1/08/2009

မိတ်ဆွေစစ်


ကဗျာကိုစပ်တော့ စပ်လိုက်တာပဲ သူငယ်ချင်းရေ.... ဘယ်သူကို စပ်မိမှန်းမသိဘူးဖြစ်သွားတယ်။
ဒီတော့ ငါနဲ့ နေရာမတူတဲ့သူ နင်ဖတ်မိရင် ခုဖတ်သောသူ  နင်ကို ငါ ပြောတယ်လို့ မှတ်ပေးပါ သူငယ်ချင်းရာ...

သူငယ်ချင်းရေ...
ကြုံဆုံလာကြ ဒီဘ၀
ရေစက်ဆုံစဉ် တစ်ခဏ
နင်နဲ့ငါဟာ ချိန်ခါရက်ညောင်း
နှစ် လ ဟောင်းက အကြောင်းမလျော်
ကွဲကြသော်မှ မတော်တဆ
ကံပစ်ချ၍ နင်က နိုင်ငံခြားရောက်
ငါက ငါ့မြို့လေးတွင်ရှိခဲ့ရင်လဲ
တစ်ချိန် တစ်ကွေ့
ဘ၀တစ်ကွေ့မှာ
ကံကြမ္မာ အလှည့်အပြောင်းကြောင့်
မတူညီတဲ့ မျဉ်းပြိုင်နှစ်ကြောင်း
လျှောက်ခဲ့ရင်လဲ
ငါနဲ့ ကြုံစဉ် မကြည်မျက်နှာ
ဒေါမာန်နဲ့ကြည့် အထက်စီးဖြင့်
မကြည့်လေဟု
ငါ မျှော်မှန်းသည် သူငယ်ချင်း...

မိတ်ဆွေတု မိတ်ဆွေယောင်တွေဟာ ကျွန်မတို့ရဲ့အရိပ်နဲ့ တူပါတယ်။ နေရောင်မှာ ကျွန်မတို့ သွားလာတုန်းမှာ ကျွန်မတုိ့နဲ့အနီးကပ်ရှိကြပါတယ်။ ဒါပေမဲ့ အရိပ်ထဲဝင်သွားတာနဲ့တစ်ပြိုက်နက် ကျွန်မတို့ကို ထားခဲ့ပါလေရော။
လူသားအချင်းချင်း ခင်မင်ရင်းနှီးပေါင်းဖော်ခြင်းဟာ ထာဝရ တည်မြဲပြီး အဆုံးမရှိ တည်တံ့ပါတယ်နော်။ မိတ်ဆွေစစ်ဆိုတာ အတော်ရှားပါတယ်။  ငယ်တဲ့အရွယ်မှာ မိတ်ဆွေတွေရှိတာ ကောင်းပါတယ်။ ဒါပေမဲ့ မိတ်ဆွေတွေဟာ ဘယ်အချိန်မှာ အစစ်ကို
ရှာဖွေတွေ့ရှိမှာလဲ။ လူတွေက အပေါ်ယံပဲကောင်းပြီး အတွင်းစိတ်က မပါတဲ့ မိတ်ဆွေတွေတော့ မလိုချင်ပါဘူးလေ။ 

အကောင်းဆုံး ကြည့်မှန်ဆိုတာ မိတ်ဟောင်းဆွေဟောင်းတစ်ယောက်ပါပဲတဲ့။ တစ်ဦးနဲ့ တစ်ဦး ခင်မင်လေးစားတဲ့စိတ်ဟာ အဆင့်အတန်းမြင့်မားတဲ့ စိတ်ထားဖြစ်တယ်လေ။
မိတ်ဆွေစစ် မိတ်ဆွေမှန်ဆိုတာ ဘယ်သူတွေကိုခေါ်တာလဲ။ ဘယ်လိုကြောင့် မိတ်ဆွေစစ်တွေလို့ ပြောနိုင်တာလဲ။
မိတ်ဆွေဆိုတာ များလေကောင်းလေလို့ ဆိုပေမဲ့ မိတ်ဆွေစစ်ဟာ အင်မတန်ရှားပါတယ်လေ။ တစ်ခါတလေကျတော့လည်း မိတ်ဆွေဆိုတာ မရှိမဖြစ်လိုအပ်သလို တစ်ခါတလေကျတော့လည်း မိတ်ဆွေတွေဟာ ကိုယ်ကို နာကြည်းမှုကို ပေးတတ်ကြပါတယ်။ ကိုယ်အဆင်ပြေနေတဲ့အချိန်မှာ မသိသာပေမဲ့ ကိုယ်အခက်အခဲနဲ့ ကြုံလာတဲ့အခါမှာတော့ တော်တော်ကို သဲသဲကွဲကွဲ သိမြင်လာရပါတယ်။ ၀မ်းလည်း သာသလို ၀မ်းလည်းနည်းမိပါတယ်။ တချို့က ရင်ထဲမှာ မပါပဲနဲ့ ဟန်ဆောင်ပြီး ဆက်ဆံတတ်ကြလို့ပါပဲ။ လူတိုင်းလူတိုင်း မိတ်ဆွေစစ်ကို လိုလားမိကြမှာပါ။ အဲဒီထဲမှာ ကျွန်မလည်း အပါအ၀င်ပေါ့။ တောင်းတတိုင်းသာ ရမယ်ဆိုရင် အစစ်ပဲ လိုချင်တာပေါ့လေ။ ဟုတ်ဘူးလား။ မိတ်ဆွေတို့ကော စဉ်းစားမိရဲ့လား။ ငါဟာ မိတ်ဆွေဘယ်နေရာမှာ ရှိနေသလဲလို့ပေါ့။ ကျွန်မကတော့ အားလုံးအတွက် မိတ်ဆွေကောင်းပဲ ဖြစ်ချင်ပါတယ်။





5 comments:

ကောင်းကင်ပြာ said...

မိတ်ဆွေကောင်းတစ်ယောက်ပဲဖြစ်ချင်ပါတယ်ယမင်းရေ

မသက်ဇင် said...

ယမင်းရေ---
သတိတရလာလည်ပါတယ်---
၂၀၀၉ နှစ်သစ်နှင့်အတူ ပျော်ရွှင်ချမ်းမြေ့ပါစေ----

thihanyein said...

ကဗျာလေးကိုကြိုက်သလို အောက်ကရှင်းထားတာလေး
ကိုလည်း မှတ်သားသွားပါတယ်အမရေ
ပျော်ရွှင်ပါစေခင်ဗျာ

သီဟညိမ်း

အရုပ်ကလေး said...

ကဗျာထက် ရှင်းပြထားတာလေးကို ပိုမိုကြိုက်နှစ်သက်မိပါတယ် ..

အရိပ်လေးနဲ့ အစားထိုး သုံးနှုန်းထားတာလေး
မှတ်သားသွားတယ် ..။

နေ့အိပ်မက် said...

သူငယ်ချင်းကောင်းလိုချင်ရင် ကိုယ်လည်း သူငယ်ချင်းကောင်းဖြစ်အောင် နေရတယ်တဲ့... ကြားဖူးတာ ပြောတာပါ.. နေ့အိပ်မက်အတွက်တော့ သူငယ်ချင်းဆိုတာ တစ်ကိုယ်ကောင်းမဆန်ဖို့ အရေးအကြီးဆုံးလိုပဲ.. :)