တန်ဖိုးမဖြတ်နိုင်တဲ့ ရေချမ်းစင်

ကျွန်မနေတဲ့ လမ်းထဲတွင် မနက် - ည လူသူရှင်းလင်းလျက် အစဉ်အမြဲရှိနေတတ်ပါတယ်။ နေ့ခင်း နေ့လည် လူရှိ မရှိတော့ ကျွန်မလည်း သေချာမသိပါ။ မိုးလင်းမိုးချုပ်သွားနေသဖြင့် လမ်းထဲဘယ်နေရာတွင် ဘာရှိသည်ဆိုတာကိုလည်း ကောင်းကောင်း သတိမထားမိတတ်ပါဘူး။ တစ်နေ့ မနက်စောစောတွင် ကျွန်မ သင်တန်းရှိသဖြင့် စောစော တစ်ယောက်ထဲ လျှောက်လာရင်း တစ်ယောက်ထဲ လျှောက်ရတဲ့ အရသာဟာ အလွန်အေးချမ်းတယ်လို့ စဉ်းစားမိတော့ လမ်းအလယ်ရောက်တော့ ရေချမ်းစင်လေးတစ်လုံးကို ကျွန်မ သတိပြုမိပါတော့တယ်။ ရေချမ်းစင်ဆောက်လုပ်ထားပုံလေးကလည်း သပ်ရပ်ပြီး အချိုးကျလှတာကို တွေ့ရှိရပါတယ်။ ရေချမ်းစင်လေးရဲ့ ကိုယ်ထည်ကို အညိုရောင်ဆေးသုတ်ထားပြီး ရေချမ်းစင်ဘေးပေါင်တွေကို အစိမ်းရောင် သုတ်ထားပါတယ်။ ရေအိုးလေးရဲ့ ဘေးပတ်လည်ကို ကြည့်မိတော့ စပါးပင်လို မြက်ရိုင်းရှည်လေးတွေ စိုက်ထားတာကို တွေ့ရခြင်းအားဖြင့် နေပူကျဲကျဲတွင် ရေငတ်လာသူများကို အလွန်တရာအေးချမ်းမှုပေးပြီး စိတ်ကို အေးမြစေမယ့် အရိပ်အရောင်လေးပဲလို့ ကျွန်မ တွေးမိရင်း လှူဒါန်းထားတဲ့ ကုသိုလ်ရှင်ကိုလည်း သာဓုခေါ်မိပါတယ်။ ဒါနဲ့ နေ့လည်ပြန်လာတော့ အလွန်ပူလောင်အိုက်စပ်တဲ့ ရာသီဥတုဖြစ်သည့်အလျောက် နေမင်းကြီးကလည်း ခေါင်းပေါ်နေရာယူလျက်ပေါ့။ ရေချမ်းစင်နားရောက်တော့ အံ့သြဖွယ်ရာ တွေ့ရပါတယ်။ ဆွမ်းဆန်စိမ်းအလှူခံတဲ့ သီလရှင်လေးများ လမ်းဘေးရေချမ်းစင်လေးပင် ဖြစ်လင့်ကစား ဖြတ်သွားရင်း သဲကန္တာရမှာ ရေတစ်ပေါက်တွေ့ရသကဲ့သို့ မျက်နှာလေးတွေ ၀င်းမှည့်စွာနဲ့ ရေအိုးစင်လေးနားတွင် တန်းစီပြီး နှစ်နှစ်ခြိုက်ခြိုက် ခပ်ယူသောက်သုံးနေကြတာကို တွေ့ရတော့ ရေချမ်းစင်လေး လှူဒါန်းတဲ့သူကိုယ်စား လှိုက်လှဲဝမ်းသာစွာ ပီတိဖြစ်မိပြီး ကျွန်မတို့လမ်းလေးကိုလည်း အေးမြတဲ့လမ်းလေးအဖြစ် မြင်ယောင်မိရင်း ကျွန်မရင်ထဲမှာ နွေနေပူမှာ အလွန်အေးမြပြီး အလွန်ပင် ကြည်နူးမိပါတော့တယ်ရှင်။

Welcome to Myanmar Yangon Barcamp!!

Pre-Barcamp Yangon is now holding at room 201 Main Building (Myanmar Info Tech).




ဒီနေ့ ကျောင်းမသွားခင် အတန်းကို ခွင့်တိုင်ပြီး Barcamp ပွဲကို ချီတက်ခဲ့ပါတယ်။ မတွေ့တာကြာပြီဖြစ်တဲ့ မောင်နှမတွေကို အရင်အတိုင်းပဲ ပြန်လည်တွေ့ရတော့ အရင် ဘလောက်ဂါဒေးသွားတုန်းက အကြောင်းလေးတွေ ပြန်လည်သတိရ လွမ်းဆွတ်မိသလို ခံစားရတယ်။
အမြဲတမ်းသာ ဒီလို နေသွားကြရင် ပိုကောင်းမယ်နော်။ ဒီနေ့ လူတော်တော်လာတာလည်း တွေ့ရတဲ့အတွက် တော်တော်ဝမ်းသာစရာကောင်းတယ်။ ပြောချင်တဲ့သူတွေကလည်း များသလို နားထောင်ချင်တဲ့သူတွေကလည်း အရမ်းများတယ်။ ဒါပေမယ့် ကျောင်းရှိလို့ ပြန်လစ်ရတော့ နားမထောင်လိုက်ရတဲ့အတွက် တော်တော်စိတ်ညစ်သွားတယ်။ ဘာဖြစ်ဖြစ် ဒီနေ့ မောင်နှမတွေ စုံစုံညီညီတွေ့ရတဲ့အတွက် အလွန်ပဲ ၀မ်းမြောက်မိပါတယ်။ အမြဲတမ်းလည်း မြန်မာပြည်မှာ Barcamp ကို နှစ်စဉ်နှစ်တိုင်း ကျင်းပနိုင်ရင် အရမ်းကောင်းမှာပဲနော်။ ခုပြန်လာတော့ သတင်းကြားရတယ် သိပ်ပြီး တစ်ဦးနဲ့ တစ်ဦး နှုတ်ဆက်ဖို့ မ၀ံ့ရဲကြဘူးတဲ့။ ကိုညီလင်းဆက်ပြောတာက နွေးထွေးစွာ နှုတ်ဆက်ကြဖို့ပြောတာ ကြားရတယ်တဲ့။ တချို့က စိမ်းနေလို့နေမှာပေါ့လို့ ပြန်ပြောလိုက်ရတယ်။ အမတို့ကျတော့ ရယ်ရယ်မောမောပဲတဲ့။ လူတော်တော်များများက မသိရင် မိတ်ဆက်ချင်ကြတာမဟုတ်ဘူးတဲ့။ ပြီးတော့ သူ သိချင်တာက ဒီဇိုင်းပိုင်းတွေကို သိချင်တာတဲ့ ပြောတဲ့သူ မရှိဘူးဆိုလားပဲ လာပြောတယ်။ မနက်ဖြန်တော့ ရှိချင်ရှိမှာပေါ့လို့ ပြောမယ့်သူမရှိရင် ၀င်ရောက်ဆွေးနွေးလို့ရပါတယ်လို့ ပြန်ပြောလိုက်တယ်။ တစ်ဦးနဲ့တစ်ဦး လက်တွဲပြီးသိတာတွေ မျှမယ်ဆိုရင် မြန်မာပြည်မှာ ပထမဆုံးလုပ်တဲ့ Barcamp ဆိုတာ ဘာလဲလို့ သဘောပေါက်သွားကြလိမ့်မယ်ထင်ပါတယ်။ စပွန်ဆာတွေလည်း နောင်လာမယ့်နှစ်တိုင်းနှစ်တိုင်း အမြဲပေါ်ပေါက်နိုင်ပါစေလို့ ပြောရင်းနဲ့ ဒီနေ့ Barcamp ကို ကြိုဆိုလိုက်မိပါတော့တယ်။

ကဲ ဘယ်သူတွေ ဘာတွေပြောကြလဲ......


နော့ဘက်ဒ် ကမ္ဘောဒီးယားမှာ လုပ်ခဲ့တဲ့ အစိုးရ၀က်ဒ် လိပ်စာနှင့် ယူနီကုဒ်အကြောင်းပြောနေစဉ်

ဒီဇင်ဘာ ၃၁ ည ရင်ခုန်သံ

ဒီဇင်ဘာ ၃၁ ည ရင်ခုန်သံ
(၂၀၁၀ ကို ကြိုဆိုလျက်)

ဘလောဂ့်လောက အစပြုခဲ့
ဘလောဂ့်မောင်နှမတွေသည်
ချစ်ခင်ကြည်ဖြူ
ညီတူလက်တွဲ
တစ်ယောက်အခက်အခဲ
တစ်ယောက်ကူညီ
နှစ်ဟောင်းမှ နှစ်သစ်သို့
တိုင်ခဲ့လေပြီ...
အဆုံးမရှိ နှဏ်များစွာတွင်း
ရင်းနှီးစိတ်ရင်း
ဒီစိတ်နဲ့ပင်
လာမည့်နှစ်များ
ဖြတ်သန်းချင်သည်
၂၀၀၉ ဒီဇင်ဘာ ၃၁
ည ၁၂ နာရီမှ တည်စေသော်....

(နှစ်ဟောင်းမှနှစ်သစ်များစွာတိုင် ယမင်းဖြစ်ချင်သည့်အကြောင်းအရာကို ထုတ်ဖော်လိုက်ပါတယ်။ ယမင်းရဲ့စိတ်ရင်းကို ဒီကဗျာနဲ့ တံတားလို ခင်းပေးလိုက်ပါပြီ။ ယမင်းရဲ့စိတ်ရင်းတံတားလေးပေါ်ကနေ ဘလောဂ့်မျှော်စင်များ ဆက်လက် တည်ဆောက်နိုင်ကြပါစေနော်။)

နားလည်မှုလွဲမှားခြင်း

 နေလုံးက
ဟန်မဆောင်တတ်တဲ့
ငါ့ရဲ့ ဆံကေသာပေါ်ဖြန့်ချလို့
ငါကတော့ ငါ့ဖ၀ါး ငါ့အရိပ်
ငါ့နယ်နမိတ်နဲ့
ငါကိုယ်တိုင် လမ်းဖွဲ့လျှောက်ပေါ့။
နားလည်မှုနဲ့ ဝေးကွာခဲ့တဲ့
ငါ့ရဲ့အဖြစ်ကို
ညီမလေးနှင်း နားလည်ပေးပါလို့
မတောင်းဆိုရဲပါဘူး။
ငါ့ကိုယ်ငါတောင် နားလည်မှုဆိုတဲ့
စကားလုံးကို ဝေခွဲမရစွာနဲ့
နားလည်နိုင်အောင် ကြိုးစားနေဆဲ
ညီမလေးနှင်းပို့လိုက်တဲ့ မေးလ်ရောက်ခဲ့
ဘယ်နေရာရောက်ရောက်
နားလည်မှုဆိုတဲ့စကားသံ
ပဲ့တင်ထပ်အောင် ကြားစမြဲ
ခုတော့ ညီမလေးနှင်း မေးတဲ့ မေးခွန်းတစ်ခု
''အမရဲ့ညီမလေးနှင်းအပေါ်ထားတဲ့ နားလည်မှုက ဘာလဲတဲ့''
ငါ့ရဲ့နားလည်မှုကို ဘယ်လိုပြောရပါ့...
အမှန်တော့
ငါဟာ နားလည်မှု မရှိတဲ့သူတစ်ယောက်ပါ....
ငါ ငါ့အတ္တကို
အမြဲရှေ့တန်းတင်ခဲ့
ငါဟာ နားလည်မှုနဲ့
မထိုက်တန်တဲ့သူတစ်ယောက်...
ငါဟာ ငါ့ကိုယ်ကျိုးပဲ ကြည့်တတ်တဲ့
အတ္တကြီးသူတစ်ယောက်ပါ ညီမလေးနှင်းရယ်...
ပစ်ထားခဲ့ပါတယ်ဆိုတဲ့
ညီမလေးနှင်းရဲ့ စွပ်စွဲချက်တွေဟာ
ငါ့အတွက် အလွန်ပဲ ပြင်းထန်လွန်းခဲ့ပါတယ်...
ဒီအသံကို နားထဲမှာ အထပ်ထပ်ကြားနေပေမဲ့
ငါဟာ တကယ်ပဲ ပစ်ခဲ့သူလား
ငါ့အကြောင်း ငါဘဲသိပါတယ်ညီမလေးရယ်...
ဘာတစ်ခုမှ မဖြေရှင်းတော့ပါဘူး
ငါ့ရဲ့သတိရခြင်းတွေ
ငါရဲ့ဝမ်းနည်းအားငယ်မှုတွေကို
ဖြစ်နိုင်ရင် မင်းကို မမြင်စေချင်ပါဘူး...
ငါ့ရဲ့ရင်မှာ တကယ်ကြေကွဲမိပါတယ်...
အတူရှိခဲ့စဉ်ကာလတုန်းကလည်း
ငါဟာ မင်းကို အားပေးခဲ့တဲ့သူ
နားလည်မှု ပေးစွမ်းနိုင်ခဲ့သူ မဖြစ်ခဲ့မိဘူးနော်
ငါဟာ မင်းရဲ့နားလည်မှုနဲ့
ခုတော့...
ညီမလေးရဲ့ဝန်းကျင်မှာ
နားလည်မှုတွေ ပေးစွမ်းနေတဲ့သူတွေ ရှိနေပြီမို့
ငါလေ...
နားလည်မှုတွေ မပေးနိုင်တဲ့
ဘ၀နဲ့ပဲ အဝေးတစ်နေရာက
ပြုံးသူမှာ မျက်ရည်စတွေနဲ့
ငေးငေးကာကြည့်ရင်း
ကျေနပ်ပီတိဖြစ်လို့နေမိပါတယ်
ညီမလေးနှင်းရယ်....

ဒါတွေဟာ အမရင်ထဲက ထွက်ပေါ်လာတဲ့ မင်းကို ပြောချင်တဲ့စကားတွေပါ။ အမရင်နဲ့မဆန့်အောင် ခံစားမိပါတယ်။ ဘာလိုလိုနဲ့ တို့ညီအစ်မတွေ ခွဲခွာခဲ့တာ နှစ်နှစ်ပြည့်ခဲ့ပြီနော်။ သတိရတယ်။ တစ်ယောက်ထဲရှိနေချိန်မှာ ပိုပြီး လွမ်းမိတယ်ညီမလေး။

ဆရာမသို့ ပေးစာ

ကျွန်မလေ မိုးရာသီကို အရမ်း နှစ်သက်တယ်။ ဘာလို့လဲဆိုတော့ ကျွန်မကို မိုးတွင်း ၀ါဆိုလမှာ မွေးခဲ့ခြင်းက စခဲ့တာပေါ့။ ဘာတဲ့ ၀ါဆို ၀ါခေါင် ရေဖောင်ဖောင်တဲ့။ မိုးတွင်းမှာ မွေးခဲ့လို့လား မသိဘူး။ မိုးရွာရင် အရမ်းပျော်တယ်။ ငယ်ငယ်လေးကတည်းက မိုးသံကြားရင် ထွက်ဆော့ဖို့ပြင်တော့ လူကြီးတွေက မျက်စိနာမယ် ထွက်မဆော့ရဘူးတဲ့။ ကျွန်မပဲ ဘယ်ရမလဲ မဆော့ပါဘူး။ လက်ဆေးမလို့ဆိုပြီး ရွာနေတဲ့မိုးကို လက်နဲ့ခံပြီး ဆော့တာပေါ့။ ပြီးတော့ လူပါ ရေတွေ စိုကုန်ရော ဒါနဲ့ မထူးတော့ဘူး ရေချိုးလိုက်မယ်နော်ဆိုပြီး ခြံထဲဆင်းဆော့ရရော။ ဘယ်လောက် အကြံပိုင်လဲ။ ဒါက လူမှန်းသိတတ်စကလေ။ အဲ နည်းနည်းကြီးလာတော့ အိမ်မှာက အစ်ကိုဝမ်းကွဲကလည်း ရှိတော့ ဆော့တဲ့အဖော်ရတယ်လေ။ ယမင်းက ငယ်ငယ်လေးကတည်းက ဘောလုံးကန်တာ ၀ါသနာပါတယ်။ အစ်ကိုဝမ်းကွဲနဲ့ဆော့တော့ ပိုဆိုးတာပေါ့။ မိုးရွာရင် အရမ်းပျော်တာ ဘာလို့လည်းဆိုတော့ ဘောလုံးကန်ရတော့မှာကိုး။ ပြီးရင် ဖေဖေက စက်ဘီးခွေဖြုတ်ထားပေးထားတော့ ခွေလှိမ့်ကစားသေးတယ်။ အဲ သီချင်းကလည်း အော်ဆိုသေးတယ်။ မိုးရွာရင်__ မိုးရေချိုးမယ်__ မေမေလာရင် နို့စို့မယ်__ ဖေဖေလာရင် အုန်းသီးခွဲစားမယ်__ ငယ်ငယ်တုန်းက ဆိုတဲ့ သီချင်းလေ။ အဲ နည်းနည်းကြီးလာတော့ ကိုင်ဇာရဲ့ သီချင်းပြောင်းသွားတာပေါ့။ မိုးတွေရွာရင်__ ငယ်ငယ်တုန်းကအကြောင်း ပြန်ပြောင်းသတိရပါတယ်__ ကျောင်းသွားအတူတူ__ ကစားလည်း အတူတူပဲကွယ်__ နှောင်းအတိတ်မှာ ပျော်စရာ အောက်မေ့ပါသေးတယ်.......
ပြီးတော့ အစ်ကိုနဲ့က အသက်ကလည်း သိပ်မကွာတော့ ဆော့လိုက် ရန်ဖြစ်လိုက် ပြန်တည့်လိုက်ပေါ့။ ပြီးရင် အနိုင်ရမှ ကျေနပ်တတ်တဲ့ ကျွန်မကိုလည်း အလိုလိုက်ရသေးတယ်။ အဲ နည်းနည်း ကြီးလာတော့ ခွေမလှိမ့်တော့ဘူး။ ဘောလုံးကန်တယ်။ ဘောလီဘော ကစားတယ်။ ပြီးတော့ မိုးရွာထဲမှာ စက်ဘီးစီးရတဲ့အရသာဟာ ဘာနဲ့မှ မလဲနိုင်ဘူး။ ပြီးရင် အစ်ကိုနဲ့ ကော်ဖီ တစ်ခွက်ကြေးဆိုပြီး စက်ဘီးပြိုင်နင်းသေးတာ။ မိုးတွေအရမ်းရွာရင်တော့ စက်ဘီး မစီးခိုင်းဘူး။ လူကြီးတွေက အိမ်နားမှာဘဲ ဆော့လို့ပြောရော။ ခဏနေရင် တက်ရမယ်တဲ့။ မိုးရေထဲ မဆော့ရမှာစိုးလို့ ဟုတ်ကဲ့ပေါ့။ ပြီးတော့ အအေးပတ်ခါမှ ပတ်ရော တော်တော်နဲ့ အိမ်ပေါ်ကို ပြန်မတက်တော့ဘူး။ အဲ တော်တော်ကြီးလာတော့ ထွက်ဆော့ဖို့ ခွင့်မပေးတော့ဘူး။ ဒီတော့ ဘာလုပ်လဲ မိုးရေထဲမှာ ထီးမပါ၊ အဆောင်းမပါဘဲနဲ့ လျှောက်သွားတာပေါ့။ မိုးတွင်းကို နှစ်သက်ပေမဲ့ မိုးခြိမ်းရင် အရမ်းကြောက်တယ်။ ငယ်တုန်း ကတော့ မေမေကို မေးကြည့်တော့ မလိမ်မာတဲ့ကလေးတွေကို ခေါ်မလို့တဲ့။ အဲဒါကို ဖေဖေကို ထပ်မေးကြည့်တာပေါ့။ ဖေဖေကပြောတော့ မိုးပေါ်မှာ သိကြားမင်းနဲ့ အသူရာ စစ်ဖြစ်နေတာ တဲ့။ ဟင် ဘယ်ဟာက အမှန်လဲပေါ့ စဉ်းစားသေးတယ်။ သြော် သူတို့ ဘာဖြစ်ဖြစ်ပေါ့။ ကိုယ်ကတော့ မိုးရေထဲ ထွက်ဆော့မြဲပဲလေ။ ဒါနဲ့ မေမေပြောတဲ့စကားကြောင့် မိုးရေထဲ မထွက်ဘဲ နေလိုက်သေးတယ်။ ဘာလဲဆိုတော့ မိုးဘာလို့ ရွာတာလဲလို့ မေးကြည့်တာကို မိုးပေါ်က နတ်သားတွေ သေးပေါက်ချတာတဲ့။ အဲဒါနဲ့ ဟာ... 'ဒါဆို ဒီရေတွေက ညစ်ပတ်တာပေါ့ ဆိုပြီး အိမ်ထဲမှာ စာအုပ်ဖတ်ရင်း အောင်းဖြစ်သေးတယ်။ အဲ နောက်တော့ မရပါဘူး။ ထွက်တာပါဘဲ။ ကျောင်းတက်တော့ လူကြီးတွေက မိုးတွင်းရောက်ရင် စိတ်ညစ်တယ်တဲ့။ ယမင်းကတော့ ပျော်တာပေါ့။ ကျောင်းသွားတုန်း မိုးက ဗြုန်းဆိုရွာပါလေရော၊ အရမ်းသည်းတော့ တစ်ကိုယ်လုံး စိုကုန်ရောလေ။ ကျောင်းရောက်တော့ လဲစရာမပါတော့ ဆရာမက ပြန်ခိုင်းရော။ ဟား ဟား ဟား ပျော်လိုက်တာ အရမ်းပဲ။ ဘယ်ရမလဲ နှစ်ခါ မပြောရဘူး ပြန်တာပေါ့။ တက္ကသိုလ်တက်တော့လည်း ဒီလိုဘဲ မိုးရေထဲလျှောက်သွားရတာကို နှစ်သက်တယ်။ ထီးပါရင်လည်း သူများပေးဆောင်းလိုက်တာပဲ။ အဲ စိုးလွင်လွင်သီချင်းကိုလည်း သတိရမိသေးတယ်။
မိုးတွေရွာတိုင်း__ လွမ်းမျက်ရည်တွေဝိုင်း__ လွမ်းစရာ အရာရာ ဖြစ်ခဲ့ပြီ__ သို့ပေမဲ့လဲလေ__ နယ်မြေခြင်း__စည်းခြားခဲ့ပြီ ဆိုတဲ့ သီချင်းလေ။ ဟုတ်တာပေါ့။ အမိတက္ကသိုလ်မြေကို ကျောခိုင်းထွက်ခွာခဲ့ရပြီလေ။ အဓိပတိလမ်းမကြီးကို ခုထိ လွမ်းဆွတ်သတိရဆဲပါပဲ။ ကျောင်းကြီးကို လွမ်းပေမဲ့ ဝေးခဲ့ရပြီလေ။
ကျွန်မလေ မိုးရာသီရောက်တိုင်း ပျော်ခဲ့ပေမဲ့ မနှစ်ကမိုးရာသီကို အရမ်းမုန်းမိတယ်။ နာလည်း နာကျင်မိတယ်။ ယမင်းတို့သူငယ်ချင်းတွေအားလုံးက မထင်မှတ်ခဲ့တဲ့ အဖြစ်အပျက် တစ်ခုကြောင့်ပေါ့။ မနှစ်ကတော့ မိုးရွာရုံတင်မကဘူး။ လယ်သမားတွေရော၊ လူတွေအားလုံးကိုရော အကြီးအကျယ်စိတ်ဆင်းရဲစေခဲ့တဲ့ မိုးရာသီ ၀င်ဖြစ်လာခဲ့တယ်လေ။ ယမင်းလေ ဒီသတင်းကို လုံးဝ မထင်မှတ်ထားဘူး။ ခုထိလည်း လုံးဝမယုံကြည်သေးဘူး။ ဒီသတင်းကို သယ်ဆောင်လာတဲ့သူကတော့ ယမင်းတို့အဖွဲ့ထဲက တစ်ယောက်ပေါ့။ သူက သူ့ရဲ့ မင်္ဂလာဆောင်ကို လိုက်ဖိတ်တယ်။ အရင်ဆုံး ကျောင်းတုန်းက နှိပ်စက်ခဲ့တဲ့ ဆရာမတွေကို သွားဖိတ်ခဲ့တယ်လေ။ အဲဒီမှာ မေဂျာက ဆရာမကို ဖိတ်ပြီး နောက်တော့ ယမင်းတို့ကို အစစအရာရာ အလိုလိုက်၊ သည်းခံခွင့်လွှတ်ပြီး အရာရာ သွန်သင်လမ်းပြပေးတဲ့ ဆရာမနောက်တစ်ယောက်ကို ဖိတ်မလို့ ဖိတ်စာမှာ နာမည်လေးရေးထားပြီး သွားပေးတဲ့အချိန်မှာ ဆရာမဟာ လူ့လောကကြီးမှာ မရှိတော့ဘူးတဲ့။ ကြားလိုက်ရတဲ့ သတင်းဟာ မယုံကြည်နိုင်လောက်ဘူး။
 'ဒီတော့ သူငယ်ချင်းက မနောက်ပါနဲ့ ဆရာမရယ်ပေါ့။ မေဂျာဆရာမက အဖြစ်အပျက်ဟာ မြန်ဆန်လွန်းပါတယ်တဲ့။ မင်းတို့တွေ မင်းတို့ချစ်တဲ့ ဆရာမအကြောင်းတောင် မသိလိုက်ရဘူးနော်တဲ့။ ရင်ထဲမှာ တော်တော်ကို စို့သွားတယ်။ ဘာဖြစ်လို့လဲ ဆရာမရယ်လို့ မေးလိုက်တော့ စိတ်ကို ခိုင်ခိုင်ထားကြပါတပည့်တို့ရယ် ဆိုပြီး ရေတွေကြီးပြီး မိုးတွေအရမ်းရွာနေတဲ့တစ်နေ့မှာတဲ့ သူ တာဝန်ကျရာ မြို့ကို ပြန်အသွားမှာ ကားမှောက်တာတဲ့။ ကားပေါ်မှာပါတဲ့သူတွေအားလုံး ပွဲချင်းပြီး ဆုံးကြတာတဲ့။ အဲဒီထဲမှာ မင်းတို့ချစ်တဲ့ ဆရာမပါသွားတယ်တဲ့။ ဆရာမရယ် ဒါဟာ မဖြစ်နိုင်ပါဘူး။ ဆရာမ နားကြားလွဲတာ ဖြစ်ပါလိမ့်မယ်လို့ ယမင်းတို့တွေ အားလုံးဟာ မိုးရေတွေနဲ့အတူ မျက်ရည် မိုးတွေ ရွာပြီး ပြောခဲ့ကြတယ်။ ဆရာမက တရားနဲ့ ဖြေကြပါ သားတို့ သမီးတို့ရယ်တဲ့။ ဖြစ်လာမှတော့ ဘယ်တတ်နိုင်မှာလဲတဲ့။ အဲဒါနဲ့ သူငယ်ချင်းက သူ့ရဲ့ဖိတ်စာလေးကို လက်နှင့် ဆုပ်ထားလိုက်တာ လက်ထဲမှာ ဆရာမရဲ့ နာမည်လေးဟာ ကြေမွလို့ပေါ့။ ကိုယ့်ပေါ်ကို ကောင်းတဲ့ဆရာမ ဆုံးရှုံးတာကို တရားနဲ့ဖြေလို့ ဘယ်ရမလဲ။ ခုတော့ ယမင်းလေ မိုးရာသီကို အရမ်းကြီး မမုန်းပေမဲ့ မိုးရာသီရောက်တိုင်း ဆရာမကို လွမ်းတဲ့စိတ်၊ သတိရတဲ့စိတ်က ဘယ်တော့မှ ပျောက်ပျက်သွားမှာ မဟုတ်တော့ပါဘူး။ ယမင်းတစ်ယောက်ထဲ မဟုတ်ပါဘူးလေ။ သူငယ်ချင်းအားလုံးရဲ့ရင်ထဲမှာ မိုးရာသီကို အမြဲသတိရတမ်းတနေမိကြမှာ အမှန်ပါဘဲ။
ဟော အပြင်မှာ မိုးတွေရွာနေတယ်။
လေဟာနယ်မှာ မိုးတွေရွာနေတယ်။
နေရာတိုင်းမှာ မိုးတွေရွာနေတယ်။
ရင်ထဲမှာလည်း မိုးတွေရွာနေတယ်။
ဒါပေမဲ့လေ... ရင်ထဲမှာ ရွာနေတဲ့မိုးက ပိုပြီး သည်းထန်နေပါတယ်။
ဆရာမတစ်ယောက် ဒီလို အဖြစ်ဆိုးမျိုးနဲ့ ဘ၀ဆက်တိုင်း မကြုံမိပါစေနဲ့လို့ ယမင်းဆုတောင်းနေမိပါတယ်။
(ပြုပြုသမျှ ကောင်းမှုတွေကို ရောက်ရာဘုံဘ၀မှ သာဓုခေါ်နိုင်ပါစေ ဆရာမရယ်)

BloggerGathering & Shirikhittara 2.0 Excursionခရီးစဉ်ကြီး

မနှစ်က မကျင်းပလိုက်ရသော ဘလောဂ်ဒေးအတွက် ဒီနှစ်တော့ ဘလောဂ်ဂါမောင်နှမတွေ တွေ့ဆုံပွဲအနေနဲ့ကော Shirikhittara 2.0 Excursion အနေနဲ့ပါ စုံညီစွာ တက်ရောက်ခဲ့ကြသော မောင်နှမများအားလုံးကို ရှေးဦးစွာ ကျေးဇူးတင်ကြောင်း ပြောပါရစေ... ၂၉ ရက် ၈ လ ၂၀၀၉ ရက်နေ့မှာ ကန်တော်ကြီး မျှော်စင်ကျွန်းမှာ ခင်မင်ရင်းနှီးစွာနဲ့ တွေ့ဆုံခဲ့ကြပြီးနောက် ၃၀ ရက် ၈ လ ၂၀၀၉ ညမှာ ပြည်မြို့ရှိ သရေခေတ္တရာ မြို့ဟောင်းသို့ လေ့လာရေးသွားကြဖို့ စုရပ်ဖြစ်တဲ့ မြေနီကုန်း ရွှေလက်ဖက်ရည်ဆိုင်ရှေ့မှာ ည ၉ နာရီခွဲအရောက် ချိန်းဆိုထားခဲ့ကြပါတယ်။ တဖြည်းဖြည်းနဲ့ မောင်နှမများ စုံညီစွာ လိုက်ပါမယ့်သူ ၄၁ ဦးလည်း myanmar blogger society (MBS) Logo နဲ့ Gathering & Shirikhittara 2.0 Excursion စာသားကပ်ထားတဲ့ ခရီးသွားယာဉ်နဲ့ ညပိုင်း ၁၀ နာရီ ၄၅ မိနစ်မှာ ရန်ကုန်မြို့ကနေ လေ့လာရေးခရီးစဉ်ကို စတင်ခဲ့ကြပါတော့တယ်။ အဲ ငှားထားတဲ့ကားနဲ့ လူဦးရေ မညီတဲ့အတွက် ကားချိန်းဖို့ ကားငှားရာ ဂိတ်ကို လှမ်းပြောကြည့်ပေမယ့် အဆင်မပြေပါဘူး။ ဒါနဲ့ မောင်နှမများ ပိုပြီး ချစ်ခင်စည်းလုံးမှု ရစေချင်လို့ပဲ ဆိုပြီး ယောက်ျားလေးအနည်းငယ်လောက်က မတ်တတ်ရပ်နဲ့ လိုက်ပါခဲ့ရပါတယ်။ ခရီးစဉ် စတင်တာနဲ့ တစ်ယောက်တစ်လက် ငဲ့ပြီး စီးလာခဲ့ကြတာ ပျော်စရာ အလွန်ကောင်းပါတယ်။ လမ်းတစ်လျှောက်လည်း မအိပ်ရပါဘူး။ အိပ်တာနဲ့ နားငြီးအောင် နိုးတော့တာပါပဲ။ တစ်လမ်းလုံးလည်း သီချင်းတွေ ဆိုကြ နောက်ကြ ပြောင်ကြနဲ့ ခရီးဆက်လာခဲ့ကြတာ လမ်းခုလတ် လက်ပံတန်းမြို့ကိုရောက်တဲ့အခါမှာတော့ အချိန်အားဖြင့် ၃၀ ရက်နေ့ မနက် ၂ နာရီဝန်းကျင်ရှိနေပြီ ဖြစ်ပြီး ခရီးတစ်ထောက် ခဏရပ်နားခဲ့ကြပြန်ပါတယ်။ ကျန်းမာရေးကိစ္စ ဆောင်ရွက်ခြင်း၊ စားချင်တာ မှာစားတဲ့သူနဲ့ တစ်မှေးမှကို မအိပ်စက်ခဲ့ရပါဘူး။ နာရီဝက်ခန့်အကြာမှာ လက်ပံတန်းမြို့ကနေ ခရီးဆက်ခဲ့ကြပြန်ပါတယ်။
လမ်းမှာလည်း အိပ်မယ် ကြံလိုက်၊ ဟိုလူက နိုးလိုက် အော်လိုက် သားဖြိုးတို့၊ အရုပ်ကလေးတို့က ပိုဆိုးသေး၊ မျက်လုံး မပိတ်လိုက်နဲ့ ထအော်ပြီ။ ဒါနဲ့ ကြောင်တောင်တောင် မျက်လုံးနဲ့ မနက် ငါးနာရီခွဲကျော်ကျော်ခန့်မှာတော့ ပြည်မြို့ကို ရောက်ရှိပြီ ဖြစ်ပါကြောင်း ထအော်ကြပါရော၊ Shirikhittara 2.0 Excursion လေ့လာရေးကားကြီးကတော့ ပြည်မြို့ လေးဆူဓာတ်ပျော် ရွှေဆံတော်စေတီတော်ကြီးရှေ့တွင် ငြိမ့်ခနဲ့ ထိုးရပ်သွားပါတော့တယ်။

ထို့နောက် ခြေလက်မျက်နှာသန့်စင်မှု ပြုကြပြီး၊ ရွှေဆံတော်စေတီတော်ပေါ် အတက်မှာ ပန်းများ အလုအယက်လာရောင်းတာကို ကိုယ်စီ ၀ယ်လှူကြနဲ့ မောင်နှမအားလုံး ပြုံးပျော်နေတာကို အာရုံမနက်ခင်းလေးမှာ တွေ့လိုက်ရတာဟာ တော်တော်ကြည်နူးဖို့ ကောင်းလှပါတယ်။ ကိုယ်စီ အပြုံးတွေနဲ့ ဘုရားခြေတော်ရင်းမှာ ပန်းလေးတွေကိုင်ပြီး တက်လာကြတာဟာ မြင်သူတစ်ကာတို့ရဲ့ ရင်ထဲမှာ ကြည်နူးအေးချမ်းမှုကို ဖြစ်မယ်လို့လည်း မြင်မိပါတယ်။ ရွှေဆံတော်စေတီတော်ရင်ပြင်ပေါ်ရောက်တော့ စေတီတော်ကို ဖူးမျှော်ခြင်း၊ ဓာတ်ပုံများ ရိုက်သူရိုက်နဲ့ အလွန်တရာမှ အေးချမ်းမိပါတယ်။ ဘုရားပေါ်ရောက်တော့ ရွှေဆံတော်ဘုရားမှာ ကြိုဆိုမယ့် ဂေါပကရုံးကို သွားကြတော့ နံနက် ၇ နာရီမှ နံနက်စာ စားရမည်ဖြစ်ကြောင်း၊ ဂေါပက လူကြီးလည်း မရောက်သေးတဲ့အကြောင်း ယောဂီအဖွဲ့တွေလည်း နံနက်စာကျွေးမည်ဖြစ်လို့ ခဏစောင့်ငံ့ပေးကြပါလို့ ပြောတာနဲ့ ဘုရားရှိခိုး ပုတီးစိတ် ဘုရားအာရုံပြုပြီး ဘုရားရင်ပြင်တော်ပေါ်မှာရှိသမျှ နေရာတွေ လှည့်လည်လျှောက်ကြည့်မိတယ်။ အရင်တုန်းက ခဏ ခဏ ရောက်ခဲ့ဖူးပေမယ့် ခုတစ်ချိန်နဲ့ မတူတဲ့ ခြားနားမှုများစွာနဲ့ ပျော်ရွှင်မိတာကို ခံစားရပါတယ်။
ထို့နောက် လေ့လာရေးခရီးစဉ်သို့ လိုက်ပါလာသူ MBS အဖွဲ့သားများကို ပြည်ရွှေဆံတော်ဘုရားကြီးရဲ့ ဂေါပကအဖွဲ့ ဥက္ကဋ္ဌ ဖြစ်တဲ့ ပြည် တက္ကသိုလ်က ပါမောက္ခချုပ် မြ၀င်း(ဒဿန)က နံနက်စာကို မသုံးဆောင်ခင်မှာ ပြည်ရွှေဆံတော်ဘုရားရဲ့သမိုင်းကြောင်း ပန်းဖလက်လေးတွေ လိုက်ကမ်းပြီး ရှင်းပြပါတယ်။

ပြည့်မြို့ရဲ့ လေးဆူဓာတ်ပျော် ရွှေဆံတော်စေတီတော်မြတ်ကြီး သမိုင်းအကျဉ်း
နမောတဿ ဘဂ၀တော အရဟတော သမ္မာသမ္ဗုဒ္ဓဿ
၁။ လေးဆူဓါတ်ပျော်ရွှေဆံတော်စေတီတော်မြတ်ကြီးသည် မြတ်စွာဘုရားသက်တော်ထင်ရှားရှိစဉ်ကပင် တည်ထားကိုးကွယ်ခဲ့သော စေတီတော်မြတ်ကြီးဖြစ်ပါသည်။ `လေးဆူဓါတ်ပျော်´ ဟု ခေါ်ဆိုရခြင်းမှာ
(၁) ကကုသန်မြတ်စွာဘုရား၏ ဒုကုဋ်သင်္ကန်းတော်၊ (၂) ကောဏဂုံမြတ်စွာဘုရား၏ အံ့သကိုဋ်တော်၊
(၃) ကဿပမြတ်စွာဘုရား၏ ခါးပန်းတော်နှင့် (၄) ဂေါတမမြတ်စွာဘုရား၏ ဆံတော်မြတ်လေးဆူ၊ မွေရှင်တော်မြတ်ရှစ်ဆူ၊ နိသီဒိုင်တော်တို့ကို ဌာပနာ၍ တည်ထားသောကြောင့် ခေါ်ဆိုရခြင်းဖြစ်ပါသည်။
လေးဆူဓါတ်ပျော်ရွှေဆံတော်စေတီတော်မြတ်ကြီး တည်ထားသောတောင်တော်ကို `သုဒဿန´ တောင်တော်ဟု ခေါ်ပါသည်။ မြတ်စွာဘုရားနုစဉ်အခါ ဟင်္သာမင်း၊ ကြက်မင်း၊ ဖွတ်မင်း၊ ယုန်မင်း၊ ဖြစ်စဉ်က နေထိုင်ခဲ့သော တောင်တော်ဖြစ်ပါသည်။

၂။ လေးဆူဓါတ်ပျော်ရွှေဆံတော်စေတီတော်မြတ်ကြီး၏ ဒါယကာများမှာ အဇ္ဇိကနှင့် ဘလ္လိကကုန်သည်ညီနောင်၊ ဧရာပထနဂါးမင်း၊ သိကြားမင်း၊ ဗြဟ္မာမင်းတို့ဖြစ်ကြသည်။ မဟာသက္ကရာဇ် ၁၀၃-ခုနှစ်၊ တပေါင်းလဆန်း ၁၃ရက်နေ့တွင် စတင်တည်ထားရာ၊ ထိုနှစ် တပေါင်းလပြည့်နေ့တွင် ပြီးစီးသည်။ တည်ဦးစကဉာဏ်တော် ၇တောင်၊ အလျားအနံ၁၄တောင်ရှိ၍ စပါးစုသဏ္ဍာန်မြေစိုက်စေတီတော် ဖြစ်ပါသည်။

၃။ သာသနာနှစ် ၁၂၆-ခုနှစ် သရေခေတ္တရာပြည်ကို တည်ထောင်စိုးစံသော ဒွတ္တပေါင်မင်းကြီးသည် ဘ၀ဟောင်းက အဇ္ဇိကနှင့် ဘလ္လိကကုန်သည်ညီနောင်ဖြစ်ခဲ့ကြသော သားတော်ရဟန္တာ ၂-ပါးက ရှာဖွေပေးသဖြင့် စေတီတော်ကို ဖူးမြင်ရသောအခါ လွန်စွာကြည်ညိုခြင်းဖြစ်ပြီး စေတီတော်ကို ယခုဖူးတွေ့ရသည့် ပုံသဏ္ဍာန်အတိုင်း ပြုပြင်တည်ထားခဲ့ပါသည်။

၎။ မြန်မာမင်းအဆက်ဆက်တို့သည် စေတီတော်ကြီးကို ကိုးကွယ်ကြပြီး ပြုပြင်ရန် လိုအပ်သည်တို့ကို ပြုပြင်ခဲ့ကြပါသည်။
သက္ကရာဇ် ၄၄၅-ခုနှစ်၊ (အေဒီ ၁၀၈၃ခုနှစ်)တွင် ပုဂံပြည့်ရှင် ကျန်စစ်သားမင်းကြီးသည် ဤစေတီတော်ကြီးကို ဖူးမျှော်ပြီး မိမိ၏ ဘ၀ဖြစ်စဉ်နှင့် စေတီတော်ကြီးသမိုင်းအကျဉ်းကို မွန်ဘာသာဖြင့် ကျောက်စာရေးထိုး၍ စေတီတော်မြတ်ကြီး၏ အလယ်ပစ္စယံ တနင်္ဂနွေထောင့်တွင် စိုက်ထူခဲ့ပါသည်။ ထိုကျောက်စာကို ယဉ်ကျေးမှုဝန်ကြီးဌာနက ကျောက်စာတိုက်ဆောက်လုပ်၍ ထိန်းသိမ်းထားပါသည်။

၅။ အင်းဝခေတ်တွင် မြန်မာသမိုင်း၌ အရေးပါသောဖြစ်ရပ်တစ်ခုသည် လေးဆူဓါတ်ပျော်ရွှေဆံတော်စေတီတော် ရင်ပြင်တော်ပေါ်၌ ဖြစ်ပေါ်ခဲ့ပါသည်။ ထိုဖြစ်ရပ်မှာ အခြားမဟုတ်။ အင်းဝဘုရင်မင်းခေါင်နှင့် မွန်ဘုရင်ရာဇာဓိရာဇ်တို့ သည် သက္ကရာဇ် ၇၆၇-ခုနှစ် တွင် စေတီတော် မြတ်ကြီး ရင်ပြင်တော်ပေါ်ဝယ် သစ္စာပြု၍ ငြိမ်းချမ်းရေးရယူခဲ့ကြခြင်းဖြစ်သည်။

၆။ သက္ကရာဇ် ၁၁၁၆-ခုနှစ် ၊ တပို့တွဲလပြည့်ကျော် ၁၂ရက်နေ့တွင် အလောင်းမင်းတရားကြီးသည် ပြည်မြို့ကို မွန်တို့ လက်ဝယ်မှ အောင်မြင်စွာ သိမ်းပိုက်ခဲ့ပါသည်။
အလောင်းမင်းတရားကြီးသည် ထိုနေ့ညနေ၌ပင် စေတီတော်မြတ်ရင်ပြင်တော်ပေါ်သို့တက်ရောက်ပြီး စေတီတော်ကြီးကို ဖူးမျှော်ရာတွင် လေးဆူဓါတ်ပျော်ရွှေဆံတော် စေတီတော်မြတ်ကြီး၌ မိမိကုသိုလ်တော် ရွှေထီးတော် တင်လှူလိုသော ဆန္ဒဖြစ်ပေါ်လာခဲ့ရာ သက္ကရာဇ် ၁၁၁၆-ခုနှစ်၊ တပေါင်းလပြည့်နေ့တွင် ယခင်မွန်ဘုရင်တို့ တင်လှူခဲ့သော ထီးတော်ကို မဖယ်ရှားပဲ မြန်မာထီးတော်ကို ဆင့်၍ တင်လှူခဲ့ပါသည်။ ထို့ကြောင့် လေးဆူဓါတ်ပျော်ရွှေဆံတော်စေတီတော်မြတ်ကြီးတွင် ထီးတော် ၂ဆင့် ရှိနေခြင်းဖြစ်သည်။ ဤသို့ ထီးတော်နှစ်ဆင့်ရှိနေခြင်းသည် လေးဆူဓါတ်ပျော်ရွှေဆံတော်စေတီတော်မြတ်ကြီး၏ ထူးခြားချက်ပင်ဖြစ်ပါသည်။ ထိုထီးတော်၂ဆင့်ကို ပုံစံပြုလုပ်၍တင်လှူပူဇော်သော အစဉ်အလာ ဖြစ်ပေါ်ခဲ့ပါသည်။

၇။ သက္ကရာဇ် ၁၂၂၀-ခုနှစ်၊ (ခရစ်နှစ် ၁၈၅၈ခုနှစ်)၊ ၀ါခေါင်လပြည့် ညနေ၃-နာရီတွင် ပြည့်မြို့၌ ပြင်းထန်သော မြေငလျင်လှုပ်မှုဖြစ်ခဲ့ရာ လေးဆူဓါတ်ပျော်ရွှေဆံတော် စေတီတော်မြတ်ကြီးသည် ခေါင်းလောင်းမှောက်သည့်အထိ ပြိုကျပျက်စီးခဲ့ပါသည်။ ပြည်မြို့ကုန်သည်ကြီး ဦးသာရွှဲ ဦးဆောင်သောအဖွဲ့သည် ရတနာပုံနေပြည်တော် မင်းတုန်းမင်းတရားကြီးထံသို့ သွားရောက်၍ အကျိုးအကြောင်းတင်ပြလျှောက်ထားရာ မင်းတုန်းမင်းတရားကြီးက ပြင်ဆင်ခွင့် စာချွန်တော်နှင့် အလှူတော်ငွေကျပ် (၂၀၀၀၀)နှစ်သောင်း ထည့်ဝင်လှူဒါန်းခဲ့သဖြင့် ရဟန်းရှင်လူ ပြည်သူအများ၏ ထည့်ဝင်ငွေများနှင့် စုပေါင်းကာ လေးဆူဓါတ်ပျော်ရွှေဆံတော် စေတီတော်မြတ်ကြီးကို ပြန်လည်ပြုပြင်ခဲ့သည်။

၈။ ခေတ်အဆက်ဆက်တွင် ရဟန်းရှင်လူပြည်သူတို့သည် လေးဆူဓါတ်ပျော်ရွှေဆံတော် စေတီတော်မြတ်ကြီးအရှည်တည်တံ့အောင် ပြုပြင်ရန် လိုအပ်သည့်အခါတိုင်း သဒ္ဓါထက်သန်စွာ ပြုပြင်မွမ်းမံခဲ့ကြသည်။
မြန်မာသက္ကရာဇ် ၁၃၆၃-ခုနှစ်၊ တန်ခူးလဆန်း၁ရက်၊ (၁၃.၄.၂၀၀၂) ၊ စနေနေ့ညနေ(၄း၁၅)တွင် စနေထောင့်မှ ရုတ်တရက် လေပြင်းတိုက်ခတ်ရာ လေးဆူဓါတ်ပျော်ရွှေဆံတော် စေတီတော်မြတ်ကြီး၏ ထီးတော် ယိုယွင်းပျက်စီးသွားခဲ့ပါသည်။
ရဟန်းရှင်လူပြည်သူအများတို့သည် ၁၃၆၄-ခုနှစ်၊ သီတင်းကျွတ်လပြည့်နေ့(၂၁.၁၀.၂၀၀၂)၊ တနင်္လာနေ့တွင် ရွှေစင်ရွှေသားအတိပြီးသော ရွှေထီးတော်၊ ငှက်မြတ်နားတော်၊ စိန်ဖူးတော်တို့ကို အသစ်တစ်ဖန် ပြန်လည် တင်လှူပူဇော်ခဲ့ကြပါသည်။

၉။ လေးဆူဓါတ်ပျော်ရွှေဆံတော် စေတီတော်မြတ်ကြီးအား (၅)နှစ်တစ်ကြိမ် ရွှေသင်္ကန်းကပ်လှူဆက်ကပ်မြဲဖြစ်ရာ ရဟန်းရှင်လူ ပြည်သူအများတို့သည် ၁၃၆၇-ခုနှစ် ၊ ပြာသိုလပြည့်ကျော် ၂ရက် (၁၅.၁.၂၀၀၆)၊ တနင်္ဂနွေနေ့မှစ၍ ရွှေသင်္ကန်းကပ်လှူရာ ၁၃၆၈ခုနှစ်၊ တန်ခူးလပြည့်ကျော် ၁၄-ရက် (၂၆.၄.၂၀၀၆)ဗုဒ္ဓဟူးနေ့တွင် ပြီးစီးအောင်မြင်ပါသည်။ ထူးခြားသည်မှာ ယခုတစ်ကြိမ် ရွှေသင်္ကန်းကပ်လှူသည်မှာ လုံးတော်ပြည့် ရွှေသင်္ကန်းကပ်လှူခြင်းဖြစ်ပါသည်။
ယခုအခါ လေးဆူဓါတ်ပျော်ရွှေဆံတော် စေတီတော်မြတ်ကြီးသည် သုဒဿနတောင်တော်ထက်တွင် ရွှေတောင်ကြီးပမာ သပ္ပာယ်တည်ရှိ၍ ဗြဟ္မာနတ်လူ သုံးဘုံသူတို့၏ ပူဇော်အထူးကို ခံယူလျက်ရှိပါသည်။

ရှင်းပြတာကို နားထောင်ရင်းနဲ့ မနက်စာ ဧည့်ခံတဲ့ စမူဆာနဲ့ လက်ဖက်ရည်ကို သုံးဆောင်ပြီး ဘုရားကြီးရဲ့ အထင်ကရရှိတဲ့ ဆုတောင်းပြည့်ဘုရားများကို ထပ်မံ လှည့်လည်ဖူးမြှော်ပြန်ပါတယ်။ အဲဒီကနေမှ ပြည်တစ်ဖက်ကမ်းမှာရှိတဲ့ ရွှေဘုံသာမုနိစေတီတော်ကို ဖူးမြှော်ဖို့အတွက် န၀ဒေးတံတားကြီးကို ဖြတ်သန်းခဲ့ပါတော့တယ်။ နံနက် ၈ နာရီခွဲဝန်းကျင်လောက်မှာ ရွှေဘုံသာမုနိဘုရားကြီးကို ဖူးမြှော်ခဲ့ကြပါတယ်။

ဧရာဝတီမြစ်ကမ်းနဖူးမှ ရှေးဟောင်းသမိုင်းဝင် ရွှေဘုံသာမုနိစေတီတော်

ပြည်မြို့ဘက်ကမ်း န၀ဒေးတံတားထိပ်မှ လှမ်းမျှော်ကြည့်လိုက်လျှင် ဆင်တဲဘက်ကမ်း၊ ဧရာဝတီမြစ်ကမ်းနဖူး၌ ရွှေရောင်တ၀င်းဝင်းတောက်ပလျှက်ရှိသော စေတီတော်တစ်ဆူကို ဖူးမြင်ရပါသည်။ ဉာဏ်တော်အမြင့် ၁၅၆ပေရှိ ရွှေဘုံသာမုနိရှေးဟောင်းသမိုင်းဝင် စေတီတော်မြတ်ကြီးဖြစ်ပါ၏။
    သက္ကရာဇ်(၁၂၃)ခုနှစ်၊ ကဆုန်လပြည့်နေ့တွင် ဗုဒ္ဓဘုရားရှင်သည် ရခိုင်ဘုရင် စန္ဒသူရီယမင်း၏ အဓိဌာန်ပြုပင့်ဆောင်ချက်အရ နောက်ပါ ရဟန္တာ(၅၀၀)ခြံရံကာ ဓည၀တီရခိုင်ပြည်သို့ ကြွချီတော်မူပြီး ကျော်တော်မြို့အရှေ့ဘက်ကမ်းရှိ သေလာဂီရိတောင်ထိပ်၌သီတင်းသုံးစံပယ်တော်မူခဲ့သည်။ စန္ဒသူရိယမင်းနှင့်တကွ မှူးကြီးမတ်ရာ သေနာပတိများ၊ ပြည်သူပြည်သားများတို့သည် မြတ်စွာဘုရားနှင့် ရဟန္တာ(၅၀၀)တို့အား ဆွမ်း၊ ရေချမ်း၊ ဆီမီး၊ အမွေးနံ့သာတိုင်တို့ဖြင့် (၃)လတိုင်တိုင် မပြတ်မလပ် ပူဇော်အလုပ်အကျွေးပြုကြပြီး မြတ်ဗုဒ္ဓ၏ တရားတော်ကို နာယူကြသည်။


မုနိ (၄)ဆူ သွန်းလုပ်ခြင်း
    (၃)လ ပြည့်မြောက်၍ ဓည၀တီရခိုင်ပြည်မှ ဘုရားရှင်ပြန်လည်ကြွချီတော်မူမည်ပြုသောအခါ စန္ဒသူရိယမင်း၏ လျှောက်ထားတောင်းပန်ချက်အရ ဘုရားရှင်၏ကိုယ်စားကိုးကွယ်ဆည်းကပ်နိုင်ရန်အတွက် ကိုယ်ပွားရုပ်ရှင်တော်မြတ်တစ်ဆူ သွန်းလုပ်ရန် ဘုရားရှင်က ခွင့်ပြုတော်မူခဲ့သည်။ ထို့ကြောင့် စန္ဒသူရိယမင်းသည် လူ၊ နတ်၊ ဗြဟ္မာတို့ ထံမှ စုဆောင်းရရှိသော ရတနာ (၆၅)တင်းကို ကျိုချက်၍ ဘုရားရှင်၏ ရင်ငွေ့တော်ကို လှုံပြီးဉာဏ်တော်အမြင့် (၉)ပေ(၆)လက်မရှိသော မဟာမုနိရုပ်ရှင်တော်မြတ်ကို သွန်းလုပ်ရာမှ ပိုလျှံသောရတနာများဖြင့် ဉာဏ်တော်အမြင့် (၆)ပေ(၈)လက်မရှိသော ရှင်ကျော်မုနိ၊ ဉာဏ်တော်အမြင့် (၅)ပေ (၄)လက်မ ရှိသော ရွှေဘုံသာမုနိ၊ ဉာဏ်တော်အမြင့် (၃)ပေ(၉)လက်မရှိသော မာန်အောင်မြင်မုနိစသည့် ညီတော်ကိုယ်ပွားရုပ်ပွားတော်မြတ်(၃)ဆူအား ထပ်မံသွန်းလုပ်ခဲ့သည်။

မဟာမြတ်မုနိ ရုပ်ရှင်တော်မြတ်နှင့် ညီတော်ကိုယ်ပွားရုပ်ပွားတော်မြတ် (၂)ဆူအား ပင့်ဆောင်ခြင်း
    ကောဇာသက္ကရာဇ်(၁၁၄၆)ခုနှစ်၊ တန်ဆောင်မုန်းလတွင် အမရပူရနေပြည်တော်မှ အိမ်ရှေ့ဥပရာဇာ သီဟသူရသည် ဓည၀တီသို့ လာရောက်ပြီး မဟာမြတ်မုနိရုပ်ပွားတော်မြတ်နှင့်အတူ ရွှေဘုံသာမုနိရုပ်ပွားတော်၊ မာန်အောင်မြင်မုနိရုပ်ပွားတော်တို့ကို ပင့်ဆောင်ခဲ့သည်။ ရှင်ကျော်မုနိမှာ မူလသီတင်းသုံးရာ ဂန္ဓကုဋိတိုက်၌ ကိန်းဝပ်စံပယ် သီတင်းသုံးနေတော်မူခဲ့သည်။ ပြည်တစ်ဖက်ကမ်း၊ ဆင့်တဲရှိ ရွှေဘုံသာကျေးရွာသို့ အရောက်တွင် ရွှေဘုံသာမုနိရုပ်ပွားတော်မြတ်အား သက္ကရာဇ်(၉၂၀)ခုနှစ်က ပြည်ဘုရင်သတိုးဓမ္မရာဇာတည်ထားခဲ့သော ရွှေဘုံသာစေတီတော်ကြိး၏ ဌာပနာတိုက်အတွင်း ထည့်သွင်းပူဇော်ပြီး စေတီတော်ကိုလည်း ပြုပြင်မွမ်းမံကာ `ရွှေဘုံသာမုနိစေတီတော်မြတ်´ ဟူ၍ ဘွဲ့အမည်ဆက်ကပ်ခဲ့သည်။ နှစ်ပရိစ္ဆေဒများစွာ ကြာမြင့်ခဲ့ပြီးနောက် ရွှေဘုံသာမုနိစေတီတော်မြတ်ကြီးမှာ ချုံနွယ်ပိတ်ပေါင်းများ ဖုံးလွှမ်းပြီး စေတီဟောင်း၊ စေတီပျက်တစ်ဆူ အဖြစ်သို့ ရောက်ရှိသွားခဲ့သည်။

ရွှေဘုံသာမုနိစေတီတော်မြတ်ကြီးအား ပြုပြင်ရန် ကြိုးပမ်းခြင်း
    စေတနာရှင်များနှင့် ဒေသခံတို့က ပျက်စီးယိုယွင်းနေသော ရွှေဘုံသာမုနိစေတီတော်မြတ်ကြီးအား သက္ကရာဇ်(၁၂၅၆)ခုနှစ်တွင် တစ်ကြိမ်၊ (၁၃၃၆)ခုနှစ်တွင် တစ်ကြိမ်၊ (၁၉၉၁)ခုနှစ်တွင် တစ်ကြိမ်၊ စုစုပေါင်း (၃)ကြိမ်တိုင်တိုင် ပြန်လည်ပြုပြင်မွမ်းမံရန် ကြိုးပမ်းခဲ့ကြသော်လည်း အောင်မြင်မှုမရှိခဲ့ချေ။

ရွှေဘုံသာမုနိစေတီတော်မြတ်ကြီးအား နိုင်ငံတော်မှ ကြီးမှူး၍ ပြုပြင်မွမ်းမံထီးတော်တင်ခြင်း
    ပျက်စီးယိုယွင်းနေသော ရွှေဘုံသာမုနိစေတီတော်မြတ်ကြီးအား ၁၉၉၇ခုနှစ်၊ ဧပြီလမှစ၍ နိုင်ငံတော်မှ ကြီးမှူးကာ စတင်ပြုပြင်မွမ်းမံခဲ့သည်။ စေတီတော်၏ ပြုပြင်ရေးလုပ်ငန်းများ မစတင်မီ သက်ဆိုင်ရာကျွမ်းကျင်သူပညာရှင်များက စေတီတော်မြတ်၏ ဌာပနာတိုက်တည်ရှိရာနေရာအား ခေတ်မီကိရိယာများဖြင့် စမ်းသပ်စစ်ဆေးခဲ့ကြရာ ဌာပနာတိုက်အတွင်း၌ ရတနာပစ္စည်းများဖြင့် သွန်းလုပ်ထားသော ဆင်းတုတော်တစ်ဆူ ကိန်းဝပ်စံပယ်နေကြောင်းကို စစ်ဆေးတွေ့ရှိအတည်ပြုခဲ့ကြသည်။
    ရွှေဘုံသာမုနိစေတီတော်မြတ်ကြီး၏ဘက်စုံပြုပြင်မွမ်းမံပြင်ဆင်ခြင်း လုပ်ငန်းအ၀၀အား ရထားပို့ဆောင်ရေးဝန်ကြီး ဦးပန်းအောင် ကိုယ်တိုင်ကြီးကြပ်၍ဆောင်ရွက်လာခဲ့ရာ အထက်ဌာပနာပိတ်ပွဲကို ၁၉၉၉ခုနှစ်၊ မတ်လ(၁၃)ရက် (တနင်္ဂနွေနေ့) နံနက်၈နာရီတွင် ပြုလုပ်ခဲ့သည်။ ပန်းလည်တိုင်စိုက်ထူပွဲကို ၁၉၉၉ခုနှစ်၊ ဧပြီလ(၉)ရက် သောကြာနေ့နံနက် (၉)နာရီတွင် ကျင်းပပြုလုပ်ခဲ့ပြီး စေတီတော်မြတ်ကြီး၏ ထီးတော်အား ၁၉၉၉ခုနှစ်၊ ဧပြီလ(၂၄)ရက် (စနေနေ့) တွင် အောင်မြင်စွာ တင်လှူပူဇော်နိုင်ခဲ့သည်။

မုနိလေးဆူဝင် ရုပ်ပွားတော်မြတ်လေးဆူ
    ယခုအခါ မုနိလေးဆူဝင် ရုပ်ပွားတော်မြတ်များဖြစ်ကြသော မဟာမုနိရုပ်ရှင်တော်မြတ်သည် မန္တလေးမြို့၌လည်းကောင်း၊ ရှင်တော်မုနိသည်ကျောက်တော်မြို့၌လည်းကောင်း၊ မာန်အောင်မြင်မုနိသည် ဇလွန်ပြည်တော်ပြန်ဘုရားအဖြစ် ဇလွန်မြို့၌လည်းကောင်း၊ ရွှေဘုံသာမုနိသည် ဆင်တဲဘက်ကမ်း၊ ဧရာဝတီမြစ်ကမ်းနဖူးရှိ ရွှေဘုံသာစေတီတော်မြတ်ကြီး၏ ဌာပနာတိုက်အတွင်း၌လည်းကောင်း အသီးသီး ကိန်းဝပ်စံပယ်တော်မူလျက်ရှိသည်။

ရွှေဘုံသာမုနိစေတီတော်ပရိဝုဏ်မှ မုနိလေးဆူ ကိုယ်ပွားများ
မုနိလေးဆူ ကိုယ်ပွားဆင်းတုတော်များဖြစ်သော မဟာမြတ်မုနိကိုယ်ပွားဆင်းတုတော်သည် ရွှေဘုံသာမုနိစေတီတော်မြတ်ကြီး၏ တနင်္လာထောင့်ရှိ အရှေ့ဘက်တန်ဆောင်း၌လည်းကောင်း၊ ရှင်ကျော်မုနိကိုယ်ပွားဆင်းတုတော်သည် စေတီတော်၏ ဗုဒ္ဓဟူးထောင့်၏ တောင်ဘက်တန်ဆောင်း၌လည်းကောင်း၊ ရွှေဘုံသာမုနိကိုယ်ပွားဆင်းတုတော်သည် စေတီတော်၏ ကြာသပတေးထောင့်၏ အနောက်ဘက် တန်ဆောင်း၌ လည်းကောင်း၊ မာန်အောင်မြင်ကိုယ်ပွားဆင်းတုတော်သည် စေတီတော်၏သောကြာထောင့် မြောက်ဘက်တန်ဆောင်း၌ လည်းကောင်း၊ အသီးသီးကိန်းဝပ်စံပယ်သီတင်းသုံးလျက်ရှိသည်။ မုနိလေးဆူ ကိုယ်ပွားဆင်းတုတော်များ၏ ဘုရားဒါယိကာမများမှာ မန္တလေးမြို့မှ ဆောက်လုပ်ရေးအင်ဂျင်နီယာ ဒေါ်မြင့်မြင့်သန်းနှင့် ရန်ကုန်မြို့မှ အငြိမ်းစား ကစလ၀န်ထမ်းဒေါ်တင်တင်မွှန်းတို့ဖြစ်ကြသည်။ အဆိုပါ မုနိကိုယ်ပွားလေးဆူကို မဟာမြတ်မုနိရုပ်ရှင်တော်မြတ်ကြီး၏ ရင်ငွေ့တော် လှုံပြီး မန္တလေးမြို့၌ သွန်းလုပ်ခဲ့ရာ မဟာမြတ်မုနိကိုယ်ပွားဆင်းတုတော်အတွက် ကြေးချိန် (၁၅၀၀)ပိဿာ၊ ရှင်ကျော်မုနိကိုယ်ပွားဆင်းတုတော်အတွက် ကြေးချိန်(၁၀၀၀) ပိဿာ၊ ရွှေဘုံသာမုနိကိုယ်ပွားဆင်းတုတော်အတွက် ကြေးချိန်(၈၀၀)ပိဿာ၊ မာန်အောင်မြင်မုနိကိုယ်ပွားဆင်းတုတော်အတွက် ကြေးချိန်(၆၆၆)ပိဿာ အသီးသီးကုန်ကျခဲ့သည်။ အဆိုပါမုနိကိုယ်ပွားဆင်းတုတော်များအား ဒေ၀ါဝင်း၊ ရာဇာဝင်းများခင်း၍ မန္တလေးမြို့မှ အခမ်းအနားဖြင့် ပင့်ဆောင်ခဲ့ရာ ၁၉၉၉ခုနှစ်၊ ဧပြီလ(၁၄)ရက်၊ ဗုဒ္ဓဟူးနေ့တွင် ရွှေဘုံသာမုနိစေတီတော်မြတ်ကြီး၏ ပရိဝုဏ်သို့ရောက်ရှိခဲ့သည်။

ရွှေဘုံသာမုနိစေတီတော်ပရိဝုဏ်မှ သိုက်နန်းရှင်မြစိမ်း
ရွှေဘုံသာမုနိစေတီတော်မြတ်ကြီးသည် ချုံနွယ်ပိတ်ပေါင်းများဖုံးလွှမ်း၍ စေတီဟောင်းတစ်ဆူအဖြစ်နှင့် ရှိနေခဲ့စဉ်က စေတီတော်ပရိဝုဏ်၏ လက်ယာထောင့်တွင် သိုက်နန်းရှင်တို့အတွက် ရည်စူးပြုလုပ်ထားသော နတ်ကွန်းလေးတစ်ခုရှိသည်။ စေတီတော်အား ဘက်စုံမွန်းမံပြင်ဆင်ခြင်းများ ပြုလုပ်သည့်အခါ သိုက်နန်းရှင်တို့၏ အဆိုပါနတ်ကွန်းလေးကိုလည်း ဖယ်ရှားရှင်းလင်းခဲ့ရသည်။ ထိုအခါ ရွှေဘုံသာမုနိစေတီတော်ပရိဝုဏ်ရှိဘုမ္မိယအနွယ်ဝင် သိုက်နန်းရှင်တို့က ၎င်းတို့အတွက် ကွန်းခိုစရာနေရာတစ်ခု သတ်မှတ်ပြုလုပ်ပေးပါရန် သက်ဆိုင်ရာပုဂ္ဂိုလ်တို့ကို အိပ်မက်ပေး တောင်းပန်ကြသည်။
ထို့ကြောင့် ရွှေဘုံသာမုနိစေတီတော်ပရိဝုဏ်တွင် စောင့်ရှောက်နေထိုင်လျက်ရှိကြသော မမြင်အပ်သည့် နာမ်လောကမှ သိုက်နန်းရှင်တို့အတွက် ကွန်းခိုရာသိုက်နန်းအဆောက်အအုံတစ်ခုကို စေတီတော်၏ တနင်္ဂနွေထောင့်တွင် ဆောက်လုပ်ထားရှိခဲ့ကြသည်။ သိုက်နန်း၏ အကြီးအမှူးဖြစ်သူ သိုက်နန်းရှင် မြစိမ်း၏ ရုပ်ထုကိုလည်း မန္တလေးမှ မိုဆရာဦးထွန်းကြွယ်က ၎င်း၏အိပ်မက်ထဲတွင် တွေ့မြင်ခဲ့ရသည့် သိုက်နန်းရှင်မြစိမ်းပုံအတိုင်း သက်ရှိအမျိုးသမီးတစ်ဦးသဖွယ် ပီပြင်စွာ ထုလုပ်ခဲ့သည်။ ရွှေဘုံသာမုနိစေတီတော်မြတ်ကြီး၏ တနင်္ဂနွေထောင့်ရှိ သိုက်နန်းအဆောက်အအုံအတွင်းတွင် အသက်ဝင်လွန်းသော သိုက်နန်းရှင်မြစိမ်းရုပ်ထုအား တွေ့မြင်နိုင်ပါသည်။

ရွှေဘုံသာမုနိစေတီတော်သည် မဟာမြတ်မုနိရုပ်ရှင်တော်မြတ်သွန်းလုပ်ရာမှ ပိုလျှံသည့် ဘုရားရင်ငွေ့တော်လှုံထားသော ရတနာဓာတ်သားများဖြင့် သွန်းလုပ်ခဲ့သည့် ရွှေဘုံသာမုနိရုပ်ပွားတော်မြတ်ကိန်းဝပ်စံပယ်ရာ စေတီဖြစ်သဖြင့် တန်ခိုးကြီးရှေးဟောင်းသမိုင်းဝင် စေတီတော်တစ်ဆူဖြစ်သည်။ ရွှေဘုံသာမုနိ စေတီတော်မြတ်ကြီးအား ဖူးမြော်ကြည်ညိုရသော ကုသိုလ်အကျိုးကြောင့် တော်ဖြောင့်မှန်ကန်သည့် လိုရာဆန္ဒအားလုံး ပြည့်စုံနိုင်သည်။ တရားတဘောင်ရင်ဆိုင်ရခြင်းများ ကြုံတွေ့ပါက မိမိဘက်မှမှန်ကန်သော အချက်အလက်များကို စေတီတော်မြတ်မှောက်ရှေ့၌ တည်ကြည်စွာ သစ္စာပြုတိုင်တည်ပါက ထူးခြားစွာအောင်မြင်မှုရရှိပါသည်။ ဘေးအန္တရာယ်ကင်းရှင်းခြင်း၊ ကောင်းသော ကျော်ဇော်သတင်းများရရှိ်ခြင်း၊ အလုပ်အကိုင်ရာထူးဌာနန္တရတိုးတက်အဆင်ပြေခြင်း စသောအကျိုးထူးများကိုလည်း ရရှိနိုင်သည်။
    ရှေးဟောင်းသမိုင်းဝငတန်ခိုးကြီ်စေတီတော်မြတ်တစ်ဆူဖြစ်သောရွှေဘုံသာမုနိစေတီတော်မြတ်ကြီးသို့ ဂန္ဓာရီလှည့်နေကြသော စူဠဂန္ဓာရီ၊ မဟာဂန္ဓာရီ ပုဂ္ဂိုလ်များ၊ သိဒ္ဓိရှင်၊ မဟိဒ္ဓိရှင်များ၊ ထူးခြားသောသူတော်စင်၊ သူတော်မြတ်များ မကြာခဏ လာရောက်ဖူးမြော်လေ့ရှိကြသည်။ ရွှေဘုံသာမုနိစေတီတော်မြတ်ကြီး၏ ပရိဝုဏ်သည် ကြိးမားကျယ်ပြန့်သည်သာမက စိတ်ငြိမ်အေးချမ်းခြင်းလည်းရှိ၍ အဓိဌာန်ဖြင့် တရားထိုင်၊ ပုတီးစိတ်သူများအဖို့ အလွန်ပင် သင့်တော်ပါ၏။ စေတီတော်၏ အရှေ့တောင်ဘက်တွင် ပြည်-ဆင်တဲ ဆက်သွယ်ထားသည့် ဧရာဝတီမြစ်ကူးန၀ဒေးတံတားကြီးက ထည်ဝါခံ့ညားစွာရှိနေသလို စေတီတော်အား ဦးခိုက်စီးဆင်းနေသော ဧရာဝတီ၏အလှကို ရှုမောဖွယ်တွေ့ရှိနိုင်ပါသည်။
စာဖတ်သူများအနေဖြင့် ခရီးကြုံ၍ ပြည်မြို့သို့ ရောက်ရှိခဲ့ပါလျှင် ယခင်ကလို ဆင်တဲဘက်ကမ်းသို့ ဇက်ကူးတို့များ၊ ပဲ့ချိတ်မော်တော်များဖြင့် ခက်ခက်ခဲခဲ ပင်ပင်ပန်းပန်း ကူးစရာမလိုတော့ပဲ ခံ့ညားထည်ဝါသော န၀ဒေးတံတားကြီးပေါ်မှနေ၍ ဧရာဝတီမြစ်ကို မော်တော်ယာဉ်ဖြင့် အေးအေးဆေးဆေးဖြတ်ကျော်ကာ ဆင်တဲ၊ ရွှေဘုံသာကျေးရွာ၊ ဧရာဝတီမြစ်ကမ်းနဖူး၌ တင့်တယ်သပ္ပာယ်စွာ တည်ရှိနေသော ရွှေဘုံသာမုနိစေတီတော်မြတ်ကြီးအား သွားရောက်ဖူးမြော်ကြည်ညိုနိုင်ကြပါကြောင်း ရေးသားလမ်းညွှန်လိုက်ပါသည်။

ရွှေဘုံသာမုနိစေတော်မြတ်ကြီးကို ဖူးမြှော်ကြပြီးနောက် ဧရာဝတီမြစ်ကမ်းနံဘေးတွင် ခဏအနားယူကြပြီး ပြည်မြို့ရှိ သရေခေတ္တရာမြို့၊ ရှေးဟောင်းပြတိုက်သို့ ဆက်လက်ထွက်ခွာ လေ့လာခဲ့ကြပြန်ပါတယ်။

သရေခေတ္တရာမြို့၊ ရှေးဟောင်းပြတိုက်သို့

သရေခေတ္တရာမြို့ဟောင်းသည် ပြည်မြို့အရှေ့တောင်ဘက် ငါးမိုင်ခန့်အကွာတွင် တည်ရှိပါတယ်။ မြို့ဟောင်းရာသည် ဘဲဥပုံလည်းမက စက်ဝိုင်းပုံလည်းမကျသော အ၀န်းအ၀ိုင်းပုံသဏ္ဌာန်ရှိတာကို တွေ့ရပါတယ်။
    အချို့သော ရောမနိုင်ငံတော်ဘုရင်များသည် ပြေးပွဲခုန်ပွဲများသို့ ရှုစားရန် ကြွရောက်တော်မူသည့်အခါတွင် ဦးရစ်များကို ဆင်မြန်းတော်မူတတ်ကြသည်။ သို့ရာတွင် ထို့သို့ဦးရစ်များကို ဆင်မြန်းခြင်းသည် ဘုရင်မင်းမြတ်တည်းဟူသော ရာထူးနှင့် မူလက မည်သို့မျှ သက်ဆိုင်ခြင်းမရှိခဲ့ပေ။ သို့ဖြစ်၍ ရောမဘုရင်များသည် နောင်အခါတွင် ဦးရစ်များကို မင်းတို့၏ အဆောင်အယောင်တစ်ခုအဖြစ် စတင်အသုံးပြုကြသောအခါ တိုင်းသူပြည်သားများက များစွာမနှစ်မြို့ကြချေ။ လူများသည် ဦးရစ်နှင့် သရဖူကို ရုတ်တရက် မခွဲခြားနိုင်ကြသော်လည်း စင်စစ်ထိုနှစ်ခုမှာ များစွာခြားနားလေသည်။ ထို့ကြောင့် သရဖူဟူ၍ ရှင်ဘုရင်တို့သာ ဆောင်းသော အလေ့မှာ အရှေ့တိုင်းမှ အတုယူခဲ့ကြောင်း ထင်ရှားပေသည်။ ရှေးခေတ်သုံး ဦးရစ်နှင့် ယခုခေတ် အသုံးပြုလျက်ရှိကြသော သရဖူများသည် တစ်ခုနှင့် တစ်ခု ပုံသဏ္ဌာန်ချင်း များစွာ မကွာခြားသည့်အကြောင်းမှာ ယခုခေတ်သရဖူများကို ရှေးခေတ်သုံးဦးရစ်၏ပုံသဏ္ဌာန်ကို ယူ၍ ပြုလုပ်ထားသောကြောင့် ဖြစ်လေသည်။
    ထို့နောက် သရဖူကို ဘုရင်အာဏာပိုင်များသာ ဆောင်းရရိုးဖြစ်သော အစဉ်အလာသတ်မှတ်သောအခါ သရဖူများတွင် ဘုရင်များ မိဖုရားများ ဆောင်းသော သရဖူ၊ မင်းညီမင်းသားများဆောင်းသော သရဖူ၊ မြို့စားရွာစားများဆောင်းသောသရဖူ၊ စသည်ဖြင့် သရဖူ ပုံသဏ္ဌာန်အမျိုးမျိုးရှိလေသည်။ သရဖူအားလုံးတွင် ဘုရင်ဆောင်းသောသရဖူမှာ အဆင့်အတန်းအမြင့်ဆုံးဖြစ်လေသည်။ မင်းညီမင်းသားမြို့စားရွာစားများကား ဘုရင်ဆောင်းသော သရဖူအောက် အဆင့်အတန်းနိမ့်သော သရဖူငယ်များကိုသာ ဆောင်းရလေသည်။ ယခုခေတ်တွင် အနောက်နိုင်ငံများ၌ အသုံးပြုနေကြသော မြို့စား(ဒျုဘွဲ့ရများ) ဆောင်းသော သရဖူငယ်မှာ ရွှေနဖူးစီးပေါ်တွင် ရွှေဖြင့်ပြီးသော စထရော်ဗယ်ရီရွက် ရှစ်ရွက်ကို တပ်ဆင်ထားလေသည်။ မားကွစ်ဘွဲ့ရသူများဆောင်းသော သရဖူငယ်သည် နဖူးစီးပေါ်တွင် ထိုစထရော်ဗယ်ရီရွက်မျိုး လေးရွက်သာ ပါ၍ တစ်ရွက်နှင့် တစ်ရွက်စပ်ကြားတွင် ပုလဲလုံးများကို တပ်ဆင်ထားသည်။ မားကွစ်အောက်နိမ့်သော အားဘွဲ့ရများဆောင်းသော သရဖူများမှာ ရွှေနဖူးစည်းပေါ်တွင် ရောင်ခြည်တန်းရှစ်သွယ်ထိုးထွက်နေ၍ ရောင်ခြည်တမ်းတစ်ခုနှင့် တစ်ခုစပ်ကြားတွင် ရွှေဖြင့်ပြီးသော စထရော်ဗယ်ရီရွက်တစ်ရွက်စီတပ်ဆင်ထားသည်။ စထရော်ဗယ်ရီရွက်၏အမြင့်မှာ ရောင်ခြည်တန်း၏အမြင့်လေးပုံတစ်ပုံရှိသည်။ ဗိုင်းကောင့်ဘွဲ့ရသူများဆောင်းသော သရဖူငယ်တွင်ကား ရွှေနဖူးစီးတွင် ပုလဲလုံး၁၆လုံးတပ်ဆင်ထားသည်။ ဗယ်ရွန်ဘွဲ့ရသူများ၏ သရဖူငယ်၌မူ ပုလဲလုံးခြောင်းလုံး တပ်ဆင်ထားလေသည်။


သရေခေတ္တရာ
သရေခေတ္တရာမြို့ဟောင်းသည် ပြည်မြို့အရှေ့တောင်ဘက် ငါးမိုင်ခန့်အကွာတွင် တည်ရှိသည်။ မြို့ဟောင်းရာသည် ဘဲဥပုံလည်းမက စက်ဝိုင်းပုံလည်းမကျသော အ၀န်းအ၀ိုင်းပုံသဏ္ဌာန်ရှိ၍ တောင်မြောက်နှစ်မိုင်ခွဲခန့်နှင့် အရှေ့အနောက်နှစ်မိုင်ခန့် ကျယ်ဝန်းလေသည်။ ရန်ကုန်မှ ပြည်မြို့သို့ သွားသော မီးရထားလမ်းသည် သရေခေတ္တရာမြို့ဟောင်းကို အရှေ့တောင်မှ အနောက်မြောက်သို့ ဖြတ်သန်းသွား၍ ပြည်မှ ပေါက်ခေါင်းသို့ သွားသော မော်တော်ကားလမ်းကို မြောက်ဘက်မြို့ရှိးပေါ်သို့ ဖြတ်၍ ပြုလုပ်ထားသည်။ မြို့ဟောင်းအတွင်း၌ ယခုအခါ ရွာငယ်အများအပြားရှိ၍ မြောက်ဘက်ပိုင်းကမူ လယ်ကွက်များပြည့်နှက်နေ၏။ မှော်ဇာဘူတာရုံသည် မြို့ဟောင်း၏ ဗဟိုနေရာမှ အရှေ့မြောက်ယွန်းယွန်းတွင် တည်ရှိသည်။ ရှေးဟောင်းအဆောက်အအုံများသည် မြို့တွင်း၌သာမက မြို့ပြင်၌လည်း အနှံ့အပြားကျန်နေသေးရာ သရေခေတ္တရာထွန်းကားစဉ်က ထင်ရှားခဲ့သော မြို့ပတ်ဝန်းကျင် နယ်နမိတ်မှာ ကျုံးနှင့် မြို့ရိုးပတ်ရံသည် မြို့တွင်းထက် လေးဆခန့်မျှ ကျယ်ဝန်းကြောင်း သိနိုင်လေသည်။
    မြို့တွင်းအလယ်ဗဟိုလောက်တွင် နန်းတော်ကုန်းဟုခေါ်သော စတုဂံအုတ်ရိုးကာရံထားသည့် ကုန်းမို့မို့ကို တွေ့နိုင်သေးသည်။ တောင်ဘက်မြို့ရိုး၏ အပြင်ဖက်တွင် အရှေ့ပျူတိုက်၊ အနောက်ပျူတိုက်၊ ဗိဿနိုးမြို့နှင့် ဗိဿနိုးမိဖုရားသင်္ချိုင်း ရာတို့ရှိလေသည်။ မှန်နန်းရာဇ၀င်အဆိုအားဖြင့် သရေခေတ္တရာမြို့ကို သာသနာနှစ်တစ်ရာ့တစ်ခုနှစ်တွင် ဒွတ်တပေါင်(ဒွတတ္တပေါင်) မင်း ပဌမတည်ထောင်သည်ဟု ဆိုသည်။ မြို့တည်နန်းတည်ရာ၌ ကူညီစောင့်ရှောက်သော သူမြတ်ခုနှစ်ဦးမှာ ဂ၀ံပတေ့၊ ရသေ့၊ သိကြား၊ နဂါး၊ ဂဠုန်၊ စန္ဒီ၊ ပရမီသွာတို့ဖြစ်ကြသည်။ တကောင်းမင်းယောက်ဖတော် ရှင်ရသေ့သီတင်းသုံးသည်ကို အကြောင်းပြု၍ သရေခေတ္တရာမြို့ကို ရသေ့မြို့ဟု နောင်မှတွင်၏။ ပြည်မြို့ရွှေဆံတော်ဘုရားခြေရင်း၌တွေ့ရသော ကျန်စစ်သားမင်း၏ မွန်ကျောက်စာအလိုအားဖြင့် သရေခေတ္တရာမြို့ကို ပဌမတည်ထောင်သော မင်းမှာ ဗိဿနိုးရသေ့ကြီးဖြစ်၏။ တည်ထောင်သောနှစ်မှာ မြတ်စွာဘုရားပရိနိဗ္ဗာန်စံယူတော်မူသောနှစ် သာသနာနှစ်၁နှစ်ဖြစ်၏။ ရသေ့ကြီးကို ကူညီစောင့်ရှောက်ကြသော သူမြတ်တို့မှာ ဂ၀ံပတေ့၊ သိကြား၊ ၀ိသကြုံနတ်သားနှင့် နဂါးမင်းတို့ဖြစ်သည်ဟု ဆို၏။ ကျန်စစ်သားမင်း၏ကျောက်စာများအရ သရေခေတ္တရာကို သိသီတ်၊ (ဂြီက္ခတ်၊ ဂြီကွေတြာ) ဟူ၍လည်း ခေါ်တွင်ကြောင်း သိရလေသည်။ ရှေးဟောင်းသုတေသန အထောက်အထားများ အရမှာမူ သရေခေတ္တရာမြို့သည် ခရစ်နှစ် ငါးရာစုမှ ရှစ်ရာစုအတွင်း၌ ထွန်းကားကြောင်းသာ သိရှိရသေးရာ ထိုသို့ဖွံ့ဖြိုးတိုးတက်အောင် စတင်တည်ထောင်ရသော ကာလကို ထည့်သွင်းခန့်မှန်းသည်ဆိုပါမူ ခရစ်နှစ် နှစ်ရာစုထက် စောနိုင်မည်မဟုတ်ကြောင်း တွေ့ရသည်။

    သရေခေတ္တရာတွင် ပျူလူမျိုး အများအပြားနေထိုင်ခဲ့ကြသည်။ ယင်းတို့ကို တိရ်စုလ်ဟူ၍လည်း အမည်တွင်ခဲ့ကြောင်း ကျန်စစ်သား မွန်ကျောက်စာတစ်ချပ်အရ ယူဆရသည်။ ပျူတို့ဒေသဟု ခေါ်ဆိုအပ်သော သရေခေတ္တရာနှင့် ဟန်လင်းမြို့ဟောင်းတို့မှ အိန္ဒိယတောင်ပိုင်းအက္ခရာဖြင့် ရေးထိုးထားသောကျောက်စာများကို ထောက်၍ ပျူဘာသာနှင့် ပျူစာ သုံးနှုန်းရေးသားခဲ့ကြသည်ဟု ယူဆမှတ်သားကြရသည်။ သရေခေတ္တရာခေတ်၌ ရေးထိုးသော ပျူစာများမှာ အုတ်ချပ်များပေါ် ဂဏန်းနှင့် အမှတ်အသားများ၊ အုတ်ပုံနှိပ်ဘုရားများ(အုတ်ခွက်)ဘုရားနောက်ကျောမှ စာများ၊ ကျောက်စာများနှင့် ကျောက်အရိုးအိုးများပေါ်မှ စာတမ်းတို့ဖြစ်ကြသည်။ ယင်းတို့အနက် အချို့မှာ မှေးမှိန်ပျက်စီးနေ၍ အတိအကျဖတ်ရှုမရနိုင်ခြင်း၊ အချို့မှာ စာကြောင်းတိုကလေးများသာဖြစ်၍ အောကာင်းအရာမဖော်နိုင်ခြင်းနှင့် အချို့မှာ ပျူဝေါဟာရကျယ်ပြန့်စွာ မသိရှိသေးသဖြင့် အဓိပ္ပာယ်တိမ်မြုပ်နေခြင်းတို့ကြောင့် သမိုင်းအထောက်အထားရသင့်သလောက် မရနိုင်ချေ။
    ဘုရားကြီးဘုရားအနီးမှ တွေ့ရှိရသော ကျောက်အရိုးအိုးလေးလုံးတို့၏ပတ်လည်တွင် ပျူစာတစ်ကြောင်းစီ ရေးထိုးပါရှိလေသည်။ ယင်းကျောက်စာများအရ သရေခေတ္တရာ၌ ၀ိကြမမင်းဆက် စိုးမိုးအုပ်ချုပ်ခဲ့ကြောင်း သိရသည်။ သူရိယ၀ိကြမ၊ ဟရိဝိကြမနှင့် သိဟ၀ိကြမတို့၏ နတ်ရွာစံနှစ်နှင့် သတ်တော်များပါရှိရာတွင် နန်းစံနှစ်ကို မြန်မာကောဇာနှစ်အတိုင်းမှတ်ယူ တွက်ဆပါက ခရစ်နှစ်၆၈၈၊ ၆၉၅နှင့် ၇၁၈ ခုနှစ်တို့တွင် အသီးသီးနတ်ရွာစံကြသည်ဟု သိရှိနိုင်၏။ အရိုးအိုးစာတမ်းတစ်ခုမှာ သူရိယ၀ိကြမ၏ ဆွေမျိုး ကွယ်လွန်သည့်နှစ် ရေးထိုးထားလေရာ စာတမ်းလေးရပ်စလုံး ပေါင်းရုံးတွက်ဆပါက ၀ိကြမမင်းဆက်သည် ခရစ်နှစ် ၆၇၃မှ ၇၁၈ ခုနှစ်အထိ အုပ်စိုးသည်ဟု ဆိုရပေမည်။ ထိုမင်းဆက်သည် သရေခေတ္တရာတည်ထောင်စက အုပ်စိုးသည့်မင်းဆက် ဟုတ်မဟုတ်ကိုမူ မသိသာချေ။ နတ်ရွာစံသက္ကရာဇ်များကို အတည်ပြုမှတ်ယူရပါက ထိုမင်းများထက် ရှေးကျသောမင်းများ ရှိခဲ့ဦးမည်ဟု မှန်းဆရပေသည်။ ၀ိကြမမင်းတို့၏ ဘွဲ့အမည်များရှေ့၌ ``တ္ဒးဗံး´´ ဟူသော ဂုဏ်ပုဒ်ပါရှိလေရာ ယင်းဂုဏ်ပုဒ်ကို မင်းကြီးဟူသော အဓိပ္ပာယ်သက်ရောက်ကြောင်း အခြားကျောက်စာများမှ အထောက်အထားတို့ နှင့် ယှဉ်၍ သိသာနိုင်လေသည်။ ဒွတ္တဗောင် ဟူသောအမည်မှာ`တ္ဒးဗံး´ မှ ရွေ့လျောလာသော ဝေါဟာရဖြစ်ဖွယ်ရာရှိသောကြောင့် သမိုင်းလာ ဒွတ္တဗောင်ဆိုသည်မှာ ပုဂ္ဂလိကဘွဲ့မည် မဖြစ်နိုင်ချေ ဟု ယူဆရ၏။ ၀ိကြမမင်းဆက်သည် ပျူမင်းများဖြစ်သည်။ သို့မဟုတ် အိန္ဒိယအနွယ်များဖြစ်သည်ကို အတိအကျမသိနိုင်ချေ။ နှောင်းခေတ်မြန်မာမင်းများသည် ပါဠိဘွဲ့မည်များခံယူကြသကဲ့သို့ ပျူမင်းများက အိန္ဒိယဘွဲ့မည်ခံယူခဲ့ကြဟန် ရှိကြောင်း စဉ်းစားရန်ရှိသည်။
    ၀ိကြမမင်းဆက်အပြင် ၀ါရ်မန်မင်းတို့ကိုလည်း ကမ္ပည်းစာများ၌ တွေ့ရသေး၏။ ထိုဝါရ်မန်မင်းတို့၏ အမည်များသည် အာရှ အရှေ့တောင်ဘက် နယ်တစ်လွှား၌ အတော်ပင်ထင်ရှားသည်။ သရေခေတ္တရာမြို့တွင်း ခင်ဘကုန်းမှ ရရှိသော ငွေဗောဓိမဏ္ဍိုင်ပလ္လင်ပတ်လည်၌ ဆင်းတုတော်ရုပ်ကြွပုံ လေးဆူအောက်တွင် ပျူအက္ခရာပျူဘာသာဖြင့် စာတမ်းတစ်ခု ရေးထိုးလျက်ပါရှိရာ ထိုစာတမ်းတွင် ကုသိုလ်ရှင်ဂြီပြဘုဝါရ်မနှင့် ဂြီပြဘုဒေ၀ီ အမည်များကို တွေ့ရှိရသည်။
    သရေခေတ္တရာမြို့ဟောင်းတစ်နေရာ ဖိုးခေါင်ကန်ကုန်းမှ တွေ့ရှိရသော မဏိတော် ကျိုးနေသည့် ကျောက်ဆင်းတုတစ်ဆူ၏ စမ္မခဏ်ပတ်လည်တွင် ပျူဘာသာနှင့် သက္ကတဘာသာရောစပ်ပြီး ရေးထိုးမှတ်သားလျက် ပါရှိရာ ဖတ်ရှုရနိုင်သမျှ စာကြောင်းများ၏ အဓိပ္ပာယ်ချူပ်မှာ ဇယစန္ဒြ၀ါရ်မန်နှင့် ဟရိဝိကြမ မင်းသား ညီနောင်နှစ်ပါး တို့သည် တစ်နေ့တည်းတွင် မြို့နှစ်မြို့တည်ကြောင်း၊ ထိုညီနောင်နှစ်ပါးတို့သည် ဂူဟဒီပအမည်ရှိသော ရဟန်းကြီး၏ အဆုံးအမ သြ၀ါဒကို ခံယူ၍တစ်ဥိးနှင့် တစ်ဦးချစ်ခင်ရင်းနှီးစွာ နေထိုင်ကြကြောင်း ဖြစ်သည်။ သို့သော် ထိုမြို့များ၏ အမည်နှင့် အကျယ်အ၀န်းကိုမူ မသိရချေ။
    ပျူနိုင်ငံ၏မြို့တော်ဖြစ်သော သရေခေတ္တရာသည် အိန္ဒိယတောင်ပိုင်းယဉ်ကျေးမှု လွှမ်းမိုးမှုကို အများဆုံးခံယူခံခဲ့ရသည်။ အထူးသဖြင့် အယူဝါဒဆိုင်ရာ ယဉ်ကျေးမှုတွင် လွှမ်းမိုးမှုအထင်ရှားဆုံးဖြစ်သည်။ ဟိန္ဒိူအယူဝါဒ၊ မဟာယာနနှင့် ထေရ၀ါဒ ဗုဒ္ဓအယူဝါဒတို့သည် အပြိုင်အဆိုင်ထွန်းကားခဲ့ကြောင်း အထောက်အထားများစွာ တွေ့ရလေသည်။ မြို့တွင်း မြို့ပြင်၌ ဗိသုကာလက်ရာများဖြစ်သော ဗုဒ္ဓအယူဝါဒဆိုင်ရာ စေတီပုထိုးနှင့် ဂူဘုရားများတည်ရှိခဲ့ကြသည်နှင့် အမျှ အနုပညာလက်ရာမြောက်သော ကျောက်ဆစ်ရုပ်ကြွဆင်းတုများ နှင့် အုတ်ပုံနှိပ်ရုပ်ကြွဆင်းတုများကိုလည်း အမြောက်အများထုလုပ်ပူဇော်ကြသည်။ ထင်ရှားသော မြေစိုက်အုတ်စေတီများမှာ မြို့ရိုးအပြင်ဘက်ရှိ ဘောဘောကြီးဘုရား၊ ဘုရားကြီးနှင့် ဘုရားမာတို့ဖြစ်ကြသည်။ ဂူဘုရားများအနက် လေးမျက်နှာ၊ ဘဲဘဲနှင့် ဈေးဂူနှစ်ဆူတို့မှာ စိတ်ဝင်စားဖွယ်ရာ လက်ရာများဖြစ်ကြသည်။ သာသနာအဆောက်အဦးပေါင်းများစွာမှာ ကာလကြာမြင့်၍ ပြိုပျက်ပြီးနောက် အုတ်ကုန်းများအတိဖြစ်နေရာ ယင်းတို့ကို ရှင်းလင်းတူးဖော်ရှာဖွေရာ၌ သာသနိက ရှေးဟောင်းပစ္စည်းများ ပေါ်ထွက်လေ့ရှိသည်။ ထိုအနက် အုတ်ခွက်ခေါ်သော ပုံနှိပ်အုတ်ချပ်ဆင်းတု အမြောက်အမြားကို အနှံအပြားတွေ့ရှိရသည်။ ထိုအုတ်ခွက်တို့၏ မျက်နှာဖက်တွင် ဗုဒ္ဓရုပ်ပွားတော်ကို လည်းကောင်း၊ ဗောဓိသတ်ဘုရားလောင်းပုံကိုလည်းကောင်း ထုလုပ်ထား၍ အချို့တို့တွင် ရှေးဟောင်းနာဂရီ အက္ခရာဖြင့် `ယေဓမ္မာ ဟေတု ပြဘ၀ါ´ အစရှိသော ဂါထာ ရေးထိုးပုံနှိပ်ပါရှိ၏။ အချို့အုတ်ခွက်၏ ကျောဖက်တွင် ပျူဘာသာဖြင့် စာတမ်းတိုတိုအနည်းငယ်ပါရှိလေ့ရှိသည်။
    သရေခေတ္တရာတွင် ဗုဒ္ဓအယူဝါဒထွန်းကားခဲ့ကြောင်း လက်ရေးအထောက်အထားများကိုလည်းတွေ့ရ၏။ ၁၈၉၇ ခုနှစ်က သရေခေတ္တရာမြို့ဟောင်း၏ တောင်ဖက် ခုနစ်မိုင်ခန့်အကွာရှိ မောင်ကန်(သို့မဟုတ် လယ်ပေါ်ရွာ)မှ ရှေးဟောင်းစာ အရေးအသားပါရှိသော ရွှေချပ်လွှာနှစ်လွှာကို တွေ့ရှိရသည်။ ထိုရွှေချပ်လွှာနှစ်လွှာသည် စာသုံးကြောင်းရေး ပါဠိတော် ရွှေပေစာများဖြစ်ကြ၏။ အက္ခရာ အရေးအသားမှာ အိန္ဒိယတောင်ပိုင်းမှ အက္ခရာများဖြစ်၍ စာသားတို့မှာ ၀ိနည်းမဟာဝါပါဠိတော်လာ ယေဓမ္မာ ဟေတုပ္ပဘ၀ါ အစချီသည့် ဂါထာကို အစပျိုး၍ ဒီဃနိကာယ်ပါဠိတော်၊ မဇ္ဈမနိကာယ်ပါဠိတော်၊ အဘိဓမ္မာပိဋကတ်ဝိဘင်းပါဠိတော် စသည်တို့မှ ကောက်နုတ်ချက်တို့ကို ဆက်လက်ရေးသားထားခြင်းဖြစ်သည်။ ၁၉၁၀ ခုနှစ် ပြည့်နှစ်တွင် ဘောဘောကြီးဘုရားခြေရင်း မြေကြီးများရှင်းလင်းရာ၌ တွေ့ရှိရသော သုံးပိုင်းကျိုး ကျောက်ချပ်ငယ်တစ်ခုမှာ အဘိဓမ္မာဝိဘင်းပါဠိတော်လာ ဗုဒ္ဓပါဝစနများဖြစ်ကြောင်း သိရလေသည်။ ၁၉၂၆ခုနှစ်တွင် ကုလားကန်ကုန်းရွာအနီး မောင်ခင်ဘလုပ်သော တောင်ယာနှင့် ကပ်နေသည့် အုတ်ကုန်းဟောင်းမှ တူးဖော်ရရှိသည့် ရွှေချပ်လွှာ၂၀ ချပ်မှာလည်း ပဋိစ္စ သမုပ္ပါဒ ဒေသနာ အစရှိသော ပါဠိပိဋကတ်တော်မှ ကောက်နုတ်ချက်ကိုးခုပါရှိလေသည်။
    ဗြဟ္မဏ(ဟိန္ဒူ) အယူဝါဒဆိုင်ရာ ကျောက်ဆစ်လက်ရာများမှာ များသောအားဖြင့် ဗိဿနိုးနတ်ရုပ်များ ဖြစ်လေသည်။
    သရေခေတ္တရာတွ် ရွှေဆင်းတု၊ ကြေးဆင်းတု၊ ငွေဆင်းတု၊ ငွေစေတီ စသော အယူဝါဒဆိုင်ရာ ၀တ္ထုပစ္စည်းများကို သာမက အနုပညာလက်ရာပြောင်မြောက်သော ၀တ္ထုပစ္စည်း အမျိုးမျိုးကိုလည်း ပြုလုပ်သည်ကို တွေ့ရှိရ၏။ လေးထပ်ပြင်ဘုရား အနီးမှလည်းကောင်း၊ ဆင်မ ကိုးဝန်တင်ကုန်းနှုင့် မုန့်သည်မကုန်းတို့မှ လည်းကောင်း ဖော်ထုတ်ရရှိသည့် ကျောက်ပလ္လင်အပိုင်းအစများမှာ ကြာဖတ်ကြာလွှာများ၊ မှန်ကူကွက်များနှင့် အမွမ်းအပြောက်တို့ဖြင့် အဆန်းတကြယ်ထုလုပ်ထားလေသည်။ တံကဲများ၊ သပိတ်များ၊ အရိုးအိုးများ၊ ဌာပနာတိုက်ဖုံးသည့် ကျောက်ပြားများနှင့် ခြင်္သေ့ရုပ်များတွင်လည်း ကျောက်ဆစ်လက်ရာထူးချွန်ပုံကို တွေ့မြင်နိုင်သည်။ ရွံ့စေးကို မီးဖုတ်၍ ပြီးစေသော ရုပ်လုံးရုပ်ကြွများကိုလည်း လူရုပ်၊ ဘီလူးရုပ်၊ တိရိစ္ဆာန်ရုပ်၊ ကြာပန်းဖော်သော အုတ်တိုင်များအသွင် ဖန်တီးပြုလုပ်ကြလေသည်။
    အယူဝါဒဆိုင်ရာ ယဉ်ကျေးမှုမှအပ ပျူလူမျိုးတို့၏ နေထိုင်ဝတ်စားဆင်ယင်မှု ဓလေ့ထုံးတမ်းများနှင့် စပ်လျဉ်းသည့် ယဉ်ကျေးမှုသာဓကများကိုလည်း အတော်အသင့် ထုတ်ဖော်တွေ့ရှိရသည်။ ကျောက်မျက်ရတနာတို့ဖြင့်ပြီးသော လည်ဆွဲပုတီးများ၊ ငွေရေသောက်ဖလားများ၊ ငွေကွမ်းအစ်များ၊ ငွေနံ့သာဗူးများ၊ ငွေကြာပန်းများ၊ လိပ်ပြာရုပ်၊ ဟင်္သာရုပ်၊ ရွှေလက်စွပ်၊ ငွေလက်စွပ်များစသည်တို့ကို ထောက်ရှု၍ သရေခေတ္တ၇ာ၏ စည်ပင်ဝပြောမှုနှင့် ယဉ်ကျေးမှုအဆင့်အတန်းမြင့်မားမှုကို သိသာလေသည်။ ပျူလူမျိုးတို့သည် သေဆုံးသည့်အခါ မီးသင်္ဂြိုဟ်သည့် အလေ့အထရှိကြ၏။ မီးကျွမ်းပြီးသော အရိုးစများနှင့် ပြာတို့ကို မြေအိုးများတွင် ထည့်သွင်း၍ ထိုအရိုးအိုးတို့ကို အစုလိုက်အပြုံလိုက် မြှုပ်နှံ့လေ့ရှိကြသည်။ သာမန်အရပ်သူ အရပ်သားများအတွက် မြေအိုးများကို အသုံးပြု၍ မင်းစိုးရာဇာတို့အတွက် ကျောက်အိုးများကို အသုံးပြုကြောင်းလည်း သိသာသည်။ ပျူဒင်္ဂါးများဟု ခေါ်ဝေါ်သော အမှတ်လက္ခဏာများ ခတ်နှိပ်ထားသည့် ငွေပြားဝိုင်းများကိုလည်း သရေခေတ္တရာမြို့ဟောင်းနှင့် ပတ်ဝန်းကျင်တွင် တွေ့ရှိရ၏။ အမှတ်လက္ခဏာများမှာ သီရိဝစ္ဆပုံ၊ နေ၊ လနှင့် နက္ခတ်များပုံ၊ စကြာပုံ၊ ၀ရဇိန်လက်နက်ပုံ၊ သမုဒ္ဒရာပုံ၊ စသည်တို့ဖြစ်၏။ ယင်းဒင်္ဂါးများမှာ ကျပ်ပြားအရွယ်၊ ငါးမူးစေ့အရွယ်၊ မတ်စေ့အရွယ်များ ဖြစ်ရာ ငွေကြေးအဖြစ် အသုံးပြုဖွယ်ရာ ရှိသည့်အပြင် အန္တရာယ်ကင်း အဆောင်အယောင်အဖြစ် လည်ဆွဲဆင်ယင်ကြောင်း သိသာလေသည်။

သရေခေတ္တရာမြို့ဟောင်းမှတစ်ဆင့် ဘောဘောကြီးဘုရားသို့လည်း သွားရောက်လေ့လာခဲ့ကြပြန်ပါတယ်။ မသိတာတွေ သိရှိရပြီး ဒီလို မောင်နှမတစ်စု စုစုစည်းစည်းတစ်ခါဖူးမျှ သွားရောက်ဖူးခြင်းမရှိသော်လည်း စည်းလုံးညီညွတ်ပြီး တစ်ဦးနဲ့တစ်ဦး ကူညီရိုင်းပင်းစွာ သွားရောက်ရ၍လည်း အလွန်ပျော်ရွှင်ကြည်နူးမိပါတယ်။ သမိုင်းကြောင်းတွေပါ ထည့်ရေးထားလို့ ဘောဘောကြီးတို့ ဘဲဘဲလေးတို့ ဘုရားအကြောင်းတွေ ဆက်လက်ရေးသားချင်သော်လည်း နေရာအခက်အခဲကြောင့် မတင်ပြတော့ပါဘူး။ နောင်မှ သမိုင်းကြောင်းများကို ဆက်လက်ရေးပြပါဦးမယ်။ အဲဒီမှတစ်ဆင့် ထိုခေတ်က အရိုးအိုးများနဲ့ သင်္ဂြိုလ်ကြသည့် ရှေးဟောင်းသင်္ချိုင်းများကိုလည်း ထပ်မံ သွားရောက်လေ့လာကြပြန်ပါတယ်။ နေက ပူပူ လျှောက်လိုက်ရတဲ့ ဘုရားတစ်ဆူနဲ့တစ်ဆူကြား ၁၅ မိနစ်လောက် လျှောက်ရတယ်။ လမ်းကတော့ မြေနီလမ်းကျဉ်းမှာ နွားလှည်းရာတွေနဲ့လမ်းဆိုတော့ ညီတဲ့နေရာ ညီပြီး မညီတဲ့နေရာ မညီဖြစ်နေတာပေါ့။ ဒါပေမယ့်လည်း တစ်ယောက်နဲ့ တစ်ယောက် စကြ နောက်ကြနဲ့ တစ်နေရာပြီး တစ်နေရာ လေ့လာမှတ်သားရတာဟာ အတော်ကို ဗဟုသုတအစုံရရှိခဲ့ပါတယ်။ ဒီကြားထဲ ညီလင်းဆက်တို့တွေ ရှေးခေတ်က အင်းကြင်းကျောက်လား ဘုရင်တွေ သုံးခဲ့တဲ့ပစ္စည်းဆိုပြီး လမ်းမှာ တူးစရာမပါ ဘာမပါနဲ့ လေ့လာဖို့ တူးယူခဲ့ကြပြန်ပါတယ်။ ပြီးတော့ လိုက်စနေပြန်တယ်။ ဒီကျောက်တုံးကို ကိုင်လိုက်ရင် ဆုတောင်းပြည့်တယ်တဲ့ သားဖြိုးက ပြောပြီး အတင်းကိုင်ခိုင်းပါလေရော။ ကျွန်မကတော့ အေးပါ မင်းတို့သာ ဆုတောင်းပြည့်အောင် သယ်ပြီး ကိုင်လာခဲ့လို့ ပြန်ပြောလိုက်တယ်။

ရွှေတောင်မြို့သို့ရောက်သောအခါ

ထို့နောက်တွင်တော့ MBS အဖွဲ့သားများဟာ ပြည်မြို့မှ ပြန်လည်ထွက်ခွာလာခဲ့ကြပြီး ရွှေတောင်မြို့သို့ရောက်သောအခါ ရွှေနတ်တောင်ဘုရားကို ၀င်ရောက်ဖူးမြှော်ကြပြန်ပါတယ်။
ရွှေနတ်တောင်ဘုရားကြီးအကြောင်းကတော့ ပြည်ခရိုင် ရွှေတောင်မြို့နယ်ရှိ ရွှေနတ်တောင်ဘုရားသည် မြန်မာနိုင်ငံတွင် ထင်ရှား၍ တန်ခိုးကြီးဘုရားစေတီတော်တို့တွင် တစ်ဆူအပါအ၀င် ဖြစ်တယ်။ ရွှေနတ်တောင် ဘုရားသည် ရွှေတောင်မြို့တောင်ဖက် လေးမိုင်အကွာ ဒေ၀ါဂီရီခေါ် ရွှေနတ်တောင်ကုန်းမြင့်ပေါ်တွင် တည်ရှိပြီး စေတီတော်ဆိုင်ရာ သမိုင်းဟောင်း၊ သမိုင်းလတ်များအပြင် ပါဠိဘာသာဖြင့် ရေးသားထားသော သမိုင်းသစ် စသည်ဖြင့် အထင်အရှားရှိပါသည်။ သမိုင်းအဆိုအရ မြတ်စွာဘုရား သခင်သည် သဗ္ဗညုတ ရွှေဥာဏ်တော်ကို ရတော်မူပြီးနောက် တစ်နှစ်မြောက်ဖြစ်သော သက္ကရာဇ် ၁၀၄ ခုနှစ်တွင် ရာဇဂြိုဟ်ပြည်ဝေဠုဝန်ကျောင်းတိုက်မှ ယခု ရွှေနတ်တောင် ဘုရားတည်ရာ ဒေ၀ါဂီရိတောင်သို့ အရံသံဃာမပါ ကိုယ်တော်တစ်ပါးတည်းသာလျှင် တောင့်စောင့်ကြီးနတ်ကြီးအသွင်ဖြင့် ကြွရောက်တော်မူသည်။ ထိုကာလက ယင်းတောင်ကြီး၏ အနီးရှိ ယခု ရွှေတောင်မြို့ နေရာဖြစ်သော ကဉ္စန ဂီရိ နိဂုံးသူ နိဂုံးသားတို့သည် ဘာသာအလိုက် စရိုက်အားလျော်စွာ နတ်ကိုးကွယ်ကြရာ ထိုတောင်ကြီးပေါ်၌ နတ်ကွန်းဆောက်၍ တပေါင်းလတိုင်း ထိုတောင်စောင့်နတ်ကြီးကို ဆည်းကပ် ပသတင်မြှောက် ပူဇော်ကြသည်။
ဒေ၀ါဂီရိတောင်ထိပ်ပေါ်သို့ ဘုရားရှင်ကြွချီတော်မူသည့်ကာလ နတ်ဗြဟ္မာတို့လည်း ပူဇော်ရန် အသီးသီး ရောက်ရှိလာကြကုန်သည်။ ထိုအခါ တောင်အလုံးသည် ဘုရားရှင်၏ ရောင်ခြည်တော်တို့ဖြင့် တလျှပ်လျှပ် ထွန်းပ၍ နေလေသည်။ ယင်းသို့ အလျှံအ၀ါ တောက်ပပုံကို မြင်ရသော နိဂုံးသူနိဂုံးသားတို့သည် တအံ့တသြဖြစ်ကာ နောက်တစ်နေ့ နံနက်တွင် တောင်သို့တက်၍ ကြည့်ကြရာ သိကြားမင်းခင်းအပ်သော ပလ္လင်ညောင်စောင်း၌ နတ်သားအသွင် ဘုရားရှင်ကို ဖူးတွေ့ရသောအခါ သူတို့ ကိုးကွယ်သော နတ်မင်း ကိုယ်ထင်ပြသည်ဟု ယူဆကြကုန်သည်။ ဘုရားသခင်အား နတ်ကြီးအမှတ်ဖြင့် ရှိခိုးပူဇော်ကြ၍ ဘုရားသခင် ဟောတော်မူသော တရားကို နာယူကြသည်တွင် အချို့သော ပရိသတ်သည် သရဏဂုံ သုံးပါးနှင့် တကွ ငါးပါးသီလ မြဲကြကုန်သည်။ ဘုရားသခင်သည် ခုနှစ်ရက်ပါတ်လုံး တရားဒေသနာများ ဟောတော်မူပြီးနောက် ရှစ်ရက်မြောက်သောနေ့၌ နိဂုံးသူနိဂုံးသားတို့ ကိုးကွယ်ဆည်းကပ်ရန် ဘုရားရှင် ကိုယ်စား နတ်သားအသွင်ဖြင့် နိမ္မိတရုပ်ပွားတော်ကို ထားတော်မူခဲ့ကာ ရာဇဂြိုဟ်သို့ ပြန်ကြွတော်မူသည်။ နိဂုံးသူနိဂုံးသားတို့သည် ရုပ်ပွားတော်ကို ပျက်ပြားဆုတ်ယုတ်ခြင်း မရှိစေရန် အင်္ဂတေအုတ်ရိုးတို့ဖြင့် ပုထိုးစေတီငုံ၍ တည်လေသည်။ စေတီတည်ကြရာတွင် နေ့တွင် လူတို့က တစ်ရစ်တည်၍ ညဉ့်တွင် နတ်တို့က တစ်ရစ်တက်တည်သည်ဟု အဆိုရှိသည်။ ထို့ကြောင့် သမိုင်းရင်း၌ `လူနတ် နှစ်လီ၊ တရစ်စီ၊ စေတီရွှေနတ်တောင်´ ဟုဆိုသည်။ စေတီတော် ဘုရားပွဲကိုလည်း နိဂုံးသူနိဂုံးသားတို့သည် ရှေးဦးမဆွ က်ျးပပြုလုပ်မြဲဖြစ်သည့် အတိုင်း နှစ်စဉ် တပေါင်းလ၌ ကျင်းပကြရာ ယုခုခေတ်တိုင်ပင်ဖြစ်သည်။ နတ်ကြိးနေရာတောင်တွင် ရွှေတောင်၊ ရွှေတုံးကြီးကဲ့သို့ အရောင်အ၀ါများ တဖိတ်ဖိတ် တောက်သည်ကို အစွဲပြု၍ ရွှေနတ်တောင်ဟု တွင်ရာမှ ယင်းတောင်ပေါ်တွင် တည်ထားသော ဘုရားသည် ရွှေနတ်တောင်ဘုရားဟု ကျော်ကြားခဲ့လေသည်။
ရွှေနတ်တောင်ဘုရားကို ဒွတ္ထပေါင်မင်းကြီးမှ အစ မင်းအပေါင်းတို့သည် ဆက်လက် ပြုပြင်ကိုးကွယ်ကြသည်။
ဒွတ္ထပေါင်မင်းကြီး လက်ထက်တွင် မိဖုရားနှစ်ပါး ဖြစ်ကုန်သော ပိဿနိုးနှင့် စန္ဒာဒေ၀ီ တို့သည် ပျက်စီးယိုယွင်းနေသော ရွှေနတ်တောင် ဘုရားကို အုတ်အင်္ဂတေများ ရှင်းလင်းပြီးနောက် ဘုရားရှင်၏ ဓါတ်တော်ပေါင်း ၁၈၂ဆူကို ရတနာကြုတ်ဖြင့် ထည့်ကာ ဌာပနာ၍ ရွှေစေတီတစ်ထပ် ငွေစေတီတစ်ထပ် မွမ်းမံပြီးလျှင် အုတ်ရိုးစေတီ15တောင်အမြင့် တည်သည်။ ဒွတ္တပေါင်မင်းကြီးကလည်း စေတီတော်ပြိးစီးသော အခါ နေထွက်နေ၀င်အခါတွင် စေတီတော်အရိပ်ထွက်သမျှ ဌာနကို ဘုရားမြေဖြစ်စေ၊ ဤနယ်မြေမှ ထွက်သမျှ ဌာနကို ဘုရားမြေဖြစ်စေ၊ ဤနယ်မြေမှ ထွက်သမျှ အခွန်ကို စေတီတော်၌ ဆွမ်းတော်ဝတ်၊ ဆီမီးဝတ် ဖြစ်စေ ဟု လှူ၍ တပေါင်းလတိုင်း ပွဲလမ်းသဘင် ဆင်ယင်ကျင်းပ ပူဇော်သည်။ ထို့နောက် ပုဂံပြည် တရုတ်ပြေးမင်း၏သားတော် ပြည်စားသီဟသူသည် ခမည်းတော် မှာထားချက်အရ ခမည်းတော်လက်စွပ်ကို ရောင်းချ၍ ရွှေနတ်တောင်စေတီတော်ကို ထပ်မံပြုပြင်ရာ ဥာဏ်တော် ၄၄ တောင် မြင့်လေသည်။ တောင်ငူဘုရင် တပင်ရွှေထီးလက်ထက်တွင် လည်း ကိုယ်တော် လုံးပတ်ပြည့် ရွှေသင်္ကန်းကပ်လှူတော်မူသည်။ ထို့နောက် ကုန်းဘောင်ခေတ် ဘိုးတော်ဘုရားလက်ထက် သားတော်အိမ်ရှေ့မင်းသည် ရခိုင်ကို အောင်၍ ပြန်လာသည်တွင် ရွှေနတ်တောင်ဘုရားအား ဖူးမြော်၍ ကိုယ်လုံးပြည့်ရွှေသင်္ကန်းကပ်ခဲ့သည်။ ကုန်းတော်ရင်ပြင်ဝယ် တင့်တယ်ထူးဆန်း ခြူးပန်းခြူးနွယ် အသွယ်သွယ်သော ရတနာတို့ဖြင့် ချယ်လှယ်အပ်သော ရွှေပြဿဒ်တော်ကိုလည်းကောင်း၊ စောင်းတန်းလှေကားများစွာသော အရုဏ်ခံတန်ဆောင်းတုိ့ကိုလည်းကောင်း ဆောက်လုပ်လှူဒါန်းတော်မူသည်။ ယင်းသို့ မင်းအဆက်ဆက် ပြုပြင်ပူဇော်ခဲ့ရာ ယခု အခါ စေတီတော်သည် ထီးတော်မပါ ဥာဏ်တော် ၆၄တောင်ရှိသည်။ ထီးတော်ပါမူ အတောင်၈၀မြင့်သည်။ စေတီတော်၏ ၀န်းကျင်ပတ်လည်တွင် စေတီရံ ၁၇ဆူနှင့် ရွှေပန်းခိုင်ကြိး၁၅ခိုင်ရှိသည်။ ဘုရားကုန်းတော်ပေါ်၌ ကြေးခေါင်းလောင်းပေါင်း ၂၁လုံး၊ ထီးတိုင်ပေါင်း ၁၄ခုနှင့် ဘုရားဖူးပရိသတ်တို့ နားနေရန် သုံးထပ် ဇရပ်ကြီးနှင့် တကွ ဇရပ် စုစုပေါင်း ၁၅ခုရှိသည်။ မြန်မာနိုင်ငံ ဗြိတိသျှလက်အောက်၌ ရှိစဉ် အိန္ဒိယနိုင်ငံ နှင့် ခွဲရေးတွဲရေး ပြဿနာ ပေါ်ပေါက်လာရာ ၁၉၃၇ခုနှစ် ဧပြီလ၁ရက်နေ့တွင် ခွဲရေးအောင်မြင်သည်ကို အမှတ်ရစိမ့်သောငှာ ဘုရားကုန်းတော်ပေါ်၌ပင် ကျောက်စာတိုင် စိုက်ထူထားသည်ကို တွေ့ရသည်။ စေတီတော်ကုန်း၏ တောင်ဖက်တွင် နှစ်ကျိပ် ရှစ်ဆူ ရုပ်ပွားတော်များ တန်ဆောင်းရှိ၍ ယင်းသို့ သွားရာလမ်းတွင် ၀င်္ကပါတောင်လမ်းရှိသည်။
ထို့ပြင် ဒွတ္တပေါင်မင်းကြီး လက်ထက် အလယ်နန်း ပိဿနိုးမိဖုရားသည် ရှင်မဟာယသမထေရ် ဟောကြားတော်မူသော တေမိဇာတ်တော်ကို ကြည်ညိုလှသဖြင့် တေမိဇာတ်၌ ပါရှိသည့် ကာသိကရာဇ်တိုင်း ဗာရာဏသီပြည်သို့ သွား၍ တေမိမင်းသား ရဟန်းပြုလုပ်သည့် တိုင်အောင်သော အဖြစ်အပျက် နေရာထိုင်ခင်းတို့ကို ရှုမြင်လိုသည့် ချင်ခြင်း ပြင်းပြစွာ ဖြစ်၏။ မိဖုရား၏ ဆန္ဒကို ပြည့်ဝစေရန် ကဉ္စနာဂီရိခေါ်ရွှေတောင်မြို့ကို ဗာရာဏသီမြို့၊ ယင်းမြို့၏ အနီးဝန်းကျင်ကို ကာသိတိုင်းအဖြစ် စီရင်၍ မိဖုရားအား လိုက်လံ ပြသသည်ဟု ဆိုလေသည်။
ထို့ကြောင့် ရွှေနတ်တောင်၏ အနီးဝန်းကျင်တွင် မိဖုရားကြီးလှည့်လည်ကြည့်ရှုစဉ်က တေမိမင်းသားအား မြေမြှုပ်ရန် တွင်းတူးသည့်နေရာဟု ပြသရာ ဖြစ်သော တွင်းတောင်အရပ်၊ ရထားရပ်ရာအရပ်ဖြစ်သော ရပ်တော်မူအရပ် (ယခု မှတ်တော်မူအရပ်)၊ မင်းသားရထားမှ ဆင်း၍ အားစမ်းအံ့သောငှာ ရထားကို မွှေ့၍ လည်စေသောဌာနဟု ပြသည့်အရပ်ဖြစ်သော ယခုအခေါ် မွေလယ်ရပ်၊ တေမိမင်း၏ ခမည်းတော် မယ်တော်တို့လိုက်လာ၍ ရသေ့ရဟန်းပြုကာ နေထိုင်ရာ ဌာနဟု ပြသသည့်အရပ်ကို ခမည်းတော် သင်္ခမ်း၊ မယ်တော် သင်္ခမ်းဟုတွင်သော သင်္ခမ်းကြီးတောင် စသည်တို့သည် ယခုတိုင်ရှိသေးသည်။ သင်္ခမ်းကြီးတောင်တွင်လည်း ဒွတ္တပေါင်မင်းကြီး မိဖုရား ပိဿနိုးနှင့် စန္ဒာဒေ၀ီတို့က ဓာတ်တော်ဌာပနာ၍ တည်ထားသော သင်္ခမ်းကြီးစေတီလည်း တွေ့ခဲ့ရပါတယ်။
ရွှေနတ်တောင်မှာ ဘုရားအတွက် ပြုပြင်မွမ်းမံများကို လုပ်အားပေးကြသော အနီးအနားမှ ရွာများက လူများအား သာကူကြိုပြီး တိုက်နေကြတာကို တွေ့ရှိရပြီး ဂေါပကမှ အတင်းဖိတ်သဖြင့် ၀င်ပြီး ငတ်တီးကျ အဲ ၀င်ရောက် အားနာပါးနာနဲ့ ခေါင်းမဖော်တမ်း သောက်ကြသေးတယ်။ ကျွန်မတော့ သိပ်မသောက်နိုင်ဘူး ထန်းလျက်များပြီး အတော်ချိုလို့ တစ်ဇွန်းနှစ်ဇွန်းပဲ သောက်ခဲ့လိုက်တော့တယ်။ ရွှေနတ်တောင်ဘုရားမှအပြန် လမ်းခရီးတွင် ခဏအနားယူ အပန်းဖြေခဲ့ကြပါသေးတယ်။
ရေပြာလှိုင်းစားသောက်ဆိုင်ရောက်တော့ ညနေစောင်းအချိန်ဖြစ်နေပြီး မစားသေးခင် ဆော့ကြ လက်ဆောင်ပစ္စည်းများ အမှတ်တရလဲလှယ်ခဲ့ကြတယ်။ တစ်ဆက်တည်း ကျွန်မ ရရှိခဲ့တဲ့ လက်ဆောင်က ဂျူဝဿန်ရဲ့ လက်ဆောင်ပစ္စည်းအရုပ်လေးဖြစ်ပါတယ်။ ဂျူဝဿန် မောင်လေးရေ... ကျေးဇူးအများကြီးတင်ပါတယ်နော်...
ထို့နောက် ည ၉ နာရီဝန်းကျင်ခန့်မှာ ရန်ကုန်မြို့သို့ ပြန်လည်ထွက်ခွာလာခဲ့ကြပါတယ်။ ကားပေါ်တွင် ဘလောဂ့်ဂါအချင်းချင်း တစ်ဦးနှင့်တစ်ဦး မိတ်ဆက်ခြင်း၊ ဘလောဂ်ရေးရခြင်းရဲ့ ရည်ရွယ်ချက်များကို ဖလှယ်ဆွေးနွေးကြပြီး ရှေ့ကို ဘယ်လိုဆက်သွားမယ်ဆိုတဲ့အကြောင်း၊ တစ်ယောက်က ပြောရင် မည်သူမဆို မေးချင်တဲ့မေးခွန်း မေးကြရတာ အတော်ကို သဘောကျဖို့ကောင်းပါတယ်။ ဥပမာပြောရရင် အချစ်မဲ့ဂီတာအလှည့်မှာ သူဟာ အချစ်မဲ့နေတဲ့အတွက် အချစ်မဲ့ဂီတာလို့ ဘလောဂ်နာမည်ပေးထားခြင်း ဖြစ်ကြောင်း၊ တစ်ယောက်က ထမေးပါတယ်။ တကယ်လို့ အချစ်ရှိလာခဲ့ရင်ကော ဘလောဂ့်နာမည်ပြောင်းမှာလား မေးတော့ ဟုတ်ကဲ့ တကယ်လို့ အချစ်ရှိလာခဲ့ရင် ဘလောဂ်နာမည်ကို အချစ်နက်ဂီတာဆိုပြီး ပြန်ပြောင်းပါမယ်ပြောတော့ တစ်ကားလုံးဝိုင်းရယ်ကြရပါသေးတယ်။ အရေးထဲ ကိုယ့်အလှည့်မရောက်သေးတာကို ပြောချင်နေတဲ့ ဂျူဝဿန်ကလည်း ဘေးကနေပြီး ငါ့အလှည့်ရောက်ရင် ဘလောဂ်စလုပ်ခဲ့တဲ့နှစ် မေးရင် လွန်ခဲ့တဲ့ ၃ ရာစုနှစ်ကလို့ ပြောရင်ကောင်းမလားလို့ ရွတ်နေပြန်ပါရော။ တကယ် ရယ်ရတယ်။ မိတ်ဆက်တာ မပြီးသေးခင် ပေါင်းတည်မြို့ကို ၀င်လာတော့ ပေါင်းတည်စွယ်တော်ဘုရားပွဲရှိလို့ ကားခဏရပ်ပြီး နာရီဝက်ခန့် ဖူးမြှော်ခဲ့ကြပြန်ပါတယ်။ ကြုံတောင့်ကြုံခဲပွဲတွေလို့ ပြောရပါမယ်။ ည ဆယ့်တစ်နာရီဝန်းကျင်မှာ ရန်ကုန်သို့ ပြန်လည်ထွက်ခွာလာခဲ့ကြပြီး လမ်းခရီး ခဏရပ်နား ညလယ်စာစားကြ၊ ကျန်းမာရေးကိစ္စပြုလုပ်ကြနဲ့ နောက် ပညာများ ဖလှယ်ခြင်း၊ ဝေဖန်ဆွေးနွေးခြင်း အတွေ့အကြုံများ မျှဝေခြင်းနဲ့ ကိုလိန်နဲ့ ညီလင်းဆက်က သရဲခြောက်တာ ကြုံဖူးခဲ့ကြရတဲ့အကြောင်းများကို ကားပေါ်မှာ ပြောပြနေတုန်း ဟိုလိုလိုဒီလိုလိုအပေါ်က ကျောပိုးအိတ်ကြီး သူ့အပေါ်ကို ပြုတ်ကျလို့ ထအော်တာလည်း တကယ့်ကို ငိုအားထက် ရယ်အားသန်ခဲ့ရပြန်ပါတယ်။ သြဂုတ် ၃၁ ရက်နေ့ နံနက် ၄ နာရီခွဲအချိန်တွင် ရန်ကုန်မြို့ စုရပ်သို့ ပြန်လည်ရောက်ရှိခဲ့ပါတယ်။ Blogger Gathering & Shirikhitara 2.0 Excursion ခရီးစဉ်ကြီးလည်း အောင်မြင်စွာ ပြီးဆုံးခဲ့ပါတော့တယ်။

ဒီခရီးစဉ်ကြီးမှာ တစ်ခါမှ မမြင်ဖူး မတွေ့ဖူးသေးတဲ့ ဘလောဂ်ဂါမောင်နှမများအားလုံးကို တွေ့ဆုံခဲ့ကြရခြင်း၊ တစ်ဦးနဲ့တစ်ဦး မောင်ရင်းနှမများသဖွယ် စည်းလုံးညီညွတ်ပြီး ငယ်ပေါင်းကြီးဖော်များသဖွယ် ခင်မင်ရင်းနှီးစွာဖြင့် ခရီးစဉ်တစ်လျှောက် အေးအတူ ပူအမျှ လက်တွဲခဲ့ကြလို့လည်း ဒီခရီးစဉ်ကြီးဟာ အောင်မြင်မှုများစွာနဲ့အတူ ပြီးဆုံးခဲ့တယ်လို့ ခံစားမိပါတယ်။ နောင်ကိုလည်း ဒီလိုပဲ အတူသွားရောက်လေ့လာနိုင်ကြစေဖို့ ကျွန်မ အမြဲမျှော်လင့်နေမိပါတော့တယ်။
ကျွန်မ ပြန်လာကတည်းက ရေးချင်ပေမယ့် အချိန်မအားတာရယ်၊ ကျန်းမာရေးအခြေအနေကြောင့် ခုမှ ရေးသားလိုက်ရတာကို ခွင့်လွှတ်ပေးစေချင်ပါတယ်။ ဆောင်းပါးနည်းနည်းရှည်သွားတဲ့အတွက် စာဖတ်သူကိုလည်း အလွန်တရာမှ အားနာမိပါတယ်။ ရေးစရာတွေက ကျန်ရှိနေပေမယ့် အတိုချုပ်နဲ့ သမိုင်းကြောင်းလေးတွေပါ ထည့်ပေးလိုက်ပါတယ်။ နောက်တစ်ခေါက်သွားရင် လိုက်ဖြစ်အောင် လိုက်စေချင်ပါတယ်နော်။

၂၉ ရက်နေ့ရဲ့ ရေကြီးခြင်း ဖြစ်စဉ်

၂၉ ရက် ၉ လ ၂၀၀၉ ရက်ကတော့ တကယ့်ကို မကြုံဖူးတဲ့နေ့ကို ကြုံဆုံလိုက်ရတာပဲ ဖြစ်ပါတယ်။ မနေ့က အလုပ်က ပြန်တာလည်း နောက်ကျ၊ ကားကမရနဲ့ ရတဲ့ကားကို စီးတော့ ထိုင်ခုံမရှိဘူးတဲ့ ဒါနဲ့ လှိုင်သာယာပြန်မယ့် ၃၆ ယာဉ်လိုင်းကားကို တက်စီးမိတယ်။ အင်းစိန်ပြန်မှာဆိုတော့ မိုးတွေက အရမ်းရွာထားတော့ ကားက တစ်စီးမှ မရှိတာနဲ့တက်စီးလာခဲ့တာ ၇ နာရီ ၁၅ မိနစ်လောက်ရှိတော့ ပိတောက်ချောင်းမှတ်တိုင်နားရောက်နေပြီ။ ဒါနဲ့ ကားက ရှေ့ကို ဆက်သွားလို့မရတော့ဘူး။ ဘာဖြစ်လို့လဲပေါ့ ကြည့်လိုက်တော့ ရှေ့တစ်လျှောက်လုံး ကားတန်းကြီးပိတ်နေတာ ၄ တန်းလောက်ရှိတယ်။ ဟိုဘက်က ပြန်တဲ့ကားလမ်းတောင် မရှိသလောက်ဖြစ်နေတယ်။ ဒါနဲ့ ကျွန်မ စီးလာတဲ့ကားက ကားတန်းကို ကျော်တက်လိုက်တာ ကားတန်းက ၅ တန်းဖြစ်သွားတယ်။ ကျော်တက်လာတုန်း လူတွေ လမ်းလျှောက်လာတာ တော်တော်များများတွေ့ရတယ်။ လှိုင်သာယာစက်မှုဇုံထိကားတန်းပိတ်နေတာ ညနေ ၄ နာရီထဲကတဲ့။ တချို့လူတွေက အဲဒီကနေ လမ်းလျှောက်လာရတာတဲ့။ ဟာ သွားပြီပေါ့။ ဒါနဲ့ ကားမောင်းတဲ့လူက ပတ်မောင်းမယ်တဲ့ တောင်ဥက္ကလာမှာလည်း ရေကြီးနေလို့ ပတ်မောင်းလာရတာ ခုလည်း ဒီလိုပဲဖြစ်နေပြီဆိုပြီ gus လောက်မလောက်ကြည့်ပြီး ပြန်ကွေ့ပတ်မောင်းတော့ ဘူတာရုံလမ်းထဲကို ပြန်ဝင်တယ် ဗဟိုလမ်းကနေသွားလို့ရမယ်ထင်တယ်ဆိုပြီး ၀င်ကာမှ ပိုဆိုးနေတယ် လမ်းထဲကားတွေရော လူတွေရော ပိတ်မိနေတယ်။ ဒါနဲ့ ဘယ်က ပြန်တက်လဲဆိုတော့ ရေကြောင်းမရောက်ခင် ရွာမကွေ့ကနေ ပြန်မောင်းတော့ လား လား ရှေ့ကို ဆက်မသွားဖို့ ၀ိုင်းပြောတဲ့သူတွေကြီးပဲ ကားလေးတွေဆို အကုန်မြှုပ်နေလို့ ရပ်တောင်ထားရတယ်။ အဲဒီဘက်မှာ တော်တော်ကြီးတယ်။ အနိမ့်ပိုင်းဆိုတော့ ဒါနဲ့ ကားသမားက သွားကြည့်မယ်လို့ ပြောပြီး စပယ်ယာကို ကားရှေ့က ဆင်းပြီး ရေတိမ်ကို လမ်းပြခိုင်းတယ်။ ဒါနဲ့ ဆက်သွားလိုက်တာ ဗဟိုလမ်းကနေ သမိုင်းကို ဖြတ်လို့ ဘယ်လိုမှ မရတာနဲ့ ပါရမီကနေ တက်တက် ပြန်ထွက်ပြီး မင်းဓမ္မလမ်းဘက်ကို မောင်းပြန်ရော... အဲဒီက ပိုဆိုးသေး နှစ်ထပ်အိမ်တွေဆို အောက်ထပ်က ဘယ်လိုမှ နေလို့မရတဲ့အခြေအနေဖြစ်နေပြီ။ ကျွန်မလည်း ဘုရားစာရွတ် ပုတီးစိတ်နဲ့ လိုက်လာတာ။ နောက်တစ်နေရာရောက်တော့ အိမ်တွေကရော ဟိုဘက်က လမ်းလျှောက်လာတဲ့သူတွေကပါ ရှေ့ဆက်မသွားဖို့ တားကြတယ်။ အမျိုးသားတွေတောင် ခါးအထိ ရေရှိနေတာ အမျိုးသမီးတွေဆို သွားလို့မရဘူးတဲ့ ရေစီးနဲ့ပါသွားမယ်တဲ့။ ကားသမားက ရှေ့လည်းတိုးလို့မရ နောက်လည်း ဆုတ်လို့မရတဲ့အခြေအနေဖြစ်နေပြီ ရှေ့ကို ဆက်သွားမှာပဲတဲ့ မရောက်ရောက်အောင် မောင်းမယ်ပေါ့။ ကားသမားရဲ့ စေတနာကို လေးစားမိတယ်။ တကယ်လို့သာ ကားပြန်မကွေ့ပဲ ပိတ်မိနေတဲ့နေရာကနေ စောင့်နေမယ်ဆို အိမ်ကို ပြန်ရောက်မှာ မဟုတ်သလို သူ့အတွက် ကျန်မယ့် gus ကိုလည်း သုံးပေးတဲ့အတွက်ရယ် နောက်တစ်ချက်က ကျွန်မ အမြင်မှာ ကားပေါ်မှာ ပါလာတဲ့လူတွေအားလုံးရဲ့ အသက်ဟာ သူ့လက်ထဲမှာပဲ ရှိနေပါလားလို့ စဉ်းစားမိလိုက်တယ်။ တကယ်လို့ အမျိုးသားတွေ ခါးလောက်ရှိတဲ့ ရေထဲမှာ ကားစက်သာ ထိုးရပ်သွားရင် ဘယ်လိုလုပ်မလဲဆိုတဲ့အတွေးကို ကျွန်မ မ၀င်မိအောင် မနည်း အာရုံပြောင်းထားတယ်။ မင်းဓမ္မလမ်းဘက်က အိမ်ခြေက မရှိ ရေက ကြီးနဲ့ တကယ်ကို ဘယ်လိုမှ မတွေးဝံ့စရာအခြေအနေပါ။ ကျွန်မ တစ်သက်နဲ့တစ်ကိုယ် တစ်ခါမှ မကြုံဖူးတဲ့အဖြစ်အပျက်တစ်ခုကို မျက်ဝါးထင်ထင် ကြုံဆုံလိုက်ရတယ်။
ဒါနဲ့ လူတွေ တားနေတဲ့ကြားက ကားသမားက ရတယ် သူ မောင်းလို့ရအောင် ဖြည်းဖြည်းချင်းသွားမယ်တဲ့ ကားဘော်ဒီတောင် တစ်ဝက်မြှုပ်နေတာ မသွားဖို့ လမ်းက လူတွေက တားကြတယ်။ ဒါနဲ့ ကားသမားလည်း ဖြည်းဖြည်းချင်း ဘီးလိမ့်လိုက်တယ်။ ကားပေါ်မှာ ထိုင်ပြီး ရေပြင်ထဲမှာ သင်္ဘောနဲ့သွားနေသလို ခံစားမိတယ်။ အချိန်ကလည်း ည ၈ နာရီခွဲနေပြီ လမ်းကလည်း မှောင်မဲနေတာ လူခြေကလည်း တိတ်ဆိတ်နဲ့ ရေလှိုင်းသံပဲကြားနေရတယ် ကားပေါ်က လူတွေကလည်း ကြပ်ညှပ်နေတာပဲ ပါလာကြတာ ဒါပေမယ့် စကားပြောသံ ဆူညံသံတွေ မကြားရဘဲ နှလုံးခုန်သံတွေပဲ ကားတစ်စီးလုံးပြည့်နေသလိုပဲ။ ဒါနဲ့ ဘယ်ကို ပြန်တက်လဲဆိုတော့ ခ၀ဲခြံနားက အေးသိဒ္ဒိလမ်းကို ပြန်တက်မိသွားတယ်။ ကားပေါ်မှာ ပါလာတဲ့သူတွေရော ကားမောင်းသမားရော အောင်ပြီ အောင်ပြီလို့ ထအော်ကြတယ်။ ကျွန်မလည်း ခုမှ အသက်ရှူဖို့ သတိရမိသလို စိတ်လည်း နည်းနည်းအေးသွားတယ်။ အန္တရာယ်ကြားကနေ မောင်းပေးတဲ့ ကားသမားကြီးကိုလည်း ကျွန်မ ထိုင်ရှိခိုးချင်စိတ်ပေါက်မိတယ်။ ဒါနဲ့ အင်းစိန်ဂုံးကျော်တံတားက ဖြတ်မယ်ဆိုပြီး လာလိုက်တာ တံတားထိပ်လည်းရောက်ရော ကားကြောက တစ်ခါ ပိတ်မိနေပါရော...အဲဒါမှ ဒုက္ခပေါ့။ ကားသမားက ဒညင်းကုန်း ရွှေပြည်သာဘက်က ပတ်မောင်းမယ် gus ရှိသေးလားလို့ စပယ်ယာကို လှမ်းမေးတယ်။ ကျွန်မလည်း တံတားထိပ်ကနေပဲ လမ်းဆင်းလျှောက်မယ်ပေါ့။ နောက်တော့ gus မလောက်ဘူးဆိုတာနဲ့ ဒီကပဲ ဆက်မောင်းမယ်ဆိုတော့ ကျွန်မ လမ်းမှာဆင်းမယ်ပေါ့။ ဘာဖြစ်တာလဲမေးတော့ ကားချင်းတိုက်မိလို့ ရှေ့မှာတဲ့။ ဒါနဲ့ ကျွန်မလည်း ဆင်းပြီး ကားဂိတ်နှစ်ဂိတ်စာ လမ်းလျှောက်လာရတယ်။ လမ်းထိပ်ရောက်တော့ ဖေဖေက စောင့်နေတယ်။ ၉ နာရီခွဲလည်းရှိနေပြီ။ အိမ်ရောက်တော့ ဆူခံရပါလေရော... ဘယ်အချိန်ရှိနေပြီလဲတဲ့။ ကားကြောပိတ်လို့ပြောတာကို ဆင်းလျှောက်ပါလားတဲ့ ပိတောက်ချောင်းကနေ အင်းစိန်ကို ရေတွေထဲမှာ ဆင်းလျှောက်ရမယ်ဆို ခုချိန်ထိ ကျွန်မ ရှိနေဦးမလားဆိုတာကို စာဖတ်သူသာ ပြောကြည့်ပါတော့...
မနေ့က အဖြစ်အပျက်ကို ပြန်လည်ခံစားတင်ပြပါသည်။ ၃၆ လိုင်းက ကားနံပါတ်မမှတ်တဲ့ကားသမားကြီးကိုလည်း ဒီနေရာကနေ ကားပေါ်မှာ ခရီးသည်တစ်ဦးအနေနှင့် ခရီးသည်များ ကိုယ်စား ကျေးဇူးအထူးတင်ရှိပါတယ်။

ငါးထပ်ကြီးဘုရား

ဒီနေ့ ဆေးရုံသွားပြမယ်ဆိုပြီး ညီမလေးတစ်ယောက်နဲ့အတူ ထွက်လာတာ ဆေးရုံက ပြင်ပလူနာဌာန ပိတ်တယ်ဆိုလို့ ငါးထပ်ကြီးဘုရားကို သွားရောက်ဖူးမြှော်ခဲ့ပါတယ်ရှင်...

ကျောင်းနဲ့ရိုက်တဲ့လူနဲ့ ဟတ်နေတာပဲ

ဘုရားဝင်းအတွင်းလည်း အေးချမ်းသာယာပြီး ဘုန်းကြီးကျောင်းကြီးကတော့ နှစ်ဟောင်းအတော်ကြာပြီး နာဂစ်နောက်ပိုင်း ဒီတိုင်းပဲ တွေ့မြင်ခဲ့ရတာ တော်တော်ဝမ်းနည်းဖို့ကောင်းပါတယ်။ ပြန်လည်ပြုပြင်မယ်ဆို နှစ်အတော်ကြာ တည်တံ့ခိုင်မြဲမယ်လို့ ကျွန်မ ယူဆမိပါတယ်။ ဒီနေ့တော့ ကံက အရမ်းကောင်းနေတာပဲ ဓာတ်ပုံတွေ အရိုက်ကောင်းလို့ မျက်မှန်တက်ထိုင်မိပြီး ကွဲတော့ မမြင်မစမ်းနဲ့ ဆေးခန်းပြေးပြီး မျက်မှန် ပြန်လုပ်ရတာ တွတ်ပီ ကံမကောင်းတဲ့ရက်ထဲက တစ်ရက်ဖြစ်ပြီး ဘုရားကို ကြည်ညိုစွာ ဖူးမြှော်ရတာဟာလည်း အဆိုးထဲက အကောင်းတစ်ခုလို့ ယူဆမိပါတော့တယ်။

Blogger Gathering and Blogging Excursion

ကျွန်မတို့ တစ်လတိတိ မီတင်ပေါင်းများစွာ လုပ်ပြီး စီစဉ်ခဲ့ရတဲ့ Blogger Gathering and Blogging Excursion ရဲ့ ပထမပိုင်း အစီအစဉ်ဖြစ်တဲ့ Gathering ကတော့ ဒီနေ့မှာ အောင်မြင်စွာ ပထမပိုင်း ပြီးဆုံးခဲ့ပါပြီ။ နောက်တစ်ပိုင်းကတော့ ညမှ ပြည်ကို ထွက်ခွာမယ့် အပိုင်းပဲ ဖြစ်ပါတယ်။ ကျွန်မတို့ရဲ့ တွေ့ဆုံပွဲလေးကို စီစဉ်ထားတဲ့အတိုင်း ကန်တော်ကြီးမှာ ကျင်းပခဲ့ပါတယ်။ တွေ့ဖူးမြင်ဖူးနေကျဖြစ်သော ဘလောဂ့်ဂါများသာမက၊ မတွေ့ဖူး မမြင်ဖူးသော ဘလောဂ့်တွေလည်း လာရောက်ခဲ့ကြပါတယ်။ ဒီနေ့ တွေ့ဆုံပွဲလေးမှာ စုစုပေါင်း ဘလောဂ့်ဂါ သုံးဆယ့်ငါးယောက် လာရောက်ခဲ့ကြပါတယ်ရှင်။

ပထမဆုံး မနက်အစောကြီး ဘာညာက အိမ်ကို ကားနဲ့လာခေါ်ပါတယ်။ နောက်ပြီး ဖိုးသူတော်ကို သွားဝင်ခေါ်ပါတယ်။ ဖိုးသူတော်ကလည်း ရောက်မှ အိပ်ရာက နိုးလို့ ကားသမားကို ခဏစောင့်ဖို့ ပြောရသေးတယ်။ နောက်ပြီး ဗီနိုင်းထုတ်ဖို့ မြို့ထဲကိုသွားပြီး အပ်ရသေးတယ်။ အပ်တော့လည်း ညနေမှ ယူတဲ့ပြောပါရော။ မရဘူး တော်ကြာ ၁၀ နာရီပွဲစမှာလို့ ပြောပြီး မြန်မြန်လုပ်ခိုင်းရသေးတယ်၊ ဗီနိုင်းမှာလည်း လက မှားနေလို့ ပြန်ပြင်ခိုင်းရသေးတယ်။

မနက် ဆယ်နာရီမှာတော့ ကျွန်မတို့တွေ ကရ၀ိတ်ကျွန်း အ၀င်ဝမှာ လူစုကြပါတယ်။ နောက်တော့ ကန်တော်ကြီး ကလေးကစားကွင်းအနီး ညနေပိုင်း သီချင်းဆိုတဲ့နေရာဝန်းကျင် မြေကွက်လပ်တစ်ခုကို သွားရောက်ကြပြီး ဘလောဂ့်ဂါ အချင်းချင်း မိတ်ဆက်ခြင်း၊ ဂိမ်းဆော့ခြင်း၊ Debate လုပ်ခြင်းများကို ပြုလုပ်ခဲ့ကြပါတယ်။ အစတုန်းက Role Play တွေပါ ဆော့ဖို့ စီစဉ်ထားခဲ့ပေမယ့် လူစုတာ နည်းနည်း အချိန်ကြာသွားတဲ့အတွက် ဒီအစီအစဉ်ကို မလုပ်ဖြစ်ခဲ့ပါဘူးရှင်။ ဆော့ဖြစ်ခဲ့တဲ့ ဂိမ်းလေးကတော့ Blogger ဖွက်တမ်းလို့ အမည်ပေးထားတဲ့ ဂိမ်းလေးဖြစ်ပါတယ်။

ဘလောဂ့်ဂါတွေရဲ့ နာမည်တွေ၊ ဘလောဂ့်နာမည်တွေကို လက်ဟန်ခြေဟန် အမူအရာတွေနဲ့ ဖွက်ပြီး အမည်ဖော်ရတဲ့ ဂိမ်းလေးပါ။ ငယ်ငယ်တုန်းက ရုပ်ရှင်ဖွက်တမ်း ကစားခဲ့သလိုပါပဲ။ အဖွဲ့ နှစ်ဖွဲ့ခွဲပြီး ပျော်ပျော်ပါးပါး ဆော့ကစားခဲ့ကြပါတယ်။ ဆော့ပြီးတော့ နေ့လည်စာ စားသောက်ကြပါတယ်။ နေ့လည်စာ စားပြီးတဲ့ အခါမှာ စောစောက အဖွဲ့နှစ်ဖွဲ့ကပဲ Debate အစီအစဉ်များကို ဆက်လက်ပြုလုပ်ခဲ့ပါတယ်။ Debate လုပ်ခဲ့တဲ့ ခေါင်းစဉ်တွေကတော့

1. Blogger မှာ ရေးရတာကောင်းတယ် နဲ့ WordPress မှာ ရေးရတာ ကောင်းတယ်
2. Blogger ဖြစ်ရတာ ကောင်းတယ်၊ Blogger ဖြစ်ရတာ မကောင်းဘူး
3. facebook တောင် နည်းနည်းပါသေးတယ်။
   

ဆိုတာတွေပဲ ဖြစ်ပါတယ်။

Debate ပြီးသွားတော့ ကျွန်မတို့ လက်ရှိစုဝေးနေတဲ့ နေရာမှာ နေနည်းနည်းပူနေတာတဲ့ ချစ်သူကျွန်းကို ပြောင်းရွှေ့ခဲ့ကြပါတယ်။ ချစ်သူကျွန်းမှာလည်း ဆော့ခဲ့ကြ၊ ဓါတ်ပုံရိုက်ခဲ့ကြပါသေးတယ်။ ဘလောဂ့်ဂါ သားဖြိုးကလည်း ကိုနိုင်လင်း ရေးတယ်ဆိုလား၊ ကိုနိုင်ဝင်းရေးတယ်ဆိုလား သီချင်းစာသားကို ဂစ်တာတီးပြီး ဆိုပြခဲ့ပါတယ်။

နောက်တော့ တစ်ယောက်နဲ့ တစ်ယောက် လက်ကိုကြက်ခြေခတ်ယှက်ကိုင်ပြီး လက်တွေကို မဖြုတ်ပဲ အားလုံး စက်ဝိုင်းပုံ ပြန်ဖြစ်အောင် လက်တွေကို ဖြေယူရတဲ့ ဆော့ကစားနည်းကို ဆော့ခဲ့ကြပါတယ်။

ဒီနေ့တွေ့ဆုံပွဲလေးကို လာရောက်ပေးကြတဲ့ ဘလောဂ့်ဂါတွေကို ကျေးဇူးအထူးတင်ပါတယ်လို့ Organizer အားလုံးရဲ့ ကိုယ်စား ကျွန်မက ပြောချင်ပါတယ်။ ဘလောဂ့်ဂါ အချင်းချင်း အွန်လိုင်းမှာသာမက အပြင်မှာပါ ရင်းနှီး နွေးထွေးစေတဲ့ ဒီလိုအစီအစဉ်မျိုးကိ နောက်လည်း အခွင့်အခါသင့်သလို ပြုလုပ်ပေးသွားချင်ပါသေးတယ်။ ဘလောဂ့်ဂါတိုင်းကိုလည်း အွန်လိုင်းမှာသာမက အပြင်မှာ ချစ်ခင် ရင်းနှီးစေချင်ပြီး နောက်ပိုင်းမှာ လူမှုရေး လုပ်ဆောင်ချက်တွေကို တက်တက်ကြွကြွ လုပ်ဆောင်သွားနိုင်ဖို့ မျှော်လင့်ပါတယ်ရှင်။

ဒီနေ့ည (10) နာရီမှာတော့ ပြည်မြို့ကို Blogging Excursion အနေနဲ့ ထွက်ခွာကြအုံးမှာ ဖြစ်ပါတယ်။ ခရီးသွား အတွေ့အကြုံလေးတွေကို ပြန်လာမှပဲ ပြောပြတော့မယ်။ ခုသွားတော့မှာ လိုက်မလား။ မြန်မြန်လာလေ လိုက်မယ်ဆိုရင်နော်....

Blog Day တွေ့ဆုံပွဲ နှင့် သရေခေတ္တရာ 2.0 ခရီးစဉ်

မင်းယွန်းသစ် ဆီမှ ကူးယူဖေါ်ပြပါသည် ။

Blog Day အထိမ်းအမှတ် တွေ့ဆုံပွဲကို တက်ရောက် လိုတဲ့ သူငယ်ချင်းများ အနေနှင့် မည်သူမဆို အမည်စာရင်း register လုပ်ဖို့လိုအပ်ပါတယ်။ ခရီးစဉ်လိုက်ပါမယ့် သူများက တစ်ဦးလျှင် ၅၀၀၀ ကျပ် ပေးသွင်းရမှာပါ။ ခရီးစဉ်မလိုက်ပါနိုင်သူများ အနေနှင့်တော့ ပေးသွင်းရန် မလိုအပ်ပါဘူး။ လူတိုင်း နာမည်စာရင်း ပေးသွင်းဖို့ လိုအပ်တာကတော့ နာမည်စာရင်းအတိအကျ ရမှာသာ အင်္ကျီအရေအတွက် မှာယူလို့ ရမှာမို့ပါ။ နာမည်စာရင်း ပေးသွင်းခြင်းကို အနော်ရထာလမ်း တည့်တည့် ၅လမ်း၊ ကလီမှတ်တိုင် အနီး၊ သင်အာ စားသောက်ဆိုင် ကပ်လျက်ရှိ Activator Cyber Cafe ဆိုင်တွင် မနက် ၉ နာရီမှ ညနေ ၄နာရီ အတွင်း ပေးသွင်းနိုင်ပါပြီ။ ယနေ့မှ စ၍ ၂၅ရက်နေ့ အထိ စာရင်းပေးသွင်းနိုင်ပါပြီ။

တွေ့ဆုံပွဲအနေနှင့် ၂၉ရက်နေ့ မနက် ၁၀နာရီတွင် ကန်တော်ကြီးဥယျာဉ်၌် တွေ့ဆုံကျင်းပ ကြမှာ ဖြစ်ပါတယ်။ စာရင်းပေးသွင်းထားသူ မည်သူမဆို လာရောက်နိုင်ပါတယ်။ အကျီလက်ဆောင် အပြင် တခြားသော လက်ဆောင် ပစ္စည်းများကိုလဲ အမှတ်တရ အဖြစ် ပေးအုံးမှာ ဖြစ်ပြီး တပျော်တပါး ကစားကြအုံးမှာ ဖြစ်ပါတယ်။ သရေခေတ္တရာ 2.0 ခရီးစဉ်ကိုတော့ ၂၉ရက်နေ့ ညဘက် ၁၀နာရီမှာ စထွက်မှာ ဖြစ်ပါတယ်။ (စုရပ်ကို တွေ့ဆုံပွဲ နေ့ကျရင် အားလုံးညှိနှိုင်းပြီး အတည်ပြု ပြောကြားပေးပါမယ်)။ သွားမည့် ခရီးစဉ် ကြာချိန်ကတော့ ၂ညအိပ် ၃ရက် ခရီးသာ ဖြစ်ပါတယ်။ ရန်ကုန်မှ ပြည်မြို့ကို ၆နာရီခန့် မောင်းနှင်ရတဲ့ အတွက် ၂၉ရက်နေ့ ည၁၀နာရီ ထွက်လျှင် ၃၀ရက်နေ့ မနက် ၄နာရီတွင် ပြည်မြို့သို့ ရောက်ရှိပါမယ်။

ပြည်မြို့ရောက်သည်နှင့် နံနက်စာစားကာ ခေတ္တ နားမည် ဖြစ်ပြီး မနက် မိုးသောက်သည်နှင့် ပြည်ချောင်းသာ (ဤနေရာတွင် Knowlege Sharing အစီအစဉ်နှင့် ကစားပွဲများကို ကစား ကြမှာ ဖြစ်ပါတယ်။) ၊ သရေခေတ္တရာ မြို့ဟောင်း၊ အခြား ပြည်မြို့၏ အထင်ကရ ဘုရားများသို့ သွားရောက်ကြမှာ ဖြစ်ပါတယ်။ ၃၀ရက်နေ့ ည ၁၂နာရီ တွင် ပြည်မြို့မှ ပြန်လည် ထွက်ခွာမှာ ဖြစ်ပြီး ရန်ကုန်ကို ၃၁ရက် (တနလာင်္နေ့) မနက် ၆နာရီတွင် ပြန်ရောက်မှာ ဖြစ်ပါတယ်။ နေ့အားဖြင့်တော့ စနေနေ့ ညဘက် ထွက်ကာ တနင်္ဂနွေနေ့ တနေ့လုံး လည်ပတ် ပြီးလျှင် တနလာင်္နေ့ မနက် ပြန်ရောက်မှာ ဖြစ်ပါတယ်။ တနင်္ဂနွေနေ့ ညဘက် ပြန်ရောက်လျှင် ရပေမယ့် မိန်းကလေးများ အနေဖြင့် မိုးချုပ်လျှင် ကားအခက်အခဲ ရှိမည်စိုးသော ကြောင့် ၃၁ရက်နေ့ မနက်ကို ပြန်ရောက် ရန်စီစဉ်လိုက်ခြင်း ဖြစ်ပါတယ်။ (ရုံးသမားတွေ အတွက်လဲ အဆင်ပြေမှာပါ)။ ပြီးတော့ လူဦးရေ အပေါ်မူတည်၍ ကားငှားရမည် ဖြစ်ပါသဖြင့် ဘလော့ဂ်မှ သူငယ်ချင်းများ အွန်လိုင်းမှ သူငယ်ချင်းများ အနေဖြင့် ၂၅ ရက်နေ့ မတိုင်ခင် အစောပိုင်းကို စာရင်းပေးသွင်းထားစေလိုပါတယ်။

တွေ့ဆုံပွဲလူစာရင်း ပေးသွင်းရန် အခက်အခဲရှိသူများ (ခရီးစဉ်မလိုက်နိုင်သည့် သူများ) အနေနှင့် သွားလာရန် နေရာ အခက်အခဲရှိပါက bloggersociety.mm@gmail.com ကို ဆက်သွယ် စာရင်းပေးသွင်းနိုင်ပါတယ်။ ခရီးစဉ်လိုက်ပါမယ့် သူတွေကတော့ ကိုယ်တိုင်ကိုယ်ကျ လာပေးသွင်းဖို့ လိုတယ်နော့။ :) ကဲ ဘလော့ဂ်ဒေးမှာ ပျော်ပျော်ပါးပါး ဆုံကြရအောင်။
--

Blog Day 2009 Gathering Ceremony and Blogging Excursion

2009 ခုနှစ် သြဂုတ်လ (31) ရက်နေ့မှာ ကျရောက်မယ့် ဘလောဂ့်ဒေး အထိမ်းအမှတ်အဖြစ်
ဘလောဂ့်ဂါ တွေ့ဆုံပွဲနှင့် လေ့လာရေး ခရီးစဉ်တစ်ခုကို ပြုလုပ်သွားမှာ ဖြစ်ပါတယ်။
ရန်ကုန်မြို့မှာသာမက. မြန်မာနိုင်ငံတစ်ဝှမ်းလုံးမှာ ရှိကြတဲ့ ဘလောဂ့်ဂါတွေ
စုံစုံညီညီ တက်ရောက်ပါဝင် ဆင်နွှဲနိုင်ပါတယ်။ နိုင်ငံခြားမှာ ရှိနေကြတဲ့
ဘလောဂ့်ဂါတွေလည်း တက်ရောက်နိုင်ပါတယ်ရှင်။

ဒီအစီအစဉ်ကို 2009 ခုနှစ် သြဂုတ်လ (29) ရက်နေ့မှာ ကျင်းပပြုလုပ်မှာ ဖြစ်ပါတယ်။
လာရောက်ဆင်နွှဲကြတဲ့ ဘလောဂ့်ဂါတွေ အားလုံးအတွက် Game, Role Play, Quiz အစရှိတဲ့
ပျော်ရွှင်စရာ ၊ ဗဟုသုတရစရာ အစီအစဉ်များပါဝင်တဲ့ အပြင် ၊ ဘလောဂ့်ဂါ အချင်းချင်း
အမှတ်တရ လက်ဆောင်များကိုလည်း လှဲလှယ်နိုင်မှာ ဖြစ်ပါတယ်။

နောက်ထပ် စိတ်ဝင်စားစရာ တစ်ခုအနေဖြင့် သရေခေတ္တရာ ၊ ပြည်မြို့ကို Blogging
Excursion တစ်ခုအနေနဲ့ သွားရောက်လေ့လာကြမှာ ဖြစ်ပါတယ်ရှင်။ ဒီခရီးစဉ်ကို
Shrikittaya 2.0 လို့ အမည်ပေးထားပြီး.. ခရီးစဉ်မှာ လိုက်ပါကြမယ့်
ဘလောဂ့်ဂါတိုင်းကို နှစ်သက်ကြည်နူးစေမယ့် အစီအစဉ်တွေ ထပ်မံထည့်သွင်းပေးထားမှာ
ဖြစ်ပါတယ်။

ဒီပွဲမှာ လာရောက်ဆင်နွှဲလိုကြတဲ့ ဘလောဂ့်ဂါများအားလုံးအနေဖြင့် Register
ပြုလုပ်တဲ့အခါ သတ်မှတ်ထားတဲ့ Registration Fees ကိုပေးဆောင်ရပါမယ်
ဆိုတာလေးကိုလည်း သိစေချင်ပါတယ်ရှင်။

နေ့ရက် - 29 - Aug -2009 and 30-Aug-2009 (စနေ ၊ တနင်္ဂနွေ)
အချိန် - တွေ့ဆုံပွဲ @ နံနက် (10) နာရီမှ ညနေ (4) နာရီထိ
ခရီးစဉ် @ ည (10) နာရီ
နေရာ - ကန်တော်ကြီး (Point ကို ပြန်လည်ကြေငြာပေးပါမည်)

2009 ခုနှစ် သြဂုတ်လ (29) ရက်နေ့ ည (10) နာရီခန့်တွင် ပြည်မြို့ကို
ထွက်ခွာမည်ဖြစ်ပြီး ၊ 30 ရက်နေ့ ညပိုင်းကို ရန်ကုန်မြို့ကိုပြန်ရောက်မှာ
ဖြစ်ပါတယ်။

ခရီးစဉ်တွင် လိုက်ပါခြင်းမရှိပဲ ၊ တွေ့ဆုံပွဲသို့လည်း
သီးသန့်လာရောက်နိုင်ပါတယ်။

ကဲ.. မြန်မာဘလောဂ့်ဂါတွေ ဘလောဂ့်ဒေးမှာ ပျော်ပျော်ပါးပါး ဆုံတွေ့ကြမယ်နော!

၇ နှစ်နှစ်ကြာ အလွမ်း

သူငယ်ချင်းရေ... ငါ ဒီနေ့ တကယ်ပျော်တာပါဟာ... ငါလေ ခုတစ်လော ၇ နှစ်နှစ်ကြာ သူငယ်ချင်းအားလုံးနဲ့
ပြန်တွေ့ရတဲ့အတွက် တကယ် စိတ်မှာ ကြည်နူးပျော်ရွှင်နေတယ်ဆိုတာ ပြောရင် ယုံမလားဟင်... နင်လည်း
ဝမ်းသာနေတယ်ဆိုတာ နင် ဖွင့်ပြောမှ ငါသိတာမဟုတ်ပါဘူးဟာ... နင်နဲ့ ငါ ခွဲခွာခဲ့တာ ခုဆို ၇ နှစ် နှစ်ရှိခဲ့ပြီနော်။ ငါ နင်တို့ကို မေ့နေတယ်လို့ နင်တို့ ထင်လား... လေးရယ်... ငါတို့ ခွဲခွာခဲ့တာ ခုတော့ ရေစက်မကုန်သေးလို့ ပြန်တွေ့တာဖြစ်မယ်ဟ နော်...
ငါ လေ အမှန်ပြောရမလား နင် ငါ့မေးလ်ထဲကနေ လှမ်းခေါ်နေတာ နင်မှန်း မသိဘူးဟ။ ကလေးမလေးတစ်ယောက်ပဲဆိုပြီး ပြန်ပြောမိတာ။ အံ့သြဖို့တော့ ကောင်းတယ်နော် နင် ငါ့မေးလ်ထဲ ဘယ်လိုရောက်နေလဲ ငါ မသိသလို နင်လည်းမသိဘူး။
ထူးတော့ ထူးဆန်းတယ်။ ငါ့မှာ နင်တို့နဲ့ခွဲခွာခဲ့တည်းက ခင်မင်ရတဲ့ ညီမလေးတွေ များကြီးပဲရှိတယ်ဟ။ နောက်တော့ နင် သိလာမှာပေါ့ဟာ။ လေးရယ်၊ နွယ်လေးရယ်ဆိုတာ ငါရင်ထဲမှာ ဟိုးအရင်ထဲက ခုထိ ရှိနေတုန်းဆိုရင် နင် ငါပြောရင် ယုံမလားလေး။ နင်ကလေ အရင်အတိုင်းပဲနော် ဘာမှ မပြောင်းလဲဘူး။ ငါ့ကို ဂျီတော့ကနေ လှမ်းခေါ်ပြောတော့ ပထမ ငါ နင်လို့ မထင်ဘူး။ ဟီး ဟေမာညိုတို့အဖွဲ့ထဲက တစ်ယောက်အောင်းမေ့လို့ နင်က နင့်နာမည်မှ မဟုတ်တာ။ နောက်တစ်ချက် နင်လည်း ခုထိ တစ်ယောက်ထဲပဲဆိုတော့ ငါတို့ ဂိုဏ်းဖွင့်လို့ရတာပေါ့နော်။ ငါတို့တွေ မတွေ့ခဲ့ကြတာ ရှေ့လဆို ၇ နှစ်နှစ် ပြည့်ပြီနော်။
ငါလေ နင်တို့နဲ့ ဘယ်တော့ ဘယ်နေရာမှာ ဘယ်လိုပုံစံနဲ့ ပြန်တွေ့ရမလဲလို့ အမြဲစဉ်းစားနေတာ။ ခုတော့
လမ်းကြောင်းတစ်ခုပေါ်မှာ ပြန်တွေ့ကြတယ်နော်။ နွယ်လေးလည်း ဘယ်နေရာရောက်နေလဲမသိဘူးနော်။
ခုပြန်တွေ့ရတဲ့သူတွေက ငါ့ရဲ့အချစ်ဆုံးသူငယ်ချင်းတွေရယ်၊ ညီမလေးတွေရယ်ကြောင့် ငါ ပျော်နေတယ်လို့ ပြောတာပါ။ ငယ်လေး၊ ညိုလေး၊ နေခြည်၊ မချော၊ ဇာမွန်၊ ခင်ဖုန်း နောက် လေးဆိုတဲ့ ယုန်လေးကောက်ကွေးရယ် ဟဲ့ နင်ဟာလေ တစ်လက်စတည်း ငါ ပြောဦးမယ် အရင်က အကျင့် ခုထိ မပျောက်သေးဘူးနော်။ နင် မေ့နေပေမယ့် ငါ သတိရပါတယ် အမြဲ စကားပြောရင် ဆံပင် ခဏခဏ သတ်သတ်ပြီး ပြောတတ်တဲ့ နင့်အကျင့်လေ ဟုတ်တယ်ဟုတ်။ နင်က ဂျီတော့မှာ ငါ့ကို မေးတာ ငါ ရယ်ချင်လိုက်တာ အရမ်းပဲ သိလား။ ယမင်းဆိုတာ ငါ့သူငယ်ချင်း အရပ်ပုပုနဲ့ ရုပ်ချောချောတစ်ယောက်လားတဲ့ ပထမ ငါ ဇဝေဇ၀ါ ဖြစ်နေသေးတယ်။ နင်က ထပ်ပြီး နင် အရင်တုန်းကလို အိနြေ္ဒကျော်ဇင်နဲ့တူသေးလားလို့ ထပ်ရိုက်တော့ ငါလေ
မျက်စိထဲ နင့်ကို တမ်းမြင်ယောင်မိတာဟ။ ငါလေ နင်နဲ့တွေ့တဲ့ညက အိပ်လို့မပျော်ဘူးဟ (ဂျပိုးကိုက်လို့) ဟီး ဟီး စတာ။
နောက် ထပ်ပြီး မဆင့်က ပြောတယ်တဲ့ နင် တော်တော်ပြောင်းလဲသွားတယ်လို့ ပြောတော့ ရယ်ချင်သေးတယ်။ ငါနဲ့ မဆင့်နဲ့ တစ်ခါမှ မတွေ့သေးဘူး။ အဲ သင်တန်းတက်ရင်းနဲ့ မ၀ါတို့နဲ့တွေ့တုန်း မလှိုင်မော်နဲ့ တွေ့ဖြစ်တာပဲရှိတယ်။ ငါကတော့

အရင်အတိုင်းပဲ စိတ်ကော လူကော ရုပ်တော့ မပါဘူး။ အသက်ကလေး ၇ နှစ်နှစ်လောက်ကြီးသွားပြီ။ ဘာပဲဖြစ်ဖြစ် ငါ ပျော်တယ်။ ထပ်ပြီး တွေ့ရတော့မယ့် ဦးမိုးမြင့်၊ မခိုင်၊ မခင်ချိုဦး သူတို့ကိုလည်း ငါ အမြဲသတိရပါတယ်။ လူတွေဟာ ဘ၀တစ်ကွေ့မှာ ခဏလာတွေ့ကြပေမယ့် ငါတို့ရဲ့ ခဏတာဆိုတဲ့ ခင်မင်မှု သံယောဇဉ်ဆိုတာ ဘယ်လောက်ပဲ အမျှင်ပါးပေမယ့် ခိုင်မြဲတုတ်နှောင်နေတယ်ဆိုတာ နင်ယုံလား။ နင်လည်း မပြောင်းလဲဘူး။ ငါလည်း ခုထိ နင်တို့အပေါ် ခင်မင်နေတဲ့ စိတ်က ဘယ်တော့မှ ပြောင်းလဲမှာမဟုတ်ဘူး လေး။ လေးရေ... ဖြစ်နိုင်ရင် နွယ်လေးနဲ့ ပြန်တွေ့ချင်တယ်။ ငါတို့တွေ ၇ နှစ်နှစ်ဆိုတဲ့ကာလကိုဖြတ်သန်းခဲ့ကြတယ်နော်။ နင် ဘာတွေ တိုးတက်ဖြစ်ထွန်းလာပြီလဲ။ ငါကတော့ အလုပ်ရယ်၊ သင်တန်းရယ်၊ ငါ့ရဲ့ကိုယ်ပွား ရွှေမြန်မာဆိုက်ရယ် ဒါတွေနဲ့ လုံးလည်ချာလည်လိုက်နေတယ်။ ဘ၀မှာ ရှေ့ကို သွားရင် သွား၊ မသွားရင် နောက်ရောက်နေတယ်တဲ့။ နင်တို့ကို အောင်မြင်ဖြစ်ထွန်းနေတဲ့လူအဖြစ် ငါ မြင်ချင်ခဲ့တာ အရင်ထဲကပါ။ ခင်ဖုန်းအတွက်တော့ ပီတိဖြစ်မိပါတယ်။ သူအတွက် လမ်းစဆိုတာထက် လမ်းဆုံးကို ရောက်နေပြီလို့ ငါ ခံစားရတယ်။ လူတိုင်း သူ့နေရာနဲ့ သူ ပျော်နေတာဆိုရင် အရာအားလုံးက ကောင်းနေတာပဲ။ ငါတို့တွေဟာ သူငယ်ချင်းအစစ်အမှန်တွေမို့ ပြန်တွေ့တာလည်း ဖြစ်နိုင်တယ်နော် နင်ကော ဘယ်လိုခံစားမိလဲ။ စိတ်ကို စိတ်နဲ့ ပေါင်းဖော်ခြင်းသည် အရှည်တည်မြဲသည်တဲ့။ လူ့လောကဆိုတာကလည်း ငိုတစ်ခါ ရယ်တစ်လှည့် ဘ၀အဖုံဖုံကြား ကျင်လည်နေရတာကိုးဟ။ ငါ ပြောင်းလဲတာ ဆံပင်တစ်ခုပဲရှိပါတယ်ဟာ။ ဟိုးလွန်ခဲ့တဲ့ ၇နှစ်တာ ကာလအကွာတုန်းက ငါ ယောက်ျားလေးဆံပင်ကေနဲ့ ဂျစ်ကန်ကန် မိုက်ကန်းကန်းပုံစံနဲ့လေ။ ငါ အဲဒီပုံစံကိုပဲ သဘောကျတယ်။ ဟန်ဆောင်မှုဆိုတဲ့ အလွှာမရှိဘူး။ စိတ်ထဲရှိတာ ကောင်းတာရော မကောင်းတာရော ပြောတတ်တဲ့ငါ့အကျင့်လေ။ ခုတော့ အသက်ကြီးလာတော့
ဖြတ်သန်းရတဲ့ ၀န်းကျင်တွေမှာ ပြောသင့် ပြောထိုက် ပြောချိန်ဆိုတာတွေ၊ နောက် အရိပ်သုံးလေးပါးလောက် ကြည့်နေရတာတွေ များလာတော့ လောကကြီးမှာ ငါလေ ပြုံးတတ်လာတယ်ဟ။ စိတ်ညစ်ရင် ပိုပြုံးတယ်လို့ ငါ့ဝန်းကျင်ကပါ ပြောဖန်များလာတယ်။
ဟုတ်တယ် လေး၊ ငါလေ ဖြတ်သန်းခဲ့ရတဲ့ဘ၀အတွေ့အကြုံအရ ကိုယ်ချင်းစာတရားဆိုတာနဲ့ နေကြည့်လာတယ်ဆိုပါတော့။

သူများကို ပြောတော့မယ်ဆိုရင် ငါ အရင်ဆုံး သူများနေရာမှာ ၀င်ခံစားကြည့်မိတတ်လာတယ်။ သူ့နေရာမှာ ငါသာဆိုရင်....

ဆိုတဲ့အတွေးပေါ့။ အဲဒါလည်း မကောင်းဘူးဟ။ တစ်ခါတလေ တစ်ယောက်ထဲ ခံစားရတယ်။ နင်လေ အရင်က အတိုင်းပဲ ငါ့အတွက် အမြဲကြည့်တတ်ပေးတဲ့အကျင့်လေးက ခုထိ မပျောက်သေးဘူး။ တူတူပြန်တာတောင် ငါ အဆင်ပြေတဲ့နေရာက ပြန်၊ မပြေရင် ကားငှားဦးမယ် ပြောနေသေးတယ်။ ဘ၀မှာ မေ့လို့မရတဲ့ မသင့်တဲ့အရာတွေက ဘာလဲနင်သိလား ငါကတော့ သူငယ်ချင်းကောင်းတွေလို့ ငါ ထင်တယ်။ နင်လည်း နင်ဖြတ်သန်းခဲ့တဲ့ ၀န်းကျင်တွေမှာငါ့ထက် ကောင်းတာတွေလည်း တွေ့ခဲ့ရင် တွေ့ခဲ့မှာပါ။့ ငါတို့တွေ လမ်းဆုံးကို မရောက်သေးပေမယ့် တစ်နေ့ ရောက်မယ်ဆိုတဲ့စိတ်နဲ့ လျှောက်နေကြတဲ့ ဒီလမ်းပေါ်မှာ ပြန်ဆုံတွေ့ခွင့် ပြန်ရရှိခဲ့တာ အလွန်ပဲ ၀မ်းသာမိတယ်။ နင်လည်း ငါ့လို စိတ်နဲ့ ရှိနေမယ်ဆိုတာ ငါ ယုံကြည်တယ်သူငယ်ချင်း....
နင်က ကဗျာ မခံစားတတ်ဘူးလို့ ငါ့ကို ပြောထားပေမယ့် နင့်အတွက် လက်ဆောင်တစ်ခု ငါ ပေးမယ်နော်။ အဲဒါကတော့

အနီးအဝေးဆိုတာပါပဲ။

အနီးအဝေး

လောကမှ
မတူမျှတာတွေ
မျှခြေညှိနေလို့ကော
အားလုံးဟာ
တူမျှလာမယ်လို့ နင် ထင်နေသလား။
လူတိုင်းကိုသာ ကိုယ့်စိတ်နဲ့နှိုင်းနေရင်
တစ်သမတ်တည်း ဖြစ်ပေါ်လာရင်တော့
ဖြစ်ပေါ်လာမဲ့ ၀န်းကျင်မှာ
အောင်မြင်မယ်လို့
ယူဆမိပါတယ်။
ဒါပေမဲ့...
ဒါတွေဟာ
ဖြစ်ပေါ်လာဖို့
တော်တော်ခဲယဉ်းပါတယ်။
မိသားစုတစ်ခုမှာတောင်
တစ်ဝမ်းတည်းဆိုပေမဲ့
စိတ်ချင်းမတူတဲ့သူတွေရယ်လို့
ဖြစ်လာကြသေးတာပဲ။
ဒီတော့
မဖြစ်လာနိုင်တဲ့အရာတစ်ခုကို
ကြိုးစားနေမယ့်အစား
ကိုယ့်စိတ်ကိုယ် ကိုယ့်ဝန်းကျင်မှာ
အလိုက်သင့်ကလေးနေတတ်အောင်
ကြိုးစာရမှာတော့
သေချာပါတယ်။
အများအားဖြင့်
လောကမှာ
ကိုယ်ဖြစ်ချင်တာထက်
ဖြစ်သင့်တာကိုပဲ
ကြိုးစားတည်ဆောက်နိုင်ရင်
အောင်မြင်မှုဟာ
ငါတို့ရဲ့အနားမှာ
အနီးလေးရှိနေမှာပါ လေးရယ်.....

မွေးနေ့ရက်လေး

မွေးရက်မှစ ဖြတ်သန်းမှုကာလ

ထောင့်ကိုးရာမျိုး
ခုနစ်ဆယ့်ရှစ်၊ တည်ရှိမိုးနှောင်း
လမြတ်ဝါဆို၊ လပြည့်ကျော်တွင်
လဆန်းတစ်ရက်
နေ့ဝယ်ကြာသပတေး၊ တစ်မနက်တွင်
သံသရာတစ်ကြော
လောကကြီးတွင်း
ဖြစ်တည်လာခဲ့
အကျွန်ုပ်သည်
လူ့ဘုံခန်းဝါ
သုခဒုက္ခ အဖုံဖုံကြား
လူမှန်းသိစ
အရွယ်ကပင်၊ မာန၀င်ကာ
တငါငါနှင့် စားကာသောက်ကာ
ပျော်ပါးကာလျှင်၊ သာယာချိုမြ
ကိုယ့်ဘ၀ကို ပြည့်ဝစုံလင်
အဟုတ်ထင်ခဲ့...
အရွယ်ရောက်လတ်
ဘ၀ရုန်းကန်
လူ့လောကထဲဝင်ကာမျှ
ကျဆင်းစိတ်ဓာတ်
အဖန်ဖန်တင်းရင်း
ဘ၀အမောတွေ ပြေခဲ့ရ
နှစ် လ ရာသီ
အလီလီပြောင်းရင်း
မသေသေးသရွေ့
ဆက်လက်ဆောင်ရွက်
လမ်းမှန်ကိုလျှောက်
အောင်မြင်မှုကို ရှေးရှုနေရင်း
တက်လှမ်းလာမည့်
အနာဂတ်ခရီး
မျှော်မှန်းရင်း
အကျွန်ုပ်သည်
အောင်မြင်မှု ပန်းတိုင်ဆီသို့......

သြော်... ဘာလိုလိုနဲ့ ရက်မှ လ ပြောင်း နှစ်တွေ အလီလီပြောင်းခဲ့တာ ခုတဖန်
တစ်နှစ်ကုန်လို့ နောက်တစ်နှစ်ရဲ့မွေးရက်ကို ရောက်ရှိခဲ့ပြန်ပြီပေါ့။
ပြန်စဉ်းစားကြည့်ရင် အသက်ကြီးလာလေ အသက်ငယ်ချင်လို့ ပြောကြတဲ့အတိုင်း ငါ
အသက် တစ်နှစ်ကြီးလာပြန်ပြီ ဘာတွေ တိုးတက်နေပြီလဲ ဘယ်နေရာ ရောက်နေပြီလဲ
ဒါတွေကို အရင်ဆုံး စဉ်းစားနေမိတယ်ဆိုပါတော့... မွေးရက်က
မှတ်မိလွယ်တယ်လို့ ရုံးက ညီမလေးတွေက ပြောကြတယ်။ ဟုတ်တော့လည်း ဟုတ်ပါတယ်လေ
မှတ်မှတ်ရရ အမြဲစိတ်ထဲမှာ မမေ့နိုင်တဲ့နေ့လေးတစ်ရက်
အာဇာနည်နေ့ကျရောက်ပြီးရင် ကျွန်မရဲ့ မွေးနေ့ရက်လေး ဖြစ်နေလို့ပါပဲ။ ဒါဟာ
ကျွန်မ မွေးဖွားလာစဉ်ကတည်းက သေဆုံးတိုင်
မေ့လို့မရနိုင်တဲ့ကျွန်မရဲ့မွေးနေ့လေးတစ်ရက်ဆိုလည်း မမှားပါဘူး။ ဒီတော့
မွေးနေ့ရောက်လာပြန်ပြီ မရောက်ခင်တည်းက သူငယ်ချင်းအပေါင်းအသင်းတွေက
သတိပေးနေကြပြီလေ ဒါတင်ပဲလားဆိုတော့ မဟုတ်ပြန်ဘူး။ ညီမလေးတွေကလည်း
ဖုန်းဆက်ပြီး လှမ်းပြောနေကြပြန်ရော အမ လက်ဆောင်ကြိုပေးလို့ရလားတဲ့။
ကျွန်မကလည်း မရဘူး။ ပေးမယ်ဆို မွေးနေ့ မကျွေးဘူးလို့ ပြောနောက်လိုက်တော့
မစားပါဘူးတဲ့ ယူပါတဲ့။ သူတို့ရဲ့ ချွေးနည်းစာနဲ့ ပေးမယ့် လက်ဆောင်ကို
မယူရက်တာလည်းပါတယ်။ ဒီကြားထဲ ဇူလိုင်လ၀င်လာကတည်းက နေ့တိုင်း
မွေးနေ့ဘာကျွေးမှာလဲ မေးကြတဲ့ ရုံးက ညီမလေးတွေက တစ်မျိုးဆိုသလိုပေါ့။
ကျွန်မ မျက်ရည်လည်မိတယ် ကျွန်မကို ဒီလောက် ခင်ကြတဲ့ မိတ်ဆွေသူငယ်ချင်း
မောင်နှမတွေရှိနေသေးပါလားလို့ တွေးမိတယ်။ ဘာပဲဖြစ်ဖြစ်လေ
ဘ၀ရဲ့တစ်စိတ်တစ်ပိုင်းကို ခြေနင်းဝင်ရောက်လာခဲ့ပြီ။ ဒီတော့ အရင်ဆုံး
စဉ်းစားမိတာက ငါ ငါ့ရဲ့ခြေထောက်ပေါ် ငါ ရပ်နိုင်ပြီလား။ နောက်တစ်ချက်က
မိဘကို ဘယ်လောက်ကျေးဇူးဆပ်ပြီးပြီလဲ၊ နောက် သာသနာအတွက် အလှူအတန်းတွေ
ဘယ်လောက် လုပ်ပြီးပြီလဲ။ ငါကကော ဘယ်နေရာမှာ ရောက်နေပြီလဲ
အမြဲတွေးမိတဲ့အကြောင်းအရာတွေပါ။ တစ်ယောက်ကလည်း နေဖြစ်မကောင်းဘူး။
နေမကောင်းတဲ့ကြားက အစ်မအတွက် လက်ဆောင်သွားဝယ်သေးတယ်လို့ ပြောပြီး
လက်ဆောင်ကို ကြိုလာပေးတာက ရှိသေး။ မွေးနေ့ဆိုတာ အမှန်တော့
ဘုဂလန့်ပြောရရင် မွေးတဲ့ရက်ထဲက မရှိတော့တာလို့ ထင်တယ်။ အဲလိုပြောရင်
ပြောကြဦးမယ်။ အစ်မက ပြောလိုက်ရင် ဘုဂလန့်လို့။ အိမ်မှာလည်း ရှိသေးတယ်
မောင်လေးတွေနဲ့ ဖေဖေက ပြက္ခဒိန်တစ်လှန်လှန်နဲ့ ဇူလိုင် ၂၀ ရက်နေ့ဆို
မမကြီးမွေးနေ့နော်တဲ့ သားတို့ ကိတ်မုန့်လှီးရတော့မယ်တဲ့ ကောင်းရော...
စားချင်နေတာ ပြောပါတယ်။ ဘာလိုလိုနဲ့ အသက်တစ်နှစ်ကြီးလာပြီ ငါ ပညာတွေကို
တိုးတက်ရဲ့လား မေးခွန်းကို နည်းနည်းတော့ ဖြေသာခဲ့တယ်။ အရင်ထက်စာရင်
နည်းနည်းပိုသိလာတယ်လို့ ခံစားရလို့ပဲ။
ဒီကြားထဲ ပြောရဦးမယ်။ ရုံးက အန်တီရဲ့အဖေ နာမကျန်းနေတာ တော်တော်ကြာပါပြီ။
ခုနောက်ပိုင်း အသက်ကယ်ဆေးတောင် သွင်းထားရတယ်လို့ ပြောတယ်။ ကိုယ်လည်း
သတင်းသွားမမေးဖြစ်ဘူး။ ကိုယ့်အလုပ်နဲ့ကိုယ်ရှုပ်နေမိတာကိုး။ တစ်နေ့တော့
ညနေပိုင်းလောက် ဖုန်းလာပါလေရော။ အန်တီရဲ့အဖေ ဆုံးသွားပြီတဲ့ ဒါနဲ့ ရုံးက
မန်နေဂျာနဲ့အန်တီနောက်တစ်ယောက်နဲ့ လိုက်သွားတယ်။ သူတို့ ရုံးက
ထွက်ပြီးလို့ သိပ်မကြာဘူး။ ဖုန်းလာပြန်တယ်။ ဖုန်းထဲက အန်တီရဲ့အဖေ
မသေသေးဘူးတဲ့ မျောနေတာတဲ့ လှမ်းအကြောင်းကြားတာလို့ ပြောပြီး
ဖုန်းချသွားတယ်။ ဟောတော့ ဘယ်လိုလုပ်မလဲ လိုက်သွားကြတဲ့သူတွေလည်း
ရောက်လောက်ရောမယ်ပေါ့။ ဒါနဲ့ နောက်တစ်နေ့ကျတော့ သို့လော
သို့လောနဲ့အလုပ်ရောက်လာတော့ သွားကြတဲ့သူတွေကို မေးကြည့်တော့
တကယ်သေတာပါလို့ ပြောတယ်။ အသုဘကိုတော့
တစ်ရုံးလုံးနည်းပါးလိုက်ပို့ဖြစ်တယ်။ အဲဒါနဲ့ ရေဝေးသုဿန်ရောက်တော့
ငိုတဲ့သူ ငို ကြည့်တဲ့သူက ကြည့်ကြပေါ့။ အဲဒီမှာ ကျွန်မရဲ့အသိတွေက
လာနှုတ်ဆက်ပါလေရော။ စကားပြောကြဆိုကြပေါ့။ ဟိုလူနေကောင်းလား
ဒီလူနေကောင်းလားပေါ့။ ဒါနဲ့ ရုံးပြန်ရောက်တော့ အမကလည်း မိတ်ဆွေပေါတာကတော့
မပြောနဲ့တော့ ရေဝေးသုသာန်မှာတောင် ရှိတယ်တဲ့။ ဟဲ့ သူများကြားရင် ရေဝေးမှာ
အသိရှိတယ်ဆိုလို့ ဘာလဲထင်နေဦးမယ် လိုက်ပို့တဲ့သူတွေက နှုတ်ဆက်တာပါလို့
ပြန်ပြောရတယ်။
ဘယ်လိုပဲဖြစ်ဖြစ် ကျွန်မ ပြောချင်တာက မွေးပြီးထဲက သေမျိုးတွေပါပဲ။ တစ်နေ့
ဒီလမ်းကို လိုက်ရမယ်ဆိုတာ နားလည်သဘောပေါက်ထားမိတယ်။ မသေခင်သာ မွေးနေ့က
တစ်နှစ်ပြီး တစ်နှစ်ရောက်ရောက်လာခဲ့တာပါ။ သေသွားတော့ရော ဘာဖြစ်လဲ
နောက်ဆုံးတော့ ဒီလမ်းတစ်လမ်းထဲကိုပဲ ရောက်သွားကြတာပါပဲ။ ဒီကြားထဲမှာ
ငါဆိုတဲ့ အတ္တစွဲ လောဘ ဒေါသ မောဟ မာန်မာန ဒါတွေကို ရှောင်လွှဲလို့
မရနိုင်ကြသေးဘူးလေ။ ရယ်စရာ ပြောရဦးမယ်။ စင်ကာပူက ညီမလေးတွေထဲ
အမြွာနှစ်ယောက်ထဲက အငယ်လေးပေါ့။ အရင်နှစ်တွေကတော့ စာတိုက်ကနေ
ကတ်နဲ့ပို့တယ်။ သူ ဘယ်နေရာ ရောက်ရောက် ပို့ရှာတယ်။ သူ့လိုပဲ တောင်ငူက
ကလေးလည်း နှစ်တိုင်းပို့တယ်။ ဒီနှစ်လည်း စာတိုက်ကနေ ပို့လိုက်ပြီဆိုပြီး
မေးလ်ပို့ရှာတယ်။ နောက်တစ်ယောက်ကတော့ ကျွန်မရဲ့ ဘလောဂ်ညီမလေး Dream
(သို့) မက်မက်ဆိုတဲ့ကလေးမလေးပေါ့။ ၁၄ ရက်နေ့ပဲ ရှိသေးတယ် မေးလ်ပို့လာတယ်။
ကတ်ကလေးထဲမှာ စာလေးတွေရေးပြီးပေါ့။ မေးလ်ထဲမှာတော့ ၂၀ ရက်နေ့ကျရင်
မေ့နေမှာစိုးလို့ ကြိုပို့တာပါတဲ့ ဟား ဟား ရယ်ရတယ် မက်မက်တစ်ယောက်တော့
လုပ်ချလိုက်ပြန်ပြီ မေ့တော့ကော ဘယ်တတ်နိုင်မလဲ မဟုတ်ဘူးလား
ညီမလေးရဲ့ပေါ့။ နောက်တစ်ယောက်ကတော့ ကျွန်မရဲ့ အခင်မင်ဆုံး
မောင်လေးတစ်ယောက်ဖြစ်တဲ့ မောင်လေး လင်းလင်းလည်း မွေးနေ့မတိုင်ခင်
မွေးနေ့လက်ဆောင် အမှီပို့ပေးတဲ့အတွက် ကျေးဇူးအများကြီး တင်မိပါတယ်။
နောက်တစ်ချက်က အားလုံး အမှတ်ရ သတိရပေးတဲ့အတွက်လည်း ၀မ်းသာသလို
ပျော်ရွှင်မိပါတယ်။ ဘ၀ဆိုတာ ငိုတစ်ခါ ရယ်တစ်လှည့်နဲ့ ဖြတ်သန်းနေကြရတာပါပဲ။
ကျွန်မရဲ့ မွန်မြတ်တဲ့အလှူတွေ တတ်နိုင်သရွေ့ ကျွန်မ အသက်ရှင်နေသမျှ
ကာလပတ်လုံး ကောင်းမှုကုသိုလ်တွေ ဆက်လုပ်သွားမယ်။ နောက် လူတွေကို
တတ်နိုင်သမျှ ကူညီမယ်။ စိတ်ကို တတ်နိုင်သမျှ သည်းခံပြီး
စိတ်ကောင်းအမြဲမွေးနိုင်အောင် ကြိုးစားတည်ဆောက်သွားမယ်။ ဘာလို့
အဲလိုပြောလဲဆိုတော့ ကျွန်မလည်း ပုထုဇဉ်လူသားတစ်ယောက်ဆိုတော့
စိတ်ကောင်းကထားရင်း ထားရင်းနဲ့ နည်းနည်းပျောက်ပျောက်သွားတယ်။ ဒါကြောင့်
ပြောတာပါ။ ကဲ အားလုံးပဲ ကျွန်မရဲ့ မွေးနေ့မှစပြီး
ပြောမှားဆိုမှားရှိခဲ့ရင် အားလုံးပဲ ခွင့်လွှတ်ပေးကြပါလို့ ပြောရင်းနဲ့
မွေးနေ့ကို လာရောက်ကြတဲ့အတွက် ကျေးဇူးအများကြီးတင်မိပါကြောင်း.....

မေ့မရနိုင်သော နေ့လေးတစ်နေ့

မနက်ဖြန်အတွက် ကြိုတင်လိုက်ရခြင်း ဖြစ်ပါတယ်။

(၁၉ ဇူလိုင် မမေ့နိုင်)

အို... မိတ်ဆွေအပေါင်းတို့
နှစ်တွေကြာညောင်း
ဘ၀တွေ ဘယ်လိုပြောင်းပြောင်း
ဗိုလ်ချုပ်တို့ခွဲခွာ၊ နေရှိန်ထိုးကျ
လောကပိန်းမှောင်၊ အလင်းရောင်ပျောက်
မိုးအောက်လေရင်၊ ဆူပွက်လတ်သော်
လှိုင်းတွေရပ်သမုဒ္ဒရာ၊ ငြိမ်သက်ရှာကြ
တဒင်္ဂလျှင်
ငါတို့အားလုံး
ဝမ်းနည်းပူဆွေးဦးညွတ်ကြကုန်၏။
အို... သင်္ခါရ၊ အနိစ္စတည်း
ဗိုလ်ချုပ်တို့သွားနှင့်၊ ဖြစ်သဖြင့်ကြောင့်
အောက်မေ့ခွင့်ကြုံ၊ ငါတို့ဆုံရ
ဤဘ၀
သောကတောင်ထုရှိချေပြီတကား....
ထွက်ခွာသွားပြီ၊ တို့မျက်ရည်များ
ဖြည်မဆည်နိုင်၊ မိုးနှင့် ပြိုင်ပြီ
အောက်မေ့တမ်းတ၊ လွမ်းရက်ရှည်ကြာ
နောက်ဆုံးတော့
ဘ၀ တွေ့ကြုံဆုံကွဲတည်း....

ဝါဆိုဝါခေါင် ရေဖောင်ဖောင်ဆိုတဲ့အတိုင်းပဲ။ ဆိုင်းမဆင့် ဗုံမဆင့်ဘဲ ရန်ကုန်မိုးဟာ ဗြုန်းခနဲရွာပြီး တိတ်သွားသော်လည်း အခုတော့ ဘယ်အငြိုးကြောင့် ဒေါမာန်ကြီးစွာနဲ့ ရွာသွန်းနေရပါလိမ့်လို့ ယမင်း စဉ်းစားနေမိတယ်။ လမ်းသွားလမ်းလာတွေလည်း မရှိသလောက် ဖြစ်နေပြီး ယမင်းတစ်ယောက်ထဲ မိုးရွာထဲ လျှောက်သွားနေမိပါ တကား။ သြော်... ဘာလိုလိုနဲ့ မမေ့သင့်၊ မမေ့အပ်၊ မမေ့နိုင်တဲ့နေ့လေးတစ်နေ့ကို ရောက်တော့မှာပါလား။ ဒီလိုဘဲ ရင်ထဲမှာ ခုချိန်ထိ မမေ့နိုင်တဲ့နေ့လေးနှင့်အတူ ယမင်းရဲ့ မွေးရက်လည်း ရောက်လာတော့မှာပါလား။ ယမင်းရဲ့မွေးနေ့က ဇူလိုင် ၁၉ ပြီး နောက်တစ်ရက်လေ။ အင်း အသက်လည်း တစ်နှစ်ကြီးပြန်ပြီပေါ့။ ဒီအစိုင်အခဲဟာ ယမင်း အသက်အရှင်နေသမျှ ကာလပတ်လုံး ပို၍ ပို၍ ကြီးထွားနေမှာဘဲ။ ထိုရက်ကား ဇူလိုင် ၁၉ ရက်နေ့ပင် ဖြစ်ပါတယ်။ ဇူလိုင် ၁၉ နှင့်အတူ မျက်ရည်မိုးတွေ လည်း သွန်းဝေဖြိုးပေတော့မယ်လေ။
ဒီကနေ့တော့ သည်းထန်စွာ ရွာနေတဲ့မိုးကြောင့် ယမင်းလည်း အိမ်ပြန်ရောက် တာနဲ့ နွေးသွားအောင် ကော်ဖီတစ်ခွက်သောက်ပြီး ဟိုတစ်ချိန်ဆီက မေ့မရနိုင်သော နေ့လေးတစ်နေ့ကို မျက်စိမှာ မြင်ယောင်ကြည့်နေမိတော့တယ်။ ဒါဟာ ငယ်ငယ်လေး ကတည်းက မိဘများက ပြောပြခဲ့တဲ့ အကြောင်းအရာတစ်ခုဆိုလဲ ပိုမှန်ပါတယ်။ ကြီးလာတော့ လက်လှမ်းမီသလောက် လေ့လာ၊ ပြီးတော့ သံရုံးက အခွေတွေ ဘာတွေ ငှားကြည့်ဖြစ်ခဲ့တယ်လေ။ ဒါတွေဟာ အမှန်တရားလား။ လုပ်ဇာတ်လမ်းလားဆိုတာ ယမင်းလည်း သေချာမသိပါဘူး။ ဘာလို့လဲဆိုတော့ ကိုယ်ကိုယ်တိုင် မမြင်ခဲ့ရတာကိုး။



ကျွန်မ တွေးမိတဲ့အကြောင်းအရာကတော့ လွန်ခဲ့တဲ့ ၁၉၄၇ ခု၊ ဇူလိုင်လ ၁၉ ရက်နေ့၊ မိုးတွေ တစိမ့်စိမ့်ရွာသွန်းနေတဲ့အချိန်မှာ ဗိုလ်ချုပ်အောင်ဆန်းအပါအ၀င် အာဇာနည်ကိုးဦးတို့ဟာ နယ်ချဲ့လက်ပါးစေ ဂဠုန်ဦးစော (အခိုင်းခံရသူ)ရဲ့ လက်ချက် နဲ့ ကျဆုံးခဲ့ရခြင်းပဲ ဖြစ်ပါတယ်။ ယမင်း သိသလောက်ပေါ့လေ နောက်ပိုင်း လေ့လာမိ သလောက်ကတော့ ဂဠုန်ဦးစောဟာ (ဟုတ်မဟုတ်တော့ မသိဘူး၊ သိတာကို ပြောပြတာနော်) ဆာတော်မန်စမစ်ရဲ့ စေခိုင်းချက်ကြာင့် အာဏာရာထူးကို မက်မောပြီး လုပ်ကြံခဲ့ခြင်း ဖြစ်တယ်ဆိုတာ သိခဲ့ရတယ်။ အင်း မြန်မာတိုင်းရင်းသားတို့အတွက် တော့ ကမ္ဘာသာကျေပြီး ဥဒါန်းကျေမှာ မဟုတ်တဲ့ နေ့လေးတစ်နေ့ပေါ့။ ပြောရရင်တော့ ၁၉၄၇ ခုနှစ်၊ ဇူလိုင်လ ၁၉ ရက်နေ့ဟာ ယမင်းတို့ရဲ့ လွတ်လပ်ရေး ပန်းတိုင်နှင့် မဝေးတော့တဲ့အချိန်အခါ သမယဖြစ်တော့မဲ့ အချိန်ပေါ့။ မိုးရာသီဖြစ်တဲ့ အတွက် မိုးရွာတာဟာ မဆန်းပါဘူး။ ဒါပေမဲ့ ထိုနေ့မှာတော့ မိုးမင်းကြီးဟာ ဒီသတင်းဆိုးကို ကြိုတင်ပဲ သိနေလို့လား ညိုသော အရောင် မှောင်တဲ့အသွင်ကို ဆောင်ပြီး တိမ်လွှာတိမ်လိပ်တို့ကလည်း မိုးကောင်းကင်မှာ ချက်ချက်ဘဲ အုံ့ဆိုင်းတက် လာတာပေါ့။ အဲဒီအချိန်မှာ မိုးသံ တချုန်းချုန်း မျက်စိတစ်မှိတ် လျှက်တစ်ပြက် အတွင်းမှာဘဲ လျှပ်စီးတွေ လက်ပြီး လေကလည်း ထန်လာတယ်။ အချိန်ကား နံနက် ၁၀ နာရီခန့် ရန်ကုန်မြို့လယ်ရှိ အတွင်းဝန်ရုံးဟာ မိုးတွေကြားမှာ လေပြင်းကို အန်တုပြီး အခိုင်အမာရပ်တည်နေတာပေါ့။ အဲ အထဲမှာ ရှိတဲ့လူတွေဟာ အချမ်းဒဏ် ကို ဂရုမပြုနိုင်ဘဲ တိုင်းရင်းသားအားလုံးအတွက် လှုပ်ရှားနေခဲ့ကြတယ်လေ။ သူတို့ဟာ အတွင်းဝန်ရုံး ပထမထပ် အလယ်ခန်းမှာ ဗိုလ်ချုပ်အောင်ဆန်း အမှူးပြုတဲ့ မျိုးချစ်ခေါင်းဆောင်ကြီးတွေပဲ ဖြစ်ပါတယ်။

အသက် ၃၃ နှစ်ဝန်းကျင်ပဲ ရှိသေးတဲ့ ဗိုလ်ချုပ်ဟာ တက်ရောက်လာတဲ့ ခေါင်းဆောင်ကြီးတွေနဲ့ ယမင်းတို့ရဲ့ နိုင်ငံအတွက် ဆွေးနွေးတိုင်ပင်နေကြတာပေါ့။ ခေါင်းဆောင်တွေဟာ နိုင်ငံ့အကျိုး၊ ပြည်သူ့အကျိုးအတွက် နေ့ညမဟူ လုံ့လထုတ်ကြ ရှာရပါတယ်။ ဒါပေမဲ့ ဇူလိုင်လ ၁၉ ရက် နံနက် ၁၀ နာရီနဲ့ ၃၇ မိနစ်အချိန်လောက် မှာဘဲ ဘယ်လိုမှ မထင်မှတ်ထားတဲ့ ရင်နင့်ဖွယ် အဖြစ်ဆိုးကြီးဟာ ရုတ်တရက် ဖြစ်သွားခဲ့ရပြီလေ။ ဆူညံစွာ မောင်းဝင်လာတဲ့စက်သံနှင့်အတူ ဂျစ်ကားတစ်စီးဟာ အတွင်းဝန်ရုံးရှေ့ကို ရောက်ရှိလာပြီး မျက်နှာဖုံးစွပ် လူလေးယောက်ဟာ ရုတ်တရက် ၀င်ရောက်လာပြီး မြင်မြင်သမျှ မည်းမည်းမြင်ရာကို လိုက်လံပစ်ခတ်တော့တာပါပဲ။ ဗိုလ်ချုပ်ဟာ ရုတ်ခြည်းထရပ်ပြီး တားရန် ကြိုးစားခဲ့ပါတယ်။ ဒါပေမဲ့ သေနတ်ကျည်ဆန်ထိပ်ဖူးဟာ ကိုယ်တွင်းကို ရောက်ရှိသွားပြီး တားမြစ်မှုဟာ မအောင်မြင်ခဲ့ဘူးပေါ့။ အဖြစ်အပျက်ဟာ မြန်ဆန်လွန်းတဲ့အတွက် တစ်ခဏအတွင်းမှာ မြင်မကောင်းအောင် သွေးချောင်းစီးသွားပါတယ်။ မျိုးချစ်ပုဂ္ဂိုလ် ကိုးဦးဟာ မျိုးဖျက်သစ္စာဖောက်၊ အသားထဲက လောက်ထွက်တဲ့သူတွေရဲ့စနစ်ကြောင့် ကျဆုံးခဲ့ရ ရှာတော့တယ်။ ပြည်သူက ချစ်သော ဗိုလ်ချုပ်ဟာ ပြည်သူ့အတွက် လုပ်ဆောင်ရင်းနဲ့ အကြံပက်စက် ဆန်ကောလောက်မှ ဇောက်မနက်တဲ့ လူတွေရဲ့လက်ချက်နဲ့ ကျဆုံးခဲ့ရလေတယ်။ ဘယ်လောက် မိုက်ရိုင်းလိုက်သလဲ။ ဗိုလ်ချုပ်နဲ့အတူ သခင်မြ၊ မန်းဘခိုင်၊ ဒီးဒုတ်ဦးဘချို၊ မစ္စတာ အဗ္ဗဒူရာဇာတ်၊ ဦးဘ၀င်းတို့လည်း အဲဒီနေရာမှာတင် သေဆုံးခဲ့ရရှာတယ်။ အဲ ဒဏ်ရာပြင်းထန်စွာ ရသွားတဲ့ မိုင်းပွန်စော်ဘွား စောစံထွန်း၊ အတွင်းဝန် ဦးအုန်းမောင်နှင့် သက်တော်စောင့် မောင်ထွေးတို့လည်း ရရှိတဲ့ဒဏ်ရာနဲ့ သေဆုံးခဲ့ရရှာတယ်။ အာဇာနည် ကြယ်ကိုးပွင့် အကြွေစောခဲ့ရလေပြီ။


ခုချိန်မှာတော့ ဗိုလ်ချုပ်တို့ရဲ့ သွေးစက်နဲ့ လမ်းခင်းပေးခဲ့တဲ့ လွတ်လပ်ရေးဟာ အထင်အရှားရှိခဲ့ရပြီလေ။ ယခုဆိုရင် ၂၀၀၉ ခုနှစ်၊ ဇူလိုင်လ ၁၉ ရက်နေ့ကို ရောက်ရှိ လာခဲ့ပြန်ပြီပေါ့။ ယမင်းလေ ရေးစရာတွေ ရင်ထဲမှာ အပြည့်ရှိနေပါတယ်။ ဒါပေမဲ့ ရင်ထဲမှာ ၀မ်းနည်းဆို့နစ်ကြေကွဲပြီး ဘယ်လိုမှ ဆက်ရေးလို့ မရတော့ဘူး။ အခု မိုးတွေ သည်းကြီးမဲကြီး ရွာနေပြန်ပြီလေ။ အာဇာနည်နေ့ကို ကြိုတင်ဦးညွှတ်ဂုဏ်ပြုနေသည့်အလား၊ ယမင်းရဲ့ရင်ထဲမှာ မေ့မရသောနေ့လေးတစ်နေ့ကို မြင်ယောင်နေမိပါ တော့တယ်။ အားလုံးတိတ်ဆိတ်ငြိမ်သက်စွာနဲ့ ကျဆုံးလေပြီးသော အာဇာနည်မျိုးချစ် ခေါင်းဆောင်ကြီးတွေကို ယမင်းနဲ့အတူ ၀မ်းနည်းပူဆွေးစွာနဲ့ပဲ ဂုဏ်ပြုကြိုဆို ကြပါစို့နော်။


ဒီပိုစ့်လေးက ကျွန်မ တင်ပြီးသား ပိုစ့်လေးတစ်ခုပါ.... ပိုစ့်အသစ်ရေးဖို့ အချိန်မရှိတဲ့အတွက် ပြန်လည် တင်ပြလိုက်ရခြင်း ဖြစ်ပါတယ်ရှင်....