10/24/2009

မြန်မာပြည်မြောက်ပိုင်းစာအုပ်ပြန်လည်မိတ်ဆက်ပွဲနှင့် အမျိုးသမီး ထုတ်ဝေသူများ စာအုပ်ဈေးရောင်းပွဲ

ဒီနေ့မနက် စာအုပ်အရောင်းလက်မှတ်ထိုးပွဲတစ်ခုကို အင်းဝစာအုပ်တိုက်
ပထမထပ်မှာ မနက် ၉ နာရီမှာ ကျင်းပတာကို ရောက်သွားခဲ့ပါတယ်။ စာအုပ်တိုက်က
ပုဂံစာအုပ်တိုက်မှ ထွက်ရှိခြင်း ဖြစ်ပြီး စာအုပ်အမည်ကတော့
မြန်မာပြည်မြောက်ပိုင်းစာအုပ်ဖြစ်ပါတယ်။ လေးကြိမ်မြောက်
ပြန်လည်ထုတ်ဝေထားကြောင်း တွေ့ရပါတယ်။ အရင် ထုတ်ဝေတဲ့စာတွေအပြင်
ထပ်မံရေးသားထားချက်များကိုပါ ပေါင်းစုထားကြောင်းနှင့် ဦးနတ်နွယ်သည်
ကျန်းမာရေးမကောင်းပေမယ့် စာဖတ်သူ ပရိသတ်များကို လက်မှတ်ထိုးပေးဖို့
စောစီးစွာ ရောက်ရှိလာခဲ့ပါတယ်။
နောက် တစ်ဖွဲဖွဲနှင့် စာရေးဆရာများ စုံလင်စွာ တက်ရောက်ကြောင်း
တွေ့ရှိရပြန်ပါတယ်။ ခဏကြာတော့ ဆရာ ဆင်ဖြူကျွန်းအောင်သိန်း ရောက်လာပါတယ်။
နောက် ဦးမိုးသူတို့၊ ဦးတင်စိန်(ပထ၀ီ)တို့၊ ဘာသာပြန်ဆရာများလည်း
တက်ရောက်လာပါတယ်။

နည်းနည်းကြာတော့ ဆရာ ပါရဂူသည် မနိုင်တနိုင်နဲ့ နှစ်စဉ် ငါ့ကို
နှိပ်စက်တယ်ပြောပြီး ရောက်ရှိလာခဲ့ပါတယ်။ နောက် ဆရာ ချစ်ဦးညိုကလည်း
မဟေသီနဲ့အတူ အခမ်းအနားကို အမြဲတက်ရောက်တဲ့ ၀တ်မပျက် တက်ရောက်လာခဲ့ပါတယ်။
ခဏကြာတော့ MRTV 4 မှ သတင်းယူဖို့နဲ့ ဂျာနယ်များမှ အင်တာဗျူးများလည်း
တစ်ဖွဲဖွဲနဲ့ စည်ကားသိုက်မြိုက်စွာ တွေ့ရှိရပါတယ်။
ပုဂံစာအုပ်တိုက်သည် မြန်မာမှု မြန်မာစာပေများကို သေသပ်လှပစွာနဲ့
အရည်အချင်းများကို ပြန်လည်ဖော်ထုတ်ခဲ့တာ ခုဆိုရင် ၂၀၀၃ - ၂၀၀၄
ခုနှစ်မှစပြီး ပြန်လည်အသက်ဝင်လာခဲ့တာဟာဖြင့် ခုချိန်တိုင်အောင်ပါပဲ။
ပုဂံစာအုပ်တိုက် စတင်တည်ထောင်ခဲ့တာဆိုရင် ၁၉၆၂ ခုနှစ်ထဲကလို့
ပြောရမှာပေါ့။ မိဘလက်ထက်ကနေ သားသမီးလက်ထက်ထိတိုင်အောင် မြန်မာစာပေ
အရေးအသားများ ပြန်လည်ဖော်ထုတ်ခဲ့တာ အလွန်တရာမှ ၀မ်းသာစရာ ကောင်းလှပါတယ်။
ယခုလည်း မြန်မာပြည်မြောက်ပိုင်းသည် မြန်မာသူမြန်မာသားများ အလွန်တရာ
ဖတ်မှတ်သင့်သော စာအုပ်ကောင်းတစ်အုပ်ဖြစ်ပါတယ်။
မသိမမှီတာတွေကို ဒီစာအုပ်ထဲမှာ တွေ့ရှိရခြင်းဟာ အလွန်တရာမှ
အဖိုးမဖြတ်နိုင်အောင် တန်ဖိုးကြီးမားလှပါတယ်။
မြန်မာပြည်မြောက်ပိုင်း စာအုပ်သည် တန်ဖိုးက ၁၀၀၀၀ ကျပ် ဖြစ်ပါတယ်။
ခုလက်ရှိတော့ စာအုပ်ဈေးရောင်းပွဲအတွင်း ၀ယ်ရင် ၈၀၀၀ ကျပ်နဲ့
ရောင်းချနေပါတယ်။
စာအုပ်ပြန်လည်မိတ်ဆက်ပွဲနှင့် အမျိုးသမီး ထုတ်ဝေသူများ
စာအုပ်ဈေးရောင်းပွဲလည်း ဖြစ်ပါတယ်။
ပုဂံစာအုပ်တိုက်၊ ပြုံးစာပေ၊ ဇွန်ပွင့်၊ ရန်အောင်၊ ရန်အောင် ၂၊
ကံ့ကော်ဝတ်ရည်၊ မျိုးဆက်သစ်၊ နေရီရီ တို့ ဖြစ်ပါတယ်။
၂၄၊ ၁၀၊ ၂၀၀၉ မှ ၂၈၊ ၁၀၊ ၂၀၀၉ ရက်ထိ အင်းဝစာအုပ်တိုက် ပထမထပ်တွင် မနက် ၉
နာရီမှ ၅ နာရီအထိ ရောင်းချလျှက် ရှိကြောင်း သတင်းရရှိပါတယ်ရှင်။

1 comment:

နေ့အိပ်မက် said...

အီး စာအုပ်ပြပွဲအသံကြားရင် ရန်ကုန်ပြန်ချင်တယ်...