မောင်လေး တစ်ယောက်ရဲ့ ပို့သတဲ့ အမေတစ်ယောက်အတွက် ရင်ဖွင့်သံလေးကို တင်ပေးပါလို့ တောင်းဆိုလာတဲ့အတွက် အားလုံး ၀ိုင်းဝန်းခံစားကြရအောင်နော်
သူငယ်ချင်းများ
အမေ တွေက ကျွန်နော် တို့ကို သူတို့ရဲ့ အသက်ကို အလေးမထားဘဲ မွေးဖွား ပေးခဲ့ပါတယ်။ အဲ့ဒါကြောင့် အမေတွေကို ချစ်ကြပါ။ အလေးအနက် ထားပေးကြပါ
အမေ တွေကို ဂရုစိုက်ကြပါ။ အမေ သေသွားမှ ၀မ်းနည်း မနေပါနဲ့။ အမေ သက်ရှိထင်ရှား ရှိနေတုန်းမှာ တက်နိုင်သလောက် ပြုစုကြပါနော်.................
အမေ..
လောကရဲ့ ဓမ္မတာအရ
သေမင်းကိုအံတုပြီး
ရဲရင့်မှုအပြည့်နဲ့
သားသမီးတို့ကိုမွေးဖွား
သွေးသားကိုနို့ချိုပြောင်း
အားသစ်တွေလောင်းပေးတဲ့ အမေ........
များတကာမတုနိုင်တဲ့
မေတ္တာနဲ့ လွှမ်းခြုံ
ရင်တွင်းမှာလုံခြုံစေပြီး
လောကရဲ့အလယ်
မျက်နှာမငယ်စေတဲ့အမေ..........
အချိန်တန်ရင်
ရင်ကိုစုံကန်ထွက်လည်း
မျက်နှာတစ်ချက်မပျက်
ရင်ထဲပွက်ဆူတာ လူမသိစေ
မချိပေမဲ့
အပြုံးမပျက်စေတဲ့ အမေ.......
ဆန်ရေကိုမမျှော်
စုန်ရေကို ပျော်နေတဲ့အမေ.....
အမေ့သွေးသားတွေနဲ့
ထုဆစ်ဝေခဲ့တဲ့သားသမီးတွေ
ပျော်နေ၊ပြုံးနေရင်
အမေ့ရင်မှာလုံးလုံးကြီးငြိမ်းနေသယောင်.......
အနန္တဆိုတာ တိုင်းတာဖို့ ခက်ပေမဲ့
အနန္တ ပေါင်းအနန္တဆိုတာ
အမေ့မေတ္တာနဲ့ နှိုင်းယှဉ်ရင်
အသေးအမွှားပါလား အမေရယ်..........
အောင်သက် (ပူရဏီ)
No comments:
Post a Comment