6/01/2010

ကျောင်းဖွင့်ချိန်

သြော် ဘာလိုလိုနဲ့ နွေ မိုး ဆောင်း သုံးရာသီမှာ ကျောင်းပိတ်ထားတဲ့ အလွန်ပူပြင်းခြောက်သွေ့တဲ့နွေရာသီဆိုတာကို ဖြတ်သန်းခဲ့ပြန်ပြီပေါ့။ ဒီနှစ်ရဲ့ နွေရာသီဟာ အလွန်ကြာမြင့်ခဲ့တယ်ဆိုပေမယ့် မိုးလေး ရွာလာပြန်တော့ သွားရလာရ စိုစွတ်နေတော့ သိပ်ပြီး မနှစ်သက်ကြပြန်ပါဘူး။ မိုးတဖွဲဖွဲကျလာသည်နှင့် မိသားစုအတော်များများ မိုးတွင်းကာလအတွက် လိုအပ်ချက်တွေကို တွေးတောလာရသည်မှာလည်း အလွန်စိတ်ညစ် စိတ်ပျက်စရာ ခေါင်းခဲစရာအကြောင်းပဲ မဟုတ်ပါလား။ ပူပြင်းတဲ့ နွေကာလကို ဖြတ်သန်းခဲ့ပြီး မိုးရေစက်တွေကို မျှော်လင့်မိတဲ့စိတ်တို့လည်း မိုးစက်တွေနဲ့အတူ ကျရောက်လာတဲ့ လိုအပ်ချက်တွေကြောင့် ရင်ထဲမှာတော့ မအေးချမ်းနိုင်ဖြစ်ခဲ့ရပြန်တယ်လေ။ လစဉ် တာဝန်ယူနေတဲ့ မီတာခကလည်း အလုပ်သွားခါနီး အမေက သမီး ဒီနေ့ မီတာခ နောက်ဆုံးနော်ဆိုတဲ့ သတိပေးချက်ကြောင့် စိတ်ရှုပ်ထွေးရတယ်။ မီးမလာတော့လည်း မီးတာခ သက်သာလားဆိုတော့လည်း သိပ်လည်းမသက်သာပြန်ဘူး။ နောက် မောင်နှမများတဲ့ ကိုယ့်ဘ၀ကိုလည်း တစ်ခါတလေ ပြန်စဉ်းစားရင် ပြည့်စုံနေတဲ့အချိန်ဆို ပျော်စရာကောင်းပေမယ့် အရာရာ ချို့ငဲ့နေတဲ့ဘ၀ရောက်နေတော့ မပံ့ပိုးနိုင်ဖြစ်ပြီး စိတ်အားငယ်ခဲ့ရတယ်။ ဟော ခု ပူပြင်းလှတဲ့နွေရာသီကို အံတုပြီး စိုစွတ်သော မိုးကာလတွင် ဆောင်းနှင့် နွေ နှစ်တွေတုန်းက စောင့်ဆိုင်းနေသော ကုန်ကျစရိတ်များသာမက နွေရာသီက ရပ်နားခဲ့တဲ့ မောင်လေးတွေရဲ့ ပညာရေးက ပြန်စလာခဲ့ပြန်ပြီ။
တစ်နှစ် တစ်နှစ် ကျောင်းစရိတ်၊ ဗလာစာအုပ်၊ ခဲတံ၊ ပေတံ၊ လွယ်အိတ်စတဲ့ လိုအပ်ချက်တွေကို စဉ်းစားနေတုန်း မောင်လေးတွေရဲ့ အလုပ်သွားမနက်လင်း မှာကြားသံက ထွက်ပေါ်လာတယ်။ မမကြီး ဘောပင်၊ ခဲတံ ၀ယ်ခဲ့ပါတဲ့။ အင်း ၀ုန်းဒိုင်းကြဲ ရွာချတတ်တဲ့ မိုးရာသီတွင်း ထီး ဒါမှမဟုတ် မိုးကာနှင့် မိုးတွင်းစီးဖိနပ်တွေကလည်း မရှိမဖြစ် လိုအပ်နေပြန်ပါလား။ ဒီကြားထဲ ကိုယ့်ရဲ့ ၀ါသနာ ပန်းတိုင်အတွက် တက်နေတဲ့ ကျောင်းကလည်း အောင်စာရင်းထွက်ပြီး ဒုတိယအသုတ်တက်ဖို့ ကျောင်းလခသွင်းဖို့ လိုလာပြန်ပြီ။ ဒီကြားထဲ ဟိုစရိတ် ဒီစရိတ်တွေကလည်း ရှိသေးပြန်သတဲ့။ ထို့နောက်.... ထို့နောက်... တွေးကြည့်ရုံမျှပင် အသက်ရှူကျပ်ချင်လာသည်။ အရင်က အလုပ် နှစ်ခုလုပ်တော့ နည်းနည်းလှဲ့သာ ချောင်သာ ရှိပေမယ့် ခုတော့ တိုင်းထွာနေရတဲ့ဘ၀ ဖြစ်နေတော့ ကက်စီးနည်းတယ်ပြောလည်း မချိပြုံး အခါခါပြုံးရင်း ရင်ထဲမှာ အကြိမ်ကြိမ်ငိုနေမိတာလည်း ဘယ်သူမှ မသိခဲ့ဘူး။ ဘယ်အရာမဆို အားလုံးအတွက် ဖြည့်ဆည်းပေးချင်တဲ့ စိတ်ကို မနည်းချိုးနှိမ်ရင်း ရေအလှူလည်း လှူချင် ပရဟိတလည်း လုပ်ချင်နေတဲ့ ငါ့ရဲ့အဖြစ် တော်တော်များ ရယ်စရာကောင်းနေသလား။ ကိုယ့်ဘ၀တောင် မပြည့်စုံတာ သူများ ကူညီချင်နေတဲ့စိတ်ကိုလည်း တားဆီးလို့ မရခဲ့ပြန်ပါဘူး။
ကျွန်မ ငယ်စဉ်က မိဘများက မည်သို့ ကျောင်းထားပေးခဲ့သည်မသိ။ အခုအရွယ်ရောက်လာတော့ ပညာရေးအတွက် လိုအပ်တဲ့ အချက်အလက်တွေကို သိရှိနားလည်လာရတယ်။ ခုထိလည်း ပန်းတိုင်လျှောက်နေဆဲ ဘာမှမလုပ်ရင်လည်း ဘာမှမဖြစ်ဘူးဆိုတဲ့ အသိ သူများနောက်မှာ မနေချင်တဲ့ကိုယ့်ရဲ့စိတ် ဒါတွေ ပြန်တွေးကြည့်မယ်ဆိုရင် ငယ်ငယ်တုန်းက အဖေပြောတဲ့စကားကိုလည်း ပြန်ကြားယောင်နေမိတယ်။ "သမီး ရှိလို့ ကျောင်းထားပေးတာ မဟုတ်ဘူး။ တတ်စေချင် တော်စေချင်လို့ သူများနောက်မရောက်အောင် နောက်ပြီး ပြောသေးတဲ့စကားက ငွေကြေးချို့တဲ့ဘ၀ဆိုတော့ ပညာပဲ အမွေပေးနိုင်မယ် သမီး "ဆိုတဲ့ စကားတွေ  တစ်ဘ၀လုံးအတွက် လူဖြစ်စေဖို့၊ ပညာဟာ လူတစ်ယောက်ရဲ့ဘ၀ကို ဘယ်လိုပုံဖော် ပြောင်းလဲပေးနိုင်စွမ်းရှိတယ်ဆိုတာ သိလို့ ခုအရွယ်မှာ နားလည် သဘောပေါက်လာမိတယ်။ ဘယ်လိုပဲဖြစ်ဖြစ်လေ ဘ၀ဆိုတာ ရှိနေသရွေ့ ပန်းတိုင်ဆိုတာ လျှောက်စမြဲပေါ့။ ဒီလိုပဲ ကိုယ့်အတွက် လိုအပ်ချက်တွေရှိသလို မိသားစုမောင်နှမအတွက်လည်း လိုအပ်ချက်တွေကို တစ်စိတ်တစ်ပိုင်း တတ်နိုင်သရွေ့ တစ်ဖက်တစ်လမ်းကနေ မိဘကျေးဇူးအကြေ မဆပ်နိုင်သေးပေမယ့် ပံ့ပိုးကူညီမှုနဲ့ ကျွန်မ ရှေ့ဆက်လျှောက်ရဦးမှာပါလားလို့ မိုးလေးစိပ်စိပ် အေးချမ်းမှုတွေ ပေးစွမ်းနေပေမယ့် ပူလောင်နေတဲ့ ရင်တစ်စုံနဲ့ ကျွန်မ တွေးတောနေမိပါရောလား။

ဇာတ်ခုံပေါ်ကလူ

မမကြီး ပြန်လာတဲ့အခါ
သားဖို့ မုန့်ဝယ်ခဲ့နော်လို့
မောင်ငယ်က မှာ....
ဝယ်ခဲ့မှာပေါ့လို့
အပြုံးတစ်ဖဲ့နဲ့ စကားဆိုဆဲ...
သားဖို့ ဘောလ်ပင်ဝယ်ခဲ့နော်လို့
မောင်အလတ်က ထပ်မံဆို...
အပြုံးစရဲ့ မပီပြင်ဝိုးတ၀ါးနဲ့
နံနက်ခင်း အလုပ်သွား
မောင်အကြီးက အိမ်ပေါက်ဝက ဆီးကြိုပြော
မမ သားကို မုန့်ဖိုးပေးပါဦးတဲ့။
သြော်... မပြည့်စုံတဲ့ ငါတို့ဘ၀
ရင်နာရပါဘိ
ငါ့ရဲ့မိသားစု ပြည့်စုံအောင်
ငါ မစွမ်းဆောင်နိုင်သေးပါလား
မိဘအပေါ် သားသမီးဝတ်
မကျေသေးတဲ့ ငါ့ကိုငါပဲ
စိတ်ဆိုးရမှာလား
ကံကြမ္မာကိုပဲ
အပြစ်ဖို့ရမှာလား
ငါ့ကို ငါလည်း ဝေခွဲခက်စွာ
လောကကြီးရယ်
တစ်ခွန်းလောက် ပြောလှည့်ပါဦး....

4 comments:

ကျဆိမ့် said...

ကိုယ်ချင်း စာမိပါတယ် ကျွန်တော်လည်း မိသားစုမှာ အကြီးဆုံးဆိုတော...ကျွန်တော်ကတော​ ဘယ်သူကို
မှ အပြစ်မဖို တောပါဘူး.....

CalmHill said...

ဖတ်ပြီးတော့ အတော်လေး အကြောင်းအရင်း တိုက်ဆိုင်တော့ ကိုယ်ချင်းစာမိပါတယ် ငယ်ကတည်းက အဖေလုပ်သူက ပညာကလွဲရင် မင်းကိုငါ ဘာမှအမွေပေးဖို့ စိတ်ကူးမရှိဘူးဆိုပြီး သူမရှိတော့သည့်တိုင် ဒီအချိန်အထိ ပညာပဲသင်စေခဲ့တာ အခုတော့ ပညာကိုပဲ အရင်းပြုပြီးတော့ ကျန်နေသေးတဲ့ အမေကို ကျေးဇူးဆပ်ဖို့ ကြိုးစားနေရတယ် မပြီးသေးတဲ့ တာဝန်အဖြစ် ညီမဖြစ်သူကို ပညာပဲအမွေပေးနိုင်ဖို့လည်း ထပ်ပြီးကြိုးစားနေပါတယ်။

vanko said...

မင်္ဂလာပါခင်ဗျာ။ အလည်လာသွားတာကျေးဇူးတင်ပါတယ်။
ကိုယ်တိုင်မပြည့်စုံသေးပေမယ့် သူများကို ကူညီချင်တဲ့ မွန်မြတ်တဲ့စိတ်ထားကိုလည်း လေးစားမိပါတယ်။ မရှိလို့ မလှူ၊ မလှူလို့ မရှိဆိုတဲ့ လူကြီးတွေစကားကို သတိရမိတယ်။ ကိုယ်တိုင်လည်း ရုန်းကန်ရင်း ကိုယ့်ထက်ပိုလိုအပ်နေသူတွေကိုလည်း တက်နိုင်သမျှ ကူညီရင်း မိဘကျေးဇူးတွေဆပ်ရင်း လောကကြီးထဲမှာ တန်ဖိုးရှိတဲ့ လူသားတစ်ယောက်အဖြစ် ပျော်ရွှင်စွာ နေထိုင်နိုင်ပါစေ...။

vanko
http://pannzagar.blogspot.com

Unknown said...

မမ ယမင်းရေ ကိုပြည့် ကိုဖိတ်မထားပင်မဲ့
ကိုပြည့်လာလည်သွားတယ်နော်..မမ ကဗဟုသုတတော်တော်စုံတာပဲ..အော်
ကိုပြည့် ဆန္ဒစိတ်ကူး ဆိုတဲ့ ကဗျာလေး
ကြိုက်လို့ ကူးယူသွားတယ်........
ကာလာ အကြောင်းရှင်းပြထားတာလဲ..
ကျေးဇူးတင်ပါတယ်နော်...ကိုပြည့် အခု
Desidn ပညာကိုသင်နေတာလေ........
မမ ယမင်းတစ်ယောက် အမြဲတမ်းပျော်ရွှင်နေပါစေ....