11/22/2012

လုပ်ငန်းတွင်း အောင်မြင်စေရန် တီထွင်ဖန်တီးခြင်း

ယနေ့ခေတ် ပြောင်းလဲနေသော ကမ္ဘာကြီး၏ နောက်ကောက်မကျန်ခဲ့ရန်
ကျွန်မတို့လည်း အပြောင်းအလဲ ပြုလုပ်ကြရပါမယ်။ အပြိုင်အဆိုင် ပေါများသော
လောကတွင် စီးပွားရေးကဏ္ဍသည် ခြေလှမ်းသွက်ရန်နှင့် လိုက်လျောညီထွေဖြစ်ရန်
လိုက်လံညှိတတ်ဖို့ အများဆုံးလိုအပ်သည့်ကဏ္ဍ ဖြစ်သည်။ မပြတ်ပြောင်းလဲနေသော
ကမ္ဘာကြီး၌ စိတ်ကူးစိတ်သန်းအသစ်များဖြင့် ထွင်ဥာဏ်ရှိနေနိုင်မှသာ သင်ရဲ့
လုပ်ငန်းမြဲမြံမှာ ဖြစ်ပေသည်။ ခြေတစ်လှမ်းသာနေသောသူများသာ အောင်နိုင်ရာ၏။
အရင်ဆုံး စဉ်းစားဖို့ လိုလာတာကတော့ သင်သည် အဘယ်အတွက်ကြောင့်
တီထွင်ကြံဆတတ်ရမည်နည်းဆိုတာကိုပါပဲ။ ပထမ အဆင့်အနေဖြင့် သာမန်ကာလျှံကာ
စိတ်ထား ထားရှိခြင်းကို ရှောင်ကျဉ်ရန်၊ ဒုတိယအဆင့်အနေဖြင့် နာတစ်ဖျားသာ
နေဖို့လား၊ ဒါမှမဟုတ် လောကကြီးက
မပြတ်ပြောင်းလဲတိုးတက်နေသောကြောင့်လားဆိုတာ စဉ်းစားဖို့ လာလိုပါပြီ။
ကျွန်မတို့သည် ပြည်တွင်းဈေးကွက်တွင်ရော ပြည်ပမှာပါ ဈေးကွက်ကို
ဦးဆောင်သူများ ဖြစ်နေရမည်။ အဘယ်ကြောင့်ဆိုသော် ကျွန်မတို့သာ
ဈေးကွက်ဦးဆောင်သူ မဟုတ်ခဲ့ရင် ဈေးကွက်ဦးဆောင်သူများရဲ့
ချယ်လှယ်စိုးမိုးခြင်းကို အမှန်တကယ် ခံကြရမည် ဖြစ်ပါသည်။
တီထွင်ကြံဆခြင်းသည် အလုပ်တစ်ခုဖြစ်သည်။ အခက်အခဲ ပြဿနာ ဖုထုံး ရှိလာလျှင်
ပြန်ဖြည့်ဖို့ နည်းလမ်းရှာရစမြဲဖြစ်သည်။ တီထွင်ကြံဆခြင်းသည်
ဖြစ်စဉ်တစ်ရပ်ဖြစ်ပါသည်။ တီထွင်ဖန်တီးတတ်သောသူများတွင် ထူးခြားသော
ပါရမီနှင့် ကိုယ်ရည်ကိုယ်သွေး ရှိသည်ဟု ကျွန်မတို့ တွေးထင်တတ်ကြပါသည်။
အချို့အတွက်သည် မှန်သော်ငြားလည်း များသောအားဖြင့် ကျွန်မတို့
ကြိုးစားအားထုတ်၍ ရနိုင်ပါသည်။ သင့်လုပ်ငန်းတွင်း အဆင်မပြေမှု
အရေးပေါ်ဖြစ်ပွားလာခဲ့ရင် နည်းလမ်းဟောင်းများထက်
နည်းလမ်းသစ်များအားဖြင့်သာ ထိုပြဿနာများကို ကိုင်တွယ်ဖြေရှင်းနိုင်အောင်
ကြိုးစားကြရမည်။ တီထွင်ကြံဆခြင်းသည် အသိဥာဏ် ဗဟုသုတထက်သာ၍ အရေးကြီးပါသည်။
ပါရမီရှင် တစ်ဦးဖြစ်လာဖို့ ပြင်ပမှ တွန်းပို့အားသည် ၁၀
ရာခိုင်နှုန်းနှင့် ကျန် ၉၀ ရာခိုင်နှုန်းမှာ ကိုယ်တိုင် ခံယူချက်များ
သုံးခြင်းတို့ ရှိဖို့လိုအပ်လှပါသည်လို့ အဲလ်ဘတ်အိုင်စတိုင်းက ပြောပါသည်။
တကယ်လို့သာ သင့်ထံမှာ စိတ်ကူးအသစ်များ တောက်လျှောက်ရှိနေခြင်းအပေါ်
စိတ်မပျက်ပါနှင့်။ လွယ်ကူသော ကိစ္စမဟုတ်သဖြင့် လူအတော်များများသည်
အချိန်ယူကာ ပြုလုပ်ကြရပါမည်။ ဆန်းသစ်သော စိတ်ကူးရှိရန်နှင့်
တီထွင်ကြံဆတတ်ရန်သည် လွယ်ကူသော အလုပ်မဟုတ်ပေ။ ရည်ရွယ်ချက်ရှိရှိနှင့်
အချိန် ယူကာ ပြုလုပ်ရပါမည်။ ဒါဆိုရင်တော့ ကျွန်မတို့ ဘာတွေကို
သင်ယူရရှိရမည်နည်း။ တီထွင် ကြံဆခြင်းသည် ဖြစ်စဉ်တစ်ရပ်ဖြစ်ကာ
ဦးနှောက်ကို အသုံးပြုကြရ၏။ ၎င်းကို ကြွက်သားများကဲ့သို့ပင်
ကြီးထွားရှင်သန်လာ အောင် လေ့ကျင့်ပျိုးထောင်ယူရမည်ပင် ဖြစ်ပါသည်။
မည်သို့အားဖြင့် ပို၍ တီထွင်ဖန်တီးနိုင်မည်နည်း။ ပြဿနာ အဖုအထစ်လေးများကို
ပြန်ဖြည်ဖို့ ဖန်တီးရောစပ်ထားသော နည်းလမ်းများကို သုံးရမည်။ ထို့နောက်
ဆက်လက်ပြီး
ရေမြှုပ်ဖော့တုံးကဲ့သို့ ကျင့်ပါ
အခက်အခဲ ပြဿနာများ၊ နည်းလမ်းအဖြေများအတွက် သဲလွန်စများကို ရနိုင်သလောက်
စုပါ။ နောက်တစ်ချက်
လှုပ်ခါလိုက်ပါ
အချက်အလက်များ၊ သတင်းအစအနများကို မွှေနှောက်ကာ ပေါ်ပေါက်လာသည့်
အမှားများအတွက် အဘယ်ကြောင့် ဖြစ်ပွားခဲ့ရသည်များကို မေးခွန်းထုတ်ပါ။

ညှစ်ထုတ်ပါ
စိတ်ကူးစိတ်သန်းများကို ရနိုင်သလောက် ညှစ်ထုတ်ပါ။ အလားအလာကောင်းသော၊
အဖြေနှင့် နီးစပ်သော စိတ်ကူးစိတ်သန်းများ ထွက်ပေါ်လာလိမ့်မည်။

ဆန့်ထုတ်လိုက်ပါ
အခြားသောသူများထံမှ အကြံဥာဏ်များလည်း တတ်နိုင်သလောက်
တောင်းယူနိုင်ပါသေးတယ်။ စိတ်ကူး သစ်များ ပေါ်လာပါလိမ့်မည်။ အကြီးအကျယ်
စဉ်းစားတွေးတောပြီးနောက် အကြောင်းအရာများကား တစ်ခုနှင့် တစ်ခု
ဆက်စပ်လာပြီး အဖြေထုတ်ပေးနိုင်သည့် စိတ်ကူးစိတ်သန်းများ ရလာပါလိမ့်မည်။
ဤကဲ့သို့သော ပြဿနာများ၏အဖြေများသည် သင် မျှော်လင့်မထားတော့သည့်အချိန်၊
ပြဿနာအကြောင်းကို တွေးတော မနေသည့်အချိန်မျိုး၌ ပေါ်လာတတ်သည်။
နောက်တစ်နည်းကတော့ များသောအားဖြင့် စိတ်ကူးအသစ်များသည်
သင်အနားယူနေသည့်အချိန်၊ စိတ်အပန်းဖြေနေသည့်အချိန်၊ ပြဿနာရပ်အကြောင်းကို
မတွေးတောဘဲ နေသည့်အချိန်၊ ရေချိုးနေချိန်၊ အနားယူပြီးချိန် စသည်တို့၌
ပေါ်လာတတ်သည်။

ပြုလုပ်ပါ
ဤနည်းလမ်းသည်လည်း သင်တို့ရဲ့ စွမ်းရည်အသီးသီးနှင့် သင်ယူတတ်မြောက်ထားသော
အတတ်ပညာတို့ကို တွဲသုံးကာ သက်ဆိုင်ရာ ကျွမ်းကျင်သူများနှင့်
ပူးပေါင်းခြင်းအားဖြင့် စိတ်ကူးအကြံအစည် အကြမ်းများကို သင့်တော်သော
အဖြေရရှိအောင် ပြုလုပ်ပုံဖော်ဆောင်ရွက်သင့်ပေသည်။
ကျွန်မတို့သည် ပြဿနာကို ဖြေရှင်းရာ၌ မိမိကိုယ်ကို ကန့်သတ်ကာ
အခြားတစ်နည်းကို သုံးဖို့ အားမထုတ်လိုကြချေ။ တစ်နည်းပြောရရင်
လမ်းဟောင်းအတိုင်း နည်းဟောင်းအတိုင်းသွားခြင်းကို ဆိုလိုတာ ဖြစ်ပါသည်။
ရလဒ်အသစ်များရလာရန် အမျိုးမျိုးသောနည်းလမ်းများနှင့် နည်းလမ်းအသစ်များကို
သုံးဝံ့ရမည်။ အမှန်တကယ်တော့ နည်းလမ်းဟောင်းကြီးများက အဖြေအသစ်ပေးခဲသည်။
ပေါ့ပေါ့ပါးပါးနှင့် မဆိုင်းမတွပင် ထလုပ်တတ်သူများအတွက် အဖြေအသစ်ရရှိရန်
မခဲယဉ်းပေ။ တစ်ခါတလေ စည်းဝိုင်းအတွင်းမှာမနေပဲ စည်းဝိုင်းပြင်ပအထိပါ
ထည့်စဉ်းစားတတ်ရမည်။ များများသင်ယူကာ စိတ်ကူးသစ်များ၊ နည်းလမ်းသစ်များ၊
လူအများနှင့် များများထိတွေ့လေလေ၊ သင့်အတွက်
စိတ်ကူးအသစ်များများရရှိဖို့ရန် လွယ်ကူလေလေ ဖြစ်ပါသည်။ နံရံကို
ဝင်မဆောင့်ပါနှင့်။ ကွေ့ပတ်သွားပါ။ သင်ပြုလုပ်နေသည့်အရာများကို
အပြောင်းအလဲ လုပ်ကာ သဟဇာတဖြစ်အောင် ညှိပြီး ပြုလုပ်သွားပါ။
ဆိုရိုးတစ်ခုရှိပါသည်။ "တီထွင်ဖန်ဆင်းခြင်း၏ အခက်အခဲ ပြဿနာများက"။
လမ်းဟောင်းကြီးများက ကောင်းစွာ အသုံးမ၀င်တော့လျှင် လမ်းသစ်ရှာရပါမည်။
တီထွင် ဖန်တီးမှုများ၊ စမ်းသပ်မှုများမှလွဲ၍ အခြားနည်းလမ်းမရှိပါ။
တီထွင်ဖန်တီးမှုကို တွန်းအားပေးသော အရာများကတော့ အမှီအခိုကင်းလိုမှုနှင့်
စိတ်အားထက်သန်မှု၊ လေ့လာစူးစမ်းမှုနှင့် အခက်အခဲ ပြဿနာတို့ပဲ ဖြစ်ပါတယ်။
အသစ်တီထွင် ဖန်တီးလိုမှုကို ပိတ်ပင်တားဆီးသော အရာများကလည်း ရှိပြန်သေးသည်။
အသစ်အဆန်းမှန်သမျှကို ငြင်းဆန်မှုနှင့် မိမိ၏ဖြစ်အင်ကို ကျေနပ်
တင်းတိမ်နေမှုတို့ ဖြစ်ပါတယ်။ အပြောင်းအလဲလုပ်ရင် နာကျင်သည်။ ပေးဆပ်ရသည်၊
သက်တောင့် သက်သာ မရှိ၊ အန္တရာယ်များကာ ဂုဏ်သိက္ခာထိပါးနိုင်သည့်အပြင်
လူ့သဘောသဘာဝအရ အပြောင်းအလဲ မလုပ်လို ကြပေ။ သို့ရာတွင် လမ်းသစ်များကသာ
စိတ်ကူးအသစ်များကို ပေးစွမ်းပါလိမ့်မည်။ လမ်းဟောင်းကြီး များက
ရလဒ်အဟောင်းများကိုသာ ပေးသည်။ သင့်ရဲ့ လက်ရှိအခြေအနေကိုသာ
ကျေနပ်တင်းတိမ်နေခြင်းသည် လမ်းသစ်ထွင်ရန် လုံလောက်သော တွန်းအားကို
မပေါ်ပေါက်စေပါ။ ဒါကြောင့် တိုးချဲ့ဖို့၊ တိုးတက်ဖို့ ဆန္ဒ မရှိရင်လည်း
ပြည့်မည် မဟုတ်ချေ။ ထို့ကြောင့် သင်သည် လမ်းစရှာတတ်ရပါမည်။
တီထွင်ဖန်တီးခြင်းဟုဆိုရာ၌ အကောင်းဆုံး စိတ်ကူးစိတ်သန်းများကို
ရှာဖွေစုဆောင်းခြင်း တစ်ခုတည်း မဟုတ်ဘဲ သင်ကိုယ်တိုင်၌လည်း
စိတ်ကူးစိတ်သန်းမြောက်မြားစွာ ရရှိစေပါသည်။ များပြားလှစွာ သော
စိတ်ကူးယဉ်မှုများ ပြုလုပ်ထားပါ။ စိတ်ကူးသစ်တစ်ခု ပေါ်ပေါက်လာသည့်
နောက်တွင် ကောင်းသော စိတ်ကူးပေါင်းများစွာ ထပ်မံ လိုက်ပါလာမည်။ ၎င်းတို့ထဲမှ
သင်လည်း သင့်ရာကို ရွေးချယ်သွားနိုင်မည် ဖြစ်ပေသည်။ သင့်စိတ်ကူးများကို
အများကပင် လက်မခံနိုင်သည့် အခြေအနေ ရှိနေရင်လည်း စိတ်မပူပါနှင့်။
သင့်လုပ်ငန်းကို တိုးတက်စေမည့် စိတ်ကူးများ ဖြစ်လာမည်ကို မကြာမီ
တွေ့ရှိလာပေတော့မည် ဖြစ်ပါသည်။

11/02/2012

နည်းပညာတိုးတက်မှုက ရေရှည်တည်မြဲလာနိုင်ပါ့မလား


ယနေ့ ကမ္ဘာကြီးက လျင်မြန်သွက်လက်သောနှုန်းနဲ့ ပြောင်းလဲနေပါတယ်။ ဒီအထဲမှာ နည်းပညာနယ်ပယ်က ပိုပြီး လွန်စွာမှပင် အပြောင်းအလဲမြန်ဆန်လွန်းလှပါတယ်။ တိုးတက်မှုကလည်း မြင့်မားလာနေပါတယ်။ ကွန်ပျူတာဆိုတာကလည်း နည်းပညာ တိုးတက်မြင့်မားလာမှုကြောင့် ဖြစ်ပေါ်လာတာပါ။ ယနေ့ လူတိုင်း နီးပါးက ကွန်ပျူတာကို အသုံးပြုနေပါပြီ။ ဒီတော့ ကျွန်မတို့ရဲ့ နေ့စဉ် နေထိုင်မှုစနစ်တွေကလည်း ပြောင်းလဲ လာခဲ့ပါတယ်။ ကွန်ပျူတာယဉ်ကျေးမှုလို့ ခေါ်နိုင်တဲ့စနစ်တစ်ခုအဖြစ် ခိုင်ခိုင်မာမာရပ်တည်နေခဲ့ပါပြီ။ ယခုဆိုရင်လည်း ကွန်ပျူတာအရောင်းပွဲတွေကို ကြိုကြားကြိုကြား ဈေးနှုန်းချိုသာစွာနဲ့ လူတိုင်း အသုံးပြုနိုင် သော ခေတ်ကို ရောက်ရှိလာခဲ့ပါပြီ။

          လူငယ်တိုင်းကလည်း ကွန်ပျူတာမရှိရင် ခေတ်မမှီတော့ဘူးဆိုတဲ့ အတွေးအခေါ်တွေနဲ့ မိဘများကို ပူဆာလာကြတာလည်း တွေ့ရှိနေရပါတယ်။ ဘာအတွက်သုံးမလဲဆိုတော့ ဘယ်သူနဲ့မှ ဘာမှ မဖြေနိုင်ကြ ပါဘူး။ နယ်တွင် မပြောနဲ့ မြို့ပေါ်မှာတောင် ကွန်ပျူတာဆိုတာ ဘာလဲမေးရင် chat လို့ရတယ်ပဲ သိတဲ့သူတွေ ဒုနဲ့ဒေးပါပဲ။ နည်းပညာ တိုးတက်လာသလောက် လူငယ်တွေအနေနဲ့ အမြင်များလည်း ပြောင်းလဲဖို့ အရမ်း လိုအပ်လာနေပါပြီ။ ကွန်ပျူတာဆိုတာ ဘာမှန်းသာ မသိကြတာ ကွန်ပျူတာသင်ပြီဆိုတာနဲ့ Gtalk ပြောဖို့နဲ့ facebook အကောင့် မရှိသေးဘူးလို့ ပြောတဲ့သူချည်းပါပဲ။ ယခုတစ်လော ရေပန်းစားနေတဲ့ ဒီ Social Network လို့ လူတိုင်းလိုလို အရူးအမူးဖြစ်နေတဲ့ facebook ကြီးက အောက်တိုဘာ ၁၅ ရက်မှာ ပိတ်တော့မယ်ဆိုပြီး သတင်းထွက်နေခဲ့ပါရောလား။ တကယ်လို့သာ facebook ပဲ သုံးနေကြတဲ့လူတွေ ဒီဆိုက်သာ ပိတ်သွားခဲ့မယ်ဆိုရင် ဘာတွေကို သုံးကြမလဲဆိုတဲ့ အတွေးတွေ တွေးနေမိပါတော့တယ်။ တစ်ချို့က facebook သုံးမှ ခေတ်မီတယ်ဆိုတဲ့အမြင်တွေကတော့ လူတိုင်းလိုလို ဖြစ်နေပါတယ်။ တစ်ယောက်နဲ့ တစ်ယောက် တွေ့တာနဲ့ facebook မှာ မင်း ဘော်ဒါ ဘယ်နှယောက်ရှိပြီလဲ။ မင်းမိတ်ဆွေက ငါထက်နည်းသေးတယ်ဆိုပြီး အပြိုင်အဆိုင်တွေတောင် ဖြစ်နေပါသေးတယ်။ အတော်များများ လူတွေရဲ့ အမြင်က အင်တာနက်သုံးတာ facebook ကိုပဲ သုံးရမယ်ဆိုတဲ့အတွေးတွေက အတော်ကို လွှမ်းမိုးထားတာ တွေ့ရတယ်။ facebook မသုံးတဲ့သူက ခေတ်နောက်ကျန်နေသလိုပဲဖြစ်နေပါတယ်။ ဂျီတော့ပဲ ဖွင့်သုံးတတ်ပြီး ဂျီမေးလ်နဲ့ ဘာကွာလဲ မေးတဲ့သူက ရှိသေးတယ်။ လူငယ်တွေရဲ့ အမြင်တွေက ဒီထက်ပိုပြီး ပွင့်လင်း လာစေချင်တယ်။ ကျောင်းပညာရေးလျှောက်ရင် ဘယ်ဝက်ဘ်ဆိုက်ကို ၀င်ရမလဲ။ အင်္ဂလိပ်စာ လေ့လာချင်ရင် ဘယ်ဟာကို ၀င်ရမလဲဆိုတဲ့ မေးခွန်းလေးတွေ မေးလာစေချင်တယ်။ ခုဆိုရင် မြန်မာပြည်တွင်းတွင် အွန်လိုင်းကနေ ဥပဒေပညာရပ်ကို လေ့လာသင်ယူလိုသူတွေအတွက် ရန်ကုန်အဝေးသင် တက္ကသိုလ် လူ့စွမ်းအား အရင်းအမြစ် ဖွံ့ဖြိုးမှုဌာနအစီအစဉ်ဖြင့် ရန်ကုန် အဝေးသင်တက္ကသိုလ်ရဲ့ ဥပဒေပညာ ဌာနက ဦးစီး၍ ဥပဒေပညာဒီပလိုမာ (Diploma in Law –DL) သင်တန်းကို ခေတ်မီနည်းပညာတစ်ခုဖြစ်သော Web-Based Teaching  System (WBTS) ကို အသုံးပြုပြီး Online ဖြင့် သင်ကြားပို့ချပေးမယ်လို့ ကြားရပါတယ်။ အွန်လိုင်းကနေ သင်ကြားပို့ချပေးမယ်ဆိုတော့ အချိန်ကုန်လည်း သက်သာ၊ သွားရလာရလည်း ဒုက္ခမရောက်တဲ့အပြင် ဘွဲ့တစ်ခုကိုလည်း ၁၀ လနဲ့ ရရှိမှာ ဖြစ်ပါတယ်။ ဘယ်လောက်ကောင်းလိုက်သလဲ။ ဒီလို ပညာရေးတွေ ဒီထက်ပိုမို တိုးတက်လာစေချင်နေတာ အတော်ကြာခဲ့ပါပြီ။
More

10/29/2012

A place of Attraction in Myanmar




                Myanmar is a beautiful country, and Bagan is a well-known city. It is attractive for us because we        can see most of the religious relics and buildings. It is also attractive for foreigners because it has ancient culture, arts and crafts.
                Bagan is situated on the east bank of the Ayeyarwady in Central Myanmar. It is about 5 kilometres south of Nyaung Oo. Its area is about 16 square miles. It has a hot and dry climate. It was the capital of the Myanmar kingdom during the Bagan dynasty which was from 11th to 13th Centuries. It became the centre of Buddhism after King Anawrahta attacked Thaton in 1057 and brought to Bagan the Buddhist monk Shin Arahan, the sacred Pitakas and the sacred Pali language. Bagan has always been famous for its ancient pagodas and monuments, and is recognized by the world’s travelers as one of the world’s wonders. The architecture and the artistry of the craftsmen show Myanmar’s wonderful achievement in arts and crafts. The lacquareware of Bagan is still very much in use, and stands as a traditional attraction for all of us. There are also places of interest like the Bagan Archaeological Museum, the Myanmar handicraft shops and many other antique shops. As there are many pagodas, Festivals are held throughout the year.
Today, Bagan has become a tourist attraction because of its archaeological sites and unspoilt beauty. It is such an attractive place that both natives and foreigners want to visit Bagan more than once.
               

Thadingyut Moon Day



Thadingyut is the seventh Myanmar month (in September - October) towards the end of the rainy season.
Lord Gautama Buddha preached The Abhidhamma to Maidawmi Nat (reincarnate of His Mother) in Tavatimsa Abode of celestial beings for three Lenten months and returned to the abode of men on the full-moon day of Thadingyut. The King of Celestials cerated gold, silver, ruby stairways for him. Buddha took the middle ruby one radiating six hues of aura. The nats came along by the right gold stairways and the brahmas by the left silver stairways.
On account of that, Myanmar Buddhists celebrate the full-moon day with multi-coloured illuminations. It is also called Tavatimsa Festival after the Tavatimsa Abode of the nats and the Myinmo Lights Festival after the Mount Myinmo there.
For the Sangha it is the time for what is known as Pawayana, which means inviting, entreating, urging. In parctice since the times of Buddha, it is to beg on another for forgiveness of any action that might have displeased any other among Sangha. There is also the parctice among laity of paying obeisance to parents and elders.

ရွှေတိဂုံစောင်းတန်းအတက်
သီတင်းကျွတ်လပြည့်နေ့
သီတင်းကျွတ်လသည် မြန်မာလများတွင် ခုနစ်လမြောက်ဖြစ်ပြီး မိုးရာသီကုန်လုချိန်ဖြစ်ကာ စက်တင်ဘာလနှင့် အောက်တိုဘာလမှာ ကျရောက်ပါတယ်။
ဂေါတမရှင်တော်ဘုရားသည် မယ်တော်မိနတ်သားအား တာဝတိံသာနတ်ပြည်၌ အဘိဓမ္မာတရားတော်ကို ၀ါတွင်းသုံးလပတ် ဟောကြားတော်မူပြီး သီတင်းကျွတ်လပြည့်နေ့၌ လူ့ပြည်သို့ ပြန်လည်ကြွချီတော်မူပါတယ်။ သိကြားမင်းက ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းတို့ကို ဖန်ဆင်းပူဇော်ပါတယ်။ ဗုဒ္ဓရှင်တော်မြတ်သည်ရောင်ခြည်တော်ခြောက်သွယ်ဖြင့် တင့်တယ်စွာ အလယ်ဗဟိုပတ္တမြားစောင်းတန်းမှ သက်ဆင်းကြွမြန်းတော်မူပါတော့တယ်။ နတ်အပေါင်းက လယ်ယာရွှေစောင်းတန်း၊ ဗြဟ္မာကြီးများက လက်ဝဲငွေစောင်းတန်းမှ သက်ဆင်းလိုက်ပါလာကြပါတယ်။
ယင်းပူဇော်ပွဲကြီးကို အစွဲပြုလို့ မြန်မာ့ယဉ်ကျေးမှု ရာသီပွဲတော်အဖြစ် သီတင်းကျွတ်လပြည့်နေ့ညမှာ ဘုရားရှင်ကို ရည်မှန်းပြီး မီးရှူးမီးပန်းများ၊ မီးပုံး၊ ဆီမီးရောင်စုံတို့ဖြင့် ပူဇော်မှုပြုလာခဲ့ခြင်း ဖြစ်ပါတယ်။ ဗုဒ္ဓမြတ်စွာ တာဝတိံသာမှ ဆင်းသက်တော်မူသည်ကို အကြောင်းပြုပြီး တာဝတိံသာပွဲတော်၊ တာဝတိံသာနတ်ပြည်ရှိရာ မြင်းမိုရ်တောင်ထိပ်မှ ဆင်းသက်တော်မူသည်ကို အကြောင်းပြု၍ မီးမြင်းမိုရ်ပွဲဟု ခေါ်ဝေါ်ကြခြင်း ဖြစ်ပါတော့တယ်။

ရဟန်းတော်များဟာ သီတင်းကျွတ်လပြည့်နေ့မှာ ၀ိနည်းဒေသနာတော်အရ ဥပုသ်အစား “ဖိတ်ကြားခြင်း၊ တောင်းပန်တိုက်တွန်းခြင်း’’ လို့ အဓိပ္ပာယ်ရသော ပ၀ါရဏာပြုကြရပါတယ်။ ဤပ၀ါရဏာပြုခြင်းသည် ဘုရားရှင်လက်ထက်ကပင် ပေါ်ပေါက်ခဲ့ခြင်းဖြစ်ပါတယ်။ သာဝတ္ထိပြည် ဇေတ၀န်ကျောင်းတော်၌ သီတင်းသုံးဖော် ရဟန်းတစ်စု အချင်းချင်း မခေါ်မပြော နေထိုင်ကြသည်ကို အကြောင်းပြုပြီး ဖြစ်ပေါ်လာခြင်း ဖြစ်ပါတယ်။ ထိုနည်းတူစွာ ဘုရားရှင်အား ဖူးမျှော်ကန်တော့တဲ့ အစဉ်အလာကို အစွဲပြုပြီး မြန်မာဗုဒ္ဓဘာသာဝင်တို့သည် သီတင်းကျွတ်တဲ့အခါ သက်ကြီးဝါကြီးများအား ပူဇော်ကန်တော့တဲ့ ဓလေ့ထုံးစံကောင်း တစ်ရပ် ပေါ်ပေါက်လာခဲ့တာဖြစ်ပါတယ်။
ဆီမီးပူဇော်ကြရအောင်



10/20/2012

ဗြိတိသျှကောင်စီ စာကြည့်တိုက်မှ လူတိုင်းတက်ရောက်နိုင်သော "Ethic And Logical Thinking" ဟောပြောပွဲ

ဗြိတိသျှကောင်စီ စာကြည့်တိုက်တွင် "Ethic And Logical Thinking" ခေါင်းစဉ်ဖြင့် ဟောပြောပွဲကို အောက်တိုဘာလ၂၄ရက် ဗုဒ္ဓဟူးနေ့ ညနေ ၅ နာရီတွင် ကျင်းပပါမည်။
ဟောပြောဆွေးနွေးမည့်သူမှာ Wise College တွင် Principal နှင့် ADDA System Software Development Group တွင် CEO တာဝန်ယူထားသော ဦးကျော်မင်းထွန်း ဖြစ်ပါသည်။

စိတ်ပါဝင်စားသူများအနေဖြင့် အောက်တိုဘာလ ၂၃ရက် အင်္ဂါနေ့ နောက်ဆုံးထား၍ ဗြိတိသျှကောင်စီစာကြည့်တိုက်တွင် စာရင်းပေးသွင်းနိုင်ပါသည်။ တယ်လီဖုန်း၊အီးမေးလ်
တို့ဖြင့်လည်းစာရင်းပေးသွင်းနိုင်ပြီး ဆက်သွယ်ရန် ဖုန်းနံပါတ်မှာ ၂၅၄၆၅၈/၂၅၆၂၉၀ လိုင်းခွဲအမှတ် ၃၃၁၆ နှင့် အီးမေးလ်လိပ်စာမှာ library.enquiries@mm.britishcouncil.org
ဖြစ်ပါသည်။ အသင်းဝင်မဟုတ်သူများ ဆွေးနွေးပွဲသို့ စာရင်းပေးတက်ရောက်နိုင်ပြီး စာကြည့်တိုက်သို့ လာရောက်သောအခါ မှတ်ပုံတင်(သို့) ယာဉ်မောင်းလိုင်စင်(သို့) ကျောင်းသားကဒ်
တစ်ခုခုယူဆောင်လာရန်လိုပါသည်။

စာကြည့်တိုက်ဝန်ဆောင်မှုများအကြောင်းကိုအသေးစိပ်သိရှိလိုပါက British Council Website သို့မဟုတ် www.myanmar-network.net သို့မဟုတ်

www.facebook.com/britishcouncil.myanmar သို့ဝင်ရောက်ကြည့်ရှုကာဆက်သွယ်မေးမြန်းနိုင်ပါသည်။

10/12/2012

Golden Myanmar


My country is the Union of Myanmar. It is also called the land of golden pagodas. The neighboring countries are Laos and Thailand in the east, China in the north, and India and Bangladesh in the west. Its area is about 262,000 square miles, and it is the second largest country in Southeast Asia after Indonesia. It has a population of about 52 million.

Myanmar is divided into seven states and seven divisions. There are altogether 135 ethnic groups, living in unity. It has a hot wet climate. It is colder in the north than in the south, and the central region is dry. Myanmar is an agricultural country. We grow rice and crops the whole year round, and export rice, beans prawns and fishes. The four important rivers are the Ayeyarwady, the Chindwin, the Thanlwin and the Sittaung. They are a great help in transportation, and make it possible to grow different kinds of crops. Many areas of the land are covered with forests. Therefore it is also a major exporter of timber and wood products. It is rich in natural resources such as gas, gold, jade, ruby and other precious stones. The great Shwedagon is in Yangon, the capital. Mandalay is the second largest city and the last capital of Myanmar kings. Bagan is the most famous place with thousands of pagodas. Most of the people are Buddhists, and there is no town or village that does not have a pagoda.

The Myanmar’s are kind, hospitable and generous. There are many scenic places and pleasant beaches which are very attractive for tourists. For the above reasons, I love my country and I am proud of being a Myanmar citizen.

10/04/2012

၂၀၁၄ ခုနှစ်အတွက် DV ကံစမ်းမဲ လျှောက်နိုင်ပြီ

အမေရိကန်ပြည်ထောင်စုကို လာရောက်နေထိုင်လိုသူတွေအတွက် DV Lottery
လို့ခေါ်တဲ့ ဒီဗွီ ကံစမ်းမဲ ထိုးနိုင်တဲ့အချိန် တခေါက်ရောက်လာပြန်ပါပြီ။
DV Lottery Diversity Visa အစီအစဉ် ကို အောက်တို ဘာလ ၂ ရက်နေ့မှာ
စတင်ပြီးတော့ နိုဝင်ဘာလ သုံးရက်နေ့မှာ လျှောက်လွှာ ပိတ် မှာ ဖြစ်ပါတယ်။
ဒီသတင်းနဲ့ပတ်သက်လို့ ဗွီအိုအေ ပါရှန်းဌာနကနေပြီးတော့ Mana Rabiee ရဲ့
သတင်းလွှာကို ပေါင်း စပ်ပြီး မအေးသန္တာကျော်က တင်ပြပေးထားပါတယ်။

၂၀၁၄ ခုနှစ် Diversity Visa အစီအစဉ်အတွက် အင်တာနက်ပေါ်ကနေ လျှောက်လွှာ
လျှောက်ရမယ့် စာမျက်နှာကို အောက်တိုဘာလ နှစ်ရက်နေ့၊ အင်္ဂါနေ့
မွန်းတည့်ချိန်မှာပဲ စပြီးတော့ ဖွင့်လှစ်လိုက်ပြီဖြစ် ပါတယ်။
လျှောက်လွှာတွေကတော့ ပြောခဲ့တဲ့အတိုင်း နိုဝင်ဘာလ သုံးရက်၊ စနေနေ့
မွန်းတည့် ၁၂ နာရီ အချိန်မှာ ပိတ်မှာပါ။ မနှစ်ကဆိုရင် လူပေါင်း ၈
သန်းလောက် ဒီဗွီ ကံစမ်းမဲကို လျှောက်ခဲ့ကြပါတယ်။ ဒီနှစ်မှာလည်း
လျှောက်ထားသူအရေအတွက် အဲဒီလောက်အထိ များလိမ့်မယ်လို့
ခန့်မှန်းထားကြပါတယ်။

အဲဒီလိုမျိုး လျှောက်ထားသူ ၈ သန်းနီးပါးလောက်ထဲကနေ လူပေါင်း ၅
သောင်းခွဲလောက်ကိုပဲ မဲနှိုက် ရွေးချယ်ခဲ့တာ ဖြစ်ပါတယ်။ ဒီဗွီကံစမ်းမဲ
လျှောက်ထားဖို့က အရင်က စာရွက် နဲ့ ဖောင်ဖြည့် လျှောက်လွှာ တင်ရပေမဲ့လည်း
၂၀၁၂ ခုနှစ်အတွင်း ကံစမ်းမဲတွေလျှောက်ရမယ့် မနှစ်က စပြီတော့ အွန်လိုင်း
အင်တာနက်ကနေပြီးတော့ပဲ လျှောက်လွှာတင်လို့ ရပါတော့ တယ်။ လျှောက်လွှာကို
Online ကတင်ရသလို မဲပေါက်တဲ့စာရင်းထုတ်ပြန်တဲ့ မေလမှာတော့ Website ကနေပဲ
ပေါက်မဲစာရင်းကို ကြည့်ရှုရမှာ ဖြစ်ပါတယ်။

အမေရိကန် ဗီဇာရုံးရဲ့ ပြောရေးဆိုခွင့်ရှိသူ Karen King က

"လျှောက်လွှာ လျှောက်ထားတဲ့သူက ဒီလျှောက်လွှာနဲ့ပတ်သက်လို့
ပြင်ဆင်တာမှန်သမျှ ကိုယ်တိုင် လုပ်လို့ ရတဲ့စံနစ်မျိုးဖြစ်အောင်ကျမတို့
စီစဉ်ထားတာပါ။ ဘယ်အေးဂျင့်ဆီကိုမှ သွားပြီး ပိုက်ဆံ ပေး စရာ မလိုသလို
လျှောက်ဖို့လည်း ပိုက်ဆံတပြားမှ ကုန်စရာ မလိုပါဘူး။ ကိုယ်အရွေးခံရတယ်၊
မရဘူး ဆိုတာကို Website မှာ ကိုယ်တိုင်စစ်ကြည့်လို့ရတယ်။ ဒီတော့
လျှောက်လွှာတင်တဲ့သူက အမြဲတမ်း ကိုယ့်အတွက်ကိုယ် လိုက်ကြည့်နေရတာမျိုးတော့
ဖြစ်ပါတယ်။"

ဒါကတော့ အမေရိကန်ဗီဇာရုံးက ပြောရေးဆိုခွင့်ရှိသူ Karen King ပြောသွားတာဖြစ်ပါတယ်။

ဒီလိုမျိုး ကံစမ်းမဲထိုးကြည့်တဲ့အထဲမှာ အီရန်နွယ်ဖွား သတင်းထောက်
ရုစ်ဘတ်၊ မာဆာရီလည်း ပါဝင်ခဲ့တာပါ။ သူက ၁၉၉၉ ခုနှစ်မှာ Green Card
လို့လည်း ပြောလို့ရတဲ့ DV ကံစမ်းမဲပေါက်ပြီးတော့ အမေရိကန်ပြည်ထောင်စုကို
ပြောင်းရွှေ့အခြေချခဲ့တာ ဖြစ်ပါတယ်။

"အဲဒီတုန်းက ကျနော် စစ်ထဲမှာလေ။ အဲမှာမှာ ကျနော့်ညီမဆီက သူ့ကို ချက်ခြင်း
ဖုန်းဆက်ပါဆိုပြီး အမှာစကားရလိုက်တယ်။ အဲဒီတော့ သူ့ဆီပြေးပြီး
ဖုန်းဆက်လိုက်တာ ကျနော် ဂရင်းကဒ် ပေါက်တယ် လို့ သိရတယ်။ ဝမ်းသာသွားတာဗျာ-
အဲဒါနဲ့ ကျနော် တပ်ထဲကထွက် အိမ်ပြန်လာတယ်။ အိမ်မှာလည်း
အမေရိကားကိုသွားဖို့ စာရွက်စာတမ်းအပြည့်အစုံ ရောက်နေပြီလေ။ ကျနော်
ခုနစ်ရက်လောက်ကို ပွဲခံပစ်လိုက်တယ်ဗျာ။"

သူ့လောက်ကံမကောင်းခဲ့တဲ့ နိုင်ကီရမီကတော့ DV ကံစမ်းမဲ ထိုးခဲ့တာ
သုံးကြိမ်ရှိသွားပါပြီ။ သူက လက်ရှိ ကနေဒါနိုင်ငံမှာ နေထိုင်နေပြီး
ဒီနှစ်မှာလည်း DV ကံစမ်းမဲထိုးအုံးမယ်လို့ ဆိုပါတယ်။

"ကျနော် ကံကောင်းမယ်ထင်တယ်။ ပြီးခဲ့တဲ့လပိုင်းတွေကတည်းက ကံကောင်းနေတယ်လေ။
ဒီတခေါက်က ကျနော် မဲပေါက်မှာဗျ။ ကျနော်က ဘွဲ့လည်းရပြီးသား၊
အိမ်ထောင်လည်းရှိတယ်။ အလုပ်လည်းရှိတယ်။ ဒီတော့
ကံကောင်းပြီဆိုရင်လေးခုတပြိုင်တည်းလာတာမဟုတ်လား။ သုံးခုနဲ့ပဲ ရပ်နေမှာ
မဟုတ်ပါဘူး။"

DV ကံစမ်းမဲအတွက်ဆိုရင်တော့ အမေရိကန်ပြည်ထောင်စုမှာ အခြေချနေထိုင်သူဦးရေ
နည်းတဲ့ နိုင်ငံ သားတွေအတွက်က ပိုပြီးတော့ အခွင့်အရေးရှိတာပါ။
ဒါ့ကြောင့်မို့လို့ အမေရိကန်ပြည်ထောင်စုမှာ လူဦးရေများပြီးသား
ဘရာဇီးလ်လို၊ ဘင်္ဂလားဒေ့ရ်ှလို နိုင်ငံတွေက နိုင်ငံသားတွေ DV ကံစမ်းမဲ
လျှောက်ခွင့် မရှိတော့ပါဘူး။ ဒါပေမဲ့ လျှောက်လို့ ရသေးတဲ့နိုင်ငံတွေကလည်း
အများကြီး ကျန်နေသေးတယ်ဆိုတော့ အဲဒီနိုင်ငံတွေက DV ကံစမ်းမဲ
စိတ်ဝင်စားတဲ့ နိုင်ငံသားတွေအတွက် ဘဝသစ်က စိတ်ကူးယဉ်စရာ ဖြစ်နေပါသေးတယ်။

အီရန်နွယ်ဖွား ကနေဒါက မာဆာရီက -

"ကျနော် တော်တော်ကြာကြာကို တွေဝေနေခဲ့ပါတယ်။ ငါးနှစ်တောင် ကြာသွားခဲ့တာ။
ငါးနှစ်ပြည့်မှပဲ အားလုံးကိုချ၊ သေချာထိုင်စဉ်းစားပြီး နောက်ထပ် ငါးနှစ်၊
ဆယ်နှစ်မှာ ဘယ် အနေအထား ရောက်နေ ပြီလဲဆိုတာ စဉ်းစားကြည့်မိတယ်။ အဲဒီနောက်
၁၂ နှစ် ကြာတဲ့အချိန်မှာတော့ ကျနော် ဂရင်း ကဒ်ပေါက်ခဲ့တာကို
သိပ်ကျေနပ်မိရပါတယ်။ ကျနော့ဘဝ လုံးဝကို ပြောင်းလဲသွားတာပါပဲ။"

ဒီဗွီကံစမ်းအုံးမယ့် အီရန်နွယ်ဖွား ရုစ်ဘတ် မာဆာရီ ပြောသွားတာပါ။
မြန်မာနိုင်ငံကတော့ မနှစ်က ဒီ ဗွီကံစမ်းမဲပေါက်သူ ၄၀၃ ဦးရှိတယ်လို့
ဆိုပါတယ်။ မြန်မာနိုင်ငံက ကံစမ်းမဲထိုးဖို့ စိတ်ဝင်စားကြတယ် ဆိုရင်တော့
website လိပ်စာက "www.dvlottery.state.gov" မှာ လျှောက်ထားနိုင်ပါတယ်။
Website လိပ်စာ စာလုံးပေါင်းကတော့ www.dvlottery.state.gov ဖြစ်ပါတယ်။

လျှောက်လွှာ ပိတ်ရက်ကတော့ နိုဝင်ဘာလသုံးရက်၊ အမေရိကန် မြို့တော်
ဝါရှင်တန်စံတောင်ချိန် မွန်းတည့်မှာ ပိတ်မယ်ဆိုပေမဲ့လည်း
ပိတ်ရက်နီးလာတာနဲ့အမျှ လျှောက်ထားတဲ့သူတွေလည်း အလုအယက်လျှောက်ကြလို့
Online မှာ အရမ်း အချိန်ကြာတာမျိုး၊ အင်တာနက် connection သိပ်လေးပြီး
လျှောက်လွှာ မဝင်တာမျိုးတွေလည်း ဖြစ်ကြပါတယ်။ ဒါကြောင့် တတ်နိုင်သမျှ
စောစောလျှောက်ကြဖို့ လိုအပ်ပါတယ်။ လျှောက်လွှာတွေအတွက် အသေးစိတ်
အချက်အလက်တွေကိုလည်း အဲဒီ DV Website မှာပဲ ကြည့်ရှုလို့ရပါတယ်။ DV
လျှောက်ထားရာမှာ ဘယ်သူတွေ ကံထူးလဲဆိုတာကိုတော့ အဲဒီ Website မှာပဲ ၂၀၁၃
ခုနှစ်၊ မေလ ၁ ရက်နေ့မှာ ထုတ်ပြန်သွားမှာ ဖြစ်ပါတယ်ရှင်။

DV ကံစမ်းမဲလျှောက်နိုင်သည့် website link : www.dvlottery.state.gov

9/17/2012

သည်အချိန်ဟာ အကောင်းဆုံးနှင့် အဆိုးဆုံးအချိန်ပါပဲ


လူသားသမိုင်းကို ပြန်ခြုံကြည့်မယ်ဆိုရင် လူသားတစ်ဦးချင်းဆီရဲ့ ဘ၀အိပ်မက်များဖြင့် ဖန်တီး တည်ဆောက်လာခဲ့ရကြောင်း တွေ့ရပါတယ်။ ရှေးခေတ်က တိုင်းပြည်များကို အိပ်မက်များရဲ့စွမ်းအားဖြင့် တည်ထောင်ခဲ့ကြပါတယ်။ ကျွန်မ ဘာပြောချင်တာလဲဆိုတော့ ယနေ့ ကျွန်မတို့ရဲ့တိုင်းနိုင်ငံသည် ပြုပြင် ပြောင်းလဲမှုများနဲ့ စတင်နေပြီဖြစ်တဲ့အတွက် အိပ်မက်ထဲမှာပဲ စိတ်ကူးယဉ်မနေသင့်တော့ဘဲ တကယ့် လက်တွေ့ဘ၀ကို အကောင်အထည်ဖော်ဆောင်ဖို့ အိပ်မက်မှ နိုးထရမယ့် အချိန်အခါ ရောက်ရှိလာနေပါပြီ။ တိမ်ညိုတိမ်မင်းများ ဖုံးလွှမ်းပြီး နေရောင်ထွက်ပေါ်စပြုလာနေတဲ့ ကောင်းကင်ယံမှ နေမင်းကြီးကို မော့ကြည့် ကြိုဆိုလိုက်တဲ့အခါ ရင်ထဲမှာ ဖြစ်ပေါ်လာတဲ့ အားသစ်အင်သစ်နဲ့ အရာရာအတွက် ပြင်ဆင်ထားဖို့ သင့်ပါပြီ။

9/14/2012

ပညာတတ်လည်း ဒီအတိုင်းပဲ

မနေ့က စီးပွားရေးလုပ်ငန်းရှင်တစ်ဦးရဲ့ ပြောပြတဲ့ ဥပမာလေးကို
အရမ်းသဘောကျမိတယ်။ သူကတော့ ခုလက်ရှိစီးပွားရေးနယ်ပယ်မှာ
ရပ်တည်မှုတစ်ခုရရှိနေတဲ့ အောင်မြင်တဲ့လုပ်ငန်းရှင်တစ်ဦးဖြစ်နေပါပြီတဲ့။
တစ်ချိန်တုန်းက သူ ၁၀ တန်းအောင်စဉ်က အစိုးရ၀န်ထမ်းအဖြစ် ရရှိအောင်
ကြိုးစားနေတုန်းမှာ ၀န်ထမ်းဘ၀နဲ့ နေတဲ့အထက်လူတွေက တစ်ဦးပြီး တစ်ဦး
ထွက်နေကြတယ်တဲ့။ ဒါနဲ့ သူ စဉ်းစားတယ်ပေါ့လေ.. ငါက ၀င်ဖို့
ကြိုးစားနေချိန်မှာ သူတို့ ဘာကြောင့် ထွက်ဖို့ကြိုးစားနေကြတာလဲ… ဒီတော့
မဖြစ်သေးဘူး ငါ မ၀င်သေးပဲ နေကြည့်ဦးမယ်ပေါ့ အဲလိုနဲ့ နေလာခဲ့တာ ခုလက်ရှိ
လုပ်ငန်းရှင်ဖြစ်သာလာတယ်။ အစိုးရ၀န်ထမ်း မလုပ်ခဲ့ရဘူးတဲ့။ ဒါနဲ့ သူက
လူငယ်တွေ သင်တန်းတွေတက်ကြ တစ်ခုပြီးတစ်ခုသာ တက်နေတယ် အလုပ်ကို
ရရှိနိုင်ဖို့ မကြိုးစားကြတာတွေလည်း တွေ့ရှိရတယ်တဲ့။ သူ ဥပမာလေး
တစ်ခုပြောပြချင်ပါတယ်တဲ့။ ကိုလိုနီခေတ်က ဘုရားကျောင်းမှာ
ခေါင်းလောင်းထိုးတဲ့ အလုပ်လုပ်တဲ့ အဘိုးအိုတစ်ဦး ရှိပါတယ်။ သူဟာ အမြဲ
ခေါင်းလောင်းထိုးတဲ့အလုပ်ပဲ လုပ်ကိုင်လာနေရင်းနဲ့ ဘုရားကျောင်းမှာ
အသင်းတော်က စည်းကမ်းတစ်ခု ချမှတ်လိုက်ပါသတဲ့။ စည်းကမ်းကတော့
ဘုရားကျောင်းမှာ အလုပ်လုပ်သူတိုင်း ပညာသင်ကြားရမယ်ပေါ့။ ဒီတော့ လူတိုင်းက
သင်ကြားနိုင်ဖို့ ကြိုးစားကြပေမယ့် အဘိုးအိုခမျာတော့ အသက်ကြီးနေတော့
သင်လို့လည်း တတ်မှာမဟုတ်ဘူးပေါ့ သူ့ဘာသာစဉ်းစားပြီး မသင်ဘူးဆိုပြီး
နေသတဲ့။ ဒီတော့ ဘုရားကျောင်းရဲ့ စည်းမျဉ်းစည်းကမ်းအရ ဘုရားကျောင်းမှာ
အလုပ်လုပ်ခွင့်ကို အဘိုးအိုအတွက် စိတ်မကောင်းစွာနဲ့ ပိတ်ပင်လိုက်ပါရော။
ဒါနဲ့ အဘိုးအိုလည်း အလုပ်လက်မဲ့နဲ့နေရရှာတယ်။ တစ်နေ့တော့ သူဟာ
ဆေးလိပ်အရမ်းသောက်ချင်တော့ မနေနိုင်ဘဲ အရောင်းဆိုင်တစ်ဆိုင်မှာ
သူနိုင်သလောက် ပိုက်ဆံနဲ့ ဆေးလိပ်တစ်လိပ်ဝယ်သောက်မယ်ဆိုပြီး သွားဝယ်တော့
ဆိုင်မှာ သူသောက်နိုင်တဲ့ ဈေးနှုန်းနဲ့ ဆေးလိပ်မရောင်းဘူးတဲ့။ ဒီတော့
အဘိုးအိုက စဉ်းစားတယ်။ ငါ့လိုမျိုး လူတွေ ရှိဦးမှာပဲဆိုပြီး
ဈေးနှုန်းသက်သာတဲ့ဆေးလိပ်ကိုသာ ငါ ရောင်းမယ်ဆိုရင် အတွေးဝင်လာတယ်။ ဒါနဲ့
လမ်းထောင့်မှာ ဆေးလိပ်ကို တစ်လိပ်ချင်းရောင်းကြည့်တယ်။
ဝယ်သောက်တဲ့သူများတော့ သူမှာ ငွေလေးအတော်ရွှင်လာတယ်။ ဒါနဲ့ ထပ်ပြီး
နောက်လမ်းထောင့်မှာ ဆိုင်လေးတစ်ဆိုင်ထပ်ခွဲပြီး
ဆေးလိပ်တစ်လိပ်ချင်းဆီရောင်းပြန်တယ်။ ဒါနဲ့ သူမှာ ငွေတွေစုနိုင်လာတယ်။
သူများက သူ့ကိုအကြံပေးတယ် ငွေတွေကို ဒီတိုင်းမထားနဲ့ ဘဏ်မှာစုထားရင်
တိုးပွားမယ်ပေါ့။ ဒါနဲ့ ဘဏ်မှာအကောင့်ဖွင့်ပြီး ငွေစုတော့ ဘဏ်က သူ့ကို
လက်မှတ်ထိုးခိုင်းတယ်။ သူက စာမတတ်တော့
လက်မှတ်မထိုးတတ်ဘူး။ ဒါဆိုလည်း ရတယ်လေ လက်ပွေနှိပ်ပေါ့ ဆိုပြီး
လက်ပွေနှိပ်ခိုင်းရင်း ပြောတယ်တဲ့ ခင်ဗျား ဒီလောက်ပိုက်ဆံတွေ
ရှာနိုင်တာတောင် စာမတတ်ဘူးနော်။ စာများ တတ်လို့ကတော့ ခင်ဗျား
ဘာဖြစ်မယ်ထင်လဲတဲ့ ဘဏ်စာရေးက မေးတော့ အဘိုးအိုက ဒီလို
ပြန်ပြောလိုက်ပါတော့တယ်။

"အင်း စာမတတ်လို့ ဒီလို ပိုက်ဆံတွေရှာနိုင်တာပေါ့။ စာများတတ်လို့ကတော့
ခုချိန်ဆို ဘုရားကျောင်းမှာ ခေါင်းလောင်းဆွဲနေတုန်းပဲပေါ့"

လို့ ပြောတော့ ဘဏ်စာရေး သူ့နဖူး သူ ရိုက်လိုက်မိပါတယ်။ ဒီအဓိပ္ပာယ်လေးက
ခုခေတ်ကိုများ ပြောနေသလား.. လို့လည်း စဉ်းစားနေမိပါတော့တယ်။

9/13/2012

မြန်မာအမျိုးသမီးဆိုတာ အဘယ်နည်း


 အင်း... ကျွန်မ ခုပြောမယ့် အကြောင်းအရာကတော့ မြန်မာမိန်းကလေးများ မြန်မာပီသပြီး ယဉ်ကျေးမှုကို ထိန်းသိမ်း စေချင်တဲ့ စေတနာတစ်ခု  ကျွန်မရဲ့ စိတ်မှာ ကိန်းအောင်းနေမိပါတယ်။ ကျွန်မကတော့ ဗုဒ္ဓဘာသာပီပီ ကံ၊ ကံ၏ အကျိုးတရားကြောင့် မိန်းမဖြစ်လာ ရပေမဲ့ မြန်မာမိန်းမလေးဘ၀ ဖြစ်လာရတာကို ၀မ်းမနည်းပါဘူး။ ဂုဏ်တောင် ယူမိပါသေးတယ်။ ဒီလိုပဲ ကိုယ့်မြန်မာအမျိုးသမီးတွေရဲ့ဘ၀ကို အားကျပြီး စိတ်ဝင်စားတဲ့ အနောက်နိုင်ငံအများစုလည်း ရှိပါတယ်။ ကမ္ဘာမှာမြန်မာဟေ့လို့ ပြောလို့ရအောင် မြန်မာ့ ယဉ်ကျေးမှုဟာ တိုင်းတပါးတွေနဲ့ မတူအောင် သိမ်မွေ့နူးညံ့လှ ပါတယ်။ မြန်မာအမျိုးသမီးတွေနဲ့ သိမ်မွေ့လှတဲ့အပြုအမူ၊ ၀တ်စားဆင်ယင်ပုံတွေဟာ ခုမှမဟုတ်ပါဘူး။
ဟိုးရှေးခေတ်ထဲက ရှိခဲ့ပါတယ်။ ကျွန်မကို ခင်တဲ့သူတွေက မေးကြပါတယ်။ မြန်မာပြည်ကို ချစ်တယ်နော်တဲ့။ နို့ `ဘာလို့လဲ` မေးလိုက်တော့ မဟုတ်ပါဘူးတဲ့။ နိုင်ငံခြားကို အထင်မကြီးလို့တဲ့။ ကဲ စဉ်းစားသာ ကြည့်တော့။ ကိုယ်မြေ ကိုယ်ရေလောက် ဘယ်အရာမှ မကောင်းပါဘူး။ ခုနောက်ပိုင်း မိန်းကလေးပဲ ဖြစ်ဖြစ်၊ ယောက်ျားလေးပဲဖြစ်ဖြစ် နိုင်ငံခြား တိုင်းပြည်တွေမှာ အလုပ်သွားလုပ်၊ ကျောင်းသွားတတ်ကြတာတွေ ဒုနဲ့ဒေးပါပဲ။ ခဏသွားတာဆို ကောင်းပေမယ့် အပြီးဆိုရင်တော့ ဖြစ်နိုင်ပါ့မလားလို့ စဉ်းစားမိတယ်။ ကိုယ်နေတဲ့ ၀န်းကျင်မှာတောင် မိန်းကလေးအများစုဟာ သရုပ်ပျက် အနောက်တိုင်း ယဉ်ကျေးမှုတွေကို လွှမ်းမိုးခံနေကြ ရပြီလေ။ တစ်ခါတလေလည်း ယိုသူမရှက် မြင်သူရှက်ဆိုသလို တွေ့တွေ့လာတာ ရင်ထဲမကောင်းဘူး။ နိုင်ငံခြားသား/သူတွေက မြန်မာဝတ်စုံတွေကို မြတ်နိုးစွာဝတ်ဆင်ကြတဲ့အချိန်မှာ မြန်မာက လူတွေက ဗရုတ်သုခအနောက်တိုင်းဟန်တွေနဲ့ ကိုယ့်ကိုယ်ကို အထင်ကြီးနေကြတာဆိုရင် အတော်များများ တွေ့နေရ တယ်။ မြန်မာဆန်ဆန် ၀တ်တဲ့သူတွေကိုတောင် နှာခေါင်းရှုံ့ချင်ကြသေးရဲ့။ ပြန်စဉ်းစားကြည့်စမ်းပါ။ မြန်မာ တွေရဲ့ ၀တ်စားဆင်ယင်ပုံ၊ ရိုးရာဓလေ့ နောက်မြန်မာမှု မြန်မာ့ဟန်နဲ့လုပ်တဲ့ ရိုးရာပွဲတော်တွေ ဘယ်လောက် ကျက်သရေ ရှိသလဲ။ ခုဆို မြန်မာအမျိုးသမီး တော်တော်များများ ပိုက်ဆံရရင် ပြီးပြီးရော လုပ်ချင်ရာ လုပ်နေတာတွေဟာ ငါးခုံးမ တစ်ကောင်ကြောင့် တစ်လှေလုံး ပုပ်သိုးသွားသလို ခံစားမိပါတယ်။ ခုနောက်ပိုင်း တွေ့ရတာတွေက ခေတ်ရှေ့ပဲ ပြေးနေတာလား။ ခေတ်ဆန်နေတာလား။ ကိုယ်ကပဲ ခေတ်တုံးနေတာလား ဆိုတာ မသိတော့ပါဘူး။ ကျွန်မဆိုလိုချက်က အလုပ်သွားတော့မယ်ဆိုရင် ထိုင်မသိမ်းဝတ်ပြီး သွားဖို့ ပြောနေတာ မဟုတ်ပါဘူး။ အများအမြင် ညီအစ်ကို မောင်နှမတွေနဲ့ နေနေတဲ့သူတွေဖြစ်တဲ့အတွက် အနေ အထိုင်၊ အ၀တ်အစား အနည်းငယ် ပြင်ဆင်သင့်တယ်လို့ ထင်ပါတယ်။ တစ်ချို့ဆို ခုနောက်ပိုင်းတွေ့ရတာ မြို့လယ်ခေါင်တောင် ဖင်ပေါ်ခေါင်းပေါ်ဖြစ်နေကြတာတွေ အတော်များလာ မြင်တွေ့ရတဲ့အတွက် ကိုယ့်ကိုယ် ကိုယ် ဘယ်နေရာရောက်နေလဲ နိုင်ငံများမှားနေလား ထင်မိပါတယ်။ ဒါတောင် ရွှေတိဂုံ ဘုရားပေါ်တက်ရင် ဘောင်းဘီတို၊ စကပ်တို မ၀တ်ရ ကန့်သတ်ထားတောင်မှ တက်ချင်တဲ့သူတွေက မနည်းမနော ရှိသေးတယ်။ 

9/03/2012

အောင်မြင်သော စကားပြောကောင်းသူတစ်ဦးဖြစ်စေရန်


လူရယ်လို့ ဖြစ်လာတာနဲ့အမျှ လူမှုဝန်းကျင်တွင် အများနှင့် ဆက်သွယ်ကျင်လည်ရမည်မှာ အမှန်ပင် ဖြစ်ပါတယ်။ လူအများနဲ့ စကားပြောဆိုရာတွင် လူအများ နှစ်သက်သည့် စကား၊ နားဝင်ချိုသော စကား အများလက်ခံနိုင်သော စကားနှင့် လက်မခံနိုင်သော စကားများလည်း ရှိတတ်ကြပါတယ်။ ယခုတင်ပြချင် တာကတော့ လူမှုပရိသတ်အလယ်မှာ ရဲရဲဝံ့ဝံ့နဲ့ အောင်မြင်စွာ ရပ်တည်နိုင်ဖို့ မိမိပြောချင်သော စကားများကို လူများစိတ်ဝင်စားဖို့နဲ့ ဂရုတစိုက်နားထောင်စေရန် အတွက် တွေ့ကြုံရသမျှ ပြောပြရခြင်းသာ ဖြစ်ပါတယ်။ 

ကျွန်မတို့အားလုံးသည် မွေးလာကတည်းက စကားပြောကောင်းသော သူများ မဟုတ်ကြပါဘူး။ ဒီလိုဖြစ်လာအောင် လေ့လာလေ့ကျင့်ယူကြရမှာ ဖြစ်ပါတယ်။ ကျွန်မရဲ့ အတွေ့အကြုံလေးတွေ ပြောပြချင် ပါတယ်။ ကျွန်မ အရင်တုန်းက လူအများအလယ်မှာ စကားပြောဖို့ နှုတ်ဆွံ့အ ပြီး မ၀ံ့မရဲဖြစ်တဲ့သူ တစ်ယောက် ဖြစ်ခဲ့ပါတယ်။ ကွန်ပျူတာဘွဲ့လွန်ဒီပလိုမာတက်ပြီးနောက် ပရောဂျက် နှစ်ခု လုပ်ဆောင်ရပါတယ်။ တစ်ခုက ICT Development ဖွံ့ဖြိုးတိုးတက်မှုနှင့် နောက်တစ်ခုက Software Project လုပ်ရပါတယ်။ ပရောဂျက်လုပ်ဆောင်ဖို့ကို အဖွဲ့ဝင်ငါးဦးနဲ့ ဖွဲ့စည်းဖို့ ကျောင်းက သတ်မှတ်ချက်ချပေးပါတယ်။ ပရောဂျက် လုပ်ဆောင်တဲ့အခါမှာ အဖွဲ့အစည်းနဲ့နေဖို့ ကျင့်သားရလာသလို တစ်ဦးနှင့် တစ်ဦးစိတ်ဓာတ်အရကော နေထိုင်မှုပုံစံတွေပါ ညှိယူရတဲ့ အနေအထားတွေပါ ရှိလာခဲ့တယ်။ ဒီတော့ ကျွန်မ ပြောချင်တာက နောက်ဆုံး အဆင့်အနေနဲ့ Presentation လေးခါ ပြုလုပ်ခဲ့ရပါတယ်။ ပထမတစ်ခါက အစမ်းလေ့ကျင့်မှုနဲ့အတူ ဆရာတွေ အများကြီးအလယ်မှာ ကိုယ်ရေးသားထားတဲ့ Development Plan ကို ရှင်းလင်းပြောကြားရခြင်း ဖြစ်ပါတယ်။ ကျွန်မတို့တာဝန်ခွဲထားတဲ့အတိုင်း ကိုယ့်အပိုင်းနဲ့ ကိုယ် ပြောကြားပြီး အပြန်အလှန်မေးခွန်းတွေ ဖြေကြားရပါတယ်။

8/20/2012

လုပ်ငန်းခွင်အတွင်း ဘာကြောင့် ၀န်ထမ်း မမြဲကြတာလဲ

ဒီလိုပုံစံကို သဘောကျတာလား


စီးပွားရေးလုပ်ငန်း လုပ်ဆောင်ရခြင်း၏ ပဓာနကျသော ရည်ရွယ်ချက်မှာ လုပ်ငန်းရှင်များရဲ့ အခြေခံ လိုအပ်ချက်များ ပြည့်မှီရေးပင် ဖြစ်ပါတယ်။ ခုနောက်ပိုင်း ၀န်ထမ်းများသည် ကုမ္ပဏီတစ်ခုတွင် အချိန် အတော်ကြာ ၀င်ရောက် လုပ်ဆောင်ခြင်းမျိုးကို လုပ်ဆောင်ကြခြင်း မရှိပဲ တစ်နေရာမှ နောက်တစ်နေရာ သို့ ကူးပြောင်းမှုများ ဖြစ်ပေါ်နေလျှက်ရှိတာကို တွေ့ရှိရခြင်းကြောင့် ဘာတွေကြောင့်ြေ
ပာင်းလဲမှုတွေ လုပ်နေသလဲဆိုတာ ဆန်းစစ်ကြည့်မိပါတယ်။ အမှန်တော့ ၀န်ထမ်းဆိုတာကလည်း တစ်နေရာမှ တစ်နေရာသို့ ကူးပြောင်းချင်ကြမှာ မဟုတ်ပါဘူး။ အဖွဲ့အစည်းတွေ၊ ကုမ္ပဏီတွေရဲ့ ဖွဲ့စည်းပုံကြောင့်လား ဒါမှမဟုတ် လုပ်ခ လစာငွေကြောင့်လား၊ နောက်တစ်နည်း စဉ်းစားကြည့်မိပြန်တော့ အလုပ်ရှင်တွေနဲ့ သဟဇာတ မဖြစ်ကြလို့လား။ ပြောရရင်တော့ ကုမ္ပဏီအတော်များများရဲ့ ဖွဲ့စည်း အုပ်ချုပ်ပုံတွေကတော့ မြန်မာနိုင်ငံမှာ Management အတော်လိုသေးတယ် လို့ မြင်မိပါတယ်။ ပြောတော့သာ Human Resource၊ Human Resource နေရာတိုင်းမှာ ကြားနေရတယ်။ ဒီတော့ ပြန်လည် သုံးသပ်ကြည့်မိတယ်။ ဒီ Human Resource ဆိုတာကြီးက ဘာလဲပေါ့။ တကယ်လို့သာ HR အဲ အလွယ်ပဲ ခေါ်လိုက်မယ်။ အမှန်တကယ်သာ HR နဲ့သာ စနစ်တကျ စီမံ အုပ်ချုပ်မယ်ဆိုရင် ဒီဝန်ထမ်းတွေ အလုပ်က ထွက်စရာအကြောင်း မရှိဘူးလို့ မြင်မိတယ်။ ကျွန်မ သိသလောက် သုံးသပ်ကြည့်မယ်။ HRဆိုတာ Humanတွေကို Focus လုပ်တာ။ နောက် HRနဲ့လည်း မပြီးပြန်ဘူး၊ Admin ဆိုတာ ပါရဦးမယ်။ ဒီနှစ်ခုကို ခွဲခြားကြည့်တော့ Adminပိုင်းက ဥပဒေအတိုင်းတို့၊ စည်းမျဉ်း စည်းကမ်း အတိုင်း အုပ်ချုပ်ပြီး လုပ်ငန်းခွင်အတွင်း လူမှမဟုတ် အရာအားလုံးကို စီမံတာ လို့ မြင်မိပါတယ်။ နောက်တစ်ပိုင်း HRရဲ့ သဘော သဘာဝကတော့ လူတွေကို ဂရုစိုက်ပြီး အဓိကက လူတွေကို ကိုင်တွယ်တယ်။ နောက်တစ်ချက်ကတော့ လူကို လူသားကဲ့သို့ ပုံစံမြင်ပြီး ဆက်ဆံတဲ့ ပုံစံပိုင်းကို ဆိုလိုခြင်း ဖြစ်ပါတယ်။ 

8/11/2012

စီးပွားရေးသမားတစ်ဦး၏ အကျင့်စာရိတ္တ



            အကျင့်စာရိတ္တက စကားလုံးများထက် တာသွားလှပေသည်။ အပွေးမြင် အပင်သိဆိုသလို သင့်ဘ၀ အခြေအနေ ကို ကြည့်ကာ သင်မည်သူဖြစ်သည်ဆိုသည်ကို ဆုံးဖြတ်နိုင်ပါတယ်။ ထို့ကြောင့် ကျွန်မတို့ရဲ့ လုပ်ငန်းတစ်ခု စတင် တည်ထောင်တော့မယ်ဆိုရင် ကျွန်မတို့ရဲ့ အကျင့်စာရိတ္တကို ဦးစွာ အာရုံစူးစိုက်ရပါမယ်။ အကျင့်စာရိတ္တဆိုသည်မှာ ကျွန်မတို့ အမှန်တကယ် ပြုမူလုပ်ဆောင်နေသော အရာများကို ဆိုလိုပါတယ်။ လူတစ်ယောက်ရဲ့ လုပ်ဆောင်ချက်ကို ကြည့်ခြင်းအားဖြင့် သူ၏ အကျင့်စာရိတ္တကို သိနိုင်မည်။ ကျွန်မတို့ လူဘ၀ဖြစ်တည်လာမည့် နေရာ၊ မိဘ၊ ကလေးဘ၀ စသည်တို့ကို မရွေးချယ်နိုင်ပါ။ ယင်းအပြင် ကျွန်မတို့ရဲ့ ကိုယ်ရည်ကိုယ်သွေး၊ ထူးချွန်မှုနှင့် ဥာဏ်ရည်ဥာဏ်သွေးတို့ကို မရွေးချယ်နိုင်ပါ။ သို့သော် ကျွန်မတို့ရဲ့ အကျင့်စာရိတ္တကိုမူ ရွေးချယ်မှု ပြုနိုင်ပါတယ်။
            တကယ်တော့ အကျင့်စာရိတ္တကောင်းများက တာရှည်ခံတဲ့ အောင်မြင်မှုများကို ပေးစွမ်းပါလိမ့်မယ်။ သင့်အကျင့်စရိုက်များက သင့်ဘ၀ကို တည့်မတ်ပေးနိုင်သလို ဖြိုဖျက်ပစ်နိုင်ပါတယ်။ အနှေးနှင့် အမြန်ဆိုသလို သင့် အကျင့်စာရိတ္တများ ဗူးပေါ်သကဲ့သို့ ပေါ်လာပြီး သင် စိုက်သည့်အတိုင်း ရိတ်ရမှာပါ။ တကယ့်အခက်အခဲ အကြပ်အတည်း ဖိစီးမှုတွေနဲ့ ကြုံတွေ့လာခဲ့ချိန်မှာ သင့်အကျင့်စာရိတ္တအမှန်က သင့်ကို တည့်မတ်သော ဘ၀လမ်းကြောင်းပေါ်သို့ ပို့ပေးမည်ဖြစ်ပြီး တဖြည်းဖြည်းချင်း ဖြတ်သန်းကျော်လွှားသွားခွင့်ကို ပေးပါတယ်။ တစ်ခါတလေ ပြုပြင်သင့်သည်များကို ပြုပြင်ဖို့ လိုပါတယ်။ ဒီလိုအချိန်ကျရင် ကျွန်မတို့ရဲ့ အကျင့်စာရိတ္တကို ပိုမိုကောင်းမွန်လာစေရန် မည်ကဲ့သို့ ပြုကျင့်ရ မည်နည်း။ အချက် သုံးချက်ပဲ အရင်ရှာဖွေပါ။ 

7/31/2012

စိတ်အချမ်းသာဆုံးလူတွေ ဟုတ်ရဲ့လား

လူတိုင်းဟာ စိတ်ချမ်းသာမှု့ရှာနေကြတာ။ ဘယ်လိုနည်းနဲ့များ စိတ်ချမ်းသာမှု့ကို ရမယ် ထင်နေကြသလဲ။
များသောအားဖြင့် ပတ်ဝန်းကျင်အသိုင်းအဝိုင်းက ကိုယ့်ခေါင်းထဲထည့်ပေးတဲ့ အယူအဆဖြစ်တဲ့ ” သူများထက်ပိုပြီး အဆင့်အတန်းမြင့်မြင့်နေနိုင်ရင် စိတ်ချမ်းသာမယ်၊ ပိုက်ဆံများများရှိရင် စိတ်ချမ်းသာမယ်၊ ရာထူးတွေအမြင့်ကြီးရှိရင် စိတ်ချမ်းသာမယ် ” လို့ ထင်နေကြတယ်။
ဒီလိုလူတွေဟာ စိတ်အချမ်းသာဆုံးလူတွေ ဟုတ်ရဲ့လားဆိုတာ တကယ်လက်တွေ့ အကဲခတ်ကြည့်စမ်းပါ။ အချို့ကိစ္စတွေမှာ ပစ္စည်းဥစ္စာ၊ ရာထူးအဆင့်အတန်းမြင့်မားတဲ့လူတွေဟာ စိတ်အဆင်းရဲ ဆုံးလူတွေဖြစ်နေတာ တွေ့ရတယ်။

ဖူးမြော်ရအောင်နော်


ရွှေတိဂုံစေတီတော်
ကြည်ညိုစွာ ဖူးမြော်စေဖို့ တင်ပေးလိုက်ပါတယ်။

7/04/2012

ပြောင်းလဲမှုကို ဘယ်လိုရင်ဆိုင်ကြမလဲ

ဟောပြောပွဲသွားရောက်နားထောင်ပြီး ပြန်လည် ဖောက်သည်ချလိုက်ပါတယ်။
Myanmar Tourism Federation ၏ ကွပ်ကဲမှုဖြင့် Myanmar Hospitality
Professional Assocation (MHPA) တွင် ပြုလုပ်သော ပြောင်းလဲမှုကို
ရင်ဆိုင်ခြင်းဆိုတဲ့ ခေါင်းစဉ်ဖြင့် ဒေါက်တာ အောင်ထွန်းသက်က
ဟောပြောသွားခဲ့ပါတယ်။ ဟောပြောသွားတာတွေကတော့ နေ့တိုင်း
ပြောင်းနေပါတယ်တဲ့။ ပြောင်းလဲမှုက မြန်ဆန်တယ်။ ပြောင်းနေတာကို မပြောပဲ
ဘယ်လိုရင်ဆိုင်ကြမလဲဆိုတာကို အရင်သုံးသပ်ကြည့်ရအောင်။ အများအားဖြင့်
လူငယ်တွေအတွက် အဓိကပြောမှာပေါ့လေ။ ပထမဆုံး အနာဂတ်အတွက်ကို စဉ်းစား၊ နောင်
၎ နှစ်၊ ၅ နှစ်၊ ၁၀ နှစ်အတွင်း ဘာဖြစ်ချင်လဲ၊ ဘာတွေပြင်ဆင်ရမလဲဆိုတာသာ
အစီအစဉ်ချသင့်တယ်။ change ကို လိုက်နိုင်ဖို့ ကြိုးစားကြရမယ်။ အကောင်းကို
မမြင်တတ်တဲ့သူတွေ အခွင့်အရေးရှိလာရင်တောင် အခက်အခဲဖြစ်စေတယ်။
အခက်အခဲဖြစ်တာကို ကြိုဆိုဖို့ လိုတယ်။ လက်ရှိအခြေအနေဖြစ်နေတာ ကြည့်ရင်
အတော့်ကို စိတ်ဝင်စားဖို့ ကောင်းတယ်။ ဒီနေ့နဲ့ မနက်ဖြန်တောင် မတူပဲ
ပြောင်းလဲနေရမယ်။

7/03/2012

မြန်မာအမျိုးသမီးများနေ့ကို ကြိုဆိုကြရအောင်

အင်း... ကျွန်မ ခုပြောမယ့် အကြောင်းအရာကတော့ မြန်မာမိန်းကလေးများ
မြန်မာပီသပြီး ယဉ်ကျေးမှုကို ထိန်းသိမ်း စေချင်တဲ့ စေတနာတစ်ခု ကျွန်မရဲ့
စိတ်မှာ ကိန်းအောင်းနေမိပါတယ်။ ကျွန်မကတော့ ဗုဒ္ဓဘာသာပီပီ ကံ၊ ကံ၏
အကျိုးတရားကြောင့် မိန်းမဖြစ်လာရပေမဲ့ မြန်မာမိန်းမလေးဘ၀ ဖြစ်လာရတာကို
ဝမ်းမနည်းပါဘူး။ ဂုဏ်တောင် ယူမိပါသေးတယ်။ ဒီလိုပဲ
ကိုယ့်မြန်မာအမျိုးသမီးတွေရဲ့ဘ၀ကို အားကျပြီး စိတ်ဝင်စားတဲ့
အနောက်နိုင်ငံအများစုလည်း ရှိပါတယ်။ ကမ္ဘာမှာမြန်မာဟေ့လို့ ပြောလို့ရအောင်
မြန်မာ့ယဉ်ကျေးမှုဟာ တိုင်းတပါးတွေနဲ့ မတူအောင် သိမ်မွေ့နူးညံ့လှ ပါတယ်။
မြန်မာအမျိုးသမီးတွေနဲ့ သိမ်မွေ့လှတဲ့အပြုအမူ၊ ၀တ်စားဆင်ယင်ပုံတွေဟာ
ခုမှမဟုတ်ပါဘူး။

6/26/2012

"ဟယ်လို" တို့ရယ်

သြော်...
ကမ္ဘာ့ရွာတဲ့။
လူအများပြောတဲ့စကား
နားမှာ ပဲ့တင်ထပ်
အထပ်ထပ်ကြားယောင်
လိုင်းကားပေါ်တက်
ကားခအပေး
စပယ့်ယာအသံ
"ဟယ်လို"တဲ့.....။
၂ သိန်းတန်ဖုန်း
ကျယ်ပြန့်နေပြန်
လမ်းဘေးဈေးသည်
ဈေးဝယ်ကို သူ စိတ်မ၀င်စား
သူ ပြောနေတာ
"ဟယ်လို" တဲ့......။
လမ်းလျှောက်ရင်း ၀င်တိုက်
တောင်းပန်တဲ့အပြော
ကြားရလေမလား
ဂရုစိုက် နားထောင်
"ဟယ်လို" ကြားရလားတဲ့။
ရွာတော့ ရွာပဲ
တဖြည်းဖြည်းနဲ့
ယဉ်ကျေးမှုမဲ့ရွာများ
ဖြစ်သွားမှာ စိုးရိမ်မိတယ်
"ဟယ်လို" တို့ရယ်......။

6/05/2012

ယုံလိုက်ရမလား

ခေတ်တစ်ခေတ်ရဲ့ခြေလှမ်း
လှမ်းအ၀င်မှာ
ပြောင်းလဲခြင်းတွေ စနေပြီတဲ့
လူအများ ပြောတဲ့စကား
ယုံလိုက်ရမလား...
ဘတ်စ်ကားစီးရင်း စဉ်းစား
ကားလမ်းကြောကလည်း ပိတ်လိုက်တာ
ဟိုနားဒီနား စီးတာတောင်
နှစ်ညအိပ်သုံးရက် အဝေးခရီးသွားနေသလို
ရောက်တဲ့ခရီး ၀မ်းသာအားရ ဆင်းနေစဉ်
အမှောင်ကမ္ဘာထဲ စလျှောက်လှမ်းမိ
ဟိုက်...
ငါတို့ရပ်ကွက် မီးပျက်နေပါလား....
ဒါကြောင့် ပြောင်းလဲခြင်းသဘောတရားပေလား....
ဘတ်စ်ကားခရီးစဉ်ကအစ
i Pay card နဲ့ ပြောင်းလဲကျင့်သုံးလာ
i Pay Card နဲ့ စီးပြန်တော့ စက်ပျက်နေသတဲ့
စပယ့်ယာအသံ ကြားယောင်ပြန်
ဖြည်းဖြည်းလျှောက်ရင် ဝေးဝေးရောက်မယ်
စကားများများကိုလည်း
မနက်ဖြန်မှ ပြောတော့မယ်.....

5/25/2012

အလှရှာသူ

အလှတရား
ရင်မှာထား
ရေကြည်တစ်အိုး
ထမ်းပိုးလှူကာ
အလှရှာသူ....။
ကြာငုံတစ်ဖူး
ဆွတ်ခူးလှူကာ
အလှရှာသူ...။
ဆီမီးတစ်ခွက်
တင်ဆက်လှူကာ
အလှရှာသူ...။
ပုတီးတစ်ကုံး
စွဲသုံးမွေ့စွာ
အလှရှာသူ...။
ယူတတ်လျှင်ရ
လှူတတ်လျှင် လှသတဲ့...။
ဘ၀မှာ အလှရှာ
ရှာတတ်ရင် ခရီးမဝေး
ကုသိုလ်ရေးမို့
ပီတိဝေစေဖို့
တစ်နိုင်တစ်ပိုင်
အလှူပြုကြပါစို့....

5/13/2012

အမေများနေ့သတိတရ

အားလုံးရဲ့အမေ

ကမ္ဘာမြေပေါ် ခြေမချခင်ကတည်းက
ကိုးလလွယ် ဆယ်လဖွား
မငြီးမငြူ စောင့်ရှောက်ခဲ့တဲ့အမေ
သားသမီးတွေအတွက် အမေဟာ
စမ်းချောင်းကလေးတစ်ခုပေါ့။

အေးမြမေတ္တာ အကြင်နာတွေ အမြဲပေးတဲ့
အမေ့ရဲ့အရိပ် လွှမ်းမိုးနေခဲ့
လောကမှ အမေဆိုတာ
သားသမီးတွေအတွက် မရှိမဖြစ်
ရေကြည်တစ်ပေါက်ပေါ့။

ဘ၀လှိုင်းထန် ဘယ်လိုပင်ကြမ်းကြမ်း
အပြုံးမပျက် မေတ္တာဖက်လျက်
သားသမီးမျက်နှာ တစ်ချက်မညှိုးအောင်
ပြုစုစောင့်ရှောက် လမ်းတစ်လျှောက်ပေါ့။
သားသမီးဆို လိမ်မာ ဆိုးပေ မခွဲခြားပဲ
မေတ္တာမပျက် ဆက်ချစ်လျက်ပေါ့။

အမေရဲ့မေတ္တာဟာ
စမ်းချောင်းလေးဆိုတဲ့အတိုင်း
တသွင်သွင် တငြိမ်ငြိမ်အေးချမ်းတဲ့အသွင်နဲ့
အစဉ်အမြဲ စီးဆင်းနေစမြဲပေါ့။

အမေဟာ
သားသမီးတွေရဲ့အရိပ်
သားသမီးတွေရဲ့ဘ၀
သားသမီးတွေအတွက်တော့
မြင်းမိုရ်တောင်မက ကျေးဇူးကြီးလှ
မာတာမိခင် ကျေးဇူးရှင်ကို
ကျေးဇူးကျေအောင်
ဘယ်လိုဆပ်မည်နည်း....

4/18/2012

ရန်ကုန်မြို့ကို ခွဲခြမ်းစိတ်ဖြာကြည့်ခြင်း

မြို့များစွာထဲမှ ရန်ကုန်မြို့သည် ဘာကြောင့် စည်ကားဆုံးမြို့ဖြစ်နေသနည်း
အဖြေရှာကြည့်တော့ လူနေမှုထူထပ်နေခြင်းနဲ့
လူတန်းစားအလွှာအသီးသီးရှိခြင်းဆိုတဲ့အပေါ်တွင် မူတည်နေတာကို တွေ့ရပါတယ်။
ချမ်းသာသော လူတွေချည်းပဲ စုနေတာမဟုတ်သလို လက်လုပ်လက်စားတွေပဲ
ရှိနေတဲ့ဝန်းကျင်လည်းမဟုတ်ပြန်ပါဘူး။ လူတန်းစားအလွှာ
အသီးသီးရှိနေလို့ပါပဲလို့ ကောက်ချက်ချမိပါတယ်။ အရင်တုန်းကတော့
ရန်ကုန်မြို့သည် ပြည်ထောင်စုမြန်မာနိုင်ငံတော်၏ မြို့တော်ဖြစ်ပါတယ်။
မြန်မာနိုင်ငံသည် အကြီးဆုံးဆိပ်ကမ်းမြို့လည်း ဖြစ်တယ်။
လတ္တီတွဒ် မြောက် ၁၆ံ ၄၆ နှင့် လောင်ဂျီတွဒ် အရှေ့ ၉၆ံ ၁၀ ဆုံရာမှာ
တည်ရှိပါတယ်။ ရန်ကုန်မြစ်ခေါ် လှိုင်မြစ်နှင့် ပုဇွန်တောင်ချောင်း၊
ပဲခူးချောင်းတို့ဆုံရာ အရပ်မှာ ရှိပြီး။ ပင်လယ်ကူးသင်္ဘောကြီးများဟာ
ပကတိအားဖြင့် လုံခြုံသော ရန်ကုန်ဆိပ်ကမ်းကို ၀င်ထွက်သွားလာနိုင်ကြတယ်လေ၊
ရန်ကုန်မြို့ဟာ ပြည်တွင်းကျောထောက်နောက်ခံနယ်များနှင့်လည်း ကုန်းလမ်း၊
ရေလမ်း၊ လေကြောင်းလမ်းတို့နဲ့ ဆက်သွယ်ရေးလည်း ကောင်းတယ်။ နောက်ပြီး
မြို့ရဲ့မြောက်ဖက် ၁၁ မိုင်မှာ ခေတ်မီလေယာဉ်စခန်းရှိခြင်းကြောင့်လည်း
ပိုပြီး ထင်ရှားတယ်။ စီးပွားရေးလုပ်ရာမှာလည်း တော်တော်ကို အဆင်ပြေပြီး
သွားလာရေးလည်း လွယ်ကူအဆင်ပြေတယ်လေ။ ဒါကြောင့် ရန်ကုန်မြို့ကို အများက
မြန်မာနိုင်ငံရဲ့ တံခါးမကြီးသဖွယ် ဖြစ်ပြီး ကူးသန်းရောင်းဝယ်ရေးအတွက်
အချက်အခြာဌာနလည်း တစ်ခုဖြစ်တယ်လို့ ပြောကြတယ်။ ဒါကြောင့်
စီးပွားရေးလုပ်လို့ အဆင်ပြေလို့လည်း လူတန်းစားမရွေး စုဝေးရာနေရာအဖြစ်
သတ်မှတ်ကြတာပေါ့။ စီးပွားရေးလုပ်တဲ့အခါမှာ လေ့လာမိသလောက် တူရာတူရာ
လုပ်ငန်းများကို နေရာတစ်နေရာထဲမှာ ရောင်းဝယ်ကြတာကို
လေ့လာတွေ့ရှိရပြန်တယ်။ 

4/03/2012

ICT ကို အောင်မြင်စွာ အသုံးချနိုင်ရန်အတွက် အရေးကြီးသော လိုအပ်ချက်များ


(Critical Success Factors)
    စီးပွားရေးလုပ်ငန်းများတွင် ICT နည်းပညာကို အသုံးပြုသည့်အတွက် အကျိုးဖြစ်ထွန်းမှုများရှိနိုင်ရန်မှာ ICT ကို အောင်မြင်စွာ အသုံးချနိုင်မှသာ ဖြစ်ပါသည်။ ICT ကို အသုံးပြုသော်လည်း အောင်မြင်စွာ အသုံးမချနိုင်လျှင် အကျိုးဖြစ်ထွန်းမှုကို ကောင်းစွာရရှိနိုင်မည် မဟုတ်ပါ။
    စီးပွားရေးလုပ်ငန်းများတွင် ICT ကို အောင်မြင်စွာ အသုံးချနိုင်ရန်အတွက် လက်တွေ့အကောင်အထည်ဖော်ရာတွင် အခက်အခဲများ ကြုံတွေ့နိုင်သည်ဖြစ်ရာ ယင်းအခက်အခဲများကို ကျော်လွှားနိုင်စေရန်အတွက် တွေ့ကြုံနိုင်သည့် အခက်အခဲ၊ ပြဿနာများကို ကြိုတင်ဆန်းစစ် သိရှိထားနိုင်ရန် လိုအပ်ပါသည်။

၁။ တွေ့ကြုံနိုင်သည့် အခက်အခဲများ
(က) ICT လုပ်ငန်းဆောင်ရွက်မှု ပြုလုပ်မည့် အဖွဲ့အစည်း၏ အားနည်းချက်
    မိမိအဖွဲ့အစည်းအတွက် ICT လုပ်ငန်းအကောင်အထည်ဖော်ရန် တိကျရှင်းလင်းသော ရည်ရွယ်ချက် ကောင်းစွာ မသတ်မှတ်နိုင်ခြင်း၊ အကောင်အထည်ဖော်မည့် စီမံကိန်းကို သေချာစွာ မပြုလုပ်ခြင်းတို့ကြောင့် ကွန်ပျူတာစနစ်၏ ဒီဇိုင်းသည် မှန်ကန်မှု မရှိတော့ဘဲ အချိန်ကြာမြင့်ကာ စရိတ်ပိုမိုကုန်ကျတတ်ပါသည်။

(ခ) ကျွမ်းကျင်သော လူအင်အား ပြည့်စုံစွာ မရှိခြင်း
    ICT လုပ်ငန်းအကောင်အထည်ဖော်ရန်အတွက် လုံလောက်သော အရည်အချင်းမီ ကျွမ်းကျင်လူအင်အား ပြည့်စုံစွာ မရှိခြင်း ဖြစ်ပါသည်။ ထို့ကြောင့် စနစ်အကောင်အထည်ဖော်ရန်၊ စနစ်ကို ပံ့ပိုးရန် များစွာ အခက်အခဲ ဖြစ်နိုင်ပါသည်။

(ဂ) ဘတ်ဂျက်လုံလောက်စွာ မရရှိခြင်း
    ICT လုပ်ငန်း အကောင်အထည်ဖော်နိုင်ရန်အတွက် လုံလောက်သော ဘတ်ဂျက်နှင့် ငွေကြေးထောက်ပံ့မှုရှိရန် လိုအပ်ပါသည်။ သို့မဟုတ်ပါက ICT လုပ်ငန်းကို ရှိသော ဘဏ္ဍာငွေဖြင့် အလုပ်ဖြစ်ရုံမျှသာ လုပ်ကိုင်နိုင်မည် ဖြစ်ပါသည်။ ထို့ကြောင့် လုပ်ငန်းတစ်ပိုင်းတစ်စဖြင့် မပြီးစီးနိုင်သကဲ့သို့ ပြုပြင်ထိန်းသိမ်းစရိတ်လည်း ပိုမိုကုန်ကျနိုင်ပါသည်။

(ဃ) နည်းပညာပိုင်းဆိုင်ရာ ပြောင်းလဲမှု
    ICT လုပ်ငန်းများကို အကောင်အထည်ဖော်ရာ၌ အချိန်ကြာမြင့်လျှင် နည်းပညာဆိုင်ရာ ပြောင်းလဲမှုကြောင့် အသုံးပြုလျက်ရှိသော Hardware နှင့် Software များ အသုံးပြုနိုင်မှု လျော့ကျလာခြင်းကို ကြုံတွေ့ရတတ်ပါသည်။

(င) ၀န်ထမ်းများက အပြောင်းအလဲကို လက်မခံလိုခြင်း
    ICT နည်းပညာများကို အသုံးပြု၍ လုပ်ငန်းများကို အကောင်အထည်ဖော် ဆောင်ရွက်ရာ၌ ပါဝင်ဆောင်ရွက်ရသော ၀န်ထမ်းများအနေဖြင့် ချက်ချင်း ယုံကြည်လက်ခံမှု မရှိနိုင်သေးခြင်း၊ နည်းစနစ်အသစ်ကို လက်ခံအသုံးပြုရန် ၀န်လေးခြင်းတို့ ဖြစ်တတ်ပါသည်။

(စ) ကြီးကြပ်မှု အားနည်းခြင်း
    ICT လုပ်ငန်းများကို အကောင်အထည်ဖော် ဆောင်ရွက်ရာတွင် စနစ်ကို တာဝန်ခံ၍ ဆောင်ရွက်သူများက လက်တွေ့လုပ်ငန်းအကောင်အထည်ဖော်မှုအပေါ် ကြီးကြပ်မှု အားနည်းခြင်း ဖြစ်ပါသည်။

(ဆ) ယုံကြည်စိတ်ချမရမှု (Trust) မရှိသေးခြင်း
    အဖွဲ့အစည်းများ၏ ICT လုပ်ငန်းများနှင့် ဆက်စပ်ဆောင်ရွက်မည့် စီးပွားရေးလုပ်ငန်းများ၊ ပြည်သူလူထု စသည်တို့သည် ICT လုပ်ငန်းအပေါ် ယုံကြည်စိတ်ချမှု မရှိသေးခြင်းကြောင့် ICT Service ကို လက်ခံရန် ၀န်လေးကြခြင်းမျိုးကို ကနဦးပိုင်းတွင် တွေ့ရတတ်ပါသည်။
    အထက်ဖော်ပြပါ အခက်အခဲများကို ကျော်လွှားနိုင်ရန် (သို့) လျော့နည်းသွားစေရန်အတွက် ICT လုပ်ငန်းများ အကောင်အထည်ဖော် ဆောင်ရွက်မည့်ဌာနများသည် စနစ်တကျ စီမံဆောင်ရွက်သွားရန် လိုအပ်ပါသည်။

၂။ အခက်အခဲများကို ဖြေရှင်းနိုင်မည့် နည်းလမ်းများ
(က) ICT လုပ်ငန်းစီမံချက် သေချာစွာ ရေးဆွဲခြင်း
    ICT လုပ်ငန်းစီမံချက်ကို သေချာစွာ ကြိုတင်ရေးဆွဲပြီး အပိုင်းကဏ္ဍအလိုက်၊ လုပ်ငန်းရပ်များအလိုက် အကောင်အထည်ဖော်ရမည်များကို အသေးစိတ် စီမံထားရန် လိုအပ်ပါသည်။ ရည်မှန်းချက်ကို အကောင်အထည်ဖော်နိုင်ရန် လိုအပ်မည့် သွင်းအားစုများကိုလည်း ပြည့်စုံစွာ စီမံထားရှိရန် လိုအပ်ပါသည်။ ရည်မှန်းချက်ကို အကောင်အထည်ဖော်နိုင်ရန် လိုအပ်မည့် သွင်းအားစုများကိုလည်း ပြည့်စုံစွာ စီမံထားရှိရန် လိုအပ်ပါသည်။ လက်တွေ့အကောင်အထည်ဖော်ရာတွင် တာဝန်ယူမည့် Agency ကိုလည်း လုပ်ပိုင်ခွင့်များ အပြည့်အ၀ ပေးအပ်ထားရန် လိုအပ်ပါသည်။ မိမိအဖွဲ့အစည်းမှ လုပ်ကိုင်ဆောင်ရွက်နိုင်စွမ်းမရှိသော လုပ်ငန်းများကိုလည်း တတ်နိုင်သမျှ ပြင်ကအဖွဲ့အစည်းများနှင့် တွဲဖက်ဆောင်ရွက်ရန် (Outsource, not in-house) စီမံထားရမည် ဖြစ်သည်။

(ခ) လူအင်အား ပြည့်စုံစွာ ပြုစုပျိုးထောင်ခြင်း
    ICT လုပ်ငန်းများ အကောင်အထည်ဖော် အောင်မြင်နိုင်ရေးအတွက် အရေးကြီးဆုံး လိုအပ်ချက်တစ်ရပ်မှာ ကျွမ်းကျင်ပြီး အတွေ့အကြုံရှိသော လူအင်အားပြည့်စုံမှုရှိရန် ကြိုးပမ်းခြင်း ဖြစ်ပါသည်။ မိမိအဖွဲ့အစည်းအတွင်းမှသော်လည်းကောင်း၊ ပြင်ပမှသော်လည်းကောင်း တတ်နိုင်သမျှ စုစည်းဆောင်ရွက်ရန် လိုအပ်ပါသည်။ အဖွဲ့အစည်းအတွက် Change Management ပြုလုပ်ပေးရန် လိုအပ်သကဲ့သို့ ပါဝင်ဆောင်ရွက်မည့် ၀န်ထမ်းများအားလည်း ICT လုပ်ငန်း အကောင်အထည်ဖော်ရင်း Knowledge Worker များအသွင်သို့  ပြောင်းလဲသွားနိုင်မည့် အခြေအနေမျိုးဖြစ်ပါသည်။

(ဂ) လုပ်ငန်း ငွေကြေးလိုအပ်မှုကို အဖြေရှာခြင်း
    လုပ်ငန်းများတွင် ICT အကောင်အထည်ဖော်နိုင်ရန် ဘဏ္ဍာရေး အကူအညီရရှိနိုင်မည့်နည်းလမ်းမှာ ပုဂ္ဂလိက ကုမဏီများအား BOT, BOO, BTO စသော နည်းလမ်းတစ်မျိုးမျိုးဖြင့် ပါဝင်ဆောင်ရွက်စေခြင်းပင် ဖြစ်ပါသည်။

(ဃ) ယုံကြည်မှုရရှိရန် ထူထောင်ခြင်း
    ICT ကို အသုံးပြုမည့် ပြည်သူလူထုနှင့် စီးပွားရေးလုပ်ငန်းများအနေဖြင့် ယုံကြည်စိတ်ချစွာ အသုံးပြုလာစေရန် စည်းရုံးဆွဲဆောင်မှုများဖြစ်သော လွယ်ကူလျင်မြန်ခြင်း၊ လုံခြုံစိတ်ချမှုရှိခြင်း စသည်တို့အား လက်တွေ့ပြသခြင်းဖြင့် ယုံကြည်စိတ်ချမှု ပိုမိုရရှိလာနိုင်မည် ဖြစ်ပါသည်။

(င) လုပ်ငန်းများ အောင်မြင်စွာ အကောင်အထည်ဖော် ဆောင်ရွက်နိုင်ရေးအတွက် ISO Standard အသုံးပြုခြင်း
    လုပ်ငန်းများ အကောင်အထည်ဖော် ဆောင်ရွက်ရာတွင် စနစ်ကို အသုံးပြုသူများသည် စနစ်တီထွင်ထုတ်လုပ်သူများ၊ စနစ်ကြီးကြပ်ဆောင်ရွက်သူများ စသည်အားဖြင့် ကဏ္ဍမျိုးစုံမှ လူပုဂ္ဂိုလ်တို့ ပါဝင်သည်ဖြစ်ရာ ယင်းတို့အပေါ် ကြီးကြပ်မှုအားကောင်းရန် လိုအပ်ပါသည်။ ထို့ကြောင့် လုပ်ငန်းအကောင်အထည်ဖော် ဆောင်ရွက်ရာ၌ ISO Standard ကို အသုံးပြု၍ Implementation Project Management ပြုလုပ်သွားမည်ဆိုပါက စဉ်ဆက်မပြတ် ကြီးကြပ်မှုအားကောင်းနိုင်သောကြောင့် စနစ်ကို အောင်မြင်စွာ အကောင်အထည်ဖော် ဆောင်ရွက်နိုင်မည် ဖြစ်ပါတော့သည်။

တန်ခူးလချိန်ခါ


တန်ခူးလသည် မြန်မာများရဲ့ ပထမလဖြစ်ပြီး မတ်လနှင့် ဧပြီလတွင် ကျရောက်ပါတယ်။ မြန်မာလူမျိုးတို့ရဲ့ နှစ်ဟောင်းမှ နှစ်သစ်ကူးအထိမ်းအမှတ်ပွဲတော်သည် သင်္ကြန်ဖြစ်ပါတယ်။ သင်္ကြန်ပွဲတော်ကို နှစ်စဉ် တန်ခူးလတွင် ကျင်းပလေ့ရှိသည်။ နှစ်သစ်ကူးသင်္ကြန်ပွဲတော်တွင် ရေပက်ကစားသည့် ယဉ်ကျေးမှုဓလေ့သည် တကောင်းခေတ်ကပင် စတင်ကျင်းပခဲ့ပြီး ပုဂံခေတ်မှာ ပိုမိုထင်ရှားလာတယ်လို့ ဆိုစမှတ်ပြုခဲ့ပါတယ်။
ရေသည် အေးမြကြည်လင်ခြင်း၊ အညစ်အကြေးကို ဆေးကြောခြင်းနှင့် ရေကိုသား၍ အကြားမထင်ဘဲ ဆက်စပ်နေခြင်းဟူသော နိမိတ်သုံးပါးကို ဆောင်ပါတယ်။ ထိုနိမိတ်သုံးပါးအရ နှစ်ဟောင်းမှ အညစ်အကြေးများကို ဆေးကြောသန့်စင်သည့်သဘော၊ ပြည်သူအပေါင်းတို့၏ စိတ်ဓာတ်များကို နှစ်သစ်ကူးရေစင်ကဲ့သို့ အေးမြကြည်လင်စေသည့်အပြင် ပြည်သူအချင်းချင်း ရေကိုသား၍ အကြားမထင်ကဲ့သို့ စည်းစည်းလုံးလုံး ချစ်ချစ်ခင်ခင်နေထိုင် ဆက်ဆံကြရန်ဟူသော မွန်မြတ်သည့်ရည်ရွယ်ချက်များဖြင့် သင်္ကြန်ပွဲတော်ကို ကျင်းပခြင်းဖြစ်ပါတယ်။
မြန်မာတို့သည် နှစ်သစ်ကူး သင်္ကြန်ပွဲတော်ကို ဗုဒ္ဓဘာသာတရားတော်အရ မွန်မြတ်သန့်စင်သော ကုသိုလ်ကောင်းမှုများကို ယှဉ်တွဲကာ ဆင်နွှဲသည့်အစဉ်အလာကောင်းများကိုလည်း ဖန်တီးခဲ့ကြပါတယ်။ ချစ်စရာ မြန်မာနှစ်ကူး အတာသင်္ကြန်မှာ စိတ်ရင်းများနဲ့ ပြုံးပျော်ရွှင်နိုင်ကြပါစေလို့ နှစ်သစ်အတွက် ဆုမွန်ကောင်းတောင်းလိုက်ပါတယ်။

4/02/2012

သင်ရဲ့ ငွေကြေးများကို မြဲမြဲမြံမြံ ဆုပ်ကိုင်ထားနိုင်မည့် နည်းလမ်း

သင်၏ ငွေကြေးရေးရာ ကိစ္စရပ်များကို စည်းစနစ်တကျဖြစ်အောင် အရင်ဆုံး
ဖန်တီးလုပ်ဆောင်ပါ။
မည်သည့်အသုံးစရိတ်အတွက် ငွေပမာမည်မျှ သုံးစွဲနိုင်သည် ဆိုသည့်
အစီအစဉ်ရေးဆွဲထားခြင်း မရှိပါက ၀င်ငွေ၊ လစာများ နောက်တစ်ကြိမ် ၀င်မလာမီ
ကျွန်မတို့ရဲ့ အသုံးစရိတ်များအား ပိုမိုသုံးစွဲထားမိတတ်ပါတယ်။
အဲဒီအခါကျရင် ၀င်ငွေအသစ်များ ၀င်ရောက်မလာမီ ကာလတစ်လျှောက် ကျွန်မတို့ရဲ့
လက်ချည်းသက်သက် မလောက်မငှ ဘ၀နဲ့ အသက်ဆက်နေရမှာ ဖြစ်ပါတယ်။ ငွေကို
အလွန်အရေးပါသော အရာများတွင် သုံးစွဲရန်အတွက်သာ တာစူထားသင့်ပါတယ်။ ငွေကို
မည်သည့်အခါမျှ အလဟဿ ဖြုန်းတီးမပစ်သင့်ပေ။ ကျွန်မတို့ရဲ့
နေ့စဉ်ဝင်ငွေများအား စနစ်တကျ စိစစ်သုံးစွဲမှသာ ငွေကြေး
ကြပ်တည်းမှုအခြေအနေကနေ လွတ်မြောက်နိုင်မယ်လို့ ကျွန်မ မြင်မိပါတယ်။
တစ်ခါတလေ ၀င်တဲ့ငွေနဲ့ သုံးတဲ့စရိတ်က မလောက်မငဖြစ်တတ်တာကို သင်တွေ့ရမည်
ဖြစ်ပါတယ်။ ဘာကြောင့်ပါလဲ။ ကျွန်မ အမြင်အရပြောရရင် ၀င်ငွေနဲ့ ထွက်ငွေကို
စာရင်းပြုစုမှု မပြုလုပ်ပဲ ၀င်သမျှကို သုံးစွဲလိုက်ခြင်းကြောင့်သာ
ဖြစ်ပါတယ်။
ဒါကြောင့် အရင်ဆုံး ပြုလုပ်သင့်သည်ကတော့ သုံးစွဲခွင့်ရှိသည့် ပမာဏသည်
ဝင်ငွေနှင့် ညီမျှနေရပါမယ်။ ရ/သုံးငွေစာရင်း ရေးဆွဲထားရှိခြင်းဖြင့်
သင်ရဲ့ ငွေကြေးများကို စနစ်တကျ ထိန်းထိန်းသိမ်းသိမ်းနှင့်
သုံးစွဲနိုင်သည့် လက်နက်ကောင်းအဖြစ် အသုံးပြုနိုင်ပါမယ်။

ဒီတော့ နေ့စဉ်အသုံးစရိတ်များကို သေချာ မှတ်သားထားပြီး အပိုမသုံးပဲ
လိုအပ်သော အသုံးစရိတ်ကိုသာ ထုတ်သုံးကြည့်လိုက်ပါ။ မိသားစုတစ်စုစီရဲ့
အခြေအနေချင်းကတော့ တူညီမှာမဟုတ်တဲ့အတွက် ဦးစားပေးစာရင်းတွေလည်း
တူညီကြမှာ မဟုတ်ပါဘူး။

ဘာပဲဖြစ်ဖြစ် အရမ်းအရေးကြီးတာနဲ့ မလိုတာကို ခွဲခြားသိရှိမှသာ သင်
သီးသန့်စီထားရှိပြီး လုပ်ဆောင်ကြည့်စေချင်ပါတယ်။ ကျွန်မတို့ မိသားစုတွေ
ဘာကြောင့် ငွေကြေးကြပ်တည်းသနည်းလို့ အမြဲစဉ်းစားကြည့်မိသည်။ ၀င်ငွေနဲ့
ထွက်ငွေ မညီမျှခြင်းကြောင့်သာ

ဖြစ်သည်ဆိုတဲ့အချက်ကို အဖြေထွက်ရှိသည်။ တကယ်လို့ သင်ရဲ့ ၀င်ငွေ အတက်အကျ
အနည်းအများ မညီမျှရင်တော့ သင်က ငွေပမာဏ များများဝင်သောအခါတွေမှာ
ငွေများများ ပိုမို စုဆောင်းထားရှိလိုက်ပါ။ ငွေနည်းနည်းပိုရသော လတွေမှာ
အစားအသောက်တွေကို ဦးစားမပေးပါနဲ့။ ငါတော့ ငွေလေး ရှိတုန်း
ကြေးအိုးလေးသောက်လိုက်ဦးမှ၊ ဘဲကင်လေး စားလိုက်ဦးမှ အလုပ်သွားတာ
နောက်ကျနေပြီ ကားငှားသွားမှဆိုတဲ့ အသုံးတွေလည်း တတ်နိုင်သမျှ
မလုပ်မိပါစေနဲ့။ သင့်အတွက် သိပ်အရေးမကြီးသော အရာ၊
ငွေကုန်ကြေးကျများခဲ့သော အရာများအပေါ် အသုံးစရိတ်လျှော့ချပြီး
အလွန်အရေးပါသော အရာများကိုသာ ၀ယ်ယူရန် သင် သုံးသပ်ကြည့်သင့်ပါတယ်။
နောက်တစ်ခုက ကြားရက်တိုင်း သင်ရဲ့ အသုံးစရိတ်များကို ပြန်စစ်ဆေးပါ။
အမျိုးအစားတိုင်းရဲ့ အမျိုးအမည်နှင့် ကိုယ်သုံးမယ့် တစ်ခုချင်းစီအပေါ်
ကုန်ကျခဲ့မှုများကို ရေးချမှတ်သားလိုက်ပါ။
အဲ နောက်တစ်ပတ်ကုန်တိုင်း တစ်နေ့ချင်းစီ သုံးခဲ့သမျှကို
အနှစ်ချုပ်ကြည့်ပါ။ အမျိုးအစားအားလုံးအပေါ် သုံးစွဲခဲ့မှုများကိုလည်း
စာရင်းချုပ်ကြည့်ပါ။ ပြီးပြီဆိုရင်တော့ ခွဲခြမ်းစိတ်ဖြာ
လေ့လာကြည့်သင့်ပါတယ်။
အဲဒီအချိန်ကျရင်တော့ ကိုယ့်ဘာသာ မေးခွန်းလေးတွေ မေးကြည့်သင့်ပါပြီ။
၁။ ငါ့ရဲ့ အသုံးစရိတ်များက ငါ့ရဲ့ ၀င်ငွေထက် ပိုများနေသလား။
၂။ ငါ ဒီလို လုပ်ဆောင်ကြည့်တဲ့အခါ ငါ့အတွက် ဘာကောင်းကျိုးတွေ ရရှိခဲ့သလဲ။

ဒီလို သုံးသပ်ကြည့်ပြီးပြီဆိုရင်တော့ နောက်တစ်ဆင့်အနေနဲ့ သင်ရဲ့ဘ၀မှာ
ငွေကြေးအရာမှာ ငွေ များများကျန်ရှိနေစေဖို့ လုပ်ဆောင်နိုင်တဲ့
နည်းလမ်းကတော့ နှစ်သွယ်ရှိပါတယ်။ ဘာတွေလဲဆိုတော့ ပထမတစ်နည်းက
၁။ လျော့နည်းသွားသော စရိတ်စကများအတွက်
အကယ်၍ သင်ရဲ့ ၀င်ငွေ တိုးမလာပါက
- သင်ရဲ့ အသုံးစရိတ်များကို လျှော့ချကြည့်ပါ။

နောက်တစ်နည်းကတော့
၂။ ပို၍ များလာသော ၀င်ငွေ
အကယ်၍ သင်ရဲ့ အသုံးစရိတ်များကို မလျှော့ချနိုင်ပါက
- ၀င်ငွေ တိုး၍ ရှာကြည့်ဖို့သာ လိုပါတော့တယ်။

တစ်ခါတလေ အသုံးလိုသော ပစ္စည်းတွေကတော့ ကျွန်မတို့အတွက်
အမြဲတမ်းဖြစ်ပေါ်နေတယ်ဆိုတာ ကျွန်မ နားလည်ထားပါတယ်။ နေ့စဉ်စားသောက်နေသော
အစားအသောက် စားသောက်ခြင်း နောက် နေစရာနေရာအတွက်လည်း ကျွန်မတို့အတွက်
တွေးပူနေရပါသေးတယ်။ နောက် အ၀တ်အထည်ကလည်း မ၀ယ်လိုမဖြစ်တဲ့အနေအထားပေါ့လေ
နောက် အိမ်စရိတ် မီတာခ ဘာခ ညာခတွေကလည်း ရှိသေးတယ်။ ဒါတွေကတော့
လျှော့လို့ရမည် မဟုတ်ဘူးဆိုတာ ကျွန်မ ကိုယ်တွေ့ ခံစားမိပါတယ်။ ဒီတော့
ဝင်ငွေလည်း တိုးပွားချင်တယ်ဆိုရင်တော့ အစီအစဉ်လေးတွေ
ရေးဆွဲကြည့်ပေါ့နော်။ ၀င်ငွေအမြောက်အမြား လိုချင်တယ်ဆိုရင်တော့
လုပ်ငန်းများများ တိုးပြီး လုပ်ဆောင်သင့်ပါတယ်။ ဒါမှမဟုတ် လုပ်အားခ
ပိုရတဲ့ အလုပ်လုပ်ကြည့်ပါ။ နောက်တစ်ချက်ကတော့ ၀င်ငွေကို
စုပြီးပြီဆိုရင်တော့ ၀င်ငွေရစေမယ့် လုပ်ငန်းတွေမှာ ရင်းနှီးမြှုပ်နှံမှု
ပြုလုပ်ကြည့်စေချင်ပါတယ်။ အရင်တုန်းကတော့ ခေတ်ကာလအခြေအနေအရ
အိမ်ထောင်တစ်ခုမှ အိမ်ထောင်ဦးစီးတစ်ဦးရဲ့ လုပ်စာကို တစ်မိသားစုလုံး
စားနိုင်တဲ့အနေအထားပါ။

ဘယ်အချိန်ကလည်းဆိုတော့ ကျွန်မတို့ငယ်ငယ်အရွယ်လောက်ကပါ။ ခုတော့
ဒီလိုမဟုတ်တော့ပါဘူး။ တစ်မိသားစု လူကုန် အလုပ်လုပ်မှ ၀မ်းဝရုံ
စားသောက်နိုင်တဲ့အနေအထား ခေတ်အခြေအနေကို ရောက်ရှိနေတာကို သင်တို့လည်း
တွေ့ရှိမယ်လို့ ကျွန်မ ထင်ပါတယ်။ ဒါကြောင့် ကိုယ်ပိုင်ငွေကို
အစီအစဉ်ရေးဆွဲကြည့်တာက ဘာနဲ့တူသလဲဆိုတော့ ကားမောင်းတာနဲ့
အလားသဏ္ဌာန်တူပါတယ်။ တကယ်လို့သာ ကားမောင်းရှိန်ကို
အရှိန်မြှင့်လိုက်မယ်ဆိုရင် လမ်းပေါ် ရွေ့လျားသွားနိုင်ပါတယ်။
ဒီလိုမှမဟုတ်ဘူး။ ဘရိတ်ကိုပဲ ခဏခဏနင်းနေမယ်ဆိုရင်ဖြင့် သင် မည်သည့်အရပ်မှ
ရောက်တော့မှာ မဟုတ်ဘူး။ ဒီတော့ ကျွန်မ သိသလောက် ပြောရရင်တော့ သင်မှာ
ရည်မှန်းချက်များ ချမှတ်ထားရှိဖို့ လိုအပ်ပါတယ်။ နောက်
အသုံးစရိတ်တွေကိုလည်း ထိန်းချုပ်လျှော့ချကြည့်ရပါမယ်။ ဒီထက် ပိုပြီး
အရေးကြီးတာကတော့ ငွေကြေးအသုံးစရိတ်တွေကို ရေးမှတ်ထားသင့်တယ်ဆိုတာပါပဲ။
ခုချိန်ကစပြီး ကျွန်မ စမ်းသပ်ကြည့်နေတဲ့အတွက် သင်လည်း စမ်းသပ်
လုပ်ဆောင်ကြည့်မယ်လို့ ကျွန်မ မျှော်လင့်နေမိပါတော့တယ်။