမှာပေါ့။ ဒီလိုပါပဲ လောကဓံ လှိုင်းထန်တဲ့ သံသရာရေကြောကို ဖြတ်တဲ့အခါမှာလည်း ပညာနဲ့ အလိုက်သင့်ခံပြီး လိုရာပန်းတိုင်ကို ရောက်အောင် သွားတတ်ရပါမယ်။ ကြားဖူးတဲ့ စကားလေး တစ်ခွန်းနဲ့ ခိုင်မာအောင် ပြောပါဦးမယ်။

စိတ်ဓာတ်မပြည့်ဝသေးတဲ့သူဟာ ပြဿနာတစ်စုံတစ်ခု ကြုံရရင် သူများကို အပြစ် တင်တတ်တယ်တဲ့။

အထိုက်အလျောက် ပြည့်ဝတဲ့သူကတော့ မိမိကိုယ်ကို အပြစ်တင်တတ်တယ်တဲ့။

လုံးဝပြည့်ဝပြီးသူများကတော့ ဘယ်သူ့ကိုမှ အပြစ်မတင်တော့ဘူးတဲ့။

လောကဓမ္မကို အမှန်အတိုင်း သိမြင်ပြီး မတုန်မလှုပ် လက်ခံသွားနိုင်တာပါ။ ဒါကို အလိုက်သင့် ခံယူတတ်တယ်လို့ ဆိုချင်တာပါ။ လောကမှာ အန္တရာယ်များတဲ့ ရေလမ်းခရီးကို သွားတဲ့အခါ ကိုယ့်လှေလေးကိုယ် အကောင်းဆုံးဖြစ်အောင်၊ ခိုင်သထက် ခိုင်အောင် ပြင်ဆင်၊ ရိက္ခာတွေ စိတ်တိုင်းကျ ဖြည့်တင်းပြီးမှ သွားကြသလို မိမိတို့ရဲ့ ရှေ့ဆက်ရမယ့် သံသရာခရီးကြီးအတွက် ပစ္စုပ္ပန်ဘ၀ ဆိုတဲ့လှေလေးကို ကုသိုလ်တရားတွေနဲ့ အကောင်းဆုံးဖြစ်အောင်၊ ခိုင်သထက် ခိုင်အောင် ပြင်ဆင်၊ ရိက္ခာတွေ ဖြည့်တင်းထား ရပါမယ်။ ရိုးရိုးခရီးက ကိုယ်စိတ်တိုင်းကျတဲ့နေ့မှ သွားလို့ရပေမယ့် သံသရာခရီးက ဘယ်အချိန် သွားရမယ်ဆိုတာ ကြိုမသိနိုင်တဲ့အတွက် အမြဲအသင့်ဖြစ်နေဖို့ အရေးကြီးပါတယ်။ သတိတရားလေး လက်ကိုင်ထားပြီး ကိုယ့်စိတ်ကိုယ် ကုသိုလ်ဖြစ်တိုင်း၊ အကုသိုလ်ဖြစ်တိုင်း အတတ်နိုင်ဆုံး သိနေပေးမယ်ဆိုရင် သတိပဌာန်တရား ပွါးများပြီးဖြစ်လို့ လှေကတော့ ခိုင်ပါပြီ။ ဒါန၊ သီလ ရိက္ခာတွေပါ တင်ထားပြီးပြီဆိုရင်တော့ ကိုယ့်ကိုယ်ကို အစိုးမရတဲ့ဘ၀မှာ သူက ဘယ်အချိန် လာထွက်ခိုင်း၊ ထွက်ခိုင်း ကျေကျေနပ်နပ်ကြီး သွားလို့ရပြီပေါ့။

စာဖတ်သူများအားလုံး ဘ၀ထဲမှာ အလိုက်သင့် နေတတ်ထိုင်တတ်ရှိနိုင်ကြပါစေ။

ဓမ္မရနံ့ဆိုက်မှ ပြန်လည်တင်ပြခြင်း ဖြစ်ပါသည်။

Money

ငွေ
If a man runs after money, he is moeny man.
ငွေနောက်လိုက်တော့ ဥစ္စာရူးတဲ့။

If he keeps it, he is capitalist.
ငွေရှာပြီး စုဆောင်းတော့၊ ဓနရှင်ဖြစ်ပြန်ရော။

If he spends it, he is a play-boy.
ငွေဖြုန်းတော့ လူ့ဘော်ကြော့လို့ ပြောကြတယ်။


If he doesn't get it, he lacks ambition.
ငွေရှာလို့ မရတော့၊ လူပျော့လူညံ့လို့ ကင်ပွန်းးတပ်ကြတယ်။

If he gets it without working, he is parasite.
ငွေက အလိုလို အိမ်ပေါ်ရောက်လာတော့၊ အချောင်သမားဘွဲ့ထူးပေးကြတယ်။

If he gets it after of hard labour, he is a fool who gets nothing from life.
ငွေကို အပတ်တကုတ် ကြိုးစားရှာတော့ ကျွန်ဇာတာပါတဲ့သူဆိုပြီး မေးငေါ့ကြပြန်ရော.......

ref : English Digest 1955

ကဲ သင်ကော ဘယ်လို မြင်လဲ။

ရာဇလင်းဆေးတက္ကသိုလ် ပညာသင်ဆု အောက်တိုဘာလကုန် နောက်ဆုံး လျှောက်ထားနိုင်

ဆေးတက္ကသိုလ်တက်ရောက်ခွင့်ရရှိကြသည့် ကျောင်းသားများအားနှစ်စဉ်ပညာသင်ဆု ပေးအပ်နေသော ရာဇာလင်းဆေးတက္ကသိုလ်ပညာသင်ဆုအတွက် ကျောင်းသားရှစ်ဦးကို ရွေးချယ်သွားမည်ဖြစ်ကြောင်း ပညာသင်ဆုပေးအပ်သူဦးအေးကျော်ကပြောသည်။ ပြည်တွင်းရှိ ဆေးတက္ကသိုလ်များတွင် ပထမနှစ် သင်တန်းစတင်တက်ရောက်ရန် အရည်အချင်းပြည့်မီသော်လည်း ဆင်းရဲနွမ်းပါး၍ ပညာဆက်လက် ဆည်းပူးရန် အခက်အခဲရှိသူများအနေဖြင့် အောက်တိုဘာ ၃၁ ရက်နောက်ဆုံးထား၍ အမှတ် (၅ဝ) ကန်ရိပ်သာ (၃) လမ်း၊ Finger Lake, FMI City၊ လှိုင်သာယာမြို့နယ်သို့ ပေးပို့လျှောက်ထား နိုင်ကြောင်း သိရသည်။ "နိုဝင်ဘာလထဲမှာ ခေါ်စာပို့ပါတယ်။ ဒီဇင်ဘာလဆန်းမှာ အင်တာဗျူးလုပ်ပါတယ်။ အင်တာဗျူးအတွက် ၂၄ ယောက်ခေါ်ပြီး အဲဒီထဲက တစ်ယောက်ကို ရွေးချယ်ပါတယ်" ဟုဦးအေးကျော်ကပြောသည်။ ပညာသင်ဆုရရှိသူများကို ပထမနှစ်မှ ဘွဲ့ရသည်အထိ သတ်မှတ်စည်းမျဉ်း စည်းကမ်းများနှင့် ညီ လစဉ်ပညာသင် ထောက်ပံ့ကြေးကျပ်ငါးသောင်းချီးမြှင့်သွားမည်ဖြစ်သည်။ လျှောက်ထားလိုသူများသည် မိမိအမှန်တကယ် ပညာသင်ဆုလိုအပ်ကြောင်း ကြောင်းကျိုးပြည့်စုံစွာ ဖော်ပြထားသော ကိုယ်တိုင်ရေးလျှောက်လွှာ၊ အကျင့်စာရိတ္တ ကောင်းမွန်ကြောင်း သက်ဆိုင်ရာ မြို့နယ်ရဲစခန်းနှင့် ကျောင်းအုပ်ကြီးတို့၏ ထောက်ခံချက်မူရင်းများ၊ အမှတ်စာရင်းမိတ္တူ၊ ပတ်စပို့အရွယ်ဓာတ်ပုံ နှစ်ပုံ၊ ကျောင်းသားနှင့် မိဘအုပ်ထိန်းသူ တို့၏ ပါတီနိုင်ငံရေးကင်းရှင်းကြောင်း ကိုယ်တိုင်ဝန်ခံချက် အထောက်အထားများ နှင့်အတူ လျှောက်ထားရမည်ဖြစ်သည်။ အဆိုပါ ပညာသင်ဆုသည် ၂ဝဝ၈-၂ဝဝ၉ ပညာသင်နှစ်မှ စတင်ပေးအပ်ခဲ့ခြင်းဖြစ်ပြီး နှစ်စဉ်ကျောင်းသား ရှစ်ဦးကို ရွေးချယ် ပေးအပ်လျက်ရှိသည်။

source: myanmartraining

လူ့ဘ၀ဧ။်အကြီးမားဆုံးသောအသိတရား

၁။ လူ့ဘ၀ဧ။် အကြီးမားဆုံးသော ရန်သူသည် မိမိကိုယ်တိုင် ပင်ဖြစ်သည်။

၂။ လူ့ဘ၀ဧ။် အကြီးမားဆုံးသော ဆုံးရှုံးခြင်းသည် မိမိဧ။် မာနကြောင့်ဖြစ်သည်။

၃။ လူ့ဘ၀ဧ။် အကြီးမားဆုံးသော အသိမဲ့ခြင်းသည် မိမိ ကိုယ့်ကိုမိမိ လိမ်လည်နေခြင်းဖြစ်သည်။

၎။ လူ့ဘ၀ဧ။် အကြီးမားဆုံးသော ၀မ်းနည်းရခြင်းသည် မိမိဧ။် မနာလို ၀န်တိုသောစိတ်ကြောင့်ဖြစ်သည်။

၅။ လူ့ဘ၀ဧ။် အကြီးမားဆုံးသော မှားယွင်းမှု လုပ်ရပ်သည် မိမိဧ။် စိတ်ဓာတ်ကျဆင်းခြင်းကြောင့်ဖြစ်သည်။

၆။ လူ့ဘ၀ဧ။် အကြီးမားဆုံးသော ပြစ်မှုပြုခြင်းသည် မိမိဧ။် အနိုင်ကျင့်လိုသော စိတ်ဓာတ်ကြောင့် ဖြစ်သည်။

၇။ လူ့ဘ၀ဧ။် အကြီးမားဆုံးသော သနားစရာကောင်းခြင်းသည် မိမိဧ။် စိတ်အားငယ်မှုဖြစ်သည်။

၈။ လူ့ဘ၀ဧ။် အကြီးမားဆုံးလေးစားခံရခြင်းသည် မိမိဧ။် ကြံ့ခိုင်သည့် စိတ်ဓာတ်ဖြစ်သည်။

၉။ လူ့ဘ၀ဧ။် အကြီးမားဆုံး စီးပွားပျက် ရခြင်းသည် မိမိဧ။် ကိုယ်ပိုင်အနာဂတ်မျှော်လင့်ချက် ကင်းမဲ့ခြင်း ကြောင့်ဖြစ်သည်။

၁၀။ လူ့ဘ၀ဧ။် အကြီးမားဆုံးသော ချမ်းသာရခြင်းသည် မိမိဧ။် ကျန်းမာရေးကောင်းမွန်ခြင်းဖြစ်သည်။

၁၁။ လူ့ဘ၀ဧ။် အကြီးမားဆုံးသော အကြွေးသံသရာ ဖြစ်ခြင်းသည် လူမှုရေးအကြွေးသံသရာဖြစ်သည်။

၁၂။လူ့ဘ၀ဧ။် အကြီးမားဆုံးသော လက်ဆောင်မွန်သည် မိမိဧ။် သည်းခံခွင့် လွတ်တတ်သောစိတ်ဓာတ် ဖြစ်သည်။

၁၃။လူ့ဘ၀ဧ။် အကြီးမားဆုံးသော လိုအပ်ချက်သည် မိမိဧ။် အကြင်နာတရား မေတ္တာစိတ်ဓာတ်ဖြစ်သည်။

၁၄။ လူ့ဘ၀ဧ။် အကြီးမားဆုံးသော ပီတိသည် အလှူဒါန ပြုခြင်း ဖြစ်သည်။

The Rules for Health

ကျန်းမာရေးအတွက် နည်းလမ်းကောင်းများ

(1) Eat moderately and chew your food well.
မျှမျှတတစား၊ အစားအသောက် ကြေညက်အောင်ဝါးပါ။

(2) Take deep brealth of fresh air.
လေကောင်းလေသန့် တစ်ဝကြီးရှူပါ။

(3) Sleep eight hours with a window open.
ပြတင်းပေါက်ဖွင့်ပြီး ၈ နာရီလောက် အိပ်ပါ။

(4) When walking upstairs, go slowly.
အပေါ်ထပ်တက်လျှင် ဖြည်းဖြည်းတက်ပါ။

(5) Cleanes the bowels daily.
နေ့စဉ် ၀မ်းမှန်ပါစေ။

(6) Avoid the use of drugs.
မူးယစ်ဆေးဝါး မသုံးပါနဲ့။

(7) Give yourself some recreation daily.
မိမိကိုယ်ကို နေ့စဉ် အနေအထိုင် အသွားအလာပြုပြင်ပါ။

(8) Look on the bright side od life.
ဘ၀ခရီး သာယာချမ်းမြေ့အောင် ရည်စူးပါ။

Royal Readers 1922

Information Security ဟောပြောပွဲအကြောင်း

၇ ရက် ၈ လ ၂၀၁၀ ခု စနေနေ့ နေ့လည် ဟောပြောပွဲကို ၂ နာရီမှ စတင်ခဲ့ပါတယ်။ အရင်ဆုံး ပြောကြားတဲ့သူကတော့ ဦးရဲကျော်သိန်းဖြစ်ပါတယ်။

Security တွေ ဘယ်လိုလုပ်ရမယ်ဆိုတာတွေ ပြောပါတယ်။ ဒါပေမယ့် မှတ်မိသလောက်ပဲ တင်ပြပါမယ်။
Range of Security
-Generate
-General Security Concept
အီးမေလ်းတို့ ဆာဗာတို့မှာလည်း လုံခြုံမှုလိုအပ်ကြောင်း နောက် Security ဆိုတာ နေရာတိုင်းမှာ လိုအပ်ပါတယ်။
Commuation
Authentication

Web based Service
- Secure Sockets layer/Transport layer Security (SSL/TLS)
- Secure Hypertext Transfer Protocol (S- HTTP)
- Directory Services
- Linghtweight Directory Access Protocol(LDAP)
- Files Transfer
- File Transfer Protocol(FTP)

Devices
- Remod Access Service (RAS)
- Hardware base Virtual Private Network (VPN)
-
Security Topologies
DMZ, VLAN, NAT, Proxy
-Intrusion Detection
- IDS Plan (network bases/ host base)
- Active/Passive/Pro active Protection
- Security Baselines
- Secure OS/NOS
- ACL (important Security)

Basics of Cryptography
- Algorithms are the underlying foundation of cryptography
 နောက် စတဲ့ ဒေတာတွေနဲ့ပတ်သက်ပြီး တကယ်လို ဒေတာတွေကို backup လုပ်ထားသင့်ကြောင်း တကယ်လို့ ပျက်ခဲ့ရင် ဒေတာတွေ Recovery ပြန်လုပ်ဖို့ plan တွေလုပ်ထားသင့်ကြောင်း စတဲ့ information Security နည်းပညာအကြောင်းများ ဟောပြောပါတယ်။ နောက်တစ်ယောက်ကတော့ ဦးဇော်ဝင်းထွန်း ဖြစ်ပါတယ်။
ပြောတာတွေကတော့ အများကြီးပါပဲ။ နားထောင်နေတာနဲ့ မမှတ်လိုက်မိတာလည်း ပါပါတယ်။ မှတ်မိသလောက်ကို ပြန်ပြောရခြင်းသာဖြစ်ပါတယ်။

ဦးဇော်ဝင်းထွန်းကတော့ Security Solutions? ဘာတွေလုပ်သလဲတဲ့
အချက်အလက်တွေ၊ လုံခြုံရေးကို ဘယ်လိုလုပ်မလဲဆိုတာတွေ ပြောကြားပါတယ်။
နောက် Bank account တွေ ခိုးခြင်းခံရတဲ့ နိုင်ငံတွေမှာဆို ဘယ်လို လုံခြုံအောင် လုပ်သင့်တယ် လုပ်ထားတယ်ဆိုတာကို ပုံများနဲ့တကွ ရှင်းပြပါတယ်။ သူကတော့ ခုလက်ရှိ အဖြစ်များနေတဲ့ အကြောင်းအရာတွေကို အဓိကထားပြောပါတယ်။ Personal/ Dentity Theft လို့ ပြောပါတယ်။


SQL Injection to Bank Sites
Bank တွေရဲ့ ဆိုက်တွေကို နောက်ဆုံး Database ထဲ ၀င်မယ်ဆိုတဲ့ပုံစံ၊ Bank Sites တွေကိုလည်း ၀င်ဖို့လွယ်ကြောင်း နောက် အကောင့်တွေ ဘယ်လို ခိုးယူကြသလဲ နောက် အီးမေးလ် နမူနာပို့ပြီး အတုအယောင်ဖန်ဆင်းဖြည့်ခံရတာတွေ စတဲ့ ဟက်ကာတွေ ဘယ်လိုလုပ်ကြသလဲ ဒါတွေကို ဘယ်လိုလုံခြုံအောင် လုပ်မလဲဆိုတဲ့ အကြောင်းအရာတွေ အပြင်

Wireless Technology
ဒီ Wireless မှာ Security လုပ်ထားပေမယ့် ၀င်ဖို့နည်းလမ်းတွေ အများကြီး ရှိတဲ့ဆိုတဲ့အကြောင်း ဘယ်လိုအားနည်းချက်ဘက်က လှည့်ဝင်မလဲဆိုတာ ခဏလေးနဲ့ တွေ့ရှိတယ်လို့ ပြောပါတယ်။

Applications & Platforms
Types of Attack
- Computer Virues         - Network worms-
- Trojan Horses        - Logic Bombs
- Address Book Theft    - Hijacked Home Pages
- DNS Poisoning        - Zombies, IP Spoofing
- Password Grabbers    - Denial of Service Attacks
- Buffer Overruns        - Password Crackers

နောက်
- Technical
- Physical

Linux Devices Using
- Personal Steps to Protect Your Cyber Information

Steps to Protect
- Keep your password secret
- Backup important files
- Know who to Protect your family
- Consider setting parental controls
- Tech your children never to give out personal


Technical Safeguards in work
- Unique-in access        - Remote access security
- Passwords        - Safe e-mail use
- Workstation Security    - safe internet use
- Portable device Security   
- Data management
e.g back-up and archive
- Report security incidents and stolen devices
- Clean data off computers berfore reycling

Understanding & Addressing Security Threats
-
- Application
- System
- Networking
ISO 17799/ 27001/27002
- Business Continuity Planning        - Personal Security

Conclusions
- Security is a Process
- Security is Physical, Social and Technical
- Education
- Standard based Qulity focus
- Trends
- Preventipn +, Detection+, Response
- Applications and particularly Client
- Targeted
- Lability
စတဲ့ အကြောင်းအရာများကို ဟောပြောပြီးနောက် နောက်ဆုံးကျန်တဲ့ ဦးအောင်ဇော်မြင့်က ဆက်လက်ဟောပြောပါတယ်။
သူကတော့ ဘာတွေလဲဆိုတာ ကြည့်ရအောင်
Overview
- What is security?
- Why do we need security?
- Who is - nerable?
- Common security attacks and counter measures

ဆက်လက်ပြီး Security Penetration
- Firewalls & Intrusion Defetion System
- Denial of Service Attacks
- TCP Attacks
- Packet sniffing
- Social Problems

Common security attacks and their counter measures

- Finding a way into the network
- Firewall
- Exploiting software bugs, buffer overflows
- Intrussion Detection Systems
- Denial of Service
- Ingress fillering, IDS
- TCP hijacking
- IP
- Packet snifing
- Encryption (SSH, SSI, TTPS)
- Social problems
- Education


နောက်ဆုံး သမိုင်းကြောင်းလေးတွေပါ ဗဟုသုတရဖွယ် ပြောပြပါတယ်။
History Records
- 1960 US DoD(ARPA)
- Kleinrock 1964
- 200 hosts in ARPA (1970) (conference)
- E-mail 1972
- Telenet (late 1972)
- IBM SNA (1974)
- EThernet (1973 - 76)
- 1983 (NCP- TCY/IP)
- 1990 (www)
- 200 Web Server (1992)
- 1996 browser war
- 1995- 2001 (Interent in financial market)

စတဲ့ ဖြစ်ပေါ်လာပုံ နှစ်များကိုပါ ရှင်းလင်းပြောကြားပါတယ်။

နောက် Integrated Security Architecture မှာ ဆိုရင်
- ဘာတွေဘယ်လို ကြိုတင်ပြင်ဆင်ရမယ်
- ဒေတာတွေ ထပ်သိမ်းမယ်/ ပြုပြင်မယ်
- တကယ်လို့ တစ်ခုခုဖြစ်သွားခဲ့ရင် ဘယ်လိုလုပ်ရမယ်ဆိုတာတွေ အပြင် policies ကို အဓိက လေ့လာသင့်ကြောင်း၊ ဘယ်လောက်အရေးကြီးသလဲဆိုတာ သိထားဖို့ လိုအပ်တယ်ဆိုတဲ့အပိုင်းတွေအပြင်
System Security
Application Security
Network Security as a Continuous Process
တွေ Step by Step ဘယ်လိုလုပ်သင့်တယ်ဆိုတာ
Step 1 - Securire
Step 2 - Monitor
Step 3 - Test
Step 4 - Improve


yahoo ဘယ်ချိန်က ဘယ်လို ဟက်ခံရကြောင်း ဘယ်နှစ်ကဆိုတာပါ ထည့်သွင်းပြောပါတယ်။ ကြားထဲမှာ ပြောသေးတယ် မရေးတော့ဘူးနော်။

နောက်ဆုံးကတော့ အဓိက လုပ်ဆောင်သင့်၊ လေ့လာသင့်တဲ့အကြောင်းအရာ ဖြစ်တဲ့
Information Security Policies
- login policies
- Password policies
- Mail policies
- Web policies
- Storage policies
- Wireless policies,..... etc
စတဲ့ အကြောင်းအရာများကို ဟောပြောပြီးနောက် ၃ နာရီခွဲတွင် သိချင်သောအကြောင်းအရာများ မေးမြန်းနိုင်သည်ဆိုပြီး နိဂုံးချုပ်သွားပါတယ်။ မေးချင်တဲ့သူတွေ ကျန်ခဲ့ပြီး ကျွန်မလည်း ထပြန်လာခဲ့ပါတော့တယ်။ အမှန်က ကျွန်မက အသံသွင်းပြီး ရီကောဒင်းပါ တင်ပေးချင်တာပါ ညဘက် အားသွင်းထားရင်းနဲ့ မနက် ကျောင်းအသွား အိမ်မှာ မေ့ကျန်ခဲ့လို့ ဒီတိုင်းပဲ ပြောသမျှ မှတ်ထားခဲ့ရခြင်းသာ ဖြစ်ပါတယ်။

မြန်မာနိုင်ငံ ကွန်ပျူတာပညာရှင်အသင်း အသိအမှတ်ပြု စာမေးပွဲများ

MCPA အသိအမှတ်ပြု စာမေးပွဲဆိုတာ ဘာလဲ?
မြန်မာနိုင်ငံ ကွန်ပျူတာပညာရှင်အသင်းက ကြီးမှူးပြီး
- ကွန်ပျူတာ ပညာရှင်များ ကွန်ပျူတာပညာရပ်နှင့်ပတ်သက်၍ နားလည်ပြီး
ကျွမ်းကျင်မှုအဆင့် တိုးတက်မြင့်မားလာစေရန်။
- သတင်းအချက်အလက် နည်းပညာနယ်ပယ်တွင် နားလည်တတ်ကျွမ်းသူတစ်ယောက်အဖြစ်
အသိအမှတ်ပြုစေရန် ရည်ရွယ်၍ ကျင်းပခြင်း ဖြစ်ပါတယ်။

MCPA က ဘာစာမေးပွဲတွေကို ကျင်းပနေလဲ?

MCPA အနေနဲ့ Software Engineering နဲ့ Network Engineering တို့အတွက်
စာမေူးပွဲများကို ကျင်းပပေးနေပါတယ်။ ယခုအခါမှာ
- MCPA Certified Fundamental Engineer
- MCPA Certified Network Associate အောင်လက်မှတ်များပေးမည့် စာမေးပွဲ
(၂) ခုကို ကျင်းပပေးလျက်ရှိပါတယ်။ ထိုစာမေးပွဲများမှာ အိုင်တီနယ်ပယ်သို့
စတင်ဝင်ရောက်ရန်အတွက် လိုအပ်ချက်များ ပြည့်စုံမှုကို စစ်ဆေးပေးသော
စာမေးပွဲများ ဖြစ်ပါတယ်။

ဘယ်အချိန်မှာ ဖြေရမှာလဲ?

စာမေးပွဲများကို နှစ်စဉ် ဇွန်လနှင့် ဒီဇင်ဘာလများမှာ ကျင်းပပါတယ်။

MCPA အသိအမှတ်ပြု စာမေးပွဲအောင်ရင် ဘယ်လိုအကျိုးကျေးဇူးတွေရမှာလဲ?

- မြန်မာနိုင်ငံရဲ့ အကြီးဆုံး IT Professional Body ရဲ့ အသိအမှတ်ပြု
လက်မှတ်ရရှိမှာ ဖြစ်ပါတယ်။
- မြန်မာနိုင်ငံ ကွန်ပျူတာအသင်းချုပ်မှ စီစဉ်သော
နိုင်ငံခြားပညာသင်ဆုကိုလည်း လျှောက်ထားနိုင်ပါတယ်။

MCPA စာမေးပွဲဖြေဆိုရင် အရည်အချင်း ကန့်သတ်မှုရှိပါသလား?

- တက္ကသိုလ်ဝင်တန်း စာမေးပွဲအောင်မြင်ပြီး ဘွဲ့ရပြီးနောက် အိုင်တီပညာကို
စိတ်ဝင်စား၍ အိုင်တီနယ်ပယ်သို့ ၀င်ရောက်ရန် ကြိုးပမ်းနေသူများ
- တက္ကသိုလ်ကျောင်းသား/ကျောင်းသူများ
- ကွန်ပျူတာနှင့် နည်းပညာတက္ကသိုလ် ကျောင်းသား/ကျောင်းသူများ
- အိုင်တီနယ်ပယ်တွင် လက်တွေ့လုပ်ကိုင်သူများ ဖြေဆိုရန် သင့်လျော်ပါတယ်။

MCPA စာမေးပွဲ ဖြေဆိုရင် ဘယ်လိုပြင်ဆင်မလဲ?

MCPA Certified Fundamental Software Engineer စာမေးပွဲအတွက်
Allocation of Question to the Knowledge Area.

* Part A
1. Computing Fundamental 20%
2. Programming Concepts 30%
3. Networking Essential 15%
4. Relational Database Model and SQL 35%

* Part B
Development of Program in Java Language.
Understanding of ROM.
Development of SQL Standards using SQL 92 Standard.

MCPA Certified Network Associate
Allocation of Question to the knowledge Area.
1. Desktop PC Hardware 20%
2. Desktop OS 10%
3. Networking Fundamental 25%
4. NOS and Network Environment 20%
5. Network Management 15%
6. WLAN 10%
7. WAN Technologies 5%
8. Network Security 5%

မိမိကိုယ်တိုင် လေ့လာဖြေဆိုလျှင် MCPA မှ ထုတ်ပြန်ထားသော
စာမေးပွဲလမ်းညွှန်များနှင့် ရည်ညွှန်းထားသော စာအုပ်များ၊
မေးခွန်းဟောင်းများကို လေ့လာနိုင်ပါတယ်ရှင်။

Information Security ဟောပြောပွဲကျင်းပမည်

    သတင်းအချက်အလက် နှင့် ဆက်သွယ်ရေးနည်းပညာဖွံ့ဖြိုးတိုးတက်ရေးအတွက် မြန်မာနိုင်ငံကွန်ပျူတာပညာရှင် အသင်း မှ ကြီးမှူး၍ မျက်မှောက်ခေတ် ICT/ Internet နည်းပညာရပ်များ၏ နောက်ကွယ်ရှိ သတင်းအချက်အလက်ပိုင်းဆိုင်ရာ  လုံခြုံရေးစနစ်များ၊ Cyber Threats များ၊ ကွန်ပျူတာ၊ အင်တာနက်အသုံးပြုသူတိုင်း သိသင့်သိထိုက်သော Fundamental Security Concepts များအကြောင်း၊
နည်းပညာရပ်များကို အခြေခံသော မတူညီသော Cyber နှောင့်ယှက်မှုများ၊ ကာကွယ်ရေး စနစ်များအကြောင်းတို့ကို အပြန်အလှန် ဆွေးနွေးနိုင်ရန် ရည်ရွယ်၍ သြဂုတ်လ (၇)ရက် (စနေနေ့) နေ့လည် (၂း၀၀) နာရီ မှ (၅း၀၀)နာရီအထိ ရန်ကုန်မြို့၊ လှိုင်မြို့နယ်၊ မြန်မာအင်ဖိုတက်ခ်၊ ပင်မဆောင်ရှိ အခန်း(၂၀၅) တွင်  မြန်မာနိုင်ငံကွန်ပျူတာ ပညာရှင်အသင်း မှ အလုပ်အမှုဆောင်များဖြစ်သည့် ဦးဇော်ဝင်းထွန်း၊ ဦးအောင်ဇော်မြင့်နှင့် ဦးရဲကျော်သိန်း တို့မှ "Information Security" ခေါင်းစဉ်ဖြင့် ရှင်းလင်းဟောပြောမည်ဖြစ်ပါသည်။

            ဆွေးနွေးဟောပြောပွဲသို့ မြန်မာနိုင်ငံကွန်ပျူတာပညာရှင်အသင်း အသင်းဝင်များ၊ ကွန်ပျူတာ ပညာရပ်အထူးပြု ကျောင်းသား၊ ကျောင်းသူများ၊ ရုံးလုပ်ငန်းများတွင် သတင်းအချက်အလက်နှင့်
ကွန်ယက်လုံခြုံရေးလုပ်ဆောင်နေရသော Network Admin များ၊ Network နှင့် Information Security ကိုစိတ်ပါဝင်စားသူ မည်သူမဆို (အခမဲ့) တက်ရောက်ဆွေးနွေး နိုင်သည်။ အသေးစိတ်သိရှိလိုပါက
မြန်မာနိုင်ငံကွန်ပျူတာပညာရှင်အသင်းရုံးခန်း၊ အဆောင်(၄)၊ အခန်း(၄)၊ ဖုန်းနံပါတ်-၆၅၂၂၇၆ သို့ ဆက်သွယ်စုံစမ်းနိုင်သည်။

source: မြန်မာနိုင်ငံကွန်ပျူတာပညာရှင်အသင်း

လောကမှာ အနေတတ်ပြီး ပျော်ရွှင်ဖို့နည်း

လူဆိုတာ ကိုယ့်ကိုယ်ပိုင် သီးသန့်ကိုယ်ရည်ကိုယ်သွေးများကို ငါကွလို့
ပြလိုက်ရရင် အလွန်ပျော်တတ်တာပါပဲ။ တခြားနာမည်ကြီးတွေကို
လိုက်လုပ်တာမျိုးမှ မဟုတ်တာကိုး။ ဒီလိုပါပဲ ယောက်ျားဆိုရင်
မာမာထန်ထန်ဖြစ်ရမယ်။ မိန်းမကတော့ ပျော့နဲ့နဲ့လို့ အဲလို
ဘောင်ခတ်ထားဖို့လည်း မလိုပါဘူး။
ဥပမာ မြင်ယောင်ကြည့်လိုက်။ အသုဘလိုက်ပို့ဖူးတယ်မဟုတ်လား။ မိန်းမတွေ
ငိုနေ၊ ယောက်ျားတွေကတော့ မာတင်းတင်းမျက်နှာပေးတွေနဲ့လေ။ ယောက်ျားပဲကွာ
ခံစားမှုကို ဘယ်ထုတ်ဖော်လို့ကောင်းမလဲ။ မိန်းမက ခံစားရသမျှ
ဖော်ပြရတာချည်းပဲ။ အဲသလို သဘာဝလောကက သမားရိုးကျ
မျှော်လင့်ထားကြတဲ့အတိုင်း နေကြရတာပဲ မဟုတ်လား။ ဒါပေမယ့် ခက်နေတာက
လူတိုင်း လူတိုင်း မျှော်လင့်ထားတာတွေနဲ့ မကိုက်ညီနိုင်တာပါပဲ။
အော်ငိုချင်ပေမယ့် ကိုယ့်ကိုယ်ကိုယ် အတင်းချုပ်ထားရတဲ့ ယောက်ျားဟာ
တကယ်တော့ မာလှသူမှမဟုတ်တာ။ သူက အများ မျှော်လင့်ချက်နဲ့ကိုယ်အောင်
ဟန်ဆောင်ထားသူပဲ။ အဲ မိန်းမတွေလည်း ဒီအတိုင်းပဲပေါ့။ သူလည်း
သူ့စိတ်ခံစားမှုကို ဖော်ထုတ်ဖို့ ၀န်လေးချင် ၀န်လေးမှာပေါ့။
လောကကြီးမှာ နေတတ်သလို နေဖို့ပါပဲ။ ဘယ်အရာမှ ပုံသေကားချလိုက်လုပ်ဖို့ မလိုပါဘူး။
နောက်တစ်ခုက ကိုယ်သွားမယ့်ပန်းတိုင်ကို တခြားလူတွေ သတ်မှတ်ပေးလို့
ဘယ်ဖြစ်မလဲ။ တခြားသူ တွေးတောတာနဲ့ ကိုယ်ညီအောင်ရယ်လို့
ကိုယ့်ရည်မှန်းချက်ကို မချမိပါစေနဲ့။ ကိုယ်အမှန်တကယ် ဘာစိတ်ဝင်စားသလဲ၊
ကိုယ်နဲ့ ကိုက်ညီတာသာ လုပ်ပါ။
ကျွန်မ ဒီအကြောင်းကို ဘာကြောင့်ပြောရသလဲဆိုတော့ အစ်ကိုတစ်ယောက်က
ပြောဖူးတယ်။ ညီမလေးတဲ့ သူလည်း ညီမလေးလို့
ဆိုက်လေးတစ်ခုလောက်လုပ်ချင်တယ်တဲ့ ကဲ ဟုတ်ပြီ လုပ်ချင်တယ်ဆိုရင်
ကူညီမယ်ပေါ့။ မေးလိုက်တယ်။ ဘယ်လိုလုပ်ချင်လဲ ဘာအကြောင်းတွေရေးမယ်လို့
စိတ်ကူးသလဲလို့ မေးတော့ မသိဘူးတဲ့။ သူ့ကို အကြံပေးပါတဲ့။ ဒီတော့
ဝါသနာကြောင့်လုပ်ချင်တာလားလို့ ကိုယ့်ကိုယ်ကိုယ်
ပြန်မေးကြည့်သင့်တယ်နော်။ စဉ်းစားကြည့်လေ ကိုယ်ဘာဖြစ်ချင်လဲ
ဘာလုပ်ချင်တယ်ဆိုတာ မသိဘဲ ဘာလို့ အရာတစ်ခုကို အစကနေ ဖန်တီးချင်ရတာလဲ။
သူများလုပ်လို့ လိုက်လုပ်တာထက် ကိုယ့်ရဲ့စိတ် ကိုယ့်ရဲ့ပန်းတိုင်
ရည်ရွယ်ချက်မရှိပဲ ဘယ်အရာပဲလုပ်လုပ် အချိန်ကုန်ရုံသာ အဖတ်တင်မှာပေါ့။
ကျွန်မအနေနဲ့လည်း ကိုယ့်စိတ်နဲ့မတူတဲ့လူတွေကို အကြံဥာဏ်ပဲ ပေးလို့ရမယ်
ဆုံးဖြတ်ချက်ကို ဘယ်တော့မှ မချမှတ်ပေးပါဘူး။
ဥပမာ ကျွန်မ အိပ်မက်တစ်ခုမက်တယ်ဆိုပါစို့။ အိပ်မက်က အရမ်းကောင်းတော့
တခြားသူကလည်း မက်ချင်တယ် သူ့ကို လွှဲပေးပါပြောလာရင် ဒီအိပ်မက်က ကျွန်မကို
မမက်နဲ့ သူ့ကို လွှဲပေးလိုက်ပါလို့ ပြောလို့ရပါသလား။ တခြားသူတွေရဲ့
အတွေးအတောနဲ့သာ ညီအောင် လုပ်ရရင်တော့ လူတိုင်း ကောင်းသောနေခြင်းနဲ့
နေချင်ကြတဲ့သူတွေပါပဲ။
ဒီတော့ ကိုယ့်ဘ၀မှာ ပျော်ရွှင်ဖို့ အတွက်တော့ လုပ်သမျှတိုင်း
အောင်မြင်လိုက်တာလို့ ဖြစ်စရာ မလိုပါဘူး။ ကိုယ့်ဘ၀ပေါ်
ကိုယ်အကောင်အထည်ဖော်နိုင်ရန် ပြီးတာပါပဲ။ ကိုယ့်ဆုံးဖြတ်ချက်
ကိုယ့်နေရာအတွက် ကိုယ်တာဝန်ယူတယ်လို့ ခံစားရရင် ပျော်တာပါပဲ။
ပျော်ရွှင်နေတဲ့သူအတွက် အသက်အရွယ် အချိန်ကာလဆိုတာ မလိုအပ်ဖူးလို့လည်း
ကျွန်မ ပြောချင်ပါတော့တယ်ရှင်.......

ဝါဆိုလပြည့်နေ့ (ဓမ္မစကြာနေ့)

မနက်ဖြန်ဆို မြန်မာများရဲ့ ၀ါဆိုလပြည့်နေ့ဖြစ်ပါတယ်။ ၀ါဆိုလပြည့်နေ့မှာ
မြတ်စွာဘုရားရှင် ပဋိသန္ဓေနေတော်မူခြင်း၊ တောထွက်ခြင်း၊ တရားဦး
ဓမ္မစကြာကို ဟောကြားတော်မူခြင်း၊ ရေအစုံ မီးအစုံတန်ခိုးပြာဋိဟာများကို
ပြသတော်မူခြင်းဆိုတဲ့ ထူးခြားတဲ့နေ့ ဖြစ်ပါတယ်။ ၀ါဆိုလပြည့်ကျော် ၁
ရက်နေ့မှာ ရဟန်းသံဃာများ ပုရိမ၀ါကပ်ဆိုတော်မူကြပါတယ်။ ဒါကြောင့်
ဝါဆိုလကို လထူးလမြတ်အဖြစ်သတ်မှတ်ထားကြပါတယ်။ ၀ါဆိုလပြည့်ကျော် ၁ ရက်နေ့ဟာ
ကျွန်မရဲ့ မြန်မာမွေးနေ့ရက်လည်း ကျရောက်ပါတယ်။
ရှေးမြန်မာဘုရင်များသည် ဗုဒ္ဓသာသနာတော် တိုးတက်စည်းကားပြန့်ပွားရေးနှင့်
ဗုဒ္ဓယဉ်ကျေးမှု အမွေအနှစ်များကို ရရှိရေးဟူသော ရည်ရွယ်ချက်နှစ်ရပ်တို့ကို
အကြောင်းပြုပြီး ၀ါဆိုလမှာ ပဉ္စင်းခံရှင်ပြုပွဲတော်ကြီးကို
ရာသီပွဲတော်အဖြစ် ကျင်းပလေ့ရှိပါတယ်။ ၀ါဆိုလပြည့်နေ့မှာ ဖြစ်စေ၊
လပြည့်ကျော် ၁ ရက်နေ့မှာ ဖြစ်စေ၊ ၀ါဆိုလမှာ ဖူးပွင့်ကြတဲ့ ပုန်းညက်ပန်း
စတဲ့ ပန်းမျိုးစုံတို့ကိုစေတီပုထိုးများမှာ သွားရောက်လှူဒါန်းဖို့
ဝါဆိုပန်းခူးထွက်တဲ့ ကျွန်မတို့ရဲ့ မြန်မာများရဲ့ ကြည်နူးကျေနပ်စရာ
ယဉ်ကျေးမှုဓလေ့တစ်ရပ်လည်း ပေါ်ပေါက်ခဲ့ပါတာဆိုရင်ဖြင့်
ခုချိန်တိုင်ထိပေါ့လေ။
အချို့ကတော့ သံဃာတော်များ ၀ါဆိုတဲ့အခါ ပူဇော်ဆက်ကပ်နိုင်ဖို့
ဝါဆိုပန်းနှင့် ၀ါဆိုဖယောင်းတိုင်ကြီးတွေကို ဘုန်းတော်ကြီးကျောင်းများမှာ
လှူဒါန်းကြပါတယ်။ ထို့အပြင် သင်္ကန်းများကိုလည်းကပ်လှူကြပါတယ်။
ဝါဆိုတော့မယ့် သံဃာတော်များအား ၀ါဆိုလဆန်းမှာပင်
လှူဒါန်းကြတဲ့သင်္ကန်းဖြစ်တာကြောင့် "၀ါဆိုသင်္ကန်း" လို့ခေါ်ကြတာပေါ့ရှင်။
ကျွန်မလည်း ကျွန်မမွေးနေ့အတွက်ဝါဆိုသင်္ကန်းကပ်ဖို့ စီစဉ်ခဲ့ပါတယ်။
မြန်မာတို့ရဲ့ ယဉ်ကျေးမှု အစဉ်အလာတစ်ရပ်အဖြစ် အသက်၊
သိက္ခာဂုဏ်ဝါကြီးသူများကို ၀ါဝင်ခါနီးမှာ ပူဇော်ဖွယ်ရာများနဲ့
ပူဇော်ကန်တော့ကြတာဆိုရင်ဖြင့် ကျွန်မတို့ဘိုးဘေးဘီဘင်လက်ထက်ထဲက
ခုချိန်တိုင်အောင်ပင် ဖြစ်ပါတော့တယ်ရှင်။

လာရောက်လည်ပတ်ကြတဲ့ မိတ်ဆွေမောင်နှမ သူငယ်ချင်းအားလုံးလည်း
ဝါဆိုလနှင့်အတူ ပျော်ရွှင်ခြင်းများစွာ ပိုင်ဆိုင်နိုင်ကြပါစေနော်....

ဗုဒ္ဓဖြစ်စဉ်အကျဉ်း

ဗုဒ္ဓဘာသာဝင်တစ်ယောက်အနေဖြင့် မိမိကိုးကွယ်သော ဗုဒ္ဓမြတ်စွာဘုရားနှင့်
ဗုဒ္ဓဘာသာအကြောင်းကို အသေးစိတ်မသိသော်မှ အကျဉ်းချုပ်၊ အနှစ်ချုပ်မျှကိုကား
သိထားရန်လို၏။ သို့မှသာ မိမိတို့ ယုံကြည်ကိုးကွယ်သော ဗုဒ္ဓအပေါ်
ပိုမိုကြည်ညိုသက်ဝင်လာရုံမျှမက ဗုဒ္ဓဘာသာတရားတော်၏ အနှစ်သာရကိုလည်း
သိလာမည်ဖြစ်သည်။ ဗုဒ္ဓဘာသာ၏ အနှစ်သာရအစစ်ကို သိရှိမှသာလျှင်
ဗုဒ္ဓဘာသာဖြစ်ရကျိုးနပ်ပေလိမ့်မည်။ ထို့အပြင် အခြားဘာသာများ
ဗုဒ္ဓဘာသာအကြောင်းမေးလာလျှင် အဆင်သင့် ဖြေနိုင်ရန်ဖြစ်သည်။
ဗုဒ္ဓအကြောင်းနှင့် ဗုဒ္ဓဘာသာတရားတော်အကြောင်းကို ဂဃနဏသိထားလျှင်
ဘာသာခြားများ၏ ဖျားယောင်းသိမ်းသွင်းမှုအန္တရာယ်ကိုလည်း
ကာကွယ်နိုင်ပေလိမ့်မည်။

ဗုဒ္ဓဖြစ်တော်စဉ်အကျဉ်း
ဘုရားအလောင်းတော် သိဒ္ဓတ္ထမင်းသားသည် ကပိလ၀တ်ပြည့် ဘုရင် သုဒ္ဓေါဒန
မဟာရာဇာ၏ သီရိမဟာမာယာဒေ၀ီမှ မဟာသက္ကရာဇ် ၆၈-ခု၊ ကဆုန်လပြည့် သောကြာနေ့တွင်
လုမ္ဗိနီမည်သော အင်ကြင်းတော၌ ဖွားမြင်တော်မူသည်။
အလောင်းတော်သည် အသက် ၁၆ နှစ်အရွယ်တွင် ယသော်ဓရာဒေ၀ီနှင့်အတူ နန်းမ ၃
ဆောင်၌ မင်းစည်းစိမ်ကို ၂၉ နှစ်အရွယ်အထိ ခံစားခဲ့သည်။ ထို့နောက်
နိမိတ်ကြီးလေးပါးကို မြင်တော်မူ၍ သံဝေဂရတော်မူသဖြင့် တောဝနာသို့ထွက်ကာ
တရားဓမ္မကျင့်သုံးခဲ့သည်။ ဒုက္ကရစရိယာဟုဆိုသော အကျင့်မျိုးကို
ပင်ပန်းကြီးစွာ ကျင့်သုံးခဲ့၏။ တရားမှန်ကို မရသဖြင့်
မဇ္ဈိမပဋိပဒါကျင့်ထုံးဖြင့် ပြောင်းလဲကျင့်သုံးခဲ့ရာ မဟာသက္ကရာဇ် ၁၀၃-ခု၊
ကဆုန်လပြည့် ဗုဒ္ဓဟူးနေ့တွင် ဘုရားအဖြစ်သို့ ရောက်တော်မူလေသည်။
ဘုရားအဖြစ်သို့ ရောက်ရှိတော်မူပြီးနောက် ကျွတ်ထိုက်သော ဝေနေယျသတ္တ၀ါ
လူနတ်ဗြဟ္မာတို့အား တရားရေအေးအမြိုက်ဆေးကို တိုက်ကျွေးတော်မူ၏။ ၄၅ နှစ်
ကာလပတ်လုံး ဓမ္မဒေသနာတို့ကို ဟောကြားခဲ့သည်။ သက်တော် (၈၀) ၀ါတော် (၄၅) ၀ါ
ပြည့်သောအခါ မဟာသက္ကရာဇ် ၁၄၈-ခု၊ ကဆုန်လပြည့် အင်္ဂါနေ့၌ ကုသိနာရုံပြည်
မလ္လာမင်းတို့၏ အင်ကြင်းဥယျာဉ်ဝယ် ပရိနိဗ္ဗာန်ပြုတော်မူလေသည်။

အလွယ်မှတ်ရန် ဗုဒ္ဓ၀င်အကျဉ်း
၁။ လူအမည် - သိဒ္ဓတ္ထ
၂။ ဘုရားဘွဲ့ - ဂေါတမ
၃။ မိဘအမည် - သုဒ္ဓေါဒနမင်းနှင့် မာယာဒေ၀ီ
၎။ ကြင်ယာတော် - ယသော်ဓရာ (ဘဒ္ဒကဉ္စနာ)
၅။ ရင်သွေးတော် - ရာဟုလာ
၆။ ယောက်ဖတော် - ဒေ၀ဒတ်
၇။ မိထွေးတော် - မဟာပဇာပတိ ဂေါတမီ
၈။ နေပြည်တော်- ကပိလ၀တ်ပြည် (သက္ကတိုင်း၊ မဇ္ဈိမဒေသ)
၉။ ဖွားရာဌာန - လုမ္ဗိနီဥယျာဉ် (ကပိလ၀တ်နှင့် ဒေ၀ဒဟအကြား)
၁၀။ နန်းစံနှစ် - ၁၃ နှစ် (သက်တော် ၁၆ နှစ်မှ ၂၉ နှစ်အထိ)
၁၁။ နိမိတ်ကြီးများ - သူအို၊ သူနာ၊ သူသေ၊ ရဟန်း
၁၂။ ဗျာဒိတ်ခံယူသောဘ၀ - သုမေဓာရသေ့ဘ၀
၁၃။ ဗျာဒိတ်ခံယူသောနေ့ - ကဆုန်လပြည့်နေ့
၁၄။ ဗျာဒိတ်ပေးသောဘုရား - ဒီပင်္ကရာမြတ်စွာဘုရား
၁၅။ ပါရမီဖြည့်ဘက် - သုမိတ္တာအမျိုးသမီး (ယသော်ဓရာအလောင်း)
၁၆။ ပါရမီဖြည့်ရာကာလ - လေးအသင်္ချေနှင့် ကမ္ဘာတစ်သိန်း
၁၇။ ပါရမီဖြည့်ရခြင်း၏ ရည်ရွယ်ချက် - သတ္တ၀ါများ အကျိုးဆောင်ရွက်ရန်
၁၈။ ဒုက္ကရစရိယာကျင့်ရသောနှစ် - ၆ နှစ် (မဟာသက္ကရာဇ် ၉၇-ခုမှ ၁၀၃-ခု အထိ)
၁၉။ ဒုက္ကရစရိယာကျင့်သည့်နေရာ - ဥရုဝေဠတော
၂၀။ ဘုရားဖြစ်ချိန်သက်တော် - ၃၅ နှစ်အရွယ်
၂၁။ ဘုရားပွင့်ရာလူ့သက်တမ်း - နှစ် ၁၀၀ တမ်း
၂၂။ အလုပ်အကျွေး - ပဉ္စ၀ဂ္ဂီငါးဦး (ဒုက္ကရစရိယာကျင့်ခိုက်)
၂၃။ တရားဦးဟောသည့်နေရာ - ဗာရာဏသီပြည်၊ မိဂဒါဝုန်တော
၂၄။ ပထမဆုံးသာဝက - ပဉ္စ၀ဂ္ဂီငါးဦး (ကောဏ္ဍည၊ ၀ပ္ပ၊ ဘဒ္ဒိယ၊ မဟာနာမ်၊ အဿဇိ )
၂၅။ နောက်ဆုံးသာဝက - သုဘဒ္ဒပရိဗိုဇ်
၂၆။ လက်ယာရံအဂ္ဂသာဝက - အရှင်သာရိပုတ္တရာ
၂၇။ လက်ဝဲရံအဂ္ဂသာဝက - အရှင်မောဂ္ဂလာန်
၂၈။ အဆုံးအမသာသနာ - ပရိယတ္တိ၊ ပဋိပတ္တိ၊ ပဋိဝေဓ
၂၉။ ကျင့်စဉ်သိက္ခာ - သီလ၊ သမာဓိ၊ ပညာ
၃၀။ ချမှတ်သောလမ်းစဉ် - မဇ္ဈိမပဋိပဒါ (မဂ္ဂင်လမ်းစဉ်)
၃၁။ သန္ဓေယူသောနေ့ - မဟာသက္ကရာဇ် ၆၇-ခု၊ ကြာသာပတေးနေ့
၃၂။ ဖွားမြင်သောနေ့ - မဟာသက္ကရာဇ် ၆၈-ခု၊ (ဘီစီ-၆၂၃) ကဆုန်လပြည့်၊
သောကြာနေ့
၃၃။ တောထွက်သောနေ့ - မဟာသက္ကရာဇ် ၉၇-ခု၊ ၀ါဆိုလပြည့်၊ တနင်္လာနေ့
၃၄။ ဘုရားဖြစ်သောနေ့ - မဟာသက္ကရာဇ် ၁၀၃-ခု၊(ဘီစီ-၅၈၉) ကဆုန်လပြည့်၊
ဗုဒ္ဓဟူးနေ့
၃၅။ ဓမ္မစကြာဟောသောနေ့ - မဟာသက္ကရာဇ် ၁၀၃-ခု၊ ၀ါဆိုလပြည့်၊ စနေနေ့
၃၆။ ပရိနိဗ္ဗာန်စံသောနေ့ - မဟာသက္ကရာဇ် ၁၄၈-ခု၊ (ဘီစီ-၅၄၄) ကဆုန်လပြည့်၊
အင်္ဂါနေ့
၃၇။ တေဇောဓါတ်လောင်သောနေ့ (မီးသဂြိုဟ်သောနေ့) - မဟာသက္ကရာဇ် ၁၄၈၊
ကဆုန်လဆုတ် (၁၂)ရက်၊ တနင်္ဂနွေနေ့။

သက္ကရာဇ်ရှင်းလင်းချက်
မဟာသက္ကရာဇ်ဆိုသည်မှာ ဘုရားမပွင့်မီက ဘိုးတော်အဉ္စနမင်း တည်ထားသော
သက္ကရာဇ်ကို ခေါ်သည်။
သာသနာတော်နှစ်ဆိုသည်မှာ ဘုရားပရိနိဗ္ဗာန်ပြုပြီးနောက်
ပထမသင်္ဂါယနာတင်သည့်နှစ်မှစ၍ ရေတွက်သောနှစ်ဖြစ်သည်။
မြန်မာသက္ကရာဇ်ဆိုသည်မှာ ပုပ္ပားစောရဟန်းမင်းလက်ထက် တည်ထားသော
သက္ကရာဇ်ဖြစ်သည်။
ခရစ်နှစ် (ဘီ၊စီ) ဆိုသည်မှာ ခရစ်မပေါ်မီနှစ်ကို ခေါ်သည်။
ခရစ်နှစ် (အေ၊ဒီ) ဆိုသည်မှာ ခရစ်တော်ပေါ်ပြီးနှစ်မှစ၍ ရေတွက်သည်။
သာသနာသက္ကရာဇ်သည် မြန်မာသက္ကရာဇ်ထက် ၁၁၈၂ နှစ် ကြီးသည်။ ခရစ်သက္ကရာဇ်ထက်
၅၄၄ နှစ် ကြီးသည်။
ခရစ်သက္ကရာဇ် (အေ၊ဒီ)သည် မြန်မာသက္ကရာဇ်ထက် ၆၃၈ နှစ် ကြီးသည်။ ထို့ကြောင့်
ဘုရားရှင်ပရိနိဗ္ဗာန်ပြုသောနှစ်ကို ခရစ်မပေါ်မီ ဘီစီ ၅၄၄ ဟု
သာသနာ့သမိုင်းများက အတည်ပြုထားသည်။

မှတ်ချက် - ကျမ်းကိုး (ဖတ်မှတ်မိသမျှ ပြန်လည်တင်ပြထားခြင်းဖြစ်ပါသည်။)

ဝေဘူဆရာတော်ဘုရားကြီး အစဉ်ဟောကြားတော်မူလေ့ရှိသော တရားတော်များ

ဗုဒ္ဓ၏အလိုတော်ကျ ကျေးဇူးတော်ရှင် ဝေဘူဆရာတော်ဘုရားကြီး
အစဉ်ဟောကြားတော်မူလေ့ရှိသော တရားတော်များ

သီလဆောက်တည်ပြီးလျှင် ပြည့်စုံအောင်ဖြည့်ကြ၊
ဖြည့်လို့ပြည့်စုံပြီဆိုလျှင် မိမိစိတ်အလိုတောင်းတတဲ့ အတိုင်းပြီးမယ်။
ယခုလည်းချမ်းသာမယ်။ နောင်လည်းချမ်းသာမယ်။
ပစ္စုပ္ပန်ချမ်းသာ၊ သံသရာချမ်းသာ နှစ်ဖြာကို ပေးစွမ်းနိုင်တာဟာ
ဘုရားရှင်အဆုံးအမတော်ကလွဲလို့ တခြားမရှိဘူး။
ဘုရားရှင် အဆုံးအမဆိုတာ ပိဋကတ်သုံးပုံပဲ။ ပိဋကတ် သုံးပုံဆိုတာ
အလွန်ကျယ်ဝန်းတယ်။ ပိဋကတ် သုံးပုံကို အဆီထုတ်ပါလျှင် ``ဗောဓိပက္ခိယတရား
၃၇-ပါး´´ ၇တယ်။ ဗောဓိပက္ခိယတရား ၃၇-ပါးကို အဆီထုတ်လျှင် မဂ္ဂင်ရှစ်ပါးရတယ်။
မဂ္ဂင်ရှစ်ပါးကို အဆီထုတ်လျှင်တော့ သိက္ခာသုံးပါးရတယ်။ သိက္ခာသုံးပါးဆိုတာ
အဓိသီလ၊ အဓိစိတ္တ၊ အဓိပညာပါဘဲ။
သိက္ခာသုံးပါးကို အဆီထုတ်လျှင် ``ဧကောဓမ္မောတရားတစ်ခု´´ ရတယ်။ ရုပ်ပေါ်
နာမ်ပေါ်မှာနေပြီး ယခုလိုဆောင်ထားတော့ (ရှုမှတ်နေတော့) ကာယကံသောင်းကျန်းမှု၊
ဝစီကံသောင်းကျန်းမှု မရှိဘူး။ အဲဒါ``အဓိသီလ´´ လို့ခေါ်တယ်။
အဓိသီလအားကောင်းလျှင်တော့ စိတ်တွေသောင်းကျန်းမှုမရှိဘဲ
ငြိမ်ဝပ်ပိပြားပြီး တည်နေတော့တယ်။ အဲဒါ ``အဓိစိတ္တ´´ လို့ခေါ်တယ်။
အဓိစိတ္တ(သမာဓိ) အားကောင်းလို့ အချိန်ကြာလျှင် ဘယ်လူ ဘယ်နတ် ဘယ်ဗြဟ္မာမှ
ဖန်တီးခွင့် မပြုဘူး။ လျှပ်တပြက်အတွင်း ကုဋေတစ်သိန်းဖြစ်ပြီး ပျက်နေတယ်။
ရုပ်နာမ်ကို သိနေလျှင်တော့ ဖြစ်ပျက်ကို သိတော့တာပဲ။ ဖြစ်ပျက်ကို သိတာ
``အဓိပညာ´´ လို့ခေါ်တယ်။
အများနားလည်အောင် ပြောမယ်ဆိုရင် ခန္ဓာကိုယ်ပေါ်မှာ ထင်ရှားနေတဲ့
အစိတ်အပိုင်းတစ်ခုဖြစ်တဲ့ နှာဖျား၊ နှာဝမှာ ထွက်လေ ၀င်လေနှစ်ရပ်ဟာ
အမြဲတိုက်ဝင် တိုက်ထွက်နေတယ်။
နှာဖျားနှာဝဟာ ကာယပသာဒအကြည်က အထိခံ ထွက်လေ၀င်လေဖြစ်တဲ့ လေနှစ်ရပ်
ဝါယောဖောဌာဗ္ဗက ထိတယ်။ ထို အထိခံနှင့် ဒကာမကြီးတို့ သူများမေးမနေနဲ့၊
ကိုယ်နှာဝကို ဥာဏ်နဲ့စောင့်ကြည့် ၀င်တော့ ထိဝင်မယ်။ ထွက်တော့လဲ
ထိထွက်မယ်။ ထိတာကို သိလျှင် သိနေလျှင် လောဘ၊ ဒေါသ၊ မောဟ ဖြစ်ခွင့် မရလို့
လောဘမီး၊ ဒေါသမီး၊ မောဟမီး ငြိမ်းတယ်။ ငြိမ်းတော့ အေးတယ်။
မထိခင်ကလဲ သိလို့ မဖြစ်ဘူး။ ထိပြီးပြန်တော့လည်း သိလို့မဖြစ်ဘူး။
ထိတုန်းကိုသာ သိလို့ဖြစ်တယ်။ အဲဒါကို ပစ္စုန်ပ္ပန်တည့်တည့်လို့ ဆိုတယ်။
အဲသလို တစ်ထိတည်းထိနေတာကို တစ်ဆက်တည်း သိနေအောင် ဆောင်ကြဗျာ။ တစ်ရက်
(၂၄)နာရီ တစပ်လောက်ရလျှင် အလွန်သိသာပါတယ်။ အဲသလို ထိတာကို
မသိမှတ်နိုင်လျှင် လျှပ်တပြက်အတွင်းတွင်ပဲ ကုဋေတစ်သိန်း
အကြွေးတင်သွားရောဗျာ။
ထိတာကို သိလျှင် ရုပ်နှင့် နာမ်သာရှိပါလားလို့ သိလိမ့်မယ်။
ရုပ်နာမ်မှတစ်ပါး၊ ငါ၊ သူတစ်ပါး၊ ယောကျာင်္း မိန်းမမရှိဘူးဆိုတာ ဘုရားရှင်၏
တရားတော်အမှန်ပါလားလို့ ကိုယ့်ဟာကိုယ်သိလိမ့်မယ်။ သူများကို မေးနေဖို့
မလိုပါဘူး။ နှာဖျားနှာဝမှာ လေထိတာကို သိနေလျှင် ထိုအချိန်မှာ အတ္တဆိုတဲ့
ကိုယ်မရှိဘူး။
ထိုသိနေတဲ့ အချိန်မှာ ဥာဏ်အမြင် စင်ကြယ်တယ်။ သမ္မာဒိဠိဖြစ်တယ်။ ထိတာကို
သိနေတဲ့ အချိန်မှာ ``ရုပ်နာမ်မှတစ်ပါး ဘာမှ မရှိပါလား´´ လို့ သိတာကို
ရုပ်နာမ်ကို ပိုင်းခြားပြီး သိလို့ `နာမရူပပရိစ္ဆေဒဥာဏ်´ လို့ခေါ်တယ်။
တထိတည်းထိ၊ တသိတည်းသိနေလျှင် အတ္တစင်၍ ဉာဏ်အမြင်စင်ကြယ်တဲ့ အကျိုးရတယ်။
ဒါဟာ တဒင်္ဂပဟာန် ခဏအချိန်ကလေးအတွင်းမှာ ရတဲ့အကျိုး၊ နည်းတယ်လို့
မမှတ်ကြနဲ့ `ကမ္မဌာန်းထိုင်ရတာများ ဘာမှလဲ မတွေ့ပေါင်၊ ဘာမှလဲ မရပေါင်´
လို့များမမှတ်လိုက်ကြပါနဲ့။ မြင့်မြတ်တဲ့ ဘ၀၊
ဘုရားသာသနာကြုံကြိုက်တဲ့အခါမှာ ဒီလို အကျိုးထူးများရနိုင်တယ်။
စားဘို့သောက်ဘို့ အသာထားပြီး အထူးကြိုးစားကြ။

ဖျက်စု-၂၀

၁။ စေတီမှန်းထား၊ မြတ်ဘုရား၊ တည်ထားကောင်းလျက်၊ ညောင်ပင်ဖျက်။
၂။ မြစ်မရေနက်၊ သောင်ပြင်ဖျက်သည်။
၃။ မင်းကောင်းပါလျက်၊ မင်းမြောင်ဖျက်သည်။
၎။ လက်ဆုံစား၊ စကားကောင်းလျက်၊ အပြောင်ဖျက်သည်။
၅။ မောင်းသွင်းခုနင်း၊ ရေလျင်သွင်း၊ ပျိုးခင်းကောင်းလျက်၊ မြောင်းတောင်ဖျက်သည်။
၆။ လက်ဆက်တံကူ၊ လှေမူခိုင်လျက်၊ မီးပုိုးဖျက်သည်။
၇။ လက်တီးကြမ်းပြင်၊ ဆင်ဝင်ကောင်းလျက်၊ ၀ဲလင်ဖျက်သည်။
၈။ မိန်းမ၍မူ၊ ရူပကောင်းလျက်၊ ဆံထုံးဖျက်သည်။
၉။ ဓမ္မသတ်တရား၊ ရှိပါငြားလည်း၊တိမ်းပါးငဲ့ကွက်၊ လက်ဆောင်ဖျက်သည်။
၁၀။ ရဟန်းတရား၊ ကျင်ပါငြားလည်း၊ တိမ်းပါးငဲ့ကွက်၊ လက်ဆောင်ဖျက်သည်။
၁၁။ ငါးပါးသီလ၊ ကျင့်သူအားကို၊ စီးပွားရမ္မက်၊ လောဘဖျက်သည်။
၁၂။ သုခမိန်ဟု၊ ကျော်ရှိန်နှံ့သိ၊ ပညာရှိ၊ ကြီးဘိအမျက်၊ ဒေါသဖျက်သည်။
၁၃။ တိုက်နှင့်ကျီကျ၊ ထုပ်လျောက်စသည်။ ခိုင်လှပေလျက်၊ ပေါင်းကွပ်ဖျက်သည်။
၁၄။ ပြည်ရွာတိုင်းကား၊ စည်ပင်ငြားလည်း၊ ခေါင်းပါးခေါင်လျက်၊ စပါးဖျက်သည်။
၁၅။ ပဉ္စင်တူရိယာ၊ နှဲခရာ၊ သာယာပေလျက်၊ လင်းကွင်းဖျက်သည်။
၁၆။ လက်သင်လှော်ကား၊ လှော်ပေငြားလည်း၊ အသွားကောင်းလျက်၊ လှေပဲ့ဖျက်သည်။
၁၇။ ဘောဇဉ်ငါးပါး၊ ပျားအရသာ၊ ကောင်းပါပေလျက်၊ ဆားငန်ဖျက်သည်။
၁၈။ ဆီမီးတန်ဆောင်၊ ၀င်းပြောင်ပေလျက်၊ လေးဆိုးဖျက်သည်။
၁၉။ မိန်းမ၌မူ၊ ရူပလက္ခဏာ၊ကောင်းပါပေလျက်၊ ရောဂါနှိပ်စက်၊ အနာဖျက်သည်။
၂၀။ သူကောင်းဖြစ်ငြား၊ မူထားကောင်းလျက်၊ အပေါင်းဖျက်သည်။
                                      တောင်ဖီလာဆရာတော်

မေ့မရနိုင်သော နေ့လေးတစ်နေ့ (၁၉ ဇူလိုင်)

(၁၉ ဇူလိုင် မမေ့နိုင်)

အို... မိတ်ဆွေအပေါင်းတို့
နှစ်တွေကြာညောင်း
ဘ၀တွေ ဘယ်လိုပြောင်းပြောင်း
ဗိုလ်ချုပ်တို့ခွဲခွာ၊ နေရှိန်ထိုးကျ
လောကပိန်းမှောင်၊ အလင်းရောင်ပျောက်
မိုးအောက်လေရင်၊ ဆူပွက်လတ်သော်
လှိုင်းတွေရပ်သမုဒ္ဒရာ၊ ငြိမ်သက်ရှာကြ
တဒင်္ဂလျှင်
ငါတို့အားလုံး
ဝမ်းနည်းပူဆွေးဦးညွတ်ကြကုန်၏။
အို... သင်္ခါရ၊ အနိစ္စတည်း
ဗိုလ်ချုပ်တို့သွားနှင့်၊ ဖြစ်သဖြင့်ကြောင့်
အောက်မေ့ခွင့်ကြုံ၊ ငါတို့ဆုံရ
ဤဘ၀
သောကတောင်ထုရှိချေပြီတကား....
ထွက်ခွာသွားပြီ၊ တို့မျက်ရည်များ
ဖြည်မဆည်နိုင်၊ မိုးနှင့် ပြိုင်ပြီ
အောက်မေ့တမ်းတ၊ လွမ်းရက်ရှည်ကြာ
နောက်ဆုံးတော့
ဘ၀ တွေ့ကြုံဆုံကွဲတည်း....

ဝါဆိုဝါခေါင် ရေဖောင်ဖောင်ဆိုတဲ့အတိုင်းပဲ။ ဆိုင်းမဆင့် ဗုံမဆင့်ဘဲ ရန်ကုန်မိုးဟာ ဗြုန်းခနဲရွာပြီး တိတ်သွားသော်လည်း အခုတော့ ဘယ်အငြိုးကြောင့် ဒေါမာန်ကြီးစွာနဲ့ ရွာသွန်းနေရပါလိမ့်လို့ ယမင်း စဉ်းစားနေမိတယ်။ လမ်းသွားလမ်းလာတွေလည်း မရှိသလောက် ဖြစ်နေပြီး ယမင်းတစ်ယောက်ထဲ မိုးရွာထဲ လျှောက်သွားနေမိပါ တကား။ သြော်... ဘာလိုလိုနဲ့ မမေ့သင့်၊ မမေ့အပ်၊ မမေ့နိုင်တဲ့နေ့လေးတစ်နေ့ကို ရောက်တော့မှာပါလား။ ဒီလိုဘဲ ရင်ထဲမှာ ခုချိန်ထိ မမေ့နိုင်တဲ့နေ့လေးနှင့်အတူ ယမင်းရဲ့ မွေးရက်လည်း ရောက်လာတော့မှာပါလား။ ယမင်းရဲ့မွေးနေ့က ဇူလိုင် ၁၉ ပြီး နောက်တစ်ရက်လေ။ အင်း အသက်လည်း တစ်နှစ်ကြီးပြန်ပြီပေါ့။ ဒီအစိုင်အခဲဟာ ယမင်း အသက်အရှင်နေသမျှ ကာလပတ်လုံး ပို၍ ပို၍ ကြီးထွားနေမှာဘဲ။ ထိုရက်ကား ဇူလိုင် ၁၉ ရက်နေ့ပင် ဖြစ်ပါတယ်။ ဇူလိုင် ၁၉ နှင့်အတူ မျက်ရည်မိုးတွေ လည်း သွန်းဝေဖြိုးပေတော့မယ်လေ။
ဒီကနေ့တော့ သည်းထန်စွာ ရွာနေတဲ့မိုးကြောင့် ယမင်းလည်း အိမ်ပြန်ရောက် တာနဲ့ နွေးသွားအောင် ကော်ဖီတစ်ခွက်သောက်ပြီး ဟိုတစ်ချိန်ဆီက မေ့မရနိုင်သော နေ့လေးတစ်နေ့ကို မျက်စိမှာ မြင်ယောင်ကြည့်နေမိတော့တယ်။ ဒါဟာ ငယ်ငယ်လေး ကတည်းက မိဘများက ပြောပြခဲ့တဲ့ အကြောင်းအရာတစ်ခုဆိုလဲ ပိုမှန်ပါတယ်။ ကြီးလာတော့ လက်လှမ်းမီသလောက် လေ့လာ၊ ပြီးတော့ သံရုံးက အခွေတွေ ဘာတွေ ငှားကြည့်ဖြစ်ခဲ့တယ်လေ။ ဒါတွေဟာ အမှန်တရားလား။ လုပ်ဇာတ်လမ်းလားဆိုတာ ယမင်းလည်း သေချာမသိပါဘူး။ ဘာလို့လဲဆိုတော့ ကိုယ်ကိုယ်တိုင် မမြင်ခဲ့ရတာကိုး။



ကျွန်မ တွေးမိတဲ့အကြောင်းအရာကတော့ လွန်ခဲ့တဲ့ ၁၉၄၇ ခု၊ ဇူလိုင်လ ၁၉ ရက်နေ့၊ မိုးတွေ တစိမ့်စိမ့်ရွာသွန်းနေတဲ့အချိန်မှာ ဗိုလ်ချုပ်အောင်ဆန်းအပါအ၀င် အာဇာနည်ကိုးဦးတို့ဟာ နယ်ချဲ့လက်ပါးစေ ဂဠုန်ဦးစော (အခိုင်းခံရသူ)ရဲ့ လက်ချက် နဲ့ ကျဆုံးခဲ့ရခြင်းပဲ ဖြစ်ပါတယ်။ ယမင်း သိသလောက်ပေါ့လေ နောက်ပိုင်း လေ့လာမိ သလောက်ကတော့ ဂဠုန်ဦးစောဟာ (ဟုတ်မဟုတ်တော့ မသိဘူး၊ သိတာကို ပြောပြတာနော်) ဆာတော်မန်စမစ်ရဲ့ စေခိုင်းချက်ကြာင့် အာဏာရာထူးကို မက်မောပြီး လုပ်ကြံခဲ့ခြင်း ဖြစ်တယ်ဆိုတာ သိခဲ့ရတယ်။ အင်း မြန်မာတိုင်းရင်းသားတို့အတွက် တော့ ကမ္ဘာသာကျေပြီး ဥဒါန်းကျေမှာ မဟုတ်တဲ့ နေ့လေးတစ်နေ့ပေါ့။ ပြောရရင်တော့ ၁၉၄၇ ခုနှစ်၊ ဇူလိုင်လ ၁၉ ရက်နေ့ဟာ ယမင်းတို့ရဲ့ လွတ်လပ်ရေး ပန်းတိုင်နှင့် မဝေးတော့တဲ့အချိန်အခါ သမယဖြစ်တော့မဲ့ အချိန်ပေါ့။ မိုးရာသီဖြစ်တဲ့ အတွက် မိုးရွာတာဟာ မဆန်းပါဘူး။ ဒါပေမဲ့ ထိုနေ့မှာတော့ မိုးမင်းကြီးဟာ ဒီသတင်းဆိုးကို ကြိုတင်ပဲ သိနေလို့လား ညိုသော အရောင် မှောင်တဲ့အသွင်ကို ဆောင်ပြီး တိမ်လွှာတိမ်လိပ်တို့ကလည်း မိုးကောင်းကင်မှာ ချက်ချက်ဘဲ အုံ့ဆိုင်းတက် လာတာပေါ့။ အဲဒီအချိန်မှာ မိုးသံ တချုန်းချုန်း မျက်စိတစ်မှိတ် လျှက်တစ်ပြက် အတွင်းမှာဘဲ လျှပ်စီးတွေ လက်ပြီး လေကလည်း ထန်လာတယ်။ အချိန်ကား နံနက် ၁၀ နာရီခန့် ရန်ကုန်မြို့လယ်ရှိ အတွင်းဝန်ရုံးဟာ မိုးတွေကြားမှာ လေပြင်းကို အန်တုပြီး အခိုင်အမာရပ်တည်နေတာပေါ့။ အဲ အထဲမှာ ရှိတဲ့လူတွေဟာ အချမ်းဒဏ် ကို ဂရုမပြုနိုင်ဘဲ တိုင်းရင်းသားအားလုံးအတွက် လှုပ်ရှားနေခဲ့ကြတယ်လေ။ သူတို့ဟာ အတွင်းဝန်ရုံး ပထမထပ် အလယ်ခန်းမှာ ဗိုလ်ချုပ်အောင်ဆန်း အမှူးပြုတဲ့ မျိုးချစ်ခေါင်းဆောင်ကြီးတွေပဲ ဖြစ်ပါတယ်။

အသက် ၃၃ နှစ်ဝန်းကျင်ပဲ ရှိသေးတဲ့ ဗိုလ်ချုပ်ဟာ တက်ရောက်လာတဲ့ ခေါင်းဆောင်ကြီးတွေနဲ့ ယမင်းတို့ရဲ့ နိုင်ငံအတွက် ဆွေးနွေးတိုင်ပင်နေကြတာပေါ့။ ခေါင်းဆောင်တွေဟာ နိုင်ငံ့အကျိုး၊ ပြည်သူ့အကျိုးအတွက် နေ့ညမဟူ လုံ့လထုတ်ကြ ရှာရပါတယ်။ ဒါပေမဲ့ ဇူလိုင်လ ၁၉ ရက် နံနက် ၁၀ နာရီနဲ့ ၃၇ မိနစ်အချိန်လောက် မှာဘဲ ဘယ်လိုမှ မထင်မှတ်ထားတဲ့ ရင်နင့်ဖွယ် အဖြစ်ဆိုးကြီးဟာ ရုတ်တရက် ဖြစ်သွားခဲ့ရပြီလေ။ ဆူညံစွာ မောင်းဝင်လာတဲ့စက်သံနှင့်အတူ ဂျစ်ကားတစ်စီးဟာ အတွင်းဝန်ရုံးရှေ့ကို ရောက်ရှိလာပြီး မျက်နှာဖုံးစွပ် လူလေးယောက်ဟာ ရုတ်တရက် ၀င်ရောက်လာပြီး မြင်မြင်သမျှ မည်းမည်းမြင်ရာကို လိုက်လံပစ်ခတ်တော့တာပါပဲ။ ဗိုလ်ချုပ်ဟာ ရုတ်ခြည်းထရပ်ပြီး တားရန် ကြိုးစားခဲ့ပါတယ်။ ဒါပေမဲ့ သေနတ်ကျည်ဆန်ထိပ်ဖူးဟာ ကိုယ်တွင်းကို ရောက်ရှိသွားပြီး တားမြစ်မှုဟာ မအောင်မြင်ခဲ့ဘူးပေါ့။ အဖြစ်အပျက်ဟာ မြန်ဆန်လွန်းတဲ့အတွက် တစ်ခဏအတွင်းမှာ မြင်မကောင်းအောင် သွေးချောင်းစီးသွားပါတယ်။ မျိုးချစ်ပုဂ္ဂိုလ် ကိုးဦးဟာ မျိုးဖျက်သစ္စာဖောက်၊ အသားထဲက လောက်ထွက်တဲ့သူတွေရဲ့စနစ်ကြောင့် ကျဆုံးခဲ့ရ ရှာတော့တယ်။ ပြည်သူက ချစ်သော ဗိုလ်ချုပ်ဟာ ပြည်သူ့အတွက် လုပ်ဆောင်ရင်းနဲ့ အကြံပက်စက် ဆန်ကောလောက်မှ ဇောက်မနက်တဲ့ လူတွေရဲ့လက်ချက်နဲ့ ကျဆုံးခဲ့ရလေတယ်။ ဘယ်လောက် မိုက်ရိုင်းလိုက်သလဲ။ ဗိုလ်ချုပ်နဲ့အတူ သခင်မြ၊ မန်းဘခိုင်၊ ဒီးဒုတ်ဦးဘချို၊ မစ္စတာ အဗ္ဗဒူရာဇာတ်၊ ဦးဘ၀င်းတို့လည်း အဲဒီနေရာမှာတင် သေဆုံးခဲ့ရရှာတယ်။ အဲ ဒဏ်ရာပြင်းထန်စွာ ရသွားတဲ့ မိုင်းပွန်စော်ဘွား စောစံထွန်း၊ အတွင်းဝန် ဦးအုန်းမောင်နှင့် သက်တော်စောင့် မောင်ထွေးတို့လည်း ရရှိတဲ့ဒဏ်ရာနဲ့ သေဆုံးခဲ့ရရှာတယ်။ အာဇာနည် ကြယ်ကိုးပွင့် အကြွေစောခဲ့ရလေပြီ။


ခုချိန်မှာတော့ ဗိုလ်ချုပ်တို့ရဲ့ သွေးစက်နဲ့ လမ်းခင်းပေးခဲ့တဲ့ လွတ်လပ်ရေးဟာ အထင်အရှားရှိခဲ့ရပြီလေ။ ယခုဆိုရင် ၂၀၁၀ ခုနှစ်၊ ဇူလိုင်လ ၁၉ ရက်နေ့ကို ရောက်ရှိ လာခဲ့ပြန်ပြီပေါ့။ ယမင်းလေ ရေးစရာတွေ ရင်ထဲမှာ အပြည့်ရှိနေပါတယ်။ ဒါပေမဲ့ ရင်ထဲမှာ ၀မ်းနည်းဆို့နစ်ကြေကွဲပြီး ဘယ်လိုမှ ဆက်ရေးလို့ မရတော့ဘူး။ အခု မိုးတွေ သည်းကြီးမဲကြီး ရွာနေပြန်ပြီလေ။ အာဇာနည်နေ့ကို ကြိုတင်ဦးညွှတ်ဂုဏ်ပြုနေသည့်အလား၊ ယမင်းရဲ့ရင်ထဲမှာ မေ့မရသောနေ့လေးတစ်နေ့ကို မြင်ယောင်နေမိပါ တော့တယ်။ အားလုံးတိတ်ဆိတ်ငြိမ်သက်စွာနဲ့ ကျဆုံးလေပြီးသော အာဇာနည်မျိုးချစ် ခေါင်းဆောင်ကြီးတွေကို ယမင်းနဲ့အတူ ၀မ်းနည်းပူဆွေးစွာနဲ့ပဲ ဂုဏ်ပြုကြိုဆို ကြပါစို့နော်။



ဒီပိုစ့်လေးက ကျွန်မ တင်ပြီးသား ပိုစ့်လေးတစ်ခုပါ.... ပိုစ့်အသစ်ရေးဖို့ အချိန်မရှိတဲ့အတွက် ပြန်လည် တင်ပြလိုက်ရခြင်း ဖြစ်ပါတယ်ရှင်....

Navitas ၏ နိုင်ငံတကာ ပညာရေးပြပွဲ စည်ကားစွာ ကျင်းပမည်

မြန်မာနိုင်ငံတွင် ပထမအကြိမ် ကျင်းပပြုလုပ်မည့် Navitas' International Education Exhibition ကို ၂၀၁၀ ဇူလိုင်လ (၂၁) ရက်

ဗုဒ္ဓပာူးနေ့တွင် ကုန်သည်ကြီးများပိာုတယ် Myanmar Ballroom တွင်  နံနက် (၁၀) နာရီမှ ညနေ (၆) နာရီအထိ ကျင်းပပြုလုပ်

မည်ပာု သိရှိရသည်။

အမေရိကန် ၊ ကနေဒါ ၊ အင်္ဂလန် နှင့် သြစတြေးလျ ကျောင်းများကို တစ်ရက်တည်း တစ်နေရာတည်းတွင် တစ်စုတစ်ဝေးတည်း
တက်ရောက်တွေ့ဆုံမေးမြန်းစုံစမ်း နိုင်စေရန် ရည်ရွယ်၍ Navitas မှ စီစဉ်ပြုလုပ်ခြင်းဖြစ်သည်။

Navitas သည် နိုင်ငံတစ်နိုင်ငံမှ ကျောင်းတစ်ခု မပာုတ်ဘဲ  အမေရိကန် ၊ ကနေဒါ ၊ အင်္ဂလန်၊ သြစတြေးလျ နှင့် စင်ကာပူနိုင်ငံများ

မှ တက္ကသိုလ်များပါဝင်သည့် နိုင်ငံတကာ ပညာရေးကွန်ယက်ကြီး တစ်ခုဖြစ်ပါသည်။

နိုင်ငံတစ်နိုင်ငံနှင့် တစ်နိုင်ငံ ပညာရေးစနစ်နှင့်အထက်တန်းပညာရေးအဆင့်ခြင်း မတူညီကြသည့် အားလျော်စွာ ကျောင်းသားများ

နိုင်ငံရွှေ့ပြောင်းပညာသင်ကြားရာတွင် အဆင်ပြေလွယ်ကူစေရန် Navitas မှ ၄င်းတို့နှင့် ချိတ်ဆက်ထားသော တက္ကသိုလ်များတွင်
ပေါင်းကူးကောလိပ်များဖွင့်လှစ်ကာ သင်တန်းများပို့ချလျက်ရှိသော နိုင်ငံတကာကွန်ယက် ကျောင်းကြီးတစ်ခုဖြစ်သည်။

နိုင်ငံစုံပညာရေးပြပွဲနေ့တွင်

- Navitas နှင့် ချိတ်ဆက်ထားသော အမေရိကန်တက္ကသိုလ်များသို့ ၀င်ခွင့်လျှောက်ထားခြင်းဆိုင်ရာ အချက်အလက်များ ၊
- အင်္ဂလန်တက္ကသိုလ်ကြီး (၆) ခုကို တက်ရောက်သင်ကြားနိုင်မည့် ပညာရေး အခွင့်အလမ်းများ ၊

- သြစတြေးလျ တက္ကသိုလ်ကြီး (၉)ခုရှိ ဘွဲ့သင်တန်းများကို ဒုတိယနှစ်မှ စတင်တက်ရောက်နိုင်မည့် ပေါင်းကူးဒီပလိုမာများ ၊
- ဘွဲ့လွန် သင်တန်းများ ၀င်ခွင့်လျှောက်ထားခြင်းဆိုင်ရာ အကြောင်းအရာများကို ရှင်းလင်း ပောာပြောဆွေးနွေးပေးမည်။

နိုင်ငံစုံပညာရေးပြပွဲသို့ Navitas မှ အဆင့်မြင့်အရာရှိ (၈) ဦးကိုယ်တိုင် လာရောက်ခင်းကျင်းပြသပောာပြောမည်ဖြစ်ပြီး

- အင်္ဂလန်နိုင်ငံသို့ ကျောင်းသားဗီဇာအဆင့်များနှင့် ကျောင်းများကိုအဆင့်လိုက်ရွေးချယ်မှုများ ၊

- သြစတြေးလျနိုင်ငံမှ အသစ်ထုတ်ပြန်လိုက်သည့် ကျွမ်းကျင်အဆင့်ဘွဲ့ရကျောင်းသားများ နေထိုင်ခွင့် ဗီဇာ

- အမေရိကန် ကျောင်းသားဗီဇာ လျှောက်ထားရာတွင် လိုအပ်သည့်အချက်အလက်များကို ထည့်သွင်း ဆွေးနွေးပေးမည်။

 

အမေးအဖြေအစီအစဉ်များနှင့် ပညာရေးဆိုင်ရာ ဗီဒီယိုအပိုင်းတိုများကို ထည့်သွင်းပြသပေးသွားမည်။

အမေရိကန်နှင့် ကနေဒါနိုင်ငံများသို့ IELTS (သို့) TOEFL စာမေးပွဲများဖြေဆိုရန် မလိုဘဲ တိုက်ရိုက်သွားရောက်တက်ရောက်
လိုသောကျောင်းသားများအတွက် Navitas English Test ကို စစ်ဆေးပေးသွားမည်ဖြစ်သည်။

ဝင်ခွင့်လျှောက်ထားလိုသော ကျောင်းသားများအနေဖြင့် ပညာရေးအထောက်အထားစာရွက်စာတမ်းများကို ယူဆောင်လာရ

မည်ဖြစ်ပြီး တစ်ဦးချင်းတွေ့ဆုံ ဆွေးနွေးအကြံပြုချက်များကို ရယူနိုင်မည်ဖြစ်သည်။

ပြပွဲတွင် အထူးအစီအစဉ်အနေဖြင့် British Council ၊ Myanmar WWW Institute ၊ Popular Bookstore ၊ Technoland

နှင့် Blue Mountain တို့မှလည်း လာရောက်လေ့လာသူများကို အထူးအစီအစဉ်များဖြင့် လာရောက်ပံ့ပိုးပေးမည်။

အသေးစိတ်အချက်အလက်များကို သိရှိလိုပါက တရားဝင်အသိအမှတ်ပြု နိုင်ငံတကာ ပညာရေး အတိုင်ပင်ခံ ကုမ္ပဏီကြီး

ဖြစ်သည့် AT&S Co., Ltd. အဆောင် (၅) ၊ အခန်း(၄) ၊ မြန်မာအင်ဖိုတက်(ခ်) ၊ လှိုင်တက္ကသိုလ်နယ်မြေ ၊ ရန်ကုန်မြို့ ။

ဖုန်း - ၅၂၁၁၂၅ ၊ ၆၅၂၂၈၈ ၊ ၀၉-၅၀-၆၂၁၇၁ သို့ ဆက်သွယ်စုံစမ်းနိုင်ပါသည်။

ကျောင်းများမှ ပြသမည့် Presentation အချိန်များကို ပွဲရက်၌ ပြပွဲခန်းမ၏ ၀င်ပေါက်တွင် ဖော်ပြထားမည်။

nvt.ats@gmail.com သို့လည်း Seminars & Presentations Schedule ကို ဆက်သွယ်မေးမြန်းနိုင်ပါသည်။

You can also read our news on http://www.planet.com.mm/news/read.cfm/id/15423

သူငယ်ချင်း မိတ်ဆွေအပေါင်းအသင်းများကိုလည်း သတင်းဖြန့်ချီပေးပါရန် လေးစားစွာ ပန်ကြားအပ်ပါသည်။

ဦးအောင်သိန်း ခေါ် စာရေးဆရာကြီး နန်းညွန့်ဆွေ ကွယ်လွန်

ဦးဇာဂနာရဲ့ ဖခင် ကွယ်လွန်သွားတဲ့သတင်းလေးပါ…

ကချင်ပြည်နယ် မြစ်ကြီးနားထောင်တွင် ထောင်ဒဏ် ၃၅ နှစ် ကျနေသည့် နာမည်ကျော် ဟာသပညာရှင် ဇာဂနာ ခေါ် ဦးသူရ၏ ဖခင် ဦးအောင်သိန်း ခေါ် စာရေးဆရာကြီး နန်းညွန့်ဆွေသည် အသက် ၈၇ နှစ် အရွယ်တွင် သူနေထိုင်းရာ ရန်ကုန်တိုင်း ရန်ကင်းမြို့နေအိမ်၌ ကွယ်လွန်သွားပြီ ဖြစ်သည်။

Converter အမျိုးမျိုးပြောင်းလဲခြင်း

http://www.coolutils.com/
Description: အွန်လိုင်းမှတဆင့်ဓါတ်ပုံ၊ သီချင်း၊ ဗီဒီယိုများကို format ပြောင်းလဲပေးနိုင်သည့် လူသုံးအများဆုံး Converter များစွာကို ထည့်သွင်းဖော်ပြထားပြီး နှစ်သက်ရာ Converter များကိုရွေးချယ် အသုံးပြုနိုင်ပါတယ်။ ဓါတ်ပုံ format ပြောင်းလဲပေးနိုင်သည့် Converter များ၊သီချင်း format ပြောင်းလဲပေးနိုင်သည့် Converter များ၊ ဗီဒီယို format ပြောင်းလဲပေးနိုင်သည့် Converter များ၊ HTML Converter များစသည်ဖြင့် Converter များစွာကိုရယူ အသုံးပြု နိုင်ပါတယ်။ အသုံးပြုလိုသည့် ဓါတ်ပုံတစ်ခုကို browser မှတစ်ဆင့် ထည့်လိုက်ပါ။ ဒုတိယအဆင့်အနေဖြင့် Set Convert Options တွင် ကူးပြောင်းလိုသည့် format ကို ရွေးချယ်ပေးလိုက်ပါ။ အလွယ် တကူ Convert ပြုလုပ် ကူးပြောင်း၍ download ပြုလုပ်ကာရယူနိုင်ပါ တယ်။ ဓါတ်ပုံ၊ သီချင်းများအား Convert ပြုလုပ်ရာတွင် ဖိုင်အ ရွယ်အစားကိုပါ ပြောင်းလဲပြင်ဆင်ပေးနိုင်သလို Slideshow ပြုလုပ်လို့လည်းရပါတယ်။ icon ပြုလုပ်နိုင်သည့် Tool များ ဓါတ်ပုံ Editing ပြုလုပ်နိုင် Tool များMultimedia Tool များအပြင်အခြား System Tool များစွာကို ထည့်သွင်းပေးထား အခြားထပ်မံ File Rename ပြုလုပ်နိုင်သည့် ဆော့ဖ်ဝဲများ Document Processing ဆော့ဖ်ဝဲ များ၊ PDF Format သို့ ပြောင်းလဲပေးနိုင်သည့် ဆော့ဖ်ဝဲများစသည့်ဖြင့် စုံလင်စွာ ထည့်သွင်းပါရှိပါသည်။

လူ့ဘ၀ရခဲခြင်းနှင့်သံသရာရှည်လှပုံ

ဘုရားရှင်ကိုယ်တော်မြတ်ကြီးက လူ့ဘ၀ရခဲခြင်းကို ဒုလ္လဘတရားငါးပါးဖြင့်
ဆုံးမတော်မူခဲ့သည်။
(၁) ဘုရားနှင့်မီဖို့၊ ဘုရားရှင်၏သာသနာတော်အတွင်း ကျရောက်ဖို့ ခဲယဉ်းခြင်း၊
(၂) သူတော်ကောင်းတရားကိုကြားနာဖို့၊ ထောင်နိုင်သော နားရှိဖို့
လွန်စွာခဲယဉ်းခြင်း၊
(၃) လူသားအဖြစ်ရဖို့ ခဲယဉ်းခြင်း၊
(၄) ယုံကြည်ထိုက်သော တရားများကို ယုံဖို့ခဲယဉ်းခြင်း၊ မယုံကြည်ထိုက်သော
အမွေတွေကို ယုံဖို့ လွယ်ကူခြင်း၊
(၅) ရဟန်းအကျင့်ကိုကျင့်ဖို့ ခဲယဉ်းခြင်း။

ယနေ့ကြွရောက်လာသော မိဘဆွေမျိုးအားလုံးတို့သည် အင်မတန် ကံကောင်းလှသည့် လူသားများ
ဖြစ်သည်။ မြန်မာနိုင်ငံသည် ထေရ၀ါဒနိုင်ငံတို့၏ အထွဋ်အထိပ်ဖြစ်ပြီး အများစုမှာ
ဗုဒ္ဓသာသနာဝင် မိသားစုများမှ မွေးဖွားလာသည့်အပြင် ၀ိပဿနာတရားနှင့်လည်း
အလှမ်းမဝေးပေ။ ဉာဏ်ကြီးလှပြီး အာရုံခြောက်ပါး စလုံးလည်း ကောင်းမွန်သည့်
ပုဂ္ဂိုလ်များဖြစ်သည်။ ရခဲလှသည့် လူ့ဘ၀မှာ အခွင့်အရေးများ အပြည့်အ၀ ပိုင်ဆိုင်
ထားကြသည်။

လူ့ဘ၀တန်ဖိုးကိုသိရန် ဘုရားရှင်က နခသိခ (လက်သည်းခွံ) သုတ္တန်တွင်
ဟောကြားခဲ့သည်။ တစ်နေ့ တွင် ဘုရားရှင်က မြေမှုန့်တစ်ဆုပ် ကိုကျုံး၍
လက်သည်းခွံပေါ်မှာတင်ပြီး နောက်လိုက်ရဟန်းများကိုမေးသည်။ "ငါ၏လက်သည်းခွံပေါ်က
မြေမှုန့်နှင့် ဤမဟာပထ၀ီမြေကြီး (ကမ္ဘာကြီး)မှ မြေမှုန့်၊ မည်သည့်မြေမှုန့်က
များသနည်း" လို့ မေးသည့်အခါ နောက်လိုက်ရဟန်းများက "တုနှိုင်းလို့မရပါဘုရား"လို့
ဖြေကြသည်။ ဘုရားရှင်က မိန့်ကြားသည်မှာ "အသင်တို့တွေ့သော
ငါ၏လက်သည်းခွံပေါ်တွင်ရှိသည့် မြေမှုန့်မျှလောက်သာလျှင် လူ၊ နတ်၊
ဗြဟ္မာတို့အားလုံး စုတေ၊ ကွယ်လွန်သွားလျှင် လူ၊ နတ်၊ ဗြဟ္မာပြန်ဖြစ်သည်။ ကျန်သည့်
ဤမဟာပထ၀ီ မြေကြီး အပြည့်ရှိသော မြေမှုန့်အားလုံးလောက်က အပါယ်သို့ကျကြသည်"ဟု
ဆုံးမတော်မူခဲ့သည်။ ၀ိပဿနာ မလုပ်သေးသည့်ပုဂ္ဂိုလ်မှန်သမျှ အပါယ်ဆင်းမှာ
သေချာလှသည်။

အပါယ်ကျလျှင် သုဂတိဘုံ ပြန်ရောက်ဖို့ ခက်ခဲကြောင်းကို ကာဏကစ္ဆပသုတ္တန်
(လိပ်ကန်းသုတ္တန်) တွင် ဆုံးမတော်မူခဲ့သည်။ အပြောကျယ်သည့် သမုဒ္ဒရာ၏
ကြမ်းခင်းပေါ်မှာ မျက်လုံးကန်းနေသည့် လိပ်ကြီး တစ်ကောင် သွားချင်ရာသွားနေပြီး
သမုဒ္ဒရာရေမျက်နှာပြင်ပေါ်မှာလည်း လှည်းထမ်းပိုးတုံး တစ်တုံး မျောချင်ရာ
မျောနေသည်။ ၎င်းထမ်းပိုးတုံးတွင် အပေါက်ကလေး တစ်ပေါက်ပါသည်။ ထိုအပေါက်မှာ
လိပ်ကန်း၏ ဦးခေါင်းနှင့် စွပ်ရုံလောက် သာရှိသည်။ ထိုလိပ်ကန်းမှာ
နှစ်တစ်ရာကြာမှ ရေမျက်နှာပြင်ပေါ် တစ်ကြိမ်ပေါ်သည်။ ဘုရားရှင်က
နောက်လိုက်ရဟန်းများကိုမေးသည်။"သွားချင်သလို သွားနေသည့်
လိပ်ကန်း၏ဦးခေါင်းနှင့် မျောချင် သလိုမျောနေသည့် လှည်းထမ်းပိုးတုံး၏
အပေါက်တို့စွပ်သွားရန် လွယ်ပါ့မလား" လို့မေးသည့်အခါ
"မည်သို့မျှမဖြစ်နိုင်ပါဘုရား"ဟု နောက်လိုက်ရဟန်းများက ဖြေသည်။

လိပ်ကန်းနောက်မှာ လှည်းထမ်းပိုးတုံးကြီးကို လူကိုယ်တိုင်လိုက်စွပ်လျှင်တောင်
ဖြစ်နိုင်ချေမရှိပေ။ ဘုရားရှင်က ဆုံးမတော်မူခဲ့သည်မှာ "လိပ်ကန်းကလည်း
ကမ္ဘာတည်သရွေ့ အသက်ရှည်ပြီး ထမ်းပိုးတုံးကလည်း မဆွေးဘဲဆက်လက် တည်ရှိနေခဲ့လျှင်
ကံကောင်းထောက်မလွန်းစွာဖြင့် စွပ်ချင်လျှင် စွပ်သွားလိမ့်မယ်၊ အပါယ်သို့
ကျပြီးသော လူ၊ နတ်၊ ဗြဟ္မာအားလုံး လူ၊ နတ်၊ ဗြဟ္မာပြန်ဖြစ်ဖို့ရာ
အဆပေါင်းရာထောင်မက ခဲယဉ်းလှပေသည်" ဟု ဆုံးမ တော်မူခဲ့သည်။

ဘုရားရှင်က ရှည်လျားလွန်းလှသည့် သံသရာကြီးအကြောင်းကိုလည်း
ဟောကြားတော်မူခဲ့ပါသည်။ သံသရာသည် ကမ္ဘာပေါင်း မြောက်မြားစွာ ကြာမြင့် လှပေသည်။
တစ်ကမ္ဘာတွင် မြောက်မြားစွာ ကြာမြင့်လှပေသည်။ တစ်ကမ္ဘာတွင် ကပ်ကြီးလေးကပ်ရှိသည်။
အာယုကပ်၊ အန္တရကပ်၊ အသင်္ချေယျကပ်၊ မဟာကပ် တို့ဖြစ်သည်။ မရေမတွက်နိုင်အောင်သော
ရှည်လျားလှသည့် သက်တမ်းကစပြီး အနှစ်တစ်ရာကြာတိုင်း တစ်နှစ်
လျော့လာခြင်းဖြစ်ရာမှ ဂေါတမဘုရားရှင် ပွင့်တော်မူချိန်မှာ အနှစ်တစ်ရာ
နေနိုင်သောသက်တမ်းဖြစ်သည်။ အနှစ်တစ်ရာကြာတိုင်း တစ်နှစ်လျော့လာ၍
ဘုရားပရိနိဗ္ဗာန်စံပြီး သာသနာသက္ကရာဇ်(၂၅၄၉)နှစ်ကျော်ရှိ လာသော ယခုခေတ်
သက်တမ်းသည် "ခုနှစ်ဆယ်လေးနှစ် ကျော်ကျော်" ဖြစ်သည်။ အနိမ့်ဆုံးမှာ ဆယ်နှစ်တန်း
မှာဆုံးသည်။ ထိုသို့ ကျဆင်းလာခြင်းကို "ဆုတ်ကပ်"ဟုခေါ်သည်။ သက်တမ်း
ဆုတ်လာခြင်းဖြစ်ပြီး သာသနာ ဆုတ်လာခြင်း မဟုတ်ပေ။ ယနေ့ခေတ် လူအများမှာ
သာသနာဆုတ်သည်ဟု မှားယွင်းစွာပြောဆိုနေကြသည်။ ယနေ့ခေတ်သည် ၀ိမုတ္တိခေတ်
သာသနာနှစ်(၂၅၀၀)ကျော်လျှင် အနတ္တသာသနာတစ်ပတ်ပြန်လည်လာသည့် "ကာလ၀ိမုတ္တိယုဂ
ခေတ်ကြီး" ဖြစ်သည်။
သောတာပန်၊ သကဒါဂါမ်၊ အနာဂါမ်များ လက်ညိုးထိုးမလွဲ၊ ရဟန္တာကြီးများ
တဗြောင်းဗြောင်းပွင့်ရမည့် ခေတ်ဖြစ်သည်။ (၄၉)နှစ်ပင် ကျော်လာပြီးဖြစ် သည်။
ထေရ၀ါဒ ဗုဒ္ဓသာသနာဝင်များ၏ နှုတ်ဖျားမှာ "သာသနာ ဆုတ်ကပ်"လို့ မပြောသင့်ပေ။
လူ့သက်တမ်း ဆယ်နှစ်အထိ ဆုတ်ပြီးသောအခါ အနှစ်တစ်ရာကြာတိုင်း နှစ်ဆ ပြန်တက်သည်။
မရေတွက်နိုင်သည့် သက်တမ်းအထိ ပြန်တက်လာခြင်းကို "တက်ကပ်"ဟုခေါ်သည်။ ထိုသို့
ဆုတ်လာ သည့်ကပ်နှင့် တက်လာသည့်ကပ်ကို "အာယုကပ်"ဟုခေါ်သည်။ အာယုကပ်၏
အတက်နှင့်အဆင်း တစ်ကြိမ်ကို အန္တရကပ်ဟုခေါ်သည်။ အန္တရကပ်ပေါင်း (၆၄)ကြိမ်ကို
"အသင်္ချေယျကပ်"ဟုခေါ်သည်။ အသင်္ချေရကပ် လေးကပ်၊ လေးကြိမ်ပေါင်းထားခြင်းကို
မဟာကပ်(တစ်ကမ္ဘာ)ဟု ခေါ်ပါသည်။ အသင်္ချေယျကပ် လေးကပ်မှာ -
(၁) သံဝဋ္ဋကပ်(ကမ္ဘာပျက်ဆဲကာလ)
(၂) သံဝဋ္ဋဌာယီကပ် (ပျက်ပြီးတည်နေဆဲကာလ)
(၃) ၀ိဝဋ္ဋကပ် (ကမ္ဘာပြန်လည်ဖြစ်လာဆဲကာလ)
(၄) ၀ိဝဋ္ဋဌာယီကပ် (ကမ္ဘာဖြစ်လာပြီးတည်နေဆဲကာလ)
အသင်္ချေယျကပ်လေးကပ်ကို တစ်ကမ္ဘာ (မဟာကပ်တစ်ခု)ဟုခေါ်သည်။ ထို့ကြောင့် တစ်ကမ္ဘာတွင်
ရေတွက်၍ မရနိုင်အောင် ကြာမြင့်လှပါသည်။ အပါယ်သို့ရောက် သွားလျှင် သုဂတိဘုံ
ပြန်ရောက်ရန် ကြာမြင့်လှ ပါသည်။ ထို့ကြောင့် လူ့ဘ၀ရခဲခြင်းနှင့်
သံသရာရှည်လှပုံကို နားလည်သဘောပေါက် ပြီး အခွင့်အရေးရှိတုန်း "၀ိပဿနာ ဘာဝနာ"ကို
အားထုတ်သင့်ပေသည်။

source: theravada-3p.org