အပိုလိုလိပ်ပြာ


အပိုလိုလိပ်ပြာ (Apollo Butterfly) ဆိုတာက Papilionide လိပ်ပြာမျိုးနွယ်ဝင် လိပ်ပြာတစ်မျိုးပါပဲ။ ဥရောပတိုက်ရဲ့မီတာ ၁၀၀၀ မှ မီတာ ၂၀၀၀ အထိ မြင့်မားတဲ့တောင်တန်းတွေပေါ်မှာ ကျက်စား ပျံဝဲလေ့ရှိတဲ့ လိပ်ပြာတွေဖြစ်တယ်။ ပန်းတောအုပ်တွေနဲ့ တောင်တန်းပေါ်က လွင်ပြင်တွေကတော့ မျိုးတုံးမယ့် အန္တရာယ်ကို ပွဲဦးထွက် ရင်ဆိုင်ကြရမယ့် အင်းဆက် ပိုးကောင်မျိုးနွယ်တွေထဲက မျိုးနွယ်တစ်ခု ဖြစ်ခဲ့ရတယ်။ ၁၉၅၀ ပြည့်နှစ်မှ စတင်ခဲ့ပြီး ဖင်လန်နဲ့ ဆွီဒင်နိုင်ငံတွေထဲမှာ အပိုလိုလိပ်ပြာ အရေအတွက် အံ့မခန်း ကျဆင်းလျော့နည်းလာတယ်။ ဘာကြောင့် အဲဒီလို ဖြစ်ရသလဲဆိုတာကိုတော့ သေချာပေါက် မသိရသေးဘူး။ ရောဂါတစ်မျိုးမျိုးကြောင့် ဖြစ်နိုင်ကြောင်း ခန့်မှန်းတွက်ဆနေကြတာပေါ့လေ။ အက်စစ်မိုး ရွာသွန်းခြင်းနဲ့ အပိုလိုလိပ်ပြာ ကပ်သင့်ရခြင်းတို့ ဆက်စပ်မှု ရှိနိုင်တယ်လို့ အနုမာန တွက်ဆကြတယ်။ ဒါပေမယ့် အဲဒီအပိုလို လိပ်ပြာတွေကို ခါကာဘိုရာဇီတောင်တန်းပေါ်မှာ တွေ့မြင်နိုင်ကြောင်း သိရှိရတယ်။ ဥရောပမှာ မျိုးတုံးသွားတဲ့ အပိုလိုလိပ်ပြာတွေကို ကြည်နူးဖွယ် တွေ့မြင်နိုင်ခြင်းဟာ လူသားတွေအတွက် မင်္ဂလာတစ်ပါးလို့ ဆိုတယ်။ ဘာဖြစ်လို့လဲဆိုတော့ သဘာဝကြီး တည်တံ့သာယာနေခြင်းဟာ လူသားတွေ ဆက်လက်တည်တံ့နိုင်ခွင့်ရှိနေခြင့်း ဖြစ်နေလို့ပါပဲ။

ပေးစာတစ်စောင်


 
ကျွန်မရဲ့ လေးလေးမှာ ပေးစာဖြစ်ပါတယ်။

စင်္ကြာဝဠာအနတ္တ၌ရှိကြကုန်သော
နတ်လူသတ္တ၀ါအားလုံး ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖျာချမ်းသာကြပါစေ၊ ကောင်းကျိုးလိုရာဆန္ဒပြည့်ဝကြပါစေ။
ဘုရားတပည့်တော်၏ သမီးငယ်လေး မယမင်းသည်လည်း ယခုမွေးနေ့မှသည်အနှစ်တစ်ရာတိုင်အောင်ကျန်းမာချမ်းသာစွာဖြင့် သမီးအလိုရှိအပ်သော အေးချမ်းအောင်မြင်သည့်ဘ၀လေးကိုပိုင်ဆိုင်ရပါစေ။
သမီးရဲ့ ဒီမွေးနေ့မှာ ချမ်းမြေ့ပျော်ရွှင်ပါစေလို့ လေးလေး ဘုရားမှာ ဆုတောင်းလိုက်ပါတယ်သမီးရယ်။

၁၉ ဇူလိုင် မမေ့နိုင်



မမေ့သင့်သောနေ့တစ်နေ့ ရောက်ရှိလာခဲ့ပါပြီ

သြော် ပြောရဦးမယ်။ ခုခေတ်ကလေးတွေက အာဇာနည်နေ့ဆိုတာ R ဇာနည်ရဲ့ မွေးနေ့လားတဲ့။
ရင်နာရပါဘိ.....

မေ့မရနိုင်သော နေ့လေးတစ်နေ့

(၁၉ ဇူလိုင် မမေ့နိုင်)

အို... မိတ်ဆွေအပေါင်းတို့

နှစ်တွေကြာညောင်း
ဘ၀တွေ ဘယ်လိုပြောင်းပြောင်း
ဗိုလ်ချုပ်တို့ခွဲခွာ၊ နေရှိန်ထိုးကျ
လောကပိန်းမှောင်၊ အလင်းရောင်ပျောက်
မိုးအောက်လေရင်၊ ဆူပွက်လတ်သော်
လှိုင်းတွေရပ်သမုဒ္ဒရာ၊ ငြိမ်သက်ရှာကြ
တဒင်္ဂလျှင်
ငါတို့အားလုံး
ဝမ်းနည်းပူဆွေးဦးညွတ်ကြကုန်၏။
အို... သင်္ခါရ၊ အနိစ္စတည်း
ဗိုလ်ချုပ်တို့သွားနှင့်၊ ဖြစ်သဖြင့်ကြောင့်
အောက်မေ့ခွင့်ကြုံ၊ ငါတို့ဆုံရ
ဤဘ၀
သောကတောင်ထုရှိချေပြီတကား....
ထွက်ခွာသွားပြီ၊ တို့မျက်ရည်များ
ဖြည်မဆည်နိုင်၊ မိုးနှင့် ပြိုင်ပြီ
အောက်မေ့တမ်းတ၊ လွမ်းရက်ရှည်ကြာ
နောက်ဆုံးတော့
ဘ၀ တွေ့ကြုံဆုံကွဲတည်း....






ဝါဆိုဝါခေါင် ရေဖောင်ဖောင်ဆိုတဲ့အတိုင်းပဲ။ ဆိုင်းမဆင့် ဗုံမဆင့်ဘဲ ရန်ကုန်မိုးဟာ ဗြုန်းခနဲရွာပြီး တိတ်သွားသော်လည်း အခုတော့ ဘယ်အငြိုးကြောင့် ဒေါမာန်ကြီးစွာနဲ့ ရွာသွန်းနေရပါလိမ့်လို့ ယမင်း စဉ်းစားနေမိတယ်။ လမ်းသွားလမ်းလာတွေလည်း မရှိသလောက် ဖြစ်နေပြီး ယမင်းတစ်ယောက်ထဲ မိုးရွာထဲ လျှောက်သွားနေမိပါ တကား။ သြော်... ဘာလိုလိုနဲ့ မမေ့သင့်၊ မမေ့အပ်၊ မမေ့နိုင်တဲ့နေ့လေးတစ်နေ့ကို ရောက်တော့မှာပါလား။ ဒီလိုဘဲ ရင်ထဲမှာ ခုချိန်ထိ မမေ့နိုင်တဲ့နေ့လေးနှင့်အတူ ယမင်းရဲ့ မွေးရက်လည်း ရောက်လာတော့မှာပါလား။ ယမင်းရဲ့မွေးနေ့က ဇူလိုင် ၁၉ ပြီး နောက်တစ်ရက်လေ။ အင်း အသက်လည်း တစ်နှစ်ကြီးပြန်ပြီပေါ့။ ဒီအစိုင်အခဲဟာ ယမင်း အသက်အရှင်နေသမျှ ကာလပတ်လုံး ပို၍ ပို၍ ကြီးထွားနေမှာဘဲ။ ထိုရက်ကား ဇူလိုင် ၁၉ ရက်နေ့ပင် ဖြစ်ပါတယ်။ ဇူလိုင် ၁၉ နှင့်အတူ မျက်ရည်မိုးတွေ လည်း သွန်းဝေဖြိုးပေတော့မယ်လေ။
ဒီကနေ့တော့ သည်းထန်စွာ ရွာနေတဲ့မိုးကြောင့် ယမင်းလည်း အိမ်ပြန်ရောက် တာနဲ့ နွေးသွားအောင် ကော်ဖီတစ်ခွက်သောက်ပြီး ဟိုတစ်ချိန်ဆီက မေ့မရနိုင်သော နေ့လေးတစ်နေ့ကို မျက်စိမှာ မြင်ယောင်ကြည့်နေမိတော့တယ်။ ဒါဟာ ငယ်ငယ်လေး ကတည်းက မိဘများက ပြောပြခဲ့တဲ့ အကြောင်းအရာတစ်ခုဆိုလဲ ပိုမှန်ပါတယ်။ ကြီးလာတော့ လက်လှမ်းမီသလောက် လေ့လာ၊ ပြီးတော့ သံရုံးက အခွေတွေ ဘာတွေ ငှားကြည့်ဖြစ်ခဲ့တယ်လေ။ ဒါတွေဟာ အမှန်တရားလား။ လုပ်ဇာတ်လမ်းလားဆိုတာ ယမင်းလည်း သေချာမသိပါဘူး။ ဘာလို့လဲဆိုတော့ ကိုယ်ကိုယ်တိုင် မမြင်ခဲ့ရတာကိုး။



ယမင်းတွေးမိတဲ့အကြောင်းအရာကတော့ လွန်ခဲ့တဲ့ ၁၉၄၇ ခု၊ ဇူလိုင်လ ၁၉ ရက်နေ့၊ မိုးတွေ တစိမ့်စိမ့်ရွာသွန်းနေတဲ့အချိန်မှာ ဗိုလ်ချုပ်အောင်ဆန်းအပါအ၀င် အာဇာနည်ကိုးဦးတို့ဟာ နယ်ချဲ့လက်ပါးစေ ဂဠုန်ဦးစော (အခိုင်းခံရသူ)ရဲ့ လက်ချက် နဲ့ ကျဆုံးခဲ့ရခြင်းပဲ ဖြစ်ပါတယ်။ ယမင်း သိသလောက်ပေါ့လေ နောက်ပိုင်း လေ့လာမိ သလောက်ကတော့ ဂဠုန်ဦးစောဟာ (ဟုတ်မဟုတ်တော့ မသိဘူး၊ သိတာကို ပြောပြတာနော်) ဆာတော်မန်စမစ်ရဲ့ စေခိုင်းချက်ကြာင့် အာဏာရာထူးကို မက်မောပြီး လုပ်ကြံခဲ့ခြင်း ဖြစ်တယ်ဆိုတာ သိခဲ့ရတယ်။ အင်း မြန်မာတိုင်းရင်းသားတို့အတွက် တော့ ကမ္ဘာသာကျေပြီး ဥဒါန်းကျေမှာ မဟုတ်တဲ့ နေ့လေးတစ်နေ့ပေါ့။ ပြောရရင်တော့ ၁၉၄၇ ခုနှစ်၊ ဇူလိုင်လ ၁၉ ရက်နေ့ဟာ ယမင်းတို့ရဲ့ လွတ်လပ်ရေး ပန်းတိုင်နှင့် မဝေးတော့တဲ့အချိန်အခါ သမယဖြစ်တော့မဲ့ အချိန်ပေါ့။ မိုးရာသီဖြစ်တဲ့ အတွက် မိုးရွာတာဟာ မဆန်းပါဘူး။ ဒါပေမဲ့ ထိုနေ့မှာတော့ မိုးမင်းကြီးဟာ ဒီသတင်းဆိုးကို ကြိုတင်ပဲ သိနေလို့လား ညိုသော အရောင် မှောင်တဲ့အသွင်ကို ဆောင်ပြီး တိမ်လွှာတိမ်လိပ်တို့ကလည်း မိုးကောင်းကင်မှာ ချက်ချက်ဘဲ အုံ့ဆိုင်းတက် လာတာပေါ့။ အဲဒီအချိန်မှာ မိုးသံ တချုန်းချုန်း မျက်စိတစ်မှိတ် လျှက်တစ်ပြက် အတွင်းမှာဘဲ လျှပ်စီးတွေ လက်ပြီး လေကလည်း ထန်လာတယ်။ အချိန်ကား နံနက် ၁၀ နာရီခန့် ရန်ကုန်မြို့လယ်ရှိ အတွင်းဝန်ရုံးဟာ မိုးတွေကြားမှာ လေပြင်းကို အန်တုပြီး အခိုင်အမာရပ်တည်နေတာပေါ့။ အဲ အထဲမှာ ရှိတဲ့လူတွေဟာ အချမ်းဒဏ် ကို ဂရုမပြုနိုင်ဘဲ တိုင်းရင်းသားအားလုံးအတွက် လှုပ်ရှားနေခဲ့ကြတယ်လေ။ သူတို့ဟာ အတွင်းဝန်ရုံး ပထမထပ် အလယ်ခန်းမှာ ဗိုလ်ချုပ်အောင်ဆန်း အမှူးပြုတဲ့ မျိုးချစ်ခေါင်းဆောင်ကြီးတွေပဲ ဖြစ်ပါတယ်။



အသက် ၃၃ နှစ်ဝန်းကျင်ပဲ ရှိသေးတဲ့ ဗိုလ်ချုပ်ဟာ တက်ရောက်လာတဲ့ ခေါင်းဆောင်ကြီးတွေနဲ့ ယမင်းတို့ရဲ့ နိုင်ငံအတွက် ဆွေးနွေးတိုင်ပင်နေကြတာပေါ့။ ခေါင်းဆောင်တွေဟာ နိုင်ငံ့အကျိုး၊ ပြည်သူ့အကျိုးအတွက် နေ့ညမဟူ လုံ့လထုတ်ကြ ရှာရပါတယ်။ ဒါပေမဲ့ ဇူလိုင်လ ၁၉ ရက် နံနက် ၁၀ နာရီနဲ့ ၃၇ မိနစ်အချိန်လောက် မှာဘဲ ဘယ်လိုမှ မထင်မှတ်ထားတဲ့ ရင်နင့်ဖွယ် အဖြစ်ဆိုးကြီးဟာ ရုတ်တရက် ဖြစ်သွားခဲ့ရပြီလေ။ ဆူညံစွာ မောင်းဝင်လာတဲ့စက်သံနှင့်အတူ ဂျစ်ကားတစ်စီးဟာ အတွင်းဝန်ရုံးရှေ့ကို ရောက်ရှိလာပြီး မျက်နှာဖုံးစွပ် လူလေးယောက်ဟာ ရုတ်တရက် ၀င်ရောက်လာပြီး မြင်မြင်သမျှ မည်းမည်းမြင်ရာကို လိုက်လံပစ်ခတ်တော့တာပါပဲ။ ဗိုလ်ချုပ်ဟာ ရုတ်ခြည်းထရပ်ပြီး တားရန် ကြိုးစားခဲ့ပါတယ်။ ဒါပေမဲ့ သေနတ်ကျည်ဆန်ထိပ်ဖူးဟာ ကိုယ်တွင်းကို ရောက်ရှိသွားပြီး တားမြစ်မှုဟာ မအောင်မြင်ခဲ့ဘူးပေါ့။ အဖြစ်အပျက်ဟာ မြန်ဆန်လွန်းတဲ့အတွက် တစ်ခဏအတွင်းမှာ မြင်မကောင်းအောင် သွေးချောင်းစီးသွားပါတယ်။ မျိုးချစ်ပုဂ္ဂိုလ် ကိုးဦးဟာ မျိုးဖျက်သစ္စာဖောက်၊ အသားထဲက လောက်ထွက်တဲ့သူတွေရဲ့စနစ်ကြောင့် ကျဆုံးခဲ့ရ ရှာတော့တယ်။ ပြည်သူက ချစ်သော ဗိုလ်ချုပ်ဟာ ပြည်သူ့အတွက် လုပ်ဆောင်ရင်းနဲ့ အကြံပက်စက် ဆန်ကောလောက်မှ ဇောက်မနက်တဲ့ လူတွေရဲ့လက်ချက်နဲ့ ကျဆုံးခဲ့ရလေတယ်။ ဘယ်လောက် မိုက်ရိုင်းလိုက်သလဲ။ ဗိုလ်ချုပ်နဲ့အတူ သခင်မြ၊ မန်းဘခိုင်၊ ဒီးဒုတ်ဦးဘချို၊ မစ္စတာ အဗ္ဗဒူရာဇာတ်၊ ဦးဘ၀င်းတို့လည်း အဲဒီနေရာမှာတင် သေဆုံးခဲ့ရရှာတယ်။ အဲ ဒဏ်ရာပြင်းထန်စွာ ရသွားတဲ့ မိုင်းပွန်စော်ဘွား စောစံထွန်း၊ အတွင်းဝန် ဦးအုန်းမောင်နှင့် သက်တော်စောင့် မောင်ထွေးတို့လည်း ရရှိတဲ့ဒဏ်ရာနဲ့ သေဆုံးခဲ့ရရှာတယ်။ အာဇာနည် ကြယ်ကိုးပွင့် အကြွေစောခဲ့ရလေပြီ။



ခုချိန်မှာတော့ ဗိုလ်ချုပ်တို့ရဲ့ သွေးစက်နဲ့ လမ်းခင်းပေးခဲ့တဲ့ လွတ်လပ်ရေးဟာ အထင်အရှားရှိခဲ့ရပြီလေ။ ယခုဆိုရင် ၂၀၀၈ ခုနှစ်၊ ဇူလိုင်လ ၁၉ ရက်နေ့ကို ရောက်ရှိ လာခဲ့ပြန်ပြီပေါ့။ ယမင်းလေ ရေးစရာတွေ ရင်ထဲမှာ အပြည့်ရှိနေပါတယ်။ ဒါပေမဲ့ ရင်ထဲမှာ ၀မ်းနည်းဆို့နစ်ကြေကွဲပြီး ဘယ်လိုမှ ဆက်ရေးလို့ မရတော့ဘူး။ အခု မိုးတွေ သည်းကြီးမဲကြီး ရွာနေပြန်ပြီလေ။ အာဇာနည်နေ့ကို ကြိုတင်ဦးညွှတ်ဂုဏ်ပြုနေသည့်အလား၊ ယမင်းရဲ့ရင်ထဲမှာ မေ့မရသောနေ့လေးတစ်နေ့ကို မြင်ယောင်နေမိပါ တော့တယ်။ အားလုံးတိတ်ဆိတ်ငြိမ်သက်စွာနဲ့ ကျဆုံးလေပြီးသော အာဇာနည်မျိုးချစ် ခေါင်းဆောင်ကြီးတွေကို ယမင်းနဲ့အတူ ၀မ်းနည်းပူဆွေးစွာနဲ့ပဲ ဂုဏ်ပြုကြိုဆို ကြပါစို့နော်။

လမြတ်ဝါဆို


လမြတ်ဝါဆို

ဝါဆိုလပြည့်နေ့ (ဓမ္မစကြာနေ့)

အမှန်ပြောရရင် ဒီအကြောင်းအရာလေးကို မနေ့က တင်ဖို့ပါ။ အကြောင်းကြောင်းကြောင့် မတင်ဖြစ်လိုက်လို့ ဒီကနေ့ ကျွန်မရဲ့ မြန်မာလို့ မွေးနေ့ကျရောက်တဲ့နေ့မှာ တင်လိုက်ရခြင်း ဖြစ်ပါတယ်။

ဒီနေ့ဟာဖြင့် မြန်မာများရဲ့ ၀ါဆိုလပြည့်နေ့ဖြစ်ပါတယ်။ ၀ါဆိုလပြည့်နေ့မှာ မြတ်စွာဘုရားရှင် ပဋိသန္ဓေနေတော်မူခြင်း၊ တောထွက်ခြင်း၊ တရားဦး ဓမ္မစကြာကို ဟောကြားတော်မူခြင်း၊ ရေအစုံ မီးအစုံ တန်ခိုးပြာဋိဟာများကို ပြသတော်မူခြင်းဆိုတဲ့ ထူးခြားတဲ့နေ့ ဖြစ်ပါတယ်။ ၀ါဆိုလပြည့်ကျော် ၁ ရက်နေ့မှာ ရဟန်းသံဃာများ ပုရိမ၀ါကပ်ဆိုတော်မူကြပါတယ်။ ဒါကြောင့် ၀ါဆိုလကို လထူးလမြတ်အဖြစ် သတ်မှတ်ထားကြပါတယ်။ ၀ါဆိုလပြည့်ကျော် ၁ ရက်နေ့ဟာ ကျွန်မရဲ့ မြန်မာမွေးနေ့ရက်လည်း ကျရောက်ပါတယ်။
ရှေးမြန်မာဘုရင်များသည် ဗုဒ္ဓသာသနာတော် တိုးတက်စည်းကားပြန့်ပွားရေးနှင့် ဗုဒ္ဓယဉ်ကျေးမှု အမွေအနှစ်များကို ရရှိရေးဟူသော ရည်ရွယ်ချက်နှစ်ရပ်တို့ကို အကြောင်းပြုပြီး ၀ါဆိုလမှာ ပဉ္စင်းခံ ရှင်ပြုပွဲတော်ကြီးကို ရာသီပွဲတော်အဖြစ် ကျင်းပလေ့ရှိပါတယ်။ ၀ါဆိုလပြည့်နေ့မှာ ဖြစ်စေ၊ လပြည့်ကျော် ၁ ရက်နေ့မှာ ဖြစ်စေ၊ ၀ါဆိုလမှာ ဖူးပွင့်ကြတဲ့ ပုန်းညက်ပန်း စတဲ့ ပန်းမျိုးစုံတို့ကို စေတီပုထိုးများမှာ သွားရောက်လှူဒါန်းဖို့ ၀ါဆိုပန်းခူးထွက်တဲ့ ကျွန်မတို့ရဲ့ မြန်မာများရဲ့ ကြည်နူးကျေနပ်စရာ ယဉ်ကျေးမှုဓလေ့တစ်ရပ်လည်း ပေါ်ပေါက်ခဲ့ပါတာဆိုရင်ဖြင့် ခုချိန်တိုင်ထိပေါ့လေ။
အချို့ကတော့ သံဃာတော်များ ၀ါဆိုတဲ့အခါ ပူဇော်ဆက်ကပ်နိုင်ဖို့ ၀ါဆိုပန်းနှင့် ၀ါဆိုဖယောင်းတိုင်ကြီးတွေကို ဘုန်းတော်ကြီးကျောင်းများမှာ လှူဒါန်းကြပါတယ်။ ထို့အပြင် သင်္ကန်းများကိုလည်း ကပ်လှူကြပါတယ်။ ၀ါဆိုတော့မယ့် သံဃာတော်များအား ၀ါဆိုလဆန်းမှာပင် လှူဒါန်းကြတဲ့သင်္ကန်းဖြစ်တာကြောင့် "၀ါဆိုသင်္ကန်း" လို့ခေါ်ကြတာပေါ့ရှင်။ ကျွန်မလည်း ကျွန်မမွေးနေ့အတွက် ၀ါဆိုသင်္ကန်းကပ်ဖို့ စီစဉ်ခဲ့ပါတယ်။  မြန်မာတို့ရဲ့ ယဉ်ကျေးမှု အစဉ်အလာတစ်ရပ်အဖြစ် အသက်၊ သိက္ခာဂုဏ်ဝါကြီးသူများကို ၀ါဝင်ခါနီးမှာ ပူဇော်ဖွယ်ရာများနဲ့ ပူဇော်ကန်တော့ကြတာဆိုရင်ဖြင့် ကျွန်မတို့ ဘိုးဘေးဘီဘင်လက်ထက်ထဲက ခုချိန်တိုင်အောင်ပင် ဖြစ်ပါတော့တယ်ရှင်။

Photobucket

Photobucket


Photobucket

Virus ပြဿနာ ဖြေရှင်းပေးပါ

We're sorry, but this discussion has just been closed to further replies.
ကျွန်မ ပြောပြရရင် stick က စတယ်လို့ပြောရမယ်။ ဆိုဒ်ဘာတွေမှာ သုံးတော့ တစ်နေ့ ဘယ်က ဗိုင်းရပ်ပါလာသလဲတော့ မသိဘူး။ ပထမ မသိဘူး ဖတ်ချင်တဲ့စာတွေ download လုပ်လာပြီး ပြန်ဖွင့်ရင် ဘာမှ မပေါ်ဘူး။ ဒါနဲ့ kaspersky 6 ကနေ 7 ကိုချိန်း လုပ်ကြည့်တယ်။ မရဘူး။ ဒါနဲ့ version 9 တင်ပြီး run ကြည့်ပါသေးတယ်။ မရဘူးဖြစ်နေတယ်။ ပြီးတော့ AVG တို့ avast တို့ nero တို့နဲ့လည်း စမ်းသပ်ကြည့်တယ်။ ဘယ်လိုမှ မသေဘူး။ ပြီးတော့ format ချတော့လည်း မရဘူး။ အဲဒါနဲ့ ဟော ခု ကွန်ပျူတာမှာပါ Virus ၀င်နေတာ ဘာမှ သုံးလို့မရတော့ဘူးဖြစ်နေတယ်။ Kaspersky 9 နဲ့ လုပ်လည်း မရဘူး။ စက်ဖွင့်လိုက်ရင်ကို error က လာတက်နေတယ်။ ပြီးတော့ Start bar လည်း ပျောက်နေပြီ။ software တွေလည်း ဖွင့်လို့မရတော့ဘူး။ stick မှာ ၀င်တဲ့နေတာက svchost.exe, Worm. win32,Autoit လို့ ပေါ်နေပါတယ်။ ဘာတွေလည်းတော့ မသိဘူး။ အဲ ကွန်ပျူတာမှာတော့ worm.P2P. qeneric လို့ တက်တက်လာတယ်။ ဘာလုပ်ရမှန်းမသိတော့ပါဘူး။ ကူညီကြပါဦးနော်။


ခု စိတ်အရမ်းညစ်နေတယ်ဗျို့.............

ဘာမှလည်း သုံးလို့မရတော့ဘူး ဟင့် ဟင့် ဟင့်

Photobucket

Events Calenoar


Taungbyone Net Festival
Where    : At Taungbyone village near Mandalay   
Whe    : Fullmoon Day of Wagaung (Augus 19)
 The most famous of the Nat(supernatural beings that reward believers) festivals in Myanmar. This event is visited by all those who worship Nat, especially the traders and merchants who want help for more profits!

Ratanagu Nat Festival
Where    : ratanagu pagoda, Amarapura Township                        
When    : 8th Waxing Moon Day of Wagung (August 27)
This is a festival to honour the mother of the two Nat brothers of Taungbyone.

Manuha Temple Festival
Where    : Bagan
When    : Day before and day of the Full Moon of Tazaungmon (November 14 and 15, 2005)
Donating rice to monks, free rice cakes to all and papier macxhe figures.

Kaung Hmu Daw Pagoda Festival
Where    : Sagaing
When    : The Dawn of the Fullmoon Day of Thadingyut (October 17, 2005)
One of the most famous Pagoda festivals, 4 Buddha Images are carried around the villages of the lake on a huge golden barge towed by hundreds of legrowers.

Elephant Dnace Festival
Where    : Kyaukse, Mandalay Divison
When    : Fullmoon day of Thadingyut (October 17)
Papier mache elephants carried around the town towards the pagoda on the Kyaukse Hill. A dance competition features these elephants.


Kahtein Robe Offering Ceremony
Where    : All over the country
When    : The Whole month of the Myanmar month of Tazaungmon (November)
Holy robes are offered to the monks at the monasteries. This offering of robes enable the monks to acquire new robes in place of the old ones that were soiled during the monsoon season.

Hot Air Ballon Festival
Where    : Taunggyi
When    : One week before the Fullmoon of Tazaungmoon to Fullmoon day (Noverber 8)
Pagoda in the abode of the Celestial Beings by Sending up lighted hotair ballons. Now this traditional is combined with a competition to send up the most elaborate and beautiful ballons of every shape and size.


Parade of lights
where    : Taunggyi
When    : Fullmoon night of Tazaungmon (Novermber 15)
The people of Taunggyi and its environs march through the town with decorated floats and lighted candles to the Sulamuni Pagoda at the adge of the town.


Lights Festival and weaving competition
Where    : All over the country; Shwedagon Pagoda
When    : Fullmoon of Tazaungmoon (November 15)
An all - night weaving competition takes place at the Shwedagon Pagoda, on the night berfore the Fullmoon Day.

Welcome!


Welcome to goldmyanmar

Unicode အကြောင်း တစေ့တစောင်း


ကျွန်မ နားလည်သလောက် သိမှတ်သလောက် ဆွေးနွေးချင်ပါတယ်။ ဒါဟာ ဘာလဲဆိ်ုတော့ ယူနီကုတ်လို့ ခေါ် တဲ့ Unicode Standard အကြောင်းပါပဲ။ ကျွန်မလည်း တတ်လို့ နားလည်လို့တော့ မဟုတ်ပါဘူး။ နည်းနည်းလည်း သိတာလေးတစ်ခုပါ။အင်း ပြောရရင် ပြဿနာက ကျွန်မတို့ရဲ့ ဘာသာစကားကို ကွန်ပျူတာက မပြောဘူး။ အလုံးစုံအားဖြင့် သူတို့က ဒစ်ဂျစ်တယ်ချည်းပဲလေ။ စာသားတွေကို သိုလှောင်ဖို့ ဒါမှမဟုတ် ကိုင်တွယ်တည်းဖြတ်ဖို့ရာ မပြုလုပ်ခင် စာလုံးတိုင်း၊ သင်္ကေတတိုင်း၊ ပုဒ်ဖြတ်ပုဒ်ရပ် အမှတ်အသားတိုင်းကို ပထမဆုံး ကိုယ်စားပြု ဂဏန်းများသို့ ပြောင်းပစ်ရမယ်။
             ဒါဆို ကွန်ပျူတာ သုံးသူတွေ ဘယ် code ဂဏန်းတွေ သုံးကြသလဲ။ ကျွန်မတို့ ကွန်ပျူတာ မကိုင်ဖူးခင်ကတော့ ကွန်ပျူတာဆိုတာ တော်တော်ကြီးကျယ်ခမ်းနားမှာပဲ။ ဘယ်လိုလူမျိုးတွေ သုံးတာလဲ။ ကျွန်မ စဉ်းစားမိတာပေါ့လေ။ ဟော တွေ့တော့ သြော် ကွန်ပျူတာဆိုတာ လက်နှိပ်စက်နဲ့ တီဗွီနဲ့ တွဲထားတာကို ကွန်ပျူတာလို့ ခေါ်နေကြတာကိုး။ ဒီတော့ ကျွန်မ တွေးမိတယ်။ ကွန်ပျူတာအကြောင်းကိုသိဖို့ ဘာတွေလိုအပ်မလဲ။ ချမ်းသာတဲ့သူတွေ ဒါမှမဟုတ် ပညာတတ်၊ ပညာရှင်တွေမှာ သုံးသင့်တဲ့အရာလား။ ကျွန်မတို့ကော လေ့လာလို့မရဖူးလား။ ကျွန်မလည်း မေးခွန်းပေါင်းများစွာနဲ့ ဟိုမေးဒီမေး ပြုလာမိတော့တယ်။ ဒါပေမယ့် မိသားစုအခြေအနေက သင်တန်းတွေတက်ဖို့  အခွင့်မသာခဲ့ပါဘူး။ ဒီလိုနဲ့ပဲ နီးစပ်ရာမေးရင်း ကျွန်မ ဆယ်တန်းအောင်တော့ အလုပ်ဝင်လုပ်ဖြစ်ခဲ့တယ်ဆိုပါတော့။ အလုပ်ကလည်း နှစ်ခုလုပ်ခဲ့တော့ ကျွန်မမှာ အချိန်ဆိုတာ အဲဒီအချိန်တည်းက မလိုလောက်ခဲ့ပါဘူး။ ဒါပေမယ့် ကျွန်မ စိတ်အားမလျော့ခဲ့ဘူး။ တစ်နေ့ ငါလည်း ကွန်ပျူတာဆိုတာ ဘာလဲသိအောင် လုပ်မယ်လို့ အတွေးနဲ့ ကျွန်မ ကြမ်းတမ်းတဲ့ဘ၀ကို ဖြတ်သန်းခဲ့ရတယ်။ အလုပ်စလုပ်တော့မှ ကွန်ပျူတာဆိုတာကို မျက်ဝါးထင်ထင် မြင်တွေ့ခဲ့ရပါပြီ။ ဒါတောင် မြင်ရုံပဲ မြင်ရသေးတယ်နော်။ ကျွန်မ အနားကတ်ခွင့်မရသေးပါဘူး။ အဝေးက မျှော်ကြည့်ခွင့်သာ ရခဲ့ပါတယ်။ ဒီလိုနဲ့ ကျွန်မကို တာဝန်ပေးတဲ့နေရာမှာ လုပ်နေရင်း ကျွန်မရဲ့ကွန်ပျူတာအပေါ် စိတ်ဝင်စားမှုကို အလုပ်ရှင်က သိသွားခဲ့ပါတယ်။ ဘယ်လောက်ထိလည်းဆို ကျွန်မ တာဝန်ပြီးရင် ကွန်ပျူတာနားသွားပြီး ခလုတ်လေးတွေကို မထိရဲ ထိရဲနဲ့ ကိုင်ကြည့်ဖူးတယ်။ ဒါတောင် ဘယ်ဟာကို ဘယ်လိုလုပ်ရတယ်ဆိုတာ ကျွန်မ မသိသေးဘူး။ တစ်နေ့တော့ အလုပ်ရှင်က ကျွန်မရဲ့တာဝန်ချိန်ပြီးရင် ကွန်ပျူတာဆိုတာဘာလဲလို့ သိအောင် သင်ခွင့်ပေးခဲ့ပါတော့တယ်။ ကျွန်မလေ ပျော်လိုက်တာ အရမ်းပဲ။ မှတ်မှတ်ရရ အဲဒီနေ့က ပျော်လွန်းလို့ ထမင်းတောင် မစားခဲ့မိဘူး။ ဒီလိုနဲ့ ကျွန်မ နည်းနည်းသိခဲ့ရတယ်ဆိုပါတော့။ ကျွန်မလေ ခလုတ်နှိပ်ရင် စာလုံးလေးတွေပေါ်တာကို ကြည့်ပြီး ၀မ်းသာလိုက်တာ မပြောပါနဲ့တော့။ ဒါတွေ ဘယ်ကလာလဲ။ ဘယ်လိုပညာရှင်တွေက တီထွင်ခဲ့လဲ။ ဒါတွေ ကျွန်မ မသိလည်းမသိပါဘူး စဉ်းစားနေတာလည်းမရှိဘူး။ ကျွန်မမှာ အလုပ်နဲ့ပဲ နပန်းလုံးနေရတဲ့အတွက် သင်တန်းဆိုတာလည်း မသိခဲ့ဘူး။ နည်းနည်းသိ နည်းနည်းလေ့လာပေါ့။ ဒီလိုနဲ့ ခုနောက်ပိုင်းကျတော့ ကျွန်မ လေ့လာမိသလောက်ပေါ့လေ။ ခုနောက်ပိုင်းကျတော့ Unicode ဆိုတာကြီးက တော်တော် ရေပန်းစားလာတယ်။ ဒါပေမယ့် ကျွန်မ နားမလည်ဘူး။ ဟိုလူလည်း code ဒီလိုလည်း code အကြောင်းတွေ ပြောနေကြတာကို ကြားကြားနေရတယ်။ ဒါဆို ဘယ် code ဂဏန်းတွေ သုံးကြသလဲ။ အစောပိုင်း PC တွေက ASCII လို့ခေါ်တဲ့ code အပေါ် အမှီပြုနေကြတယ်။ အနောက်ဥရောပ ဘာသာစကားထဲက အက္ခရာစာလုံး အများစုအတွက် ဂရုတစိုက် စီမံပြုလုပ်ပေးထားတယ်။ ဒါပေမယ့် World Wide Web ခေတ်ကြီးမှာ ဒီလောက်နဲ့ မလုံလောက်တော့ဘူးလေ။ ဟင်ဒီ၊ မြန်မာ၊ ဟော ရှမ်းတို့ မွန်တို့ ဒါမှမဟုတ် ထိုင်းစာ၊ တရုတ်၊ ဂျပန်စာတွေအတွက် ဘယ်လိုလုပ်ကြမလဲ။
         အဲ အဲဒီမှာတင် Unicode ဆိုတာကြီး ၀င်လာတာ သိရတယ်။ Computing အတွက် ကျောက်စာတကာတို့ရဲ့ ဘိုးအေ Rosetta Stone လို့ တင်စားခေါ်ဆိုနိုင်လောက်တယ်။ Unicode Standard အရေးအသား ဘာသာစကား ၃၀ ကျော်ရဲ့ စာလုံး၊ သင်္ကေတ သို့မဟုတ် glyph တစ်ခုစီအတွက် မတူမထပ်တဲ့ ဂဏန်းများ သတ်မှတ်ပေးတယ်။ ထပ်မံကြီးထွားလျက်နေပါလားလို့ သိခဲ့ရပါတယ်။ ဒီလိုပဲ ကျွန်မ သိရသလောက်ပေါ့။ Unicode Standard 5.1 ဆိုလား ထွက်လာတယ်လို့ ကြားရတယ်။ ဟော နောက် ဇော်ဂျီယူနီကုဒ်တဲ့ နောက်မကြာပါဘူး။ မိုင်မြန်မာယူနီကုဒ်ဆိုပြီး ကျွန်မ ထပ်မံ သိလာရပြန်ပါတယ်။ အဲ အဲဒီမှာတင် ဘယ်ယူနီကုဒ်က အစစ်လဲ။ ယူနီကုဒ်ဆိုတာဘာလဲ။ ကျွန်မ သိချင်ခဲ့ပြန်ရော။ တတ်လို့လည်း မဟုတ်သလို နားလည်လို့လည်း မဟုတ်ပြန်ဘူး။ သိချင်တာသက်သက်ဖြစ်ပါတယ်။ ကျွန်မလို လူပိန်းတစ်ယောက်က ဒါတွေ သိဖို့ လိုအပ်လား။ နောက်ပိုင်း လူတွေ တော်တော်များများ ယူနီကုဒ်ပဲ သုံးကျတော့မှာလား။ ယူနီကုဒ်ဆိုတာ ရိုးရိုးဖောင့်နဲ့ဘာကွာလဲ။  ကျွန်မ နည်းပညာတွေကို လိုက်မမီတော့ပါဘူး။ ဒါပေမယ့် ကျွန်မ သိချင်ခဲ့တယ်။ ဒီယူနီကုဒ်ဆိုတာတွေ ဘယ်နေရာမှာ သုံးကြမှာလဲ။ ခုသုံးနေတဲ့ ဖောင့်တွေကရော သုံးလို့မဖြစ်ဘူးလား။ တကယ်လို့ ယူနီကုဒ်တွေရော ရိုးရိုးဖောင့်လို သုံးလိုမရဘူးလား။ ဒါတွေဟာ ဘာကြောင့်လဲ။ ကျွန်မ လေ့လာမိသလောက် ယူနီကုဒ်တွေက ခုထိ အပြီးထိ မရောက်သေးဘူး။ ဘယ်အတိုင်းအတာထိ သွားကြမှာလဲ။ ဘယ်အချိန်မှာ ပြီးဆုံးမှာလဲ။ လောလောဆယ်တော့ ကျွန်မ စတွေ့တာကတော့ ဘလောဂ့်စလုပ်တဲ့အချိ်န် ၂၀၀၅ - ၂၀၀၆ မှာပဲ ဇော်ဂျီယူနီကုဒ်နဲ့ စတွေ့ခဲ့ပါတော့တယ်။ ဇော်ဂျီမှာ ဖောင့်တွေ ဘယ်နှမျိုးရှိလဲ။ ကျွန်မ မသိဘူး။ ကျွန်မ ဘလောဂ့်လုပ်ဖြစ်ကတည်းက အစားအသောက်၊ အသွားအလာ၊ အ၀တ်အစား ချွေတာပြီး အင်တာနက် သုံးခဲ့ပါတယ်။ မြန်မာလို့ ကိုယ့်blog မှာ ရေးလို့ရတဲ့အတွက် ကျွန်မ အရမ်းဝမ်းသာတယ်။ ဒီလို လုပ်ပေးတဲ့သူတွေ ဘယ်သူတွေဆိုတာလည်း မသိသေးတဲ့အချိန်ထဲက ကျွန်မ ကျေးဇူးအရမ်းတင်မိတယ်။ ဘာလို့လဲဆိုတော့ ကျွန်မမှာ အင်္ဂလိပ်စာ အရမ်းအားနည်းတဲ့အချက်ကြောင့်ပေါ့။ ပြီးတော့ ကျွန်မရဲ့ မတောက်တခေါက် ပညာလေးနဲ့ သိတာ၊ မြင်တာ၊ ကြားတာလေးတွေ တင်ပြခွင့်ရခဲ့ပါတယ်။ ဇော်ဂျီယူနီကုဒ်မှာလည်း ဆိုက်ဘာတွေက ဇော်ဂျီယူနီကုဒ်ရိုက်ပုံခြင်းတွေလေ တစ်နေရာနဲ့ တစ်နေရာ မတူဘူး။ အောက်ပဆင့်တွေဆို တချို့ဆိုင်တွေမှာ ရိုက်လို့ရပေမယ့် တချို့မှာ မရပြန်ဘူး။ ဒီတော့ စာကို အသံထွက်နဲ့ ရိုက်ရတာတွေ ဖတ်မိတော့ တစ်မျိုးတော့ တစ်မျိုးပဲ။ ဒါပေမယ့် ကျွန်မလည်း သိသလောက် အသိလေးနဲ့ ဆက်လာခဲ့တာပါ။ အခု အမှန်ပြောရရင် ဇော်ဂျီယူနီကုဒ် နာမည်တက်လာတာဟာ blog တွေကြောင့်ဆိုလည်း မမှားဘူးလို့ ကျွန်မ ယူဆမိပါတယ်။ ဒီပြင် ယူနီကုဒ်ကျတော့ သုံးခွင့်မရတာရင် လုပ်ပိုင်ခွင့်တွေလည်း ဇော်ဂျီလောက် မရတာရယ် တက်မလာတာလို့ ကျွန်မ ထင်ပါတယ်။ ယူနီကုဒ်ဆိုတာ တစ်မျိုးပဲရှိရမှာမလား။ ဘယ်ဟာက အစစ်အမှန်လဲ။ တကယ်လို့သာ ယူနီကုဒ်လုပ်တဲ့သူတွေအားလုံး သတ်မှတ်ချက် မထားဘဲ ယူနီကုဒ်တစ်ခုတည်းအတွက် အာရုံစိုက်ပြီး စုစုစည်းစည်း တိုင်တိုင်ပင်ပင် လုပ်သွားရင်ကော ဒီထက် ပိုပြီး မအောင်မြင်ဘူးလား။ ယူနီကုဒ်အားလုံးဟာ ဇော်ဂျီယူနီကုဒ်လို့ လွတ်လွတ်လပ်လပ် လူတိုင်း ဘယ်နေရာမဆို သုံးပိုင်ခွင့် တွင်တွင်ကျယ်ကျယ်ရလာခဲ့မယ်ဆိုရင်............
           ဒီလို IT တိုးတက်နေတဲ့ခေတ်ကြီးမှာ ကျွန်မတို့နိုင်ငံအတွက်၊ ကျွန်မတို့လူတွေအတွက် လူတိုင်း လူတိုင်း အသိပညာတိုးပွားလာပြီး ခေတ်တုံး၊ စနစ်တုံးမဖြစ်တော့ပဲ ခုလို ခေတ်သစ် Computing ဟာ Unicode မပါလို့ မဖြစ်တော့တဲ့ ခေတ်တစ်ခေတ်ကို အမှန်ရောက်ရှိလာတော့မယ်လို့ ကျွန်မ ထင်မြင်မိပါတော့တယ်ရှင်။

မြန်မာအမျိုးသမီးများနေ့

အားလုံး မင်္ဂလာပါရှင်။ ဇူလိုင်လ ၃ ရက်နေ့သည် မြန်မာအမျိုးသမီးများနေ့ ဖြစ်ပါတယ်။ မြန်မာအမျိုးသမီးများနေ့ အထိမ်းအမှတ်အဖြစ် ကျွန်မ သိထားသမျှကို ပြောပြချင်ပါတယ်။
ကျွန်မတို့ မြန်မာအမျိုးသမီးများရဲ့ ရှေးခေတ်ဘ၀ဟာ ကမ္ဘာပေါ်မှာရှိတဲ့ အခြား အခြားသော နိုင်ငံများက အမျိုးသမီးများလိုဘဲ အားနွဲ့သူလို့ သတ်မှတ်ခံခဲ့ကြရ ပါတယ်။ အိမ်တွင်းမှုလုပ်၊ သိမ်းထုပ်သေချာ ဆိုတဲ့ ဆုံးမစာအတိုင်း လုပ်ကိုင် ခဲ့ကြရပါတယ်။ အပြင်ထွက် ပညာသင်ဖို့၊ အလုပ်လုပ်ဖို့ အခွင့်အလမ်းတွေ အလွန်ပဲ နည်းပါးပြီး အခွင့်အလမ်းမရရှိခဲ့ကြပါဘူး။ အဲဒီထဲကမှ ထူးချွန်တဲ့ အမျိုးသမီးကောင်းတွေလည်း ရှိလာခဲ့ပါတယ်။ အထူးသဖြင့် စာပေနယ်မှာ စစ်ကြိုခေတ်က ပထမဆုံး ပေါ်ထွန်းလာခဲ့တယ်လို့ ပြောရမဲ့သူကတော့ စာရေး ဆရာမကြီး ဒဂုန်ခင်ခင်လေးဆိုတာပါဘဲ။ သူက ၁၉၀၄ ခု ဖွားဆိုတော့ အတော်ကို စောပါတယ်။ ကျွန်မတို့တောင် ဘယ်ရောက်နေမှန်း မသိသေးတဲ့ ဘ၀ပါပဲ။ အဲ ၁၉၃၀ လောက်မှာ နိုင်ငံရေး နိုးကြားမှုနဲ့အတူ စာပေမှာ ၀င်လှုပ်ရှား ခဲ့တဲ့ သတင်းစာဆရာမကြီးတွေ ပေါ်ထွန်းလာခဲ့ပြန်တာကို သိရှိခဲ့ရပြန်တယ်။ အင်း ပထမဆုံး အမျိုးသမီး သတင်းစာထုတ်ဝေသူ အယ်ဒီတာကတော့ ဒေါ်ဖွားရှင်ပါတဲ့ရှင်။ နောက် ဒေါ်ထားထားတဲ့။ ပြီးတော့ အင်ဒပင်းဒင့် ဒေါ်စန်းတဲ့။ ကျွန်မလည်း သိမှတ်ရတာကို ပြောရတာပါ။ ကိုယ်မှာ မမွေးသေးတာကိုး။ သူတို့ဟာ ကိုလိုနီအစိုးရကို ကလောင်နဲ့ တော်လှန်ခဲ့ကြတဲ့ မိန်းမ သူရဲကောင်းတွေပါဘဲ။
ခုဆို ကျွန်မတို့ခေတ်မှာတော့ အားနွဲ့သူတွေ မဟုတ်ကြတော့ဘူးလေ။ အမျိုးသားများနဲ့ ရင်ဘောင်တန်းနိုင်ရမယ် ဆိုတဲ့ အသိစိတ်တွေနဲ့ အမျိုးသမီးများ ဟာ လှုပ်ရှားလာနေကြပြီလေ။ အမျိုးသမီးများရဲ့ဘ၀မှာ မွေးလာစဉ်ကတည်းကပဲ ယောက်ျားသားတွေမှာ ရှားပါးလှတဲ့ မိခင်စိတ်ဆိုတဲ့ စိတ်ဓာတ်တစ်ခု အရင်းခံ ပါလာတာကို တွေ့ရပါတယ်။
ဒီလိုဘဲ အမျိုးသားများကို တင်စားတဲ့ စာသားလေးတစ်ခုရှိပါသေးတယ်။ ဘာတဲ့။ ကောင်းကင်တမွတ်၊ ကြယ်ကိုဆွတ်လည်း မလွတ်စတမ်း ရမြဲတမ်းဆိုလားဘဲ။ ဒါပေမဲ့ ကောင်းကင်က ကြယ်တံခွန်အသစ်ကို ဂျာမနီနိုင်ငံသူ အမျိုးသမီးတစ်ယောက်က ပထမဆုံး တွေ့ရှိခဲ့တာကို သိခဲ့ရပြန်တယ်။ အမျိုးသမီးတွေအပေါ်မှာ မြင့်မြတ်စွာ နားလည်သူတွေကတော့ ပုခက်လွှဲသောလက်သည် ကမ္ဘာကို လွှမ်းမိုးနိုင်တယ်လို့ ပြောကြတာပေါ့။ ဒေါက်တာ မတင်ဝင်းကတော့ ရာဇ၀င်ထဲက မိန်းမသားဆိုဘဲ။ တော်တော်လေး ကောင်းတယ် ဖတ်ကြည့်ပါလား။ ကျွန်မကတော့ အမျိုးသမီးဆိုတာ လူသားတစ်ဦးပဲ ဖြစ်တယ်။ အမျိုးသမီးရယ်၊ အမျိုးသားရယ် ခွဲခြားနေဖို့ မလိုဘူးလို့ထင်ပါတယ်။ ဟုတ်တယ်လေ။ ကိုယ့်အားကိုယ်ကိုးပြီး ကိုယ့်ခြေထောက်ပေါ် ကိုယ်ရပ်တည်နိုင်ရဲတဲ့သူဟာ ကိုယ့်ကိုယ်ကိုယ် ပိုင်ဆိုင်တဲ့ လူသားပဲ ဖြစ်ရမှာပေါ့။ မည်သူမဆို အမျိုးသမီးဘဲဖြစ်ဖြစ် အမျိုးသားပဲဖြစ်ဖြစ် ကြိုးစားရင် အောင်မြင်မှာဘဲ စဉ်းစားကြည့်လေ။ အခု အမျိုးသားများရှိနေခြင်းဟာ အမျိုးသမီး ဆိုတဲ့ မိခင်များက မွေးဖွားခဲ့ကြလို့ပေါ့။ အဖြေက ရှင်းနေတာဘဲ။ မြတ်စွာဘုရားတောင် မယ်တော်မာယာက မီးဖွားသန့်စင်ခဲ့လို့ ဘုရားအဖြစ်ကို ရတော်မူခဲ့တာပေါ့။ ပြောရရင် သာဓကတွေ အများကြီးပါပဲ။ မြန်မာအမျိုးသမီးများ အားကစားနဲ့ ကမ္ဘာကို လွှမ်းလာနေတာကိုလည်း တွေ့ရှိနေရပါပြီ။ ကျွန်မဖြစ်စေချင်တာကတော့ မြန်မာအမျိုးသမီးတိုင်းကို သံမဏိပွင့်ဖတ်များနှင့် ဖွဲ့စည်းထားတဲ့ ပန်းများ ဖြစ်သင့်တယ်လို့ မြင်ချင်တယ်။ ဘ၀မှာ လောကဓံနှင့် နေရောင်ခြည်ကို အလွယ်တကူ အရှုံးပေးပြီး ကြွေကျပေးလိုက်တဲ့ ပန်းတွေ မဖြစ်စေချင်ဘူး။ ခုဆိုရင် မြန်မာအမျိုးသမီးများနေ့ကို နေရာတိုင်းမှာ ဂုဏ်ပြုကြိုဆိုပြီး ဖွင့်ပွဲတွေ လုပ်လာတာကို တွေ့ရှိရခြင်းအားဖြင့် ကျွန်မ ၀မ်းသာကြည်နူးမိသလို မြန်မာအမျိုးသမီးများ ဦးစီးတဲ့ စာအုပ်ထုတ်ဝေဖြန့်ချိ မှုတွေ၊ စာအုပ်ဈေးရောင်းပွဲတော်တွေ ကျင်းပလာခြင်းအားဖြင့် ကျေနပ်ဂုဏ်ယူမိပါတယ်။ ကမ္ဘာမှာ မြန်မာအမျိုးသမီးများကို အသိအမှတ်ပြုလာတာတွေလည်း တွေ့ရှိနေရပါပြီ။ ဒီလိုဘဲ သုညတစ်လုံးထဲရှိခြင်းဟာ အသုံးမ၀င်ပေမဲ့ မြန်မာအမျိုးသမီးအားလုံးဟာ တစ်ဆိုတဲ့ ဂဏန်းရဲ့နောက်မှာ သုညများစွာနဲ့အတူ တန်ဖိုးရှိသော အမျိုးသမီးများ ဖြစ်နိုင်ကြပါစေလို့ ပြောရင်းနဲ့ ဇူလိုင်လ ၃ ရက်နေ့မှာ ကျရောက်တဲ့ မြန်မာအမျိုးသမီးများနေ့ကို ၀မ်းမြောက်ဝမ်းသာစွာနဲ့ ဂုဏ်ပြုကြိုဆိုလိုက်ပါတယ်နော်။

မြန်မာအမျိုးသမီးများ ဒီထက် ဒီထက် ပိုပြီး တိုးတက်အောင်မြင်နိုင်ကြပါစေလို့ ဆုတောင်းပြုရင်း...

ယုံကြည်ဖို့ ခက်တယ်ကွယ်...

လောကသဘာဝအရ
နေ၀င်ချိန်ရှိသလို
နေထွက်ချိန်လည်းရှိခဲ့
သဘာဝတရားက
သူ့အလိုလို အားဖြည့်ပေးခဲ့
လူတွေမှာကော
..........
စဉ်းစားစရာတွေ ဖြစ်ပေါ်နေခဲ့
အရာအားလုံးဟာ
မပြောင်းလဲဘဲ အမြဲတည်တံ့နိုင်ပါ့မလား
လောကဓံသဘော
လွန်ဆန်လို့ ရပါ့မလား
သြော်....
ငါလည်းပဲ လောကီသားပေမို့
လောကကို ရဲရဲရင်ဆိုင်ဖို့
လူ့လောကထဲရောက်ရှိလာခဲ့
ဘ၀ဆိုတာ...
အငိုနဲ့ စ
အငိုနဲ့ ဆုံး
လောကသဘော စဉ်းစားမိသောအခါ
အရာရာ ယုံကြည်ဖို့ ခက်တယ်ကွယ်...
 
........./***EOT***/........