5/12/2011

စာရေးဆရာ နတ်နွယ် (၁၉၃၃-၂၀၁၁) ကွယ်လွန်ပြီ

ယမန်နေ့ မနက်ပိုင်း ၁၀ နာရီ ၄၅ မိနစ်တွင် ၉၆ ပါးသော ရောဂါဖြင့်
ကွယ်လွန်အနစ္စရောက်ခဲ့ပါသည်။
ဦးနတ်နွယ်(၇၉ နှစ်) ရဲ့ဘ၀အကြောင်းများကတော့
၁၉၃၃-ခုနှစ်၊ ဖေဖော်ဝါရီလ ၁ ရက်နေ့တွင် ကချင်ပြည်နယ်၊ မြစ်ကြီးနားမြို့၌
အဖကုန်သည် ဦးဘ၀မ်း၊ အမိ ဒေါ်စောလုံတို့က မွေးဖွားသည်။
တစ်ဦးတည်းသောသားဖြစ်၍ အမည်ရင်းမှာ ဦးလှမြင့် ဖြစ်သည်။

၁၉၃၉-၄၆ - မြစ်ကြီးနား တောင်းဖန်း အစိုးရ အထက်တန်းကျောင်း၌ တတိယတန်းအထိပညာသင်ခဲ့။
၁၉၄၆-၄၉ - မန္တလေး ဗုဒ္ဓသာသနာ့နုဂ္ဂဟအထက်တန်းကျောင်း၌ တက္ကသိုလ်ဝင်တန်းအထိပညာသင်ခဲ့။
၁၉၄၆-၅၃ - ရန်ကုန်နှင့်မန္တလေးကျောင်းသားလူငယ် လှုပ်ရှားမှုများတွင်ပါဝင်ခဲ့သည်။
၁၉၅၀ - ဇွန် ၂၈ ထုတ် ဟံသာဝတီသတင်းစာတွင် ''ကျောင်းသူမ'' ကဗျာကိုရေး၍
စာပေလောကသို့ ၀င်ရောက်ခဲ့သည်။
၁၉၅၁-၅၃ - အထက်ဗမာနိုင်ငံ ကလောင်သစ်လူငယ်များ အဖွဲ့ ချုပ်အမှုဆောင်။
ထို့နောက် အတွင်းရေးမှူး။
၁၉၅၂ - ''ကမ္ဘာမြေအနှံ့'' ၀တ္ထုထွက်။
၁၉၅၃ - တက္ကသိုလ်ဝင်တန်းအောင်။ ဤနှစ်မှာပင် ရန်ကုန်တက္ကသိုလ်၌ ဆက်လက်ပညာသင်ခဲ့။
၁၉၅၃-၅၅ - စုံထောက်မဂ္ဂဇင်း အယ်ဒီတာအဖွဲ့ဝင်။
၁၉၅၄ - ''မိုးထဲလေထဲ'' ၀တ္ထုထွက် (ပထမဆုံးရေးသော လုံးချင်းဝတ္ထု)။
၁၉၅၅ - မြန်မာနိုင်ငံ စာရေးဆရာအသင်း အမှုဆောင်။
၁၉၅၆ - အပြာ၊ ချစ်သောကြောင့်၊ မျက်ဝါးထင်ထင် ၀တ္ထုများထွက်။
၁၉၅၇ - ''နှစ်ကြီးသမား'' ၀တ္ထုထွက်။
၁၉၅၇-၅၈ - အကောက်ခွန်ရုံးစာရေး။
၁၉၅၉-၆၂ - ကမ္ဘာ့ငြိမ်းချမ်းရေးကွန်ဂရက် (မြန်မာနိုင်ငံ) ဌာနချုပ် အလုပ်အမှုဆောင်။
၁၉၆၀ - ''အ၀ါ'' ၀တ္ထုထွက်။ ကမ္ဘာပတ်လည်ရက်ရှစ်ဆယ် (ဘာသာပြန်)ထွက်။
ချစ်သူရှိသောမြို့၊ ရတနာလှိုဏ် ဂူ၊ သန္တာကျွန်း(ဘာသာပြန်)၊
အနောက်မိုးကုပ်စက်ဝိုင်း၊ အပျံသင်စ စသောစာအုပ်များထွက်။ လှမြင့်
အမည်ဖြင့် အကယ်ဒမီအင်္ဂလိပ်၊ မြန်မာသရုပ်ဖော် အဘိဓာန်''ထွက်ခဲ့။
၁၉၆၁ - ''လျှို့ဝှက်သဲဖိုမဂ္ဂဇင်း'' တည်ထောင်သူနှင့် စာတည်း။
''ညဈေးတန်းအစ''၊ ''ဇာတ်သမ အလယ်'' ''တမင်သက်သက်'' ''တ၀ဲလည်လည်''
''နှမထွေးမယ့်ကိုလိုလျှင်'' ''ရှက်စဖွယ်'' (ဘာသာပြန်)
''ရွှေဖလားနှင့်မိုးခါး ရေ'' ၀တ္ထုများထွက်။
၁၉၆၁-၆၃ - မြန်မာနိုင်ငံစာရေးဆရာစာပေကလပ် အတွင်းရေးမှူးအဖွဲ့ဝင်။
၁၉၆၂ - ''တစ်ကွေ့တော့ ကြဦးမည်'' ''မှုခင်းစုံထောက် ကိုယ်တွေ့မှတ်တမ်း''၊
''မိုးညဖြူဖြူ'' ''၀င်္ကပါ'' ''တက္ကသိုလ်နှင့် ပြင်ပကမ္ဘာ''
စသောစာအုပ်များထွက်။
၁၉၆၃ - ''အမျိုးသားသတင်းစာ'' ဘာသာပြန်အယ်ဒီတာ။ ပြည်ထောင်စုမြန်မာနိုင်ငံ
စာရေးဆရာသမဂ္ဂတွဲဖက် အတွင်းရေးမှူး။
၁၉၆၄ - ''ရောမက မိန်းမပျက်'' (ဘာသာပြန်) ကျောက်ဘီလူး၊ တစ်ဆယ် (မိုးဝေ
နှင့်တွဲ) စာအုပ်များထွက်။
၁၉၆၅ - တနေ့မဟုတ်တစ်နေ့၊ အနီးအဝေး အနိမ့်အမြင့်၊ အရှေ့မိုးကောင်းကင်
(ဘာသာပြန်)နှစ်တွဲ။ အုံးအုံး ကျွက်ကျွက် စသောစာအုပ်များထွက်။
၁၉၆၆ - မြသဇင်၊ မြန်မာပြည်မြောက်ပိုင်း (အတွဲ-၁) စာအုပ်များထွက်။
၁၉၆၇ - စုံထောက်မဂ္ဂဇင်းအယ်ဒီတာ။ မီးခိုးမဆုံးမိုးမဆုံး၊
မြန်မာပြည်မြောက်ပိုင်း (အတွဲ-၂)၊ အပြာအ၀ါစ သောစာအုပ်များထွက်။
၁၉၆၈ - မိုးဝေမဂ္ဂဇင်း တာဝန်ခံအယ်ဒီတာ။ ကမ္ဘာရန်(ဘာသာပြန်)။ လကွယ်နေ့ည
စာအုပ်များထွက်။
၁၉၆၈ - ၇၃ - မင်းကျော်နှင့်တွဲ၍ ''မလိခ''အမည်ခံယူကာ ''မြန်မာ ၀တ္ထု
အညွှန်း'' အုပ်တွဲများရေးခဲ့။
၁၉၆၉ - မောင်နေ၀င်း၊ မင်းကျော်တို့နှင့်တွဲ၍ ''တော်လှန် စာပေ''
''တော်လှန်စာပေ အတွေးအမြင်'' စာအုပ်များ ရေးခဲ့။
အရှေ့စူးစူးအနောက်ယွန်းယွန်း၊ ကုသိုလ်တစ်ပဲ ငရဲတစ်ပိဿာ စာအုပ်များထွက်။
၁၉၇၀ - ''ရွှေနှင့်ယိုးမှားပန်းစကား'' ၀တ္ထုထွက်။
၁၉၇၁ - ''အပြာနှင့်အ၀ါ'' ၀တ္ထုထွက်။
၁၉၇၂ - တံခွန်တိုင်မောင်နှမများ၊ နန္ဒ၀န်သို့အပြန်၊
နန်းစပယ်နှင့်တစ်ယောက်ပြီးတစ်ယောက်၊ မျက်တောင် ကော့နဲ့ မျက်ထားညို
စသောဝတ္ထုများ၊ သီတာခုနစ်တန် တောင်စဉ်ခုနစ်ထပ်(ခရီးသွား)
သည်ခေတ်နှင့်သည်မောင် နှမများ-စာအုပ်များ ထွက်။
၁၉၇၃ - ချစ်သူနှင့်တစ်ခဏ မုန်းသူနှင့်တစ်ဘ၀၊ တစ်ယောက်က မာယာ၊
နန်းသက်မွန်နှင့် မျက်နှာစိမ်းများ၊ မသန္တာမသိပါ၊ မျက်နှာမှာအပြုံး၊
မျက်လုံးမှာဒေါသ၊ ရန်သူတစ်ရာ မိတ်ဆွေတစ်ယောက်၊ စသောဝတ္ထုများထွက်သည်။
၁၉၇၄ - ကေသရာဇာ၊ ကျွန်မအသက် သပြေခက်၊ တစ်ပင်ကို နှစ်ပင်ယှက်တယ်၊
အရုပ်နဂါး အရုပ်ကျား၊ အလည်လာတဲ့ မိန်းခလေးရယ်၊ သိင်္ဂီတစ်ဝက် ရွှေတစ်ဝက်
စသောဝတ္ထုများထွက်ခဲ့သည်။
၁၉၇၅ - မပြီးဆုံးသေးသောည၊ ပြာပြာညိုရောင် မှိုင်းတလဲ့လဲ့၊
ကျားမျက်လုံးနဲ့ကြောင်မျက်နှာ၊ ကျော်ဇေယျနှင့် သံကွန်ခြာ ခုနစ်ထပ်
စသောဝတ္ထုများထွက်ရှိခဲ့သည်။
၁၉၇၆ - နောက်ဆုံးတစ်နေ့ နောက်ဆုံးကမ္ဘာ။ နွဲ့ဝါ၊
မုန်းပင်အောက်မှာချစ်သူရှာ စသောဝတ္ထုများထွက်။
၁၉၇၇ - ကုဋေကုဋာသိန်းသန်းတန်တော့တယ်။ ဘယ် ယိမ်း ညာနွဲ့ ဘယ်ပြန်နွဲ့၊
လေကစား ကြွားတလူလူဝေ စသော ၀တ္ထုများထွက်။
နောက်ပိုင်း ခုနှစ်များတွင်လည်း ၀တ္ထုများဆက်ထွက်ခဲ့သည်။ ပင်ကိုယ်ရေးဝတ္ထု၊
အမှီးဝတ္ထု၊ ဘာသာပြန်ဝတ္ထု၊ ခရီသွား စာပေ၊ 'မိမိနှင့်စာရေးဆရာများ'
ကဲ့သို့သော ရုပ်ပုံလွှာအဖွဲ့များ ဝေဖန်ရေးစာပေ ဆောင်းပါး စသည်ဖြင့်
စာပေအမျိုးအစား အတော်စုံစုံ ရေးသားခဲ့သည်။ နွယ်နီမဂ္ဂဇင်း တည်ထောင်သူနှင့်
အယ်ဒီတာချုပ်အဖြစ် ဆောင်ရွက်ခဲ့သည်။ ''ကာရာမာဇော့ ညီအစ်ကိုများ''
စာအုပ်ဖြင့် (၂၀၀၂-ခု၊ အမျိုးသားစာပေ ဘာသာပြန်စာပေဆု) ရရှိခဲ့သည်။
ပင်ကိုရေးလုံးချင်းအုပ် ၁၀၀ ခန့် ဘာသာပြန်လုံးချင်း ၂၀ ကျော် ရေးသားခဲ့။
မိုးဇော်ဟိန်း အမည်ဖြင့်လည်း လုံးချင်းဝတ္ထု ဘာသာပြန်များ ရေးခဲ့သည်။
ကလောင်အမည်ခွဲ ၁၄ ခုခန့်ရှိသည်။

ဆရာကြီး နတ်နွယ်ရဲ့ ထင်ရှားသော စာအုပ်အချို့မှာ
(၁) မြန်မာပြည် မြောက်ပိုင်း (၂-တွဲ)

(၂) အပြာ အ၀ါ
(၃) တစ်ကွေ့တော့ တွေ့ကြဦးမည်
(၄) ကာရာမာဇော့ ညီအစ်ကိုများ (၂-တွဲ) (ဘာသာပြန်)
(၅) မိုဗီဒစ် (ဘာသာပြန်)
(၆) ရောမက မိန်းမပျက် (ဘာသာပြန်)
(၇) မိမိနှင့်စာရေးဆရာများ
(၈) သီတာခုနစ်တန် တောင်စဉ် ခုနှစ်ထပ် (ခရီးသွား)
(၉) မြန်မာဝတ္ထုအညွှန်း (မလိခအမည်ဖြင့် မင်းကျော်နှင့်တွဲရေး)
(၁၀) နွယ်နီ နိုင်ငံတကာ အဘိဓာန် (၁၉၉၄)
(၁၁) ကမ္ဘာ့ဝတ္ထုအညွှန်း (၁၉၉၆)
(၁၂) ဘ၀ဟူသည် (ဘာသာပြန်)
(၁၃) ဂျက်လန်ဒန် ၀တ္ထုတိုများ
စာအုပ် အတော်များများသည် ပုဂံစာအုပ်တိုက်မှ ထွက်ရှိခဲ့တာ များပါသည်။
ယမင်း စုဆောင်းထားသော စာအုပ်များကတော့ မိုဗီဒစ်၊ သီတာခုနစ်တန် တောင်စဉ်
ခုနစ်ထပ်၊ မြန်မာဝတ္ထုအညွှန်းပေါင်းချုပ်၊ ဂျက်လန်ဒန်၊
မြန်မာပြည်မြောက်ပိုင်းစာအုပ်တွေပဲ ဖြစ်ပါသည်။

No comments: